بيتنا الرابع عشر..بيت فرش ومفرفش ومن النظافة منتعش..لشهر رجب

مسالخــــــــير...
اخباركم؟؟
دفا>>لايكون زعلتي؟؟..
*********
دندون>>توقيع لعضوه بمنتدى حواء...
اعجبني..ونزلته...
وش رايك؟؟
الولد ع باله بديسكو..مطنخوخ بهالرقصه..
اما البنت يادلبي...تهبل...
<<لاتسبو العيال خخخ...وش فيها قلبت
***********
لايف از دريم>>حياك الله..موبلازم تنتظري موافقه..
هذا ملف موبكليه..
اسدحي بطاقتك الشخصيه(متزوجه..كم لك..وكم طفل لديك..
موظفه؟..)وبس
ويومياتك..<<سر الملف
*************
وتر>>قواك الله...
كيف تعاملك مع اخوانك بعد الملكه؟؟
واهلك؟؟
تستحين؟؟
او مثلي..
لدرجة ابوي يهاوشني...يقول البنت تستحي مو تلعب وتتهاوش مع اخوانها
ماكـأنها عروس خخخخ
دفشه<<متربيه مع عيال..وكانني واحد منهم...
يمكن شكيت انني عريس مو عروس..
خخخخخخ
**********
بقية البنات>>قواكن الله...النوم مرفع فيني كانني بوزقم...

رايقه>>بشري وش لقيتي من افكار..
وبرنامج العروس هذا..وش يشمل؟؟
خلصتي امتحان؟؟..
انا جالسه افكر..مع الاسف شاطفه خلطاتي مع السخونه..
والبال الاقشر..
ودي اطلع عروس من غير تعب...خخخ

لايف از درييييم ... حييياك يا عسل ...

وننتظر يومياتكـ وبطاقتكـ الشخصية ..


ما يمدحني ..

انا بس عقدت .. يعني وضعي حاليا زي اول .. ماشفته ولا شافني ..

بعد الشبكة امكن استحي خخخخخخخخخ

شبكتي يوم 21- 7 .. باقي اسبوعين بالتمام .. ياويلي !!!

ومشاعري متلخبطة .. بين التفكير والتجهيز ..

وزواجي للحين ما تحدد .. مالقيو حجز فالعيد وفبيكون على شهر 1 ان شاء الله ..


خلود .. >> يارب يطلع فستانكـ يهبببببل وزي ما تبينه ..
وانتي زيي استودع كل شي .. لدرجة اخواتي يضحكون علي هههههه استودعت فستان ملكتي ولقيته الحمدلله محد اخذه هههههههههههههه


بعد ردي ... ساعدت ماما في المطبخ وسويت السلطة نوعين حار وبارده ..
وماما سوت السليييق .. ولي رز ابيض ..

وتغديت وشلت صحوني وغسلتها ..

كاااااااااااااااااااااااات

هلا وغلا
شخباركم من زمان عنكم
هههههه<<<<بس يومين
نفسي ادخل كل ساعه واكتب يومياتي بس انا حاليا مو في البيت ان شاء الله لما ارجع البيت اتفاعل معاكم اكثر واكثر
مشالله يومياتكم حلوة

السلام عليكم

يومياتي
أمس \
جبت حرمه نظفت المطبخ عمييق الشفاط وفوق الدولاب والطاولات والفرن
بس يدي بيدها أخاف تخرب شي لأنها دفشه في الشغل شوي
في هالأثناء كملت الغسيل أبيض وملون
ونومت عيالي بعد العصر
وهي راحت على الساعة 5 ونص
بعدها ضبطت لي كوب كابتشينو مع كيك من أخت زوجي الله يسعدها
وجلست أتصفح
بعد المغرب قاممو عيالي وابوهم سويت عصير جزر وشربناها
ثم أكلتهم وغيرت ملابسهم وطلعنا ع الساعة 9 ونص السوق بعد مفاوضات وسياسه !!
طلعنا من السوق على 10 ونص فرفنا بالسيارة شوي
وشربنا شاي مغربي >> أدمنا علييه حتى صاحب الكشك حفظنا وصار يعرف وش طلبنا قبل نقووله خخخ

على 12 وصلنا بيتنا غيرت لعيالي ونومتهم وتعشيت خفايف وزوجي قال ما يبغى شي
الله يقويه ويعينه ع التخفيف !!

جلسنا ع النت لحد 3 نمنت وصحينا للفجر بصعوبه الله يغفر الذنب
صليت زرجعت مييته نوم



اليوم \

ما دريت بنفسي إلا 10 الصباح وقد راح زوجي للدوام
كملتها نومه للظهر
ثم قمت فطرت وصليت وبدأت في الغداء كشري وسلطة حارة مطبوخه
قومت عيالي فطرتهم وجلسنا لحد4 ونص ونيمتهم ثم حطيت الغداء
اللحين ربصت المواعين وطلع زوجي مشوار وقلت فرصه أروق بدون أحد
وهذانا عندكم =)

مساااكم :adore:
طاعه وطمئنينه وسلام ومحبه..)
اولا الف الف الاااااااااف التباااااااااااريك للملف القديد:)
عقبال المليون واحنا بالف صحه وعافيه وزياده طاعه
يومياتي
الايام اللي راحت كنا نستعد لحفل تخرج ولدي فديته:L:
ويوميا يطلبونه يحظر للتدريب والثلاثاء قمت الفجر
لبسته وعطيته هدايا لاصدقائه وحطيت ببلوزته استكرات وبروشات
عن الوطن والملك وراح وانا تصفحت النت ولبست واستشورت وتمكيجت واخذت ولدي الصغير حطيته عند ماما والثاني استودعته وخليته بالبيت بسم الله عليه جاء زوجي من دوامه ووداني
الساعه 9 وشفت ولدي وهو ينشد معهم بابا عبدالله يالبى قلبه بس يتلفت يدورني وعقب المسيره والشهادات والهدايا
وه بس شعووووووووور لايوووصف وانا بس دموع وراء بعض
وبعدين مسكت ايده وطلعنا صار ماوزع الهدايا تهي تهي
المهم اخذت الكيس وبدينا ندور انا وياه نوزع على اصدقاءه
ورحنا لمعلمته وسلمنا عليها وشكرناها وودعها ولدي
وطلعنا 11وشوي وصلت هلكااانه لاني مانمت الاساعتين قلقانه افكر بالحفل والحمدلله على حاجه قضاها الله.
نمنا وصحينا 2وشوي صليت وجاب زوجي غداء
والعصر رحت انوم الصغير واخذت معه قيلوله ساعه
وقمت كانت خالتي مسويه حفل لنجاح الاطفال كل عائله عليها شي
احنا جبنا الهدايا لبسنا ورحنا المغرب انبسطنا وصورناهم
ورجعنا 12 تعشينا ورتبت غرفه عيالي ثلاث ارباع ترتيب
وروشت ولدي وطلعت الزبايل تكرمون
ونومتهم ونمت
..
اليوم
صحيت الفجر صليت ورجعت نمت
وصحيت 12
رتبت الصاله وسويت مكرونه دجاج وقهوه
وكنست الصاله وجمعت الزبايل وحطيت ملابس بيضاء بالغساله
وجبت قهوتي وتمر وقشطه وقعدت اتفنجل عند tv
قام زوجي تغدينا وشلت السفره
ونومت الصغيرون وجففت الملابس وطبقتها بالدولاب وحطيت دفعه ثانيه لي ولبست عيالي بناطيل قصيره بدون فنايل خخخ
ورحت للحوش وغسلنا الحوش وصار يفتح النفس يالله لك الحمد من زمان ودي اغسله واااجل عشان الغبار يارب مايجي
ودخلت هلكانه عطششش وحررررر
لبستهم وشربنا ماء بااارد
ودخلت اتسطح دقيقه الااصواتهم بوسسط الغرفه طلعت
ورحت عندهم وخليت زوجي يجيب الزوليه من المجلس لان فيه 2
والمكرونه اللي كانت بالصاله طلعتها بالحوش حومت كبدي تبي غسل
باقي لي المطبخ وتكمله غرفه عيالي ومسح المدخل وتكميل الغسييل
يارب تقدرني ظهرررري شااااااااااب علي مااااره
سلامي..

هاه غريبه ليش بعض كلامي متكبر
ياخزياه بس

مساء الخيييييير
أحبك ألهي
منوره التجمع ومبرووووووك الحمل الله يتمم لك
جوجو
الله يسعدك عالأخبار الحلوه ويارب يرجعو لنا
وتتصلح أحوالهم
روووز
الحمدلله على سلامة خالته والله أنها شاغله بااالي الله يقومها بالسلامه
لمعه
هلا وغلا أشتقنا لك
يوميـــاتي:
مافيش قديد أختي طلعت أمس من المستشفى
وأبشركم صارت تمشي تمام والحمدلله والبارح أهلي سوو عزومه بسيطه لها ورحنا أنا وزوجي وأخذت لها تورته والهديه لسا
ونفسيتي تمام رجعنا بيتنا جلسنا عالتي في
زوجي نام وأنا سهرت عالمطبخ نظفته
وفضيت الثلاجه من الأكل والخضار الخربااان
ومسحتها باقي دولاب المووونه محيووووس
راح أرتبه الليله بأذن الله
اليوم
صحيت الظهر صليت وجهزة الفطور أفطرنا ورجعنا نمنا وبالعصر غسلت دفعه وكلمتني جارتي تعزم للقهوه لبست ورحت لها
ورجعت بعد صلاة المغرب صليت وكلمت ماما وزوجي طلع للعمل وأنا وحدي بخلص
شغل البيت أن شاء الله لأني أهملته الفترة اللي راحت

بنات شوفو هالرابط للحماااااس
http://forum.hawaaworld.com/showthread.php?t=3131162

مسالخــــــير...
اخباركــــــم؟؟..
ماشاء الله..قواكن الله...
سندريلاـــــــــ لمعة الالماس>>هلابكم..
من طول الغيبات جاب الغنايم...
*****************

مساء الخير

اليوم صحيت &#1633;&#1634; وشوي ، قمت مثل

المخروشه وركبت قهوتي واللحمه حطيتها

في الضاغط مع حبة بصل وهيل وعويدي

وصليت الظهر ، كل هالربشه عشان بعلي

مايدري اني ساحبتها نومه ومهمله الغداء

رجع وانا اصلي ، تقهوينا ودخل ينام

كملت غداي ، وربصت مواعيني وطلعت

اكياس الرز من الفريزر وجمعتها في اكياس

زباله - تكرمون - وجمعت الخبز اليابس وحطيته

في اكياس ،

صلينا العصر وحطيت الغداء كبسة لحم بيضاء

وكريم كراميل ، شربنا الشاهي وزوجي اخذ

الاكياس حقت الرز والخبز بيوديها معه للمخيم

عشان الغنم والدجاج ، وانا جلست ع النت

وشفت موضوع في حواء عن تنظيف الثلاجه والمطبخ

صليت المغرب وشنيت هجوم على ثلاجتي وسويت لها

حمام مغربي ، فركتها بفيري وكلوركس ، ونشفتها

ورجعت الاغراض مكانها وصارت عروس باقي المعرس بس ،

كملت مسح الكونترات والطاوله ، وكملت المواعين ،

وطلعت اكلم امي ، وصليت العشاء ، باقي لي بس

غسل الارضيه بس الحين مالي خلق ،

وبكره باذن الله استقعد للغسيل وغرفتي وغرفة عيالي،

تصبحون على خير

بسومه ،

الحمد لله على سلامة اختك ويارب يتمم

عليها الشفاء ويخليها لكم ، والرابط هذا

هو اللي حمسني اليوم ، ماشاء الله شغلها سنع يفتح النفس ،

لمعة الماس ،

هلابك ، ومبروك تخرج صغيرك ، يارب تشوفينه عريس

هو واخوانه ، بس تعالي شلون تخلين وليدك لحاله

(تصدقين اليوم حالمه اني متوظفه وتاركه عيالي في

البيت لحالهم ، )

مره خطر بسم الله عليه ، ماودي اروعك بس تخيلي

لو ماس كهربائي ولعب في وليدك ،والا روعه احد بسم الله

الله يحفظه وعيالي

وعيالكم ،  

الحمد لله غسلت الفرن ونظففته والارضيه

عشيت عيالي وسكرت المطبخ ،

قسمت الملابس وحطيت ثياب غسله اولى ، بعدين

بخلي الغساله تعبي مره ثانيه واحط صابون وشوي

كلور ، وانقعها ، وبكره اغسلها ، واكمل الباقي ان شاء الله

ولدي شبعان نوم ، قلت اجل بسهر انا وياه واتسحر واصوم ،

من زمااان ماصمت ، وبكره زوجي موب فيه وبننام الظهر كله ان شاء الله ،،،

تصبحون على احسن حال ،،،

مسالخـــــير..
اخباركـــم؟؟...
خلود>>قواك الله..
********
يومياتي/...
الاربعـــــــاء<<
صحيت عالساعه4ونص الفجر...ونفس المنوال..
لقيت زوجي داخل من صلاة الفجر ويلبس للدوام...
قمت ودعته..
رجعت بنام...الا الصاله تستنجد..
قمت نظفتها..ونقعت دجاجتي..والرز
وجلست اشرب كوب حليب ..مع بسكويت..
وفتحت النت-اشتقت للرواقه-من غير شر للعيالي..
صحى النونو..ارضعته..ورجعته لفراشه...
وعالساعه5ونص او6<<صحو عيالي
وانا عالنت..اعطيتهم حليب وبسكويت...
من الساعه6للساعه9<<وانا عالنت...
وانبني ضميري..قمت فطرتهم اندومي ومعكرونه..
نظفت الصاله..
دخلت المطبخ بسوي الغداء عالساعه10..
بعدين قلت زوجي مداوم12ساعه...
واخوه بعد..
والباقين عالساعه3يجون..مو لازم اخلصه بدري..
ووقت منبه جوالي عالساعه1ونص الظهر...
ودخلت غرفتي ونظفتها من قلب..
ماعدا دولابي+تسريحتي<<نظيفات..بس بعزل الاكسسوارت
واللي مابغى لاخوات زوجي وللخيريه...
وطلعتها منها ظهري يوجعني مره..
رجعت للصاله...وارتحت وشربت فنجان قهوه..مع تمره..
وقمت ع غرفة عيالي..ترتيب وتنظيف(من غير كنس)
وطبقت الملابس(اللي غسلتهم امس)..ووزعتهم..
كانت الساعه1الظهر...
ارتحت باقي نص ساعه وابدأ بالغداء...
واخذت قهوتي وشاهيي وعالصاله...
واكلت شيء وشربتهم عصير برتقال..
وروشتهم ثلاثتهم..
ورضعت النونو...ونام..
ونومت الباقين..ياقلبي عليهم..
<<احس براحه اذ-نامو وهم شبعانين اكل..
ونظيفين..
وكانت الساعه1ونص وشوي...
بديت بالغداء..وعالساعه3الاثلث..خلص..
واثناء طبخه>>رتبت البيت من..الى..
وكنسته..
حطيته بلحافظه وبلمقلط..
واخذت نصيبي..وجلست عالنت وتغديت..
وماشوف الارض من النوم...
وصحى النونو جيعان..ارضعته...
بطيئ بالرضاعه مررررره...
وكثير يشرق(يكح اثناء الرضاعه)..
وعالساعه4 نام..
وطحت مثل القتيله ونمت...
عالساعه5ونص صحيت بزوجي جاي من الدوام..
قاعد يتكلم..وانا مو فاهمه من النوم..قلت زين..
ونمت..
وصحى النونو..يبكي...مادري وش فيه...
واخذت معاه ساعه..من6للـ7
وصحيت عالساعه8..زوجي نايم..

قلت لازم اجهز العشاء<<لاخوانه..شكله اعتمد علي..
قمت وانا ابغى النومه..
جهزت اندومي..وشوربة كويكر بالشعيريه...
ولقيت نص دجاجه من باقي الغداء...ووضعتها مع الاندومي...
عالساعه9كان جاهز..
ووضعته بلمقلط..
وحاسه بلجوووووووووع..
اخذت كوب شاي اعشاب...مع صحن من الغداء...
وعالساعه9ونص صحى النونو....ارضعته..
وصحيو عيالي..
والحين جالسين بالصاله..انا عالنت..
وهم ع قناة سنا(برغم اني اكره الموسيقى..الا ان ماعندي الاهي
وسبيس تون)..
زوجي يومه بسنه...يليته يبرمج الرسيفر..نريد براعم..

صحيح نومي قليل<<الا انني احس براحه..اذ-شفت بيتي نظيف..
وقلة النوم عافيه==>تواسي روحها...
وبس..

صبحكم الله بالمطر..

سهرانة وحبيت اسلم عليكم قبل انام..

ام الاقمار.. الصورة تحفة..

رجعتنا ان شاء الله راح تكون مرة وحدة..اذا خلص زوجي.. يعني تقريبا بعد خمس شهور..

يعتمد على نتيجته اللي بتطلع بعد شهر..الله يسمعنا خير..

احبك الهي..هو انتِ اللي حامل ماشاء الله؟

مبروووك الله يهون عليك ويسهل..ويرزقك باللي تمنين..



ماعاد اشوف..

تصبحون على خير..

روز ،

اشتقت ليومياتك مع الاميرات ،

لاتحرمينا،

،،،.،،،،،،،،

بنااااات عندي لكم منتج خطيييير ،

توني مكتشفته ، للبقع الصعبه مثل شوكولاته

شاهي ، اي شي ، هو اومينو مزيل البقع ،

بصراحه رهيب ، احط منه شوي وافرك البقعه بيدي

واحطه في الغساله ، ماعاد تشوفين البقعه ، سواء لبس

ابيض او ملون ،

،،،،،،،،،،،،،،

جوعانه ومدري وش آكل ؟؟؟؟

قهر كتبت رد وش طوله وراح
ابتسامه بدلع ا
الحمد لله على سلامة اختك وربي يتمم عاليها العافيه
واللنك اللي فيه ترتيب المطبخ اعجبني ومشالله علليها المره نشيطه اشتهيت اطير على مطبخي وانظفه
مايمدحني لقب
الله يحيك والظاهر مافيه غنايم لاني عند اهلي واحس بالكسل هنا هههههه
ومشالله يومك حلو بس استغرت منك ليش تفطرين عيالك اندومي احسها صعبه وشوي
خلووود
ربي يقويك