بيتنا الرابع عشر..بيت فرش ومفرفش ومن النظافة منتعش..لشهر رجب

مسائكم سعيد بإذن الله
كيف احوالكم؟
يومياتي لامس متعبه ضغظت على نفسي وخلصت الكوي
وكنست وماسويت غداء سخنت غداء قبل امس بس العيب
فيني مااحب أكل اي شي بايت
صلحت لي تورتيلا واكلو معي
وكنت طوال الوقت احس بماغص غريب!!!
وتروشت وحفيت بعض جسمي وانا اتمغص أستغفر الله تقول مغصوبه!!!
سويت معي مكرونه باشاميل وأخذتها معي اهلي
ماكملتها تعبت كملتها عند اهلي
بس سلقتها وحطيت اللحمه المفرومه مسويتها قبل بيوم
ويوم رحت اهلي الله لا يوريكم طوال الوقت اتسدح وكبدي توجعني
توقعت اخف بس كل ماللالم يزيد
جيت بيتي واتسدح وماجاني نوووم ارق غير طبيعي
والله مانمت زين من امس
فمت وانا كسلاااااااااااانهوتعبانه تغدينا من برا
وجيت اروق شوي عشان انسى الالم
شكلي باروح أشوف وضعي ماغص مع طلوق خفيفه
واليوم كنت ناويه اروح لجدتي بس
مااقدر بأجلها ليوم ثاني
دعواااااااااااااااااااااااااااااااااااااااتكم
.....................................................

لمعه الماس
هلا وغلا بالجاره

ان شاء الله لي رجعه بيومياتي
راجعه لشقتي بعد شوي

مساء الخير ،

اليوم قمت انا وعيالي ١ ونص الظهر ،

صليت الظهر ، وصلحت لهم عصير فواكه

مشكله ، وبسكوت ، وجلست عند ماسة المجد

اليييين العصر ، دقيت على بنت جيراننا عشان

تطلب لنا من البقاله ، زوجي يرفض اننا نطلب وهو مو موجود

وانا بعد اخاف ان العامل يفطن ان ماعندنا احد

صرت اخليها تطلب لنا وارسل لها الفلوس واخذ

الطلب ، وجابت لعيالي بساكيت وحلويات ،

تفشلت منها ، وقمت طلعت سمبوسه وقليتها وصفيتها

في صحن وزينتها بليمون وارسلت لهم ،

تصدقون توني اتعرف عليهم ، هم اهل البيت وامهم

مريضه ، من ٢٠ سنه ، يقولون كانت ترقص في زواج

وطاحت وعقبه جاها ورم في الراس ، خلاها مشلوله ،

ومن سكنت لي ٧ سنوات في هالبيت توها بدت علاقتي ببناتها المتزوجات ،

يقولون اعذرينا اننا ماقد دقينا عليك نعزمك ، تشوفين ظروف

الوالده وحالتها ،

الله يشفيها ويرفع عنها ويرحم حالها ،  

جوجو

هذا الرابط مع اني حاطته فوق الصوره اللي في رد قبل

http://go.3roos.com/d29inqavemo

تكملة يومياتي

بعد اخر رد قمت وسويت الكب كيك كميه ثانيه علشان ابأخذه لهلي

وعجنت عجينة فطاير صنيه اخذتهاا من منتدى شمواه ابجربهاا قلت ابسوي الحشوه عندهم والعجينه اجهزها من اللحين

وجهزت اغراضي وحلاي وسويت قهوه لزوجي

ومسحت الكونترات وارفف المطبخ

وطلعت الزبايل

وبعدها قام زوجي وتقهوى وغديت عيالي مكرونه

واللحين انا عند اهلي احتري القهوه تجهز علشان نهجم على الكب كيك

شكله بيصير ادماآآآآآآآآآآن

متابعتكم وماعندى جديد
ومالى خلق اصلا اكتب خخخخ

السلالام عليكم للاسف ماقريت ولا رد مشاء الله تركضوووووووون ببسم الله عليكن حريم خخخخخخخ
المهم زوجي وصل امس الحمد لله
ونام الى الساعه 12 الضهر وعيالي قاموا الساعه 8 وكل شوي يبون يصحونه
يقولون مشتاقين له له 3 اسابيع عنا تذذكرت شذى اللي زوجها اخذ 3شهور

مايمدحني لقب كفايه شغل تكفين خلاص ارحمي روحك وربي اذا شفت ردك يمغصني بطننننننننننننننننننني وخلي اكلهم من برا فاضيه لهم تعبين هالمحافظ وعيالك اقطعي الاندومي عنهم ترا مو زين جيبي لهم كورن فليكس عيالي يموتون عليه ولا بسكوت بالسمسم وحطي لهم فراوله ترا مفيده بالفطور للاطفال عيالي يموتون عليها
ياليتني حولك والله ماخليك تشيلين نتفه من الارض :(



روووووووز ماشاء الله مابقى لكم شي خلاص بتجون عبالي باقي 4سنوات الله يوفقكم ويرجعكم بالسلامه
واشتقنا ليومياتك


خلود يالله ياختي الجار نعمممممممممممممممممممه اقولها من كل قلبي ياما وياما احتجت ولا لقيت الا جيراني مع ان اهلي جنبي بس مرات تحتاجين اشايء ولا زم بسرعه






مادري متى اخر يوم كتبت يومياتي
المهم يوم الاثنين كان عندي اختبار حليو ومذاكرته مضبوط وولد اخوي قال بيتغداء عندي وسويت لهم مكرونه ايطاليه اخذت طريقتها من زوجه اخوي الله يعافيها سهههههله
وسويت المكرونه ورتبت البيت سطحي وولدي كل شوي يحتر واعطيه تحاميل واروشه ولا تنزل الحراره واعطيه فيفادول 10 ملي وهو عمره 3سنوات <<جهل وربي
لان باقي 3 ساعت على اختباري بس

والولد هجد ويلعب
وجاء ولد اخوي وحنا نتغداء ولدي من فمه وتحت اسوووووووووود ويدينه واضافر ورجلينه سوووووداء
والمسه وهو باااارد
وادق على اختي قالت حراره داخليه وديه للمستشفى وبسرعه لبست اي كلام ولا تكشخت ولا شي
وبسرعه ادق على جارتي وارسل عيالي الكبار لها واخذ الصغير على المستشفى قالوا تنوووووووويم ايش تنويم قالوا لازم تنويم الولد بيموت من الحراره وتكميد وصياح وادق على ماما ماترد وادق على زوجه اخوي تجي عنده لين اروح اختبر وجت الله يوفقها ويخليها لعيالها مدرسه وتوها جايه من الدوام

واورح وانا نقابي غرقاااان دموع على ولدي واحس نسيت وش ذاكرت من الخبصه

واختبرت اي كلام والمراقبات يهدوووني ودخلت ولهم ربع ساعه بادي الاختبار

ورحت البيت اخذت ملزمه اخر يوم واغراض لولدي الصغير واغراض عيالي الكبار وبلستيشنهم ونزلتها عند ماما ورحت للمستشفى ومريت السوبر ماركت خميت خرابيط <<هذا بلا سمنتي اذا تضايقت دقيت بالتسالي

ورحت للمستشفى ولقيت وليدي ملبسينه قميص ازرق ياقلبي عليه وزوجه اخوي عنده تاكله حلاو الله يوفقها
وطلعوا ومسكت الملزمه ابي اذاكر الله يصلحه صجني بسوالفه ماقدرت اركز
وصجيتهم لين ماطلعوني على مسؤليتي
واخذت عيالي ورحت للبيت وطلبت عشاء وتعشينا ونمممممممممت والولد كل شوي يصحيني من الحراره
قمت الساعه 4 بديت بالملزمه وراسي ثقييييييييل وعيوني تسكر من نفسها واروح اغسل راسي بماء بااارد واصحصح دقيقه وانام دقيقه
وحاله خلوها على الله بس
والساعه 12 الضهر والولد خلاص بيموت من الحراه ومايقر يسكر فمه من اللوز حسيت بتانيب ضمير وادق على جارتي ابي حلتيت لان اللي فيه شمم
وقالت هاتيه عندي انا اداويه له الله يوفقها اي والولد هلكه السهال الله يكرمكم من كثر التحاميل وارسله لها مع اخوه الكبير ولبسته بجامه قديمه وصبخت على راسه وحلقه ودهنته بمرخه من عند امها وخلته عندها الى الساعه 3ونص وقالت ارسلي لي عيالك بغيديهم وبهذا الوقت مسكت الملزمه وقريت اللي ربي ساعدني اقراه
ورحت لبست وتجهزنا عشان نمشي للجامعه خلاص اخر يوم
ودقيت عليها شكرتها وماقدر اوفيها شكرها قالت ولدك داخله برررد وشمم ومشاء الله من جا ءمن عندها وهو طييييييييييييب وراحت الحراره
ونزلتهم عند امي
ورحت اختبر والله يوفق المراقبات مررررره متعاطفات معاي
وطلعت من الاختبار وهو زفت ولله الحمد ماحليت شي واللي قهرني زميلاتي يقولون سهل غريبه ماحليتي
ورحت للسوق جبت اغراض على السريع وجلست عند امي مو مصدقه اني خلصت وسويت لهم العشاء وولدي طييييييييب <<<فؤحانه ياربي لك الحمد
وتعشينا ورحت لبيتي معي سرب من الاطفال ههههههههه ترا معروفه انا دايم اخذ عيال الناس لبيتي
معاي عيال خواني 2 وبنت اخوي مع عيالي 3 صاروا 6 كني بطه وفروخها
وطبيت لهم كل الالعاب وبنت اخوي جاء ابوها اخذها الساعه 11 والباقين نومتهم بالقوه ونمممممممممت نوم مريح ماوراي هم ابد
وصحيت مفجوعه الساعه 8 ادور وش علي اختبار هههههههههههههههههههههههههههههههههه

وقلت ببداء باليت المعفن ورحت للسوبر ماركت وشريت اكبر كلور كس وعملاق وديتول وملمع زجاج وبودره سجاد وبوده نمل وفاتح للبواليع مو مسكره بس ابيها تتعقم
وبديت بغرفتي اطلع من ذا الملازم والورق وارمي وغيرت مكان السرير و التسريحه ورتبت كل شي وبخرتها وفكيت مكيفها والشباك وكل شي بعدين جععععت ورحت افطرت وريحت ساعه نمت بذا الغرفه الحلوه ولا ودي اروح لباقي البيت
بعدين مسكت غرفه العيال غيرت ترتيب السراير وغيرت المفارش ولمعتها
ورحت للحمام عبيته فلالالالالاش والمغسله بعد وتركتهم يخمرون ورحت للصاله قميت كل الالعاب تصدقون انها 4اكياس زباله كبااااااار ياكرهي لها يبي لهم فرز من قلب
ورجعت فركتهم طلعوا شي ثاااااني
ولمعت كل شي بالصاله رحفت الكنبات وطلعت اللي تحتها شي يفشل بساكيت على اقلام على ربطات شعري مدري وش جابها هنا وغرفه الالعاب وانهد حيلي ويدي اليسار بدت تشتد ماقدر احركها وسويت غداء خفافي وارسلت لي ماما الشغاله ورحت اتسطح بالصاله النضيفه عند التفي واتفرج على سيلا ياشينها ذا العصلا
والشغاله خلصت المطبخ عمييييييييييييييييييييييييق وانا اشيك عليها اخذ منها ساعه ونص
ودبينا سواء بغرفه الغسيل وطلعنا المفارش وغسلناها ورتبت الدواليب وفرزت الجزم ووصيت الشغاله على الكوي ورحت للمشغل من الساعه 5 الى الساعه7 سوت لي حمام زيت تنضيف بشره حف شعر تشقير بدي كير مني كير وحمام مغربي بس انا افرك روحي هي تعطيني الاغراض بس
وبعده عطتني خلطه لونها احمر بااااااااااااااارده قالت ادهني جسمك فيها خلتني نااااعمه
وطلعت من عندهم لقيت الشغاله خلصت الكوي والغسيل والعيال جاعوا ولا ودي احوس المطبخ طلبت من برا خخخخخخ <<<<تعودت على الكسل
وجت ماما اخذت الشغاله كملت الباقي نومت العيال ونمت الساعه 12 وصحيت الساعه 3 الا ربع عشان زوجي يوصل الساعه 3 وربع وتمكيجت ولبست وبكذا انتهى يومي العصيب

قمت الساعه 8 ماشبعت نوم وكويت ثوب لزوجي وجهزت لبسنا
لان امي عازمتنا على الغداء ورحنا لها وانبسطت هناك مررررره ياربي لك الحمد ورجعت البيت راسي يعورني مادري وش فيني انا وزوجي روسنا تعبانين منها ونمت انا بغرفتي وهو بغرفه العيال ههههههه عاجبته
وصحيت المغرب سويت قهوه وتقهودينا والحين راحوا يصلون العشاء وانا اكتب لكم يومياتي
باااااااااااااااااايو


جو الشله

لاتفوتكم القصه.............اعجبتني ونقلتها لكم

بطلة القصه هي أمل الحلوه**


أمل متزوجه وعندها بنتين وولد بيضاء متوسطة الطول **عيناها واسعه وجذابه جداً وابتسامتها تسحر جميله جداً لكنها سمينه طباخه ماهره وتحب الأكل..**
زوجها فيصل وسيم كشخه وكريم جداً ويحب بيته وأولاده ومايطلع كثير**

فيصل: السلام عليكم**
أمل : وعليكم السلام ليش متأخر يعني لازم اسخن الغدا الف مره**
فيصل؛ آسفين .. كلها يومين وترتاحين مني**
أمل: اي والله اباخذ فترة نقاهه وارتاح من طلباتك**
فيصل بنرفزه: حطي الغدا**
امل تلف وجهها وتحط حرتها في الشغاله
على الغدا**
فيصل يأكل بصمت**
وآمل بأعلى درجات الصوت تنادي عزوز وجع ان شاء الله تعال تسمم ،،، دانه اجلسي الله يأخذك**
قام فيصل يرتاح**


في اليوم الثاني**
يالله تجهزوا عشان اوديك لأمك ولاتنسين اغراضي لا ينقص شي..**
أمي مسافره عند خالتي بروح لاخوي خالد**
لا لا خالد احواله تعبانه وماودنا نكلف عليه روحي لمحمد أزين**
امل: لا تكفى قيس وليلى استحي احسهم في عالم ثاني**
فيصل بينه وبين نفسه ماالومه شكله مبسوط الله يهنيه ولا يحرمنا**


في غرفة النوم**
امل ترتب الأغراض وتصيح على الخدامه**
وفيصل على السرير : امل تعالي أبيك شوي..
امل بدون اهتمام ؛: مشغوله الحين ماني فاضيه**
فيصل : دقايق بس**
امل؛ والله انك فاصي قول وش تبي ..**
فيصل بحب : بتوحشيني**
امل : انت رحت عشان اوحشك وتضحك بصوت مزعج
فيصل بنرفزه: أنا انتظرك برا لا تتأخري**
امل تصيح عزوز تعال بسرعه عساك العمى..
**ميري جهزي العيال بسرعه..


وفي السياره**
امل مشغوله طول الطريق برسائل الجوال**
وفيصل يناظرها بتعجب**
فيصل: يالله حبايبي وصلنا كل واحد يعطيني. بوسه**
الأولاد يودعون ابوهم وآمل تأشرله من بعيد باااااي ..


محمد فتح الباب هلا والله بالغاليه**
امل : الله يسلمك**



من بعيد نسرين جايه لابسه برمودا جنز وتي شيرت وردي ومكياج ناعم : وبكل غنج هلا والله ميمي نورتي البيت وتلتفت على الأولاد بدلع هلا حبايبي وحشتوني وتبوسهم واحد واحد..


جلست امل في الصاله **ريحة الفواحه ماليه البيت هدوء وراحه عجيبه في البيت


تسولف هي ومحمد وتدخل عليهم نسرين وتحرك راسها بنعومه يللا مودي العشا جاهز
يللا ميمي الله يحييك نورتي البيت**



امل : الله يسلمك منور بوجودك ..
نسرين بنت نعومه وتحب نفسها كثير متوسطة الجمال والبياض قصيره بشكل عام عايديه**
محمد ملامحه حلوه اسمر وطويل**
يحب زوجته وهي تحبه وعايشين حياه سعيده الكل ملاحظها عندهم ولد ولهم اربع سنين متزوجين بس اللي يشوفهم يقول كأنهم عرسان..**


على العشا
**امل تأكل وتتابع حركات نسرين ونظرات محمد**
نسرين تآكل بهدوء **ومحمد يقطع لها اللحم**
امل في نفسها : حليلك ياحليمه بولند **والله يا اخوي ماتنلام شفت شي ماقد شفته غنج ودلع ..**


وتذكرت نفسها كيف تجلس على الأكل وتتربع وتشمر يدها وتقطع الدجاج بحماس وتأكل بسرعه وضحكت على نفسها وشرقت عالاكل**
كح كح كح**

نسرين بسم الله عليك ياحياتي خذي مويه وتعطيها الكأس شربته امل وهي كاتمه الضحكه..
راحوا ينامون**


جهزت لها نسرين الغرفه وسألتها اذا تحتاج شي ..
امل : تسلمين**
نسرين : اذا احتجتي اي شي لا تستحين ياعمري البيت بيتك سلام**
امل تكلم نفسها: اقول ياحلو لسانك بس ..
ونامت **


في الصباح صحيت أمل وجهزت نفسها وخرجت للصاله سمعت صوت نسرين تكلم محمد..نسرين يللا حبيبي بس هذي اللقمه عشاني
محمد :خلاص ياعمري اكلت بطني يوجعني نسرين : بغنج مثل الأطفال طيب كمل الحليب ترى أزعل علييييك**
محمد: طيب بأشربها**
دخلت أمل : صباح الخير**
محمد : صباح النور منورتنا والله يالغاليه
امل : الله يسعدك**
نسرين كانت لابسه بجامه مشمشي فاتح**
ورافعه شعرها بشكل مرتب**هلا ميمي بسويلك حليب أحط لك نسكافه ولا تحبينه ساده وتغمز بعيونها
**امل بتعجب احبه بنسكافه**وتراقب نسرين وهي تتحرك برقه في المطبخ**
وفي نفسها ( ياعزي عنك يافيصل اسويلك الحليب في الصبح وانا معصبه وشوشتي منفوشه والنفس خايصه بعد)
محمد: يللا انابروح تبغين شي
نسرين : تحك راسها بدلع نبغى خبز ولبن وعصيرات وتغمز بعينها وأشياء حلوه**
محمد: مثل ايش**
نسرين: يعني شوكلاته وشيبس وكل شي حلو**
محمد : يضحك ابشري وترى اليوم بطلعكم جهزوا الحلا والقهوه.**
توصله نسرين لعند الباب**
وفي الظهر رجع محمد من الدوام**
طبعاً نسرين جهزت الغدا ورتبت البيت وقبل وصول محمد بخرت البيت ولبست فستان قصير بني غامق وصندل بني **بشرايط تنربط على الساق ومكياج أورانج خفيف

وجلست تقرأ في كتاب كيف تستمتع بحياتك للدكتور محمد العريفي (لا يفوووتكم)اول مادخل محمد كانت تقرأ في الكتاب ومندمجه لمن دخل محمد وسلم ردت السلام وكملت الصفحه**
جهزت الغدا وكانت سفره مرتبه والصحون شكلها حلو والتبوله مقدمتها على ورق الخس**
وكان محمد يأكل ويناظر نسرين**
امل تسولف مع نفسها معقوله كل يوم كذا ياحري لوتشوفين سفرتي صحن حديد وصحون سلطه تسد النفس لا وماعندها خدامه مثلي ولا يجي فيصل الا واخلاقي واصله حدها)
فجأه فهد ولد نسرين كسر التحفه متعمد**

قامت نسرين ليه دوودي الحين يصير بيتنا موحلو ليش كسرتها حبيبي يلللا قول وعد ياماما ما اكسر شي مره ثانيه**
فهد ؛ وعد ما اكثر ثي**
حبيبي يللا تعال كل**
امل عيونها بتطلع من مكانها( وتكلم نفسها**ياعيني قال حبيبي قال اقول هاتيه عندي وانا امعص أذنه الين يحرم يقرب من شي مره ثانيه)
انتهوا من الغدا وراحت نسرين مع محمد الغرفه**
وفي المغرب خرجوا يتمشون كانت نسرين بكامل حجابها وكانت امل تحس بأن محمد فرحان بهالشي
**جلسوا في الحديقه وكانت نسرين تسولف عن الكتاب اللي كانت تقرأه
وتقول قصص حلوه ومحمد منسجم معها**
وحتى امل دخلت جو معاهم ... شدتها ثقافة نسرين وكيف انها تحاول تحلي الجلسه بأي طريقه..
وتذكرت امل كيف كانت كل طلعه تتشكى من العيال وامه واخواته وكانت تعتبر هالطلعات فضفضة مشاكل...
فجأه نسرين تقول لمحمد حبيبي افتح لي قارورة المويه قويه مره**
امل عيونها بتطلع من مكانها **
وفي نفسهاالمويه قويه يامغص بطني مغصاه اقول ماشفتيني وانا أشيل كنبات البيت والسجاد واطلعها السطح أنا وخدامتي ونغسلها الله من الدلع الماصخ**
وقامت تشوف أولادها وفي الطريق تفكر والله نسرين ماهي حلوه بالحيل مدري اخوي ليش طاير فيها..
ومن بعيد كانت تناظرهم وتشوفهم يسولفون ويضحكون حست بأنهم مثل العرسان وقالت في نفسها نسرين بالها طويل مره وانا حاره وما اتحمل شي هذا طبعي مستحيل يتغير**&&&&****



رجعوا البيت وفي الليل**
أمل جتها رساله من فيصل : وحشتيني ودي أكلمك بس الشباب صاكين علي**
أحبك**
ردت عليه وانت بعد وحشتني متى تجي وتفكني من عيالك جننوني**
فجأه نسرين دقت الباب**
ميمي اذا مافيك نوم تعالي اسهري معي أنا ومودي..
سهرت امل معهم وفجأه تركتهم نسرين**
وآمل متعجبه وين نسرين غريبه تاركه محمد**
والاغرب محمد ماناداها**
ماتحملت راحت المطبخ تاخذ مويه وشافت المجلس منور ماتحملت قربت بحذر سمعت صوت ندي قربت اكثر لقيت نسرين تصلي وتقرأ بصوت عذب ..
أمل : ياحليلها تقوم الليل يا الله ما احلى صوتها فجأه حست بمحمد جاي للمجلس تخبت ورا الباب الفاصل**
كانت نسرين جالسه تستغفر وتسبح دخل محمد وسلم **على راسها وجلس جنبها وقالها**
الله يسعدك اذا شفتك تصلين آخر الليل يزيد حبك**
ضحكت نسرين: لأني ادعيلك ياحلو غصب تحبني**
خرجت امل وراحت غرفتها وهي مشدوده للي حصل ..
بدأت شخصية نسرين تجذب أمل حست بحب لها وما تعجبت من حب أخوها**
في اليوم الثاني**
نسرين لابسه جلابيه لونها رمادي ناعمه وفخمه ومكياج وردي خفيف جداً
جهزت القهوه وحطتها لمحمد واستأذنت من أمل انها بتزور أم يوسف جارتهم امرأه كبيره في السن وتعيش لوحدها في الملحق..
أمل : وش عندها نسرين تزور العجوزه**
محمد باعجاب : نسرين تحب تزورها لانها وحيده وام يوسف تفرح بجيتها ... تصدقين أمول كل اهل الحاره يحبون نسرين هي تحب المواصله خاصه الكبار والناس البسيطين
امل ساكته وتفكر:**
يا الله متى آخر مره زرت خالتي ام فيصل صار لي شهرين ماشفتها وكل ماكلمني فيصل أقوله أنا ما أحب العجايز ما اعرف أسولف معهم لا واذا رحت كأنه قارصتني عقرب عيني على الساعه**
حست امل بإنها صغيره وزاد اعجابها بنسرين..
وفي الليل بعد العشاء**
كان محمد معزوم عند أصحابه ... لاحظت امل انه نسرين ارسلت ولد جيرانهم وجاب لها **تورته صغيره وعصير ..
استأذنت امل وراحت غرفتها لانها حست انه **نسرين مشغوله**
دانه كانت تبكي عطشانه تبكي تبغى مويه**
أمل فتحت الباب بهدوء وخجلانه لانها نسيت تاخذ معها مويه لكنها تسمرت عند الباب منفاجأه من اللي شافته ...
كانت نسرين رايحه الغرفه وشايله معها الكيك والعصير**
كانت لابسه فستان أحمر دانتيل ماسك عالجسم ويصف تفاصيل جسمها وشعرها كيرلي ومرفوع بطريقه عشوائيه وصندل كعب كله فصوص ...
**وريحة الفواحه منتشره بشكل يسحر والأروع شكلها وترتيبها رغم انها مو حلوه كثير لكن شكلها كان مغري جداً...
رجعت أمل وهي معجبه بشكل نسرين ومستغربه وش عندها لابسه ومتكشخه لايكون بس عشان محمد والله متعبه عمرها..
وبعد دخول محمد انتظرت امل شوي لما تحس انهم في غرفتهم عشان تاخذ مويه..
خرجت وكان باب الغرفه مقفل بس لاحظت ان الاضاءه خافته... ضحكت : حليلهم شكلهم داخلين جو ..
وهي خارجه من المطبخ سمعت صوت ضحك نسرين وكانت تتكلم وتضحك بغنج ضحك متواصل حست امل جسمها يعرق بسرعه راحت غرفتها وهي تفكر وش هالجرأه والله كأنها من بنات الهوى الله لايبلانا بس..
حاولت تنام بس ماقدرت كانت تفكر في اللي حصل**
وفجأه تذكرت فيصل لمن قالها مره ودي تكسرين هالخجل أنا زوجك ترى بيجي يوم وانحرف**
تذكرت كيف اذا كانوا في الفراش هو يتكلم ويتكلم وهي مثل الجدار لدرجة انه يسألها دايماً شكلك نمتي.. كانت هالكلمه ترفع ضغطها..**
ماجاها نوم من كثر التفكير كأنها بدأت تحس بالنقص..**
قطع تفكيرها صوت الجوال**
نسرين**
اذا كنتي صاحيه تعالي اسهري معنا**
خرجت وجلست معهم كان محمد فرحان ويضحك وينكت بطريقه عجيبه كان باين عليه انه مبسوط**
تذكرت منظر فيصل اول ماينتهي من الفراش ينام وهو معطيها ظهره وكانه يقولها انه ماحس بالسعاده لا لا اصلاً هو قالها اكثر من مره ودي تبسطيني الليله وانا كنت أظن أني اذا سلمته نفسي أني سويت إنجاز ...
كانت تفكر كيف قدرت نسرين تصير كذا كيف تعلمت ياربي ودي اسألها بس أخاف تضحك علي ...**
محمد : ياهوووه إحنا هنا**
نسرين: أكيد تفكر بفيصل
امل : بحرج لا عادي مافيني شي**
كملوا السهره وبعدين راحت أمل لغرفتها وقفت شوي قدام المرايه تناظر لنفسها أنا حلوه بس**
سكتت وماقدرت تتكلم طالعت في جسمها المليان كرشتها متر لقدام وشعرها مايستشور الا في المناسبات وقارنت بين نفسها وبين نسرين حست بخيبة وقالت مافي مجال للمقارنه ...
اصلاً عمري ماحسيت أني حاجه حلوه بالنسبه لفيصل وتذكرت كم مره لمن يشوفها تصارخ على الأولاد **يقولها**
خلاص يابو الشباب هدي أعصابك ...
ونزلت دمعتها وهي تتذكر لمن حاول يخطب قبل سنه ولولا امه رفضت وحلفت عليه كان تزوج عليها ...**
بكت بحراره وحاولت تهرب للنوم....

**
شعور مؤلم ان تشعر المرأه انها أنثى بالاسم فقط...

اليوم هو آخر يوم لأمل في بيت اخوها محمد**
لان أمها رجعت بيتها**
امل تتمنى تطول عند نسرين ودها تتعلم اكثر
على الغدا**
نسرين: مودي العصر أبغى أزور جارتنا اللي **في العماره اللي جنبنا ام خالد تعرفهم مسكينه مسويه عمليه**
محمد: لا**
نسرين : ليه حبيبي زارتني لمن ولدت وجابت هديه ودوم تسأل عني**
محمد: زوجها مايصلي معنا وله حركات مريبه**
نسرين: ياعمري وش ذنبها هي بنت حلال وانا ماراح اروح لوحدي الجارات معي**
محمد ؛ خير ان شاء الله**
في العصر صحي محمد ومالقي نسرين سأل أمل...
محمد : ام عبد العزيز وين نسرين**
امل: راحت لجارتها**
محمد:ومين سمحلها تروح**
امل: بصوت عالي **عجييييييب انت قلت روحي
محمد : أنا قلت خير ان شاءالله وماقلت روحي
امل : اقول ياحبكم للمشاكل يالرجال خلاص موضوع وانتهى بلا عبط**
محمد متنرفز: أعطاها نظره سكتتها**

جت نسرين وتفاجأت من شكل محمد
نسرين : مساء الخير**
محمد: اهلا وسهلا حيا الله الشيخه لا حسيب ولا رقيب**
نسرين : خير مودي عسى ماشر**
محمد: انتي من سمحلك تروحين انتي ماتستحين على وجهك مالك رجال يحكمك**
أنا طرطور في البيت**
نسرين : أنا**
محمد : ولا كلمه لا اسمع صوتك
الشرهه ماهي عليك علي أنا اللي تاركك على هواك من اليوم ورايح مافي طلعات مفهوم**
نسرين : ابشر مايصير خاطرك الا طيب**
محمد يخرج لا تنتظروني على العشا
امل: والله انك خبله كيف تخلينه يطول لسانه عليك والله ماعندك سالفه والله لو فيصل يقولي كذا كان ارميه من الشباك
نسرين: بضحك لاااااا حرام الرجال لمن يعصب مايفكر زين وكله نص ساعه ويجي ندمان وحزين على انه زعلك حتى لو ماتكلم في داخله يكون نادم**
امل **تحرك بوزها ماعجبها الكلام وتقول في نفسها ياحليييييييلك ....
في اليل رجع محمد وهم في الصاله يشربون شاي**
محمد السلام عليكم**
الكل وعليكم السلام**
محمد: تعشيتوا**
امل : الحمد لله**
محمد يطالع في نسرين شبعتوا بابتسامه**
نسرين : تبتسم الحمد لله**
وصار محمد ينكت ويضحك ويحاول يضحك نسرين**
وآمل بتتجنن وتقول في نفسها ياليتك تعطيني **قلبك الوسيع ولسانك الحلو ............
**
انتهت المده وآمل تجهز اغراضها ومحمد ينتظرها
**نسرين تودعها مع السلامه ياحبيبتي والله باشتاقلك**
امل الله يسلمك وفي نفسها اقول ياحلوك بس ياحظ اخوي فيك....**

دخلت امل بيت أمها وبعد السلام والأحضان**
تعشوا ونومت أولادها...
وحست انها مخنوقه ودها تسولف **جلست تسولف هي وأمها**
الام : عساك استانستي عند نسرين**
امل ؛ اي والله يمه الله يستر عليها ماقصرت**
الام: اي والله يابنيتي عساني ما احسدها لسانها حلو وكريمه ونفسها زينه وراعية صلاه وأخوك مايسمع فيها..
امل: في نفسها ااااه لو شفتي الشي الثاني وش تقولين دلع وغنج واناقه...
وسكتوا يتابعون برنامج**
أمل : يمه بسألك وتجاوبيني بصراحه من افضل أنا ولا نسرين**
ضحكت الام وبكل صراحه : انتي جمال ظاهر ونسرين جمال باطن **أظن فيصل مامصبره عليك الا حلاة وجهك والا باقي علومك شينه لسانك يلوط اذانك الله يهداك وانا امك تخرعين قبيله....
امل بحزن ... ودي اتغير يمه واصير مثل هالحريم السنعات بس ما اقدر...
الام بعصبيه:وليه ماتقدرين يعني هم حريم وانتي لا**
الحرمه الصاحيه تأكل رجالها بالطيب والدلع والاستقبال الزين ...خليك على حالك لين تشوفين الحرمه الثانيه الظاهر انتي مايصحيك الا حرة الطبينه**
امل: يمه فاولي خير وش هذا**
الام : والله يابنتي أبغى لك الزين وأخاف يتزوج فيصل وأموت أنا وياك من القهر..
امل : افففف يمه لهالدرجه أنا خايصه يمه والله بيتي وعيالي وانا دايم نظيفين والأكل من احسن شي وش يبغى اكثر...
الام: هذاك اول وانا امك الحين رجالكم مايبون كذا**
امل استحت من أمها وفهمت قصدها
الام: والله يابنيتي اللي يشوفك يقول ام ثلاثين **
جسمك مليان ووجهك باهت ولا انتي مثل حريم هاليومين اشغلتي نفسك بالبيت والأكل والنظافه ترى هذا مايهم الرجال كثير الله يصلحك وانا امك.. بروح انام**
كانت كلمات أمها موجعه وقاسيه وحسستها بانها ولا شي ...
وجلست تفكر وتفكر في كل الأخطاء وتذكرت كلام فيصل في آخر مكالمه
لوتشوفين المزايين كيف يطاردوني**
ردت عليه من زينك يمكن مفجوعين منك هههههههه
رد عليها طيب بجيب معي وحده واخليك تسألينها وش رأيها فيني....
اااااااه ياويلي أنا غبيه أنا اغبى حرمه في الدنيا وبكيت بقهر ياويلك يافيصل لو تتزوج والله لأموت وبكيت بحراره ونامت...
صحيت من النوم وكانت طول اليوم سرحانه الأفكار تأخذها يمين ويسار
وجلست تقرأ في المنتديات ولأول مره تدخل على مواضيع تهتم بالزوج والتغييير بعد ماكانت تقرأ في الطبخ والسوالف التافهه....
وجلست تتذكر نسرين كانت تهتم بلبسها كثييير وتدلع نفسها حتى كاسة الحليب ملونه بقلوب وشكلها غير**
سجادتها مميزه ومعطره ومعاها سبحه ماتفارق يدها وكمان لونها حلو**
مهتمه بثقافتها تقرأ في الكتب وتجلس على النت وتشارك في المنتديات ... والاهم متعلقه بالله في الصلاه وتقرأ ورد يومي وتحاول تحفظ شي من القرآن....
وبدأت أمل تخطط للتغيير&&&
باقي على وصول فيصل شهرين بأبدأ في الريجيم وامشي ساعه في الحوش كل يوم**
وبحاول اكون جريئه في الفراش وبعود نفسي أتكلم بصوت واطي وبدلع بشتري ملابس جديده واقص شعري**
افففف ياربي يمديني اسوي كل هذا ...
**كيد يمديني أنا حلوه وماناقصني شي**
وبدأت في الريجيم وكانت حازمه مع نفسها**
وكانت تفرح لما تشوف وزنها ينزل**
والاحلى ان أمها كانت تشجعها وبدأت تستخدم خلطات للوجه والبشره**
وبعد شهر وثلاث اسابيع وصلت لوزن حلو وان كانت تتمنى تنزل اكثر**
بانت ملامحها اكثر وبدأت تحب شكلها ونفسها
طلبت من نسرين تروح معها السوق وطبعاً نسرين كانت مبدعه في ملابس البيت**
اشترت بناطيل جنز باشكال حلوه وبرموده
وتي شيرتات بألوان مغريه وفساتين قصيره**
واكسسوارات خفيفه للبيت تخلصت من ذوقها القديم في قمصان النوم **واشترت قمصان جريئه جداً كانت خايفه ماتلبسها بس النار اللي في قلبها خلتها تشتري....**
كانت تقضي وهي مبسوطه مررره لنفسها فعلاً بدأت تحب نفسها**
شعرها طويل مره وماحبت تقصره بس قصته مدرج بطوله وصبغته اشقر رمادي وطلع شكلها خراااافي
أول ماشافتها أمها اتفاجأت من شكلها وماحست الا وهي تقول كلللللللللوش**
ضحكت امل وقالت لامها والله حسيت أني عروس يمه**
الام : ايوه كذا وين هالزين من زمان
باقي يومين على وصول فيصل**
امل تلبس الملابس وترقص في الغرفه لوحدها**
وتحاول تقلد حركات نسرين**
لبست برمودا جنز وبدي فوشي وتمشي وتحرك مؤخرتها بدلع وتنزل ترفع المنديل من الأرض وتميل نفسها بقوه وتقوم بدلع وتضحك على نفسها**
توقف قدام المرايه وتقول كلمة ماابغى وتطلع شفايفها على برا وتضحك**
تغمز بعينها للمرايه وتصيح ياحلو انت**
تكلم نفسها في المرايه وتلعب بخصلات شعرها : اخخخ والله أهبل**
وكانت كل يوم تسوي حركات قدام المرايه وتضحك بفرحه لتغيرها وتتذكر حركاتها زمان**
اليوم بيوصل فيصل الساعه ثمانيه.....
**
راحت هي والخدامه من الصبح رتبوا البيت ونفضوه غيرت المفرش بلون احمر ووزعت شموع بأشكال حلوه ونثرت ورد طبيعي على السرير حست فعلاً انها عروس اشترت فواحه وحطتها عند مدخل غرفة النوم..**
وطلبت عشا من برا**
وراحت تجهز نفسها.....
انتظروني في الجزء الأحلى ولا تقولون بسرعه هذا الجزء بالذات يبغاله روقااااااااان**

في حفظ الرحمن أحبتي &&&&

الساعه الثامنه**
امل قلبها يرجف شعور داخلي بأنها عروس إحساس بالفرحه والانتصار**
يا الله ما أجمل الإحساس بالتميز بالانجاز**
بالحب بالسعاده حست امل بشعور غريب فرحه عاااااارمه هذا قبل لايشوفها فيصل وكيف لو شافها....
قطع تفكيرها صوت الباب ينفتح .... دخل فيصل وهبت عليه رائحه حللللوه ذكرته بأيام الزواج الاولى ....
قفل الباب والتفت &&&&&&&
امل**
فستان احمر صارخ ماسك على الجسم قصه تبرز الصدر بشكل مغري وفتحه من الامام الى نصف الفخذ مزينه الساق بنقش حنا جسم رشيق**
شعر اشقر متدرج بطريقه ساحره**
رسمة عين مدخنه وروج احمر مع شفايف ممتلئه مثل حبة الفراوله....
والاعذب من هذا ابتسامة شوق تسحر ونظرة تقول أنا مشتاقه لك... جمال طاغي ....
وقف فيصل ثواني بعدين ضحك بخجل**
قربت منه صوت نفسها خانقها كانت مرتبكه بس المهم انها تبادر**
ضمته بدلع هلا حبيبي وحشتني**
طالعها بشوق كانت حاسه انه وده يأكلها**
هلا ياروحي وش هذا الزين شكلي بسافر كل شوي**
رمت نفسها في حضنه بدلع والله ما أخليك تسافر مره ثانيه...
فيصل: وين الأولاد**
امل: خليتهم عند أمي عشان ناخذ راحتنا**
فيصل يناظرها ومتعجب هو فهم ان هذا يعني انها تدعوه للفراش وبفرح**
قالها حلو كذا يحلى الشغل**
ضحكت بغنج وفي نفسها تقول ماشفت شي
راحوا غرفة النوم تفاجأ من المنظر**
سحبها مع يدها**
مشتااااااق لك**
امل : لا لا لا اول تاخذلك دش وبعدين نتعشى وبعدين نلعب وغمزت بعينها**
فيصل: صار مثل المجنون حست بنظراته انه مشتاق وفرحان ووده يأكلها ...
امووووول تعالي خلي العشا شوي والله ماني جوعان**
لا لا لا وتحرك راسها بدلع اول نتعشى**
أخذ دش**
وجلسوا على العشا**
كانت تأكله وتسولف معاه بدلع متقن وتكلمه وتلعب بخصلات شعرها وتضحك بغنج**
وهو مندمج معاها**
وش ذا الزين امول احلويتي**
امل : عيونك الحلوه**
فيصل: عروس اليوم ماشاء الله**
امل: تعض شفايفها برفق وانت العريس**
فيصل: يضحك ويحد النظر فيها**
امل مرتبكه باقي الخطوه الأهم الجرأه في الفراش حاسه بخجل وخوف وتردد**
ونفسها ترد عليها ماسويتي شي حرام هذا حلالك وتذكرت سالفة انه كان بيتزوج وانتفضت من القهر
حبيبي ماودك نرتاح**
فيصل : الاودي من زمان**
يللا تعال وسبقته بدلع ......
في غرفة النوم كانت تخطط انها هي اللي تبادر وأنها تبادله نفس الحركات نفذت كل اللي قرأته من اللزي منه على قولة ضباب**
بعد ماانتهت قالها فيصل خليك في حضني**
طاااارت من الفرحه وحست انها نجحت حست انها أنثى فعلاً يا الله الامر كان سهل وممتع بعد ....
حست بحلاوة الانتصار كان يسولف معها ما أعطاها ظهره مثل زمان كانت تلعب بخصلات شعره مره وتبوسه مره حست بحب عجيب له يا الله قد ايش ظلمته وحرمته من ابسط حقوقه نظرت له بحزن**
وناظرها : حبيبتي أبغاك تعيدين هالحركات تكفين اوعديني تبسطيني مره ثانيه تكفين**
حست بجرح كبير وندمانه على كل لحظه نسيت فيها انها أنثى وبصوت مجروح ردت عليه ....**
راح أسعدك وادلعك كل يوم وكل ساعه خلاص أنسى امل زمان أنا الحين امل الحلوه **
ناظرها بعيون حاده : يعني وعد**
**امل : امممممم افكر ... ضحك وضمها بقوه
ومرت الايام**
كل يوم احلى من قبله مع الحب والدلع بس ليش فيصل احيان يسرح بخوف ويفكر كثييييييير**
لييييييييييييييييه؟

؟؟؟؟؟؟؟؟؟؟؟؟؟؟؟؟

بعدالغداء
كان الأولاد يلعبون بالكوره ولأول مره أمل تلعب مع أولادها... في البدايه كان قصدها تلفت انتباه فيصل لكنها حست بمتعه عجيبه ...
حست بسعاده وتفاعلت في اللعب اكثر .... وبعد دقائق بسيطه انضم لهم فيصل ...
طبعا صارت ماهره الان في الدلع ... كانت تتعمد تلعب الكوره بشكل مضحك وكانت تمسك فيصل مع خصره وتبعده عنها وتسجل هدف ..
كان مستمتع ويضحك من قلبه ... فجأه جوال فيصل يرن ...
أمل تراقبه من بعيد وتتظاهر باللعب ... اول ماشاف الرقم تغير وجهه وابعد عنهم وغاب نصف ساعه وبعدين رجع وخاطره متكدر....
أمل تأكدت ان فيصل مخبي عنها شئ وبدأت تفكر ... وهي تجهز القهوه تذكرت مكالمة صديقتها وهي تسألها في الصباح : زوجي يقول انه في ناس سألوه عن زوجك كيف أخلاقه وصلاته ؟
وختمت مكالمتها وهي تحذرها انتبهي على زوجك ..
حست امل بغصه ودمعت عيونها (اصعب شعور على المرأه زواج زوجها)
ولكنها بدأت التحدي وماراح تستسلم اه شكلك تزوجت يافيصل بس كيف اعرف اااه
وهم يشربون القهوه
امل : فيصل
فيصل: ياعيون فيصل
امل:اليوم ودي اخذ العيال عند امي
فيصل: بابتسامه وليييه؟
امل: بدلع مواعده واحد احبه وودي اسهر معاه سهره حلوه بس لا تعلم احد
فيصل : افف ياحظ حبيبك وبتبسطينه ؟
امل بدلع لا ااااا راح اجننه واخليه ينسى نفسه
فيصل: ياحظه .. طيب وش بتسوييين تكفييين علميني
امل تنفخ شفايفها ماابغى
فيصل: طيب جلسوني معكم
امل : لاااااا حبيبي مايرضى يغااار وتضحك
فيصل: يضحك طيب نشوف
وفي الليل امل تبغى تضرب الحديد وهو حااامي ... فيصل مشتااااق يعرف وش بتسوي
امل لبست قميص نوم مغري جدا لونه موف غااامق يغطي الصدر ومفتوح من الاسفل وكلوت دانتيل وشغرها غجري وقلوس وردي فاتح


اول ماشافها فيصل قرب منها وضمها وحاول ياخذها للسرير لكنها تمنعت شوي
فيصل : امل خلااااص...امل: لا لا اول تنفذ طلبي
فيصل نخلص بعدين اطلبي اللي تبغين
امل بدلع : خلاص هونت ... فيصل: لالا اطلبي اللي تبين
طلعت حبل وربطت يده بقوه (بنات اللي ماتسوي هالحركه ماعندها سالفه مررره ناااايس)
وبدأت تبوسه في كل مكان وتوقف وتضحك وهو مستانس وبدأت تثقل العيار شوي
نفذ صبره وصار يصرخ فكيني وهي تضحك ويحاول يحوطها بيده
فكت الحبل واستمتعوا بليلتهم ....
بعدها خرجوا يتعشون في مطعم وكان فيصل مستانس مره وبعد العشا جلسوا يسولفون
فيصل : اليوم اطلبي اللي تبينه وكل مره تدلعيني كذا لك هديه حلوه
امل استغلت الفرصه : هديتي تكون لي لوحدي وبس هذي احلى هديه
تلون وجه فيصل وضحك بحرج : انا لك وحدك ياعمري ولف وجهه بحزن
هنا امل تأكدت انه فيصل مخبي شي بس وش يكون ياربي
هل تزوج علي ولا خطب ولا سوا شي غلط برا ؟ لالا اعوذ بالله مايسويها ان شاء الله
فيصل : وين سرحان الحلو
امل: في حبيبي ,,, فيصل: ياحظه فيك حبيبك
رجعوا البيت كانوا جالسين على التي في وفجأه رن جوال فيصل تغير وجهه وأخذ الجوال ودخل المكتب ,,,, لحقته امل وقربت من الباب تسمع الكلام
فيصل : هلا ابومحمد...والله ياخوي انا منحرج منكم .. ودي انك تفهمني وانا اخوك انا كنت متخالف مع زوجتي وعشان كذا خطبت اختك ولكن الامور تغيرت وانا اعتذر منك يالغالي والحمد لله انا على البر والله يوفق اختك واتمنى صداقتنا ماتتغير وهذا املي فيك ياغالي ...
دارت الدنيا في عيون امل بكت بحرقه وبفرحه ..مشاااعر مختلطه ... خرج فيصل وتفاجأ بها وفهم انها سمعت كل شي كانت تناظره بحزن وتبكي ضمها بقوه وانهارت من البكا ...
همس في اذنها: والله ماسكن في القلب غيرك يالغاليه ... وفجأه تركته وراحت تجري مسكت الجوال
وكتبت رساله
زوجة أخي الدلوعه.... شكرا لك
تمت

مساء الروقان..

اخباركم..

رايقة.. تعجبني يومياتك ما شاء الله..تحمسني عالكرف..

والله ينجحك انتِ وزوجك وزوجي وزوج همس و دفاء.. آمين..

____________

يومياتي..

ما عندي يوميات تستاهل من يكتبها..

روتين عادي..طبخ وغسل مواعين..وترتيب عام..

رهف قبلوها بالـ بلي قروب.. ساعتين ونص..يومين بالاسبوع فقط..

لنا اكثر من سبع شهور مسجلينها..وكانت بالويتينق لست (قائمة الانتظار)

بكرة بيجي رجال يتعشا عندنا.. بكره بنظف المجلس ودورة المياة.. نظاف بس بعل عليهم..

قطو..

[YOUTUBE]-A8R6L8053U[/YOUTUBE]

السلام عليكم
بنات دعواتكم لي في ظهر الغيب
ان الله يشفيني مرررررررره تعبانه خياطتي الداخليه
تنزف واحس من جوا جروح ادعو اني مااحتاج خياطه من جديد الموضوع ماثر على نفسيتي
موعدي السبت والله يعين

جالكسي.. دخلت باوصل سلامك للبنات..

ان شاء الله ما قدامك الا العافية..