بيتنا الرابع عشر..بيت فرش ومفرفش ومن النظافة منتعش..لشهر رجب

:'(

:'(

مايمدحني لقب;15218531:
:'(

:'(

صباح الخير..
اخباركم؟؟..
حابه افضفض لكم..
احس انني بموت من قهري لو ماقلت لاحد..
قلبي تعبان>>هذا ماقالته الدكتوره لي...
تقول مافيه زعل>>مو بيدي..
المهـــــم/
الحياء او الخجل اللي ماله داعي
بحياتي كثير..
انهضمت حقوقي بقوووووه...
خصوصا عند زوجي...
السالفه/
عندي سلفتين اصغر مني..
>>مقارنه مابيننا..
الاولى:عمرها الآن19سنه...
متزوجه من خمس سنوات..لها ولد وبنت
زوجها عاطل مو بوظيفه..
حافي منتف..الا من اخوانه..
وشوون ابوه>>يصرف ع عائلته..
لانه تارك الوظيفه عشان بره بامه وابوه..
والحين امام مسجد..
زوجته مدلعه نفسها ومو مقصره عليها
لو بوزن شعره...
حتى الذهب عندها شنطتين..
ماشاء الله عليها..
مرّ زوجها بضائقه ماليه قبل اعوام..
ولافكرت تساعده..
لان حاطه ببالها ان الذهب من حق الزوجه...
بزواج سالفي العام الماضي..
دخلت غرفتها والله كل ملابسها ماركه..
لااله الا الله..
كل قطعه تقول الزود عندي..
وملابس عيالها جناااااااااان..
انا وعيالي عندها>>علينا الصدقه.
وفستانها جونااااااااااان
حتى قمصان البيت تهبل..
وكل واحد معاه شرشف بلونه..
>>عشان تتغطى عن اخوانه..
وولد اخته
*************
الثانيه:الجديده..
اصغر مني بخمسة سنوات...
ماهي مقصره ع عمرها بشيء..
بعكسي..حتى وانا عروس..
استحي بقوه..حتى الاكل مااكل..
اعرف بان العيب مني..وانا مقصره ع نفسي..
ومو معترفه فيها>>اهنتها
*************
وكلهم//ازواجهم يضربون لهن الف احساب..
حتى اذ-نقصهن شيء..تسلفو من زوجي..
************
انا:حتى خاتم ذهب مالبسته بزواج اخوه..
بحجة مامعه شيء..
وان بغيت بيضغط ع نفسه...
وكان كل همي ماضغطه..واستحي اطلبه..
يوم ملكة اخوه طلبته7ألف ريال..لزواج اخوه
كان بعد تسعة اشهر...
وقال ابشري..
من حقي اكشخ بلبس بذهب..
وحتى عيالي..
وهو اعطاني الشمس بكف..والارض بكف..
قرب العرس..وقام يتحايل
مامعه ..الخ
تنازلت عن كل حقوقي..
مشيت اموري باشياء عاديه..
والى اليوم مصدومه(ادري ايام راحت
..بس لحد الحين توجعني)
**************
حملت بحملتي هذه..
وقلت كل اللي نفسي فيه..
من امنيات..وقال ابشري
ماتولدي الا وهي عندك..
تنازلت عن الشغاله..عشان ماضغطه
ورحت فترة وحامي عنداهله..
برغم صعوبة العيشه هناك...
تحملتها..
ورجعت..
وضغوط اخوانه..وزاد الطين بله..
اخوانه عزمو ولد عمهم لعندنا..
بحجة غلا الشقق...
جاء>>بس ماشوف زوجي يقدر...
وعملت عملية الربط...هو يشوف حالتي..
اخذنا عمره..
وصارت ذيك المشكله(مانساها)
تعرفونها<<كتبتها لكم بزمانها...
قربت ولادتي..وقلت له اهم شيء
تكون معاي...ماعندي احد..
زوجي يحب عمله...بقوووه
ومخلص..ويجعلهم رقم واحد
وحنا رقم 2بحياته...
انصدمت..
اتوجع من الطلوق..وهو يقول تاخرت عالدوام
واستاذن ساعه..عشان يودي عيالي
لعمامهم>>والله صدمه..
ولدت..
وبشرته..ولاجاء الا العشاء...
ولدت العصر..
الممرضات احن منه علي...
يمسحون دموعي...ويواسوني..
ع بالهم اتالم من الاوجاع..
وطلبو الدكتوره..
قالو ارتاحي..
المــــــــهم/
طلعت من المستشفى
طلبته4 الالف لي...بشتري طقم صغير
ذهب..
وتعرفون انه غالي
+
ملابس وتيورات وقمصان كشخه
هو قاعد يقول لي..
البنات كشخه ويدينهن ناعمه وبيضاء
>>يقصد اللي يتمشن بلسوق..
من حملت الى ولادتي>>هو يقوله
بس يقول اهتمي اهتمي ببشرتك...
وباكواعك وركبك..او انتي سعوديه
>>مع الشينه قواة عينه
جمعت خلطاتي...
وادويتي..
وقلت له اهم شيء الطبخ..
خله من برى...
مافيني شده اقوم باخوانك وولدعمك..
الخياطه متعبه جدااااا
مر اسبوعان...مع التعب السخونه..
قال مامعه شيء..
وصار يتركهم مايجيب شيء..
استحيت منهم..
حتى هم الماده ماهي بذاك الزود..
بديت اطبخ لهم..
تخيلو حتى القهوه..>>زوجي كسول
توني اكتشفت هذا..
يقول لهم بصلح القهوه..
واذ-اشوي..قال صلحي
قهوتك تجنن>>اسلوب غبي
لضيوف..
البارحه/قاعد يقول لي..اقتصدو
الماده مافيها بركه...طارت
وقدمي تمايم وسفر..
وسالني..كم تريدين بضبط؟؟
عرفت من اسلوبه..مايبي يعطيني..
وكنت قايله له اريد(لاب توب؟)من فلوسي
والباقي اعطني اياه
رفض بقوووووووه
وجهاز جوالي له10يوم...خربان
مافكر يشتري لي...
قلت اذ-موشاري لاب توب
اشتري لي بلاك بيري..
رفض وبقوووووه
يارب وش فيه؟؟؟؟

المشكــــــله الثانيه/
البارحه الساعه2الفجر..وانا اطقق عالنت
قررت امسح مايخصني بلمفظه..تقريبا4مواضيع
شفت عنوان...ع بالي شيء عادي
دخلته..كان منتدى..
فتحته الا اشوف النك نيم لزوجي
الذي ببلاك بيري..
وفتحت موضوعه الا الصوره الرمزيه
نفس صورة رمزيه لزوجي(لشاعره المفضل)
وكتابته..
طاقه ميانه مع بنات المنتدى>>هذا المطوع
والطامه الكبرى..
صحى عالساعه4الفجر..قفلت الصفحه..
وتركت منتدى عروس..
لضعف الشبكه فهو دايما يقطع...
قمت واعطيته ملابسه..
راح ع انه يغى شيء من الصاله..
مسح منتداه من المفضله..
ومن سلة المحذوفات..
من غير مايمسح اللي فيه غيره
وشلون؟؟..
مادري؟؟
عرفت بان فيه بلا..
بعد مادخلت عليه..ناظرني بقوه
وانا مومبين علي انني دخلته...
لبس وصلى..وطلع
وانا الابتسامه شاقه>>برغم قهــري
طلع..
ارسلت له رساله:
بانني مشتركه بمنتدى جديد..وتعرفت ع بنات
وتطورت للماسن..وبالاخير طلع رجال..
8
8
قلت بعرف ردت فعله..
ارسل لي:
لهذا السبب انا احذرك من النت..
احذفيه..واقفلي النت..حتى انا كرهت النت
8
8
وكانها بغاها من الله..بيقطع النت عني..
لانه بالدوام مسنتر عليه24ساعه
ارسلت له:اكذب..بس لو انت مكاني مارضيت
وانا بعد مارضاها من زوجي..
لو توصل التعارف للماسن
هذه نهاية علاقتنا..
لانني ضحيت باهلي من شانك..
وانت اذ-ضحيت فيني..
هذا ماردته انت..
********
والمصيبه بلموضوع>>مواضيعه
شفت هذا انقهرت...
1- احترام الإنسان وحبه لذاته:وهذا العنصر قد يبدو غريباً،
رغم أن معناه إيثار النفس وترك الأنانية، ومن المعروف
أن فاقد الشيء لا يعطيه،
فإذا أدركنا هذا الشيء أدركنا أهمية حب الإنسان لذاته،
فكثير من العلاقات الزوجية تصاب بالفشل،
لأن طرفاً من أطرافها لا يكن لنفسه الحب
الذي يستحق أو يرضى عنه.
*********************
قلبها علي السالفه...
واذ-اقصد المنتدى>>هذا المعرف لزميله
>>والله كذبه كبـــــــيره
قلت اي منتدى>>استهبلت
ثم اعتذرت..
منه..والله قلبها جد علي..
واعرفه بهذه الحاله يظلمني مثل شربة الماء...
قلت لازم اسوي طريقه عمليه..
مو كلام..
وبـــــــس..

ماعندي الا الله ثم انتم..
لاتلومني اذ-كثرة هذره..
قسم بالله مقطوعه من شجره..
بسبب مشاكلي....
بترك اللهماجيه...وبغيير بشخصيتي...
هو يحب الشخصيه الغامضه القويه..
وانا العكس..
صريحه لابعد مدى خصوصا معاه..
وضعيفه قدامه..وقدام غيره..
وابسطها مضحيه بحريتي وراحتي
عند اهله..واللي ساكنين معانا..
وعند اهله تعبانه او لا..
اقوم مثل الحمار الحساوي
وبالاخير
سلفتي تقول قطعو جلدي بسبي
(قعد يسبوني بقوووووه)
بانني مانتبه لحالي..وانا حامل
وهي كلها عمليات ربط..
يقولو ماترتاح بس تراكض(تركض)...
مع انني اخدمهم حبا فيهم..
وهم يسبون سلفاتي...الاخريات حتى العروس..
بانها بطيئه وماتشتغل..الخ
برغم صغر سن اخواته..الا انني اخدمهن..
وزوجي >>يبغاني اكون شخصيه
مو اتسيد الناس..

ادري فيه وفيني عيوب...
المشكله الاولي/السابقه..منه
المشكله الثانيه/بسببي..واهمالي..
ع بالي كذا رضاه...

والله ماعرف اغيير شخصيتي...
حاولت وحاولت...بس حق اتواكل واهتم..
من غير تنفيذ..
ااااااااخ..

هلابك
ماعرفت وش اقولك دموعي تنزل
من كلامك
والله حاسه فيك وحاسه بكل شي لاني مجربه ومثل حالتك
بس الفرق انتي عندك عيال وانا ماعندي
زوجي وزوجك عندهم حب الذات
انا مسميه زوجي انا وبس من كثر مايحب نفسه

المشكله في طيبة قلوبنا وعلى النيه
وعلشان ماعندنا سند في الحياة
ماخذنهم على انهم اهلنا وكل شي بحياتنا
الله يجبر بخاطرك وخاطري
دانة بقلبه كانت هنا

ياحياتي يا(دانه بقلبه)..
ماقصدت ابكيك او ابكيكم...

انا مسميته بجوالي الغلا كله
ثم سميته(عنده جوالين)
1-ماي لايف(حياتي)كاتبتها بالانجليزي
2-ماي هارت(قلبي)كاتبتها بالانجليزي
ولما فتحت جواله بصدفه..لقيته كاتب
(الغلط كله)
انا هنا انهرت..وبكيت بكاء لميت
قلت عالقليله اكتب
(ام سلمان)>>باسم قمري الكبير

حبوبه
انتي نفاس وحالتك ماتسمح للزعل
انا بكيت على وضعي مثل وضعك
بنفس تفاصيله نضحي بكل شي ونستغني عن اشياء
من حقنا علشانهم
كل رجال كذا يحطون اسماء حريمهم بجولات
تعرفين انهم يتفاخرون كل واحد حاط اسم لحرمتها لانها قلق
ادعي ربك يسخره لك
وعليك بترديد خلف المؤذان وقت الاذان وادعي
الله يسخره لك ويحنن قلبه عليك
ولاعاد تتنازلين اطلبي منه راحتك شغاله
وانتي مومجبوره باخوانه ولد عمهم انتي نفاس
قولي له تعبت ماعندي طاقه
لو ماتحركين من فراشك افضل
دانة بقلبه كانت هنا

مايمدحني لقب
كان الله بعونك شووفي الخاص
وطبيعي يتصرف زوجك كذا لانه يكرهك لاتتعجبين اي يكرهك يشوفك هم على قلبه لانك انتي ارخصــــتي روحك بالاول فلا تتعجبي من تصرفاته مالي الا ادعي لك لازم ترجع علاقتك باهلك لو ابوك عالاقل

باقي البنوتا الله يعافيكم ويقويكم

اما يومياتي تحمس عالكرف !!!!!! احسها تجيب الهم يمكن لان ولدي تعبان خخخخخخخخ
امس اسوي له مرخه وانا رابطه خشمي وهو يصارخ ريحه ريحه مايبيها بس عشان يروح اللوز غصبته



البارح سهرنا على فلم انا وزوجي يتكلم عن مره متبنبه 4 عيال 2 بيض و2 تكرن
وقتلت ذي العجوز وعياليها يدورن القاتل تهبل قصتهم
ونمت وصحاني زوجي الساعه 11 وراح يحلق وكويت له ثوب وشماغ ورتبت البيت وصحيت العيال عشان مايسهرون
وخليتهم يرتبون سرايرهم
وافطرنا سواء
غرفه الغسيل بسرعه امتلت باربي مايخلص ذا الشغل
والمطبخ بعد مليان لاني امس رحت قضيت للبيت انا وعيالي
بروح اعبي الغسيل
واغسل المواعين واجهز اغراض العذاء واصلي الضهر والبس قبل يرجعون

ام الاقمار ، عسى ربي يرزقك برهم ويعوضونك

،،،،،،،،

اسمحي لي زوجك واخوانه لاقينك ، كبسة تسد بطونهم

هي اللي بتخرب ميزانيتهم ،

الله يصبرك ويعظم اجرك ، ويفرج لك ويسخر لك ،

الجأي لربك وادعيه ، ازعلي بيني له انك نفاس وخيوطك توجعك

موب لازم تبينين انك طيبه ومافيك اوجاع ، الرجل يحب الحرمه

اللي تحب نفسها ، انا كنت كذا قبل من ناحية الماديه ،

كنت ادور رضاه في مشترياتي وملابسي ، مع اني قبل لااتزوج

مااشتري الا الزين والغالي ، لكن امي وخواتي فطنوني ، وكانت

تصير لي مشاكل اذا شريت الغالي ، وصرت ابكي واقول تشح علي

وانت تدفع بالالاف هذي عانية زواج وهذي عزيمه ، وصار ماعاد يقول

ولا كلمه وتعود على طريقتي ،

زوجك يبيله نقاش وكلام يهزه ، لكن كلمة طلاق وماادري ايش نصيحه مني

لاتطرينه ، الرجال ممكن يسويها في لحظة غضب ، ذيك الساعه وين تروحين

تنذلين عند زوجة ابوك والا اخوانك وحريمهم ، على الاقل انتي في بيتك

عالجي مشكلتك بحكمه وعقل ، واعرفي الطريقه اللي يحبها وتاثر فيه ،

جمعه مباركه علي الجميع صغيركم وكبيركم ..
اللهم لك الحمد نزلت علي الدوره من دون علاج يالله من فضلك سنه وثلاث شهور واناعذاب ..
عندي انجازات كثييييير اولها اني رتبت المطبخ اللهم لك الحمد والمجالس والشبابيك والان مشغله الغساله واحوس بغداي سمبوسه وشوربه وسلطه مكرونه وبس ،،
جالسه اشرب باقدونس وكمون وشوي نعناع عشان المغص الي فيني.

كلام خلود وجداويه صحيح

ام الاقمار.. كم مرة نبهتك من التنازل عن حقوقك..

الحين هو بدا يتراجع عن انه يمد لك الكم الف اللي وعدك فيها..

اذا انتِ فعلا فعلا كارهه وضعك..وتبينها تتغير.. اصرّي على المبلغ نفسه..

ولا ينقص ريال..سمعتي..ما ينقص ريال..

و ان تنازلتي..عيشي عمرك كله خدامه له ولأله..

احيان احس ودي اعطيك كف يقومك من غفلتك..

تقهريني بسذاجتك.. ماراح اجاملك والطف عباراتي.. لأني ابيها تقومك من غفلتك..

ولأني احبك في الله..

مساء الخير
شخباركم يارب تكونون بخير

طبعاً من البارحه كانت لي نيه اسوي تنظيفات عميقه من وإلى ..نمت الصباح تقريبا 6 وكل اشوي بنتي تصحى ومانمت زين جلست 10 بس حسيت ان ينعسانه ونمت وجلست 12ونص وقمت وصليت وصحيت عيالي وجا زوجي وجاب معاه غدا من برى لام الجمعه ماطبخ مريحني ابو الشباب الله يجزاه خير ..
تغدينا ورتبت المطبخ ونظفته ..مع اني احس بخمول بس قلت لازم انظف واترك الكسل والسهر الي يخرب خخخخخخ..

توكلت على الله وسميت بسم الله ..
رحت ع الغسيل وشفت كومة ملابس وغسلت الملابس البيضا وجففتها وخلصتها ،،وحطيت الملونه وخلصتها ..

صعدت فوق مع تنظيفاتي فوط ووورق متين لمسح المرايا ومويه والنب والمكنسه ومنظف ارضيات وهجووووم ..

بديت بغرفتنا باعدت السرير والتسريحه ونظف تحتهم ومسحت السرير والتسريحه وفضيت ادراج التسريحه ورتبتهم والكومدينه بعد وشلت المفرش والبطانيه ونزلتهم الغسيل .. مسحت الافياش والنوافد والابواب والثريا ..وجيت افتش تحت السرير لقيت مفارش وبطانيات ثقيله مغسلتها وحاطتها في اكياس فكرت فكرت وقلت خل اشيلها وفعلا شلتها وجهزتها حتى زوجي يوديها الجمعيه الخيريه بنظافتها ..
رتبت الملابس وفرزت الي مالبسهم وهم بعد شلتهم بااكياس للجمعيه ..واستخدمت المقسمات للشرابات والملابس الداخليه ووو
مسحت التلفزيون و كنست الغرفه وحطيت مفرش نظيف ومسحتها وبخرتها ..
بعدها الصاله نفضت الكنب ومسحته وطاولات الكمبيوتر ومسحتهم وباعدت الكنب وكنست الارضيه ومسحتها ومسحت الافياش والثريا..ورجعت كل شي مكانه .

بعدها غرفة ولدي غيرت المفرش والبطانيه ونزلتهم الغسيل مسحت الكبت من فوق وجوه ورتبت ملابسه في مقسمات اريح لي ..
ونظفت المكيف وكنست الارضيه ومسحتها ...

رحت الغرفه الاخيره فيها الاشياء الي ماستخدمها وشنط السفر ورتبتها وكنستها ومسحتها وخلصت وبخرت فوق ..
كنست الدرج ومسحته ونزلت تحت بس للحين ماكملت شغل تحت لان بنتي صحت من النوم وزوجي يبي محلبيه وصلحتها له ..

انتظروني في التقرير الثاني

F: