لمتنا السورية اهلا وسهلا فيكم لشهر رمضان 1432

روح عامر الله يسلمك بارب شو بدنا نساوي اتعودنا هو بيلتهى بشغله وانا بالبيت والاولاد
الزعيم عم يطلع على الام بي سي الساعة 11 المسا والله هو المسلسل الوحيد يلي عم شوفه اولادي مو مخليين الي دور بيضلوا بيتفرجوا عالاطفال
وبالنسبة لبنتك الله يعينك ويقويك والله ارتحت كتير بفطامة هدى الحمدلله

يالله باي لروح كمل نوم قبل يصحوو ولادي ههههههههه سلامي للجميع والله يتقبل صيامكم وقيامكم يارب

السلام عليكم كم كم كم كم (( الصدى يعني )) مااااااااااااااافي حدا وينكم

روح عامر تسلميلي يارب والله عم انزلكم هالوصفات قلت بتشاركوني بس مافي حدا منكم كلكم مشغولات الله يقويكم
بخصوص بنوتك عادي هما هالثلاث شهور اصعب شي والبيبي بكون دائما ممغوص فالله يقويكي

سورية اهلين حبيبة قلبي كيفك اليوم مع الاطافيل
اكيد زوجك نايم وبعد شوي رايح الله يعينك ان شالله انا زوجي نايم نوووم الهنا هههههه

يالله اتفضلوا جبتلكم اليوم صحن تسقية بسمنة بتجنن على كيف كيفكم اتفضلوووووا



ومن الحلويات مانسيتكم يعني شم ولا تدووق خخخخخ

اتفضلوا قطايف عصافيري بالقشطة



وعملت كم حبة ستاتي بالجوز لابو محمود .... اتصدقوا غصيت لبيرل بتحب الجوز يارب تكون بخير هي ومون ولولو وكل الصبايا الغياب



وغدا نلتقي ان شاء الله

اي شو هالاكلات والله شي بيجوع الله يسلم هالايدين وصحتين وهنا
رمضان ب سوريا غير
الزحمة والعجقة وبياعين السوس والمعروك بكل مكان وبعد الافطار كنت روح عالجامع نصلي التراويح قديش كانت ايام حلوة
هالسنة رمضاني غير اكيد مع جوزي كتير حلووووووووو بس بالامارات ما متل بسوريا بس الحمد لله ع كل حال
كنت اعمل السوس عند اهلي ويصير كتير طيب هلا ما بعرف ليش ما عم يصير معي
انا كتير مشتاقة لأهلي ما كنت بعرف انو الغربة هيك كنت مفكرة ما رح اشتاق لحدا
وهلأ عم دووب من الشوق
الحمد لله بس انا كتير مبسوطة مع جوزي لانو ما في حدا فوق راسنا عم ينق(فهمتو علي:D)
سلامي للجميع هاي فشة خلق صغيرة تحملوني

مرحبا بنات كل عام وانتو بخير ورمضان كريم عجميع ومباركة اللمة الجديدة
موووووووووووووووووووووووووووووووووووه موووووووووووووووووووووووووووووووووه :K::K::K::K:هدول بوسات الرجعة من السفر
لانه رجعنا لقواعدنا سالمين الحمد لله انبسطنا كتير واشتهيت اللكل معي وخصوصي بجمعاتنا انا وشامة بس كان فيها علة وحدة الاجازة انها خلصت بسرعة ههههههههههه
وصلنا اول ليلة برمضان بس كان الشغل لفوق فوق راسي
مبروك عروسة سبحان الله بين يوم وليلة صرتي مدام هههههه يارب تكوني مبسوطة ومايتغير عليك الجو والعيشة
>سورية ودمشقية اشتقتلكم كتير
كاتي يسلمو هالايدين على هالافتتاحية والله يجعله شهر خير على الجميع
روح عامر الله يخليلك جوزك وبنوتك وفشي قلبك حبيبتي نحن مين النا غير بعض لنفش خلقنا والله معك حق كلشي بسوريا غير الله يفرجها علينا وترجع سوريا احسن من اول يارب
سمورة مبروك البيبي ويتربى بعزك والله يفرجها عجميع يارب ويهدي البال والله بلدنا جنة ومابتستاهل يلي عم يصير فيها
شامية كيفك وكيف سلومة اكيد صار شغلة الله يحميه
كل البنات الغايبات اشتقتلكم يارب تكونوا باحسن حال

شامة بتسلم عليكم كتير وحدة وحدة
وبالنسبة للاوضاع بسوريا الحمد لله من فضل ربي ومن شدة حبي بسوريا وبشام تحديدا الله ماكتب علي شوف ولا شي مو منيح فيها ابدا
مع انه كنا اذا مو كل يوم رحنا على حرستا لعند شامة فيوم ايه ويوم لا ومع كل هاد ماشفنا شي
وحققت امنيتي وامنيت ولادي وطلعنا بمسيرات مؤيدة وحملنا علم بلادنا وبكينا من قلبنا من شدة حبنا لوطنا ولعلمنا الله يحمي بلادنا ويديم افراحها ويجازي كل واحد بيريد الشر لاهلها اوحتى لذرة من ترابها

بكرة عازمة بيت حماي على الفطور دعولي الله يقويني ويبيض وشي
شو هالاكلات يلي بتفتح النفس يا دمشقية يسلم يديكي ويدين حماتك وياريت تكتبيلي طريقة الكرابيج لانه شكلها بيشهي

مسالخيرات والليرات على الحلوات والغايبات

روح عامر اااه اي والله رمضان ببلدنا غير سبحان الله كل واحد بحن لبلده الله يفرجها عليهم وعلينا يارب
انا السنة الماضية قضيت عشرين يوم برمضان كتير انبسطت ورجعت وقتها للايام الحلوة حتى ولادي فرقت معهم وانبسطوا اكتر شي
على المسحر يستنوه استنية
الله يرجع هالايام الحلوة عليهم ويحمي هالبلد وترجع متل ااول واحسن ياارب

يالله طيب شاركينا وحطينلنا شي اكلة حلوة من عندك واعزمينا ههههه

مية اهلين بنووووووووووووور العين لولو خانم الف الحمد لله على سلامتك ياقمر والله نور الشات واشتقنالك اكتر اي والله

انبسطلك كتير بهالنزلة والحمد لله اللي شامة بخير الله يحميها يارب هي وشامية بمنطقة حساسة الله يفرجها على الجميييع يارب
اه يالولو والله قلوبنا هنيك وعقلنا ماعاد يتحمل اللي عم نسمعه ونشوفه بقى الله يصطفل بللي كان السبب وحسبي الله ونعم الوكيل
احسن شي

وتسلميلي يالولو يالله انا كمان عم استنى اكلاتك الطيبين ماشالله عنك نفسك بالاكل حلو وهالشي واضح وباين من كل الصور والاكلات اللي كنتي تحطيهم بقى لا تخافي وجهك ابيض حبيبة قلبي والله يقويكي على طول بلشتي عزايم المفروض هنن يعزموكي اول
ولييييييييي على قطاطهم (( حاسة حالي متل زهزهان ولي شو بلعي خخخخخ ))

اي تؤبشي قلبي الكرابيج ياكربوجة مقاديرها كالتالي

بتحطي عيار الطحين اللي بدك ياه وملعقة صغيررررررررررررررة خميرة شي بسيط يعني وملعقة صغيرة سكر وشوية مي وشوية زيت يعني سلامة عرفك
انها تصير عجينة ظريفة وناعمة وبتحطيلها قدر ملعقة صغيرة محلب وملعقة صغيرة يانسون والاتنين بدهم يكونوا ناعميييين كتير حتى ييمتزجوا مع العجينة تمام وممكن تحطيلها حبة البركة ازا بتحبي
وبس تتركيها خمس دقائق مو اكتر وبتبلشي تقطعي قطع صغيرة وتشكليها على المصفاية من برا حتى تاخد شكل الكرابيج
وبتقليها بزيت عميق وحامي وبس تتحمر متل العوامة بتحطيها بالقطر وصحتين وعاااااااااااافية

يالله اتفضلوا ومدوا ايدكم صورت عالسريع اللي لحقته قبل مايشوفني زوجي ويضحك علي خخخخخخ

صحن فتوش من ايدين ابو محمود هو عملوا بحب يحط كل شي خضار بتخطر ببالكم عاد سموه فتوش اللي بدكم ياه



فطاير وسمبوسك مشكلة من ايدين سورية حبيبة قلبي



وفطاير سبانخ



وهي الحلا اليوم اتفضلوووووووووووو بس ناقص فنجان القهوة

http://www.3roos.com/files/ups/2011/277227/01312745403.jpg

http://www.3roos.com/files/ups/2011/277227/11312745403.jpg

http://www.3roos.com/files/ups/2011/277227/21312745403.jpg

الله يسعد اوقاكم يارب
روح عامر الله يهون عليكي وعلينا هالغربة يارب
لك مية اهلا ومية سهلا بلؤلؤة خانم الحمدلله عى سلامتك وحشتينا كتير
الحمدلله يلي ماكتبلك تشوفي شي وكانت رحلتك حلوة الله يحمي سوريا يارب ويحمي اهلها
وامانة سلمي على شامة وقليلها تطل علينا
دمشقية حبيبة قلبي الله يسلم هالديات ياحق ويسلم ايدين ابو محمود لساكي ممغوصة طمنيني
اهلين لولية ست الكل وانتي وبناتك بالف خير وصحة وعافية يارب
وغرفتك بسم الله ماشاء الله بتجنن هادية ورايقة ياعمي انتي ام الذوق ان شاء الله بتتهني يارب

يسعد صباحكم جميع غيبة طويلة بس بتعرفو مشاغل رمضان وخصوصي بسورية طبعا الي رجعة طويلة بس مريت سلم عليكم

ياصباح الخير رجعت ومالاقيت حدا رد بغيابي كيفكم ؟ كل عام وأنتو بخير جميع
أول شي ألف ألف مبروك لعروتنا وبانتظار مواضيعك الخاصة عن ترتيبات عرسك بما أنك كنت معيشتينا بالجو كملي معنا ورجينا الباقي

لؤلؤة ألف الحمد لله على سلامتك والحمد لله يلي انبسطتي برحلتك بس طلعت شامة جارتنا بحرستا خبريني وين ساكنة أختك بأي مكان ؟؟ ومنشان سلومة رح ابعتلك الصور يلي بعتن للبنات

دمشقية تسلم ايديك شو هالأكل الظريف صحتين وعافية أنا بكرا جاية لعندي بيت حماي وبيت سلفي واليوم بدي حضر عالخفيف كم شغلة
سورية كيف رمضان معك طمنيني وكيف هدى عالفطام ان شالله ماعم تضوج عالرضاعة

لولية يسعدلي أوقاتك كيفن عرايسك وبالنسبة لغرفتك ما اشء الله كتير كتير رايقة وحلوة ياستي شو بدنا بالحكي فعلا متل ما قالت سورية انت أم الذوق بكل شي تياب ومكياج وديكور وأكيد لسا في مواهب مخباية الله يهنيك يارب

روح عامر كيفا بنوتك طمنيني ومشان سهرلك الليالي أنا عانيت تلات شهور من المغص تبع ابني بشهادة البنات ماخليت دوا ولا وصفة ما جربتا بس عالشهر الرابع استقرت أمورو الحمد لله

مرحبا صبايا كيفكون شو اخباركون؟؟ اشتقت لك كتير
مبروووك عروسه الله يهنيكي وعقبالي يارب
رمضان كريم عالجميع
وصحتين وهنا دمشقيه يسلم دياتك

صبايا بدي ياكون تعزروني الفتره الماضيه ماقدرت فوت عالنت اعصابي تعبت من ياللي عم يصير باهلنا هنيك ماعدت قادره اتحمل
بس هلاء انا مبسووووووووووووطه كتير وعم نطنط بالبيت
مبرووووووووك عليي وعليكن وعالشعب السوري تحرك الامه مشاننا
شفتوا الخطاب امبارح تبع الملك عبدالله الله محييه
وهاي اول بشاير الخير
وان شاء الله هانت كلها كم يوم ومنخلص الحمدلله الحمدلله
انما يوفى الصابرون اجرهم بغير حساب
الله ينتقم منهن يارب وينصرنا
حسبي الله ونعم الوكيل الله يصطفل فيهون ياحق
مفكرين ماحدا راح يحاسبهون
الله كبيــــــر