بيتنا الرابع عشر..بيت فرش ومفرفش ومن النظافة منتعش..لشهر رجب

اليوم تغديت وتبطحت على الكنب الصاله ونمت وتحلمت بم الاقمار جاني صداع من التفكير بوضعها >>>>>مشكلتي شيل هموم الناس دايم
وتحلمت فيك يام سلمان انك تشبهين غاليه اللي ببعدك طيب واشوفك جميله الله يجملك بعيون زوجك

اليوم طلعت مشوار من الساعه 4 الى 8 ورجعت والبيت اعصار مسكت الصاله سريع شلت الالعاب وكنستها وغرفتي نضيفه شيكت على غرفه العيال وغسلت الحممات وريحت نص ساعه
وبديت بالمطبخ ياااااااااع بسرعه ينعفس وخلصته على خير
وغسلت ثوب وشماغ لزوجي وكويتهم شغلي تقسيط
جدولي بكره اخلص غرفه الغسي كامله والمع الغساله والنشافه بجف وكلوركس جالسه اتخيلهم يلمعون بعد التنضيف خخخخخ
وكتبت وش بسوي بكره عالغداء برياني سلطه حاره وفواكه
والعصر بسبوسه زوجي يموت عليها
والعشاء فول وخبز بالقشطه
حسيت براحه يوم استعد لطبخ الشي قبل بيوم فعلا يرح من التفكير وش اطبخ ووش اسوي
الحين مشغله اذكار النوم والعيال كل شوي يقوم واحد يسال كم الساعه تقل شيبان خخخخخخ

مايمدحني لقب
الله يلطف بحالك ويكون بعونك
بس يابنات اللي نصحتوها تطلب الطلاق تراكم نصحتوها
بشي عظيم يهز عرش الرحمن !!! شي عظيم
حتى لو كان مجرد كلاااام يافرجة الشيطان لحظتها
حتى لوكان مجرد تهديد مو صدق
الحين هي نفاس وعايشه كآبة النفاس الله يعينها
وزوجها بهاالايام يمكن مو طايقها مااستفاد منها شي!!!؟؟؟
أظن فهمتو قصدي
موب اللي تبيه تاخذه بطلب الطلاق لا فيه الف طريقه وطريقه
ومنها
ماتشتغل ولاتخدمه لا هو ولا اخوانه
تسوي نفسها تعبانه وتتالم
مو بسم الله عليها تكرف حتى وهي نفاس
هذا اهل زوجها قالوه والناس مايعطون خير!!!
وشادراكم لو طلبت الطلاق وقال لها توكلي
لحظتها وين بتروح وتخلي هالبريئين!!!؟؟؟
لأبوها اللي توه متزوج ولا اخوانها
مايمدحني انتي ظلمتي نفسك كثير وذليتيها لناس
ماقدرت اقل شي حاجتك لاهلك وزيارتهم
وأنتي قايمه بخدمة اخوانه والله لويفارق اهله مده ماصبر عنهم
مابالك انتي ياللي مقاطعتهم
اللي المفروض تتخذينه الحين التفتي لنفسك خلي عنك
طيبة القلب الزايده اللي معد احد يقدرها اليوم
طيب وبعدين شفتي زوجك مشترك بمنتدى وهو مطوع على قولتك
اذا في قلبه ذرة خوف من الله بينتبه لنفسه
بس اسلوبك يوم تقولين له أشتركت بمنتدى وصار رجااال غلللللللللط
الحين الله يهديك بتخلينه يحرمك من النت مايكفي انك تتسلين فيه
كان جيتيه باسلوب صريح لا فيه لف ولا دوران
لحظتها بينصفع على وجهه وبيتفشل
خليتيه يدور لك مبرر وانه المعرف لصديقه!!
أنتبهب لنفسك ومن اليوم أياك تخدمينه ياحرمه انتي نفاااااس
خافي على نفسك واهتمي فيها ترى كلن يقول
نفسي نفسي خلي البيت يخيس وخلي اخوانه يموتون جوع
جعلهم اللي منيب قايله
ولا تجيبين الوجع لقلبك
ياليتك تحايلتي وقلتي ابي الشغاله
وخليتيه يجهز فلوسها وخذتيها وقلتي هونت
مااابيها ابي الفلوس
ودايم ادعي ربي انه يسخر لك زوجك في ماله
الشكوى لله لازم ندعي بكل شي
والا كان علوم واطلبي وانتي وااااااااااااااثقه
ولا عد تراعينه الرجال ماهمهم الا انفسهم
واذا بغو الفلوس طلعوها
تكفين طمنينا عليك من اليوم افكر فيك
الله يكون بعونك

................................
رايقه
يالبى قلبك ياشيخه أحبك في الله>>بدينا بحركات الإعجاب
ممكن رقمك والا إيميلك >>خخخخخ أمزح ترى
من يوم شفت مزاجك وانا فاطسه ضحك
عز الله انك مستعجله دايم اتخيل انك تسرعين بمشيتك
وكلامك بسررررررررررررعه
الله يسعد جارتك وزوجة اخوك ويجزاهم خير.
................................
جداويا
أما القمل سالفته سالفه
أخواتي الثنتين لقوه بشعور بناتهم
تقول اختي يوم شفته بشعر بنتي جلست
أصيح (أبكي)خخخخخ
ضحكنا عليها تقول صرت انقرف من بنتي
لا اله الا الله شكله منتشر
عاد شعر بنتها كاثر ماشاء الله ونقول لها شكله من القمل خخخخخ
..................................
خوخه
تكفين لا يروح
ماابي اخوفك اكثر
خصوصا باكستان شفتو القحطاني اللي قتلوه الباكستانيين الله
ينتفم منهم صديق زوجي عنده بعثه 4 سنوات
ومابقي منها الا شهرين ويرجع وقتلوه قبل يجي
ياعمري زوجته نفاس حتى بنته ماشافها
قال كلها شهرين وأرجع
ورجع بالتابوت حسبي الله علييهم.
..............................
البقيه لكم ودي وإحترامي تعبت.
.................................

يومياتي
امس من بعد ردي دقيت على زوجي
قلت له ابي اروح للمستوصف تنكد شوي لانه يحب الخميس
يكون له ومايرتبط فينا ومتوقع اني باروح لجدتي>>لزقنا فيه
المهم جاني العشاء وانا اتمغص وتعباااانه ورحت لطبيبة نساء
اول مره اروح لها وإن شاء الله اخر مره >>خخخخ ماعجبتني الله
يستر عليها
وطبعا طلبت تحليل وجلست نصف ساعه
قالت صديد بالبول تكرمون والتهاب
معقوله الالتهاب يسوي كذا؟؟؟!!!
وقال اعطيك ابره في الوريد
قلت لااااااااا!!! مدري اخاف احس انها مخدرات >>>خخخ نفسيه
صرفت لي علاج وطلعت حبوب ومحلول
يوم جيت البيت وقريت النشره صار ممنوع للحوامل
يالييييييييل وقلت باكل حبه تخفف الالم
وكلت الصبح حبه والعصر يعني 3
من شدة الالم والى الان ماخف كانه طللق يروح ويجي
المهم طوال اليوم اتسدح وتعبانه وقال زوجي
روحي لها ووريها العلاج دقيت عليهم وماداومت اليوم
ورحت الطبيبه العامه واستغربت قالت المحلول هذا
مايصلح والحبوب اتركيها
وصرفت لي علاج ثاني بس مرينا كذا صيدليه
ومالقيناه يمكن خيره من الله
رجعت البيت وسويت لهم توست بالجبن هذا اللي اقدر عليه
واكلت معهم قطعه وانا اتمغص وبس
والله اني خايفه حتى اليوم تكرمون تنزل معي افرازات كثير
لا يكون طلق و هذولي ماعندهم سالفه
يارب رحمتك
المشكله زوجي بكره مستلم !!!!
..............................

هذي اول مشاركة لي بالملتقى هذا والصراحة عجبني كيف مهتمين في بعضكم وحبيتكم وحبيت تعاونكم مع بعض
اتمنى تقبلوني صديقة لكم و تخففو علي غربتي:(
ونشكركم على دعائكم و نيتكم الطاهرة على الاهل في ليبيا
والله يجعلها اخر المصايب و ييسر الامور و تفرج عاجلا غير اجلا ويعود الامن والامان لوطني الغالي
اااااااااااميـــــــــــــــــــــــــــــــــــــــــــن
بنات فضلا و ليس أمرا ..... تدعو في الثلت الاخير من الليل لأخوانكم الليبيين بالنصر والفرج القريب والله يحفظهم

سلام..

شذى..ياربيييييه.. حسبي الله ونعم الوكيل..

كذا من الباب للطاقة ذبحوه!!!

الله يصبر زوجته ويجبر بخاطرها..ويرحمه رحمة واسعة..

الله يحفظ ابو محمد من كل شر و يخليه لعياله وام عياله..

جوجو..عليك بمفارش بناتك..اكويها..خصوصا بيت الوسادة..اكوية زين ما زين..

القمل والصيبان تقتلها الحرارة..

وسالفة ام سلمان ادري انها مو بس مادية..

لكن هو المحك الان..ان تنازلت عنه خلاص.. ماراح تتغير..
___________________

يومياتي..

بعد الروتين الصباحي واللي انظافت له روفة..

رجعت للبيت سويت لزوجي قهوة.. روقنا على الهدوووووووء..

ثم طلعنا مرينا بقالة الحلال وخذنا خبز وثوم و مرينا المدرسة..خذت روفة ورجعنا للبيت..

وااااي يا فرحتها بنفسها..معها ورقة مقصوصة على شكل فيل وهي اللي طبعت عليه الالوان ويدينها ملطخة وملابسها..


بديت بالتنظيف.. دخلت الحمام -تكرمون- حطيت قرص ازرق بالسيفون..

وفركت المغسله بفيري..وعقمت الكرسي..ولمعت المراية..

ثم فركت الموكيت وفرغت الزبالة.. ونظفت الجدران خصوصا عند فيش اللمبة..

مسحت البيبان..<<بيضاء

ثم خذت الممسحة وبخاخ القزاز عالمجلس..مسحت الطاولات والشاشة والفاير بليس..

وبالفرشة كنست الموكيت..احب اكنس بالفرشة تطلع فتافيت وشعر ماتطلعها المكنسة الكهربائية..

بعدين شلت السجاد اللي بالسيب بعد ما فركته..وفركت الموكيت..ثم كبيت بودرة معطرة بالسيب والمجلس..

وكنسته بالكهرب..ورجعت السجاد.. شيكت عالجدران نظفت بعض البصمات..

ثم ريحت وتفرجت على برنامجي المفضل.. ثم طلعت اجيب بناتي..

رجعنا للبيت وهي تمطر.. دخلنا سويت لبناتي تشكن برجر وبطاطس..

كلت معهم ورتبت شوي بالمطبخ.. وحمست قهوة ثم وجلست عالنت..

الساعة سبع دخلت المطبخ و ركبت عالقهوة وبخرت السيب والمجلس..

و سكرت علي المطبخ عشان ريح الطبخ..وكل شوي تفتحة وحدة..الله يصلحهن..

جا الرجال سبع ونص.. ثمان ونص العشى عالسفرة..

حطيت عشاي مع اميراتي بالمطبخ..تعشينا ثم غسلت الموعين وركبت عالشاي..

جاب زوجي سفرتهم..رصيت الصحون بالغسالة وغسلت القدور والاباريق..

مسحت الكاونتر وكنست الارضية..

و رقيت بناتي ينامون ورقيت معهم..

و متمددة على تختي انتظر الرجال يطلع عشان احط البيالات بالغسالة واشغلها..

وقطو..

روز
وعليكم السلام تعرفين عسكري قتلوه وهو رايح الدوام
ياقلبي شماغه وعقاله بالسياره
أبحثي بالنت وشوفيه
يقول زوجي قمه في الاخلاق والتعامل
الله يرحمه رحمه واسعه.
........................
فل اوبشن
ياهلا وغلا بريح الحبايب
كان معنا هنا اخوات من( ليبيا وفاء //ومها// ام احلى بنيه//
وبناتي زهرة حياتي)
بس من بعد اللي صار بليبيا نتواصل مع بعضهم عن طريق الجوال
الله يردهم لنا عاجلا غير آجل.
............................
دانة قلبه
المقطع حلومررره
وللأسف ماعندي موعد بعد اسبوع يمكن
آمري تبين شي؟
.......................
جالكسي
ياقلبي عليك
انتي خلصتي من الاربعين صح؟
ان شاء الله ماتحتاجين خياطه
طمنينا عليك.
..............
اروما
يعطيك العافيه
سنعه ماشاء الله.
...................

بنات الدكتوره وصتني اكثر من شرب البيره
عادي ماتضر الحامل؟
ماعمري شربتها
أستغفر الله احس انها خمر>>وش عندهااليوم الابره مخدرات
والبيره خمر
خخخخخ اللي يسمعني يقول مدمنه هههههههاي
>>>من جد نفسيه مدري وش تبي
المهم جابها زوجي وماش ماقدرت ابلعها
عاد اقول له كان ماجبت ذا الطويله
كانها خمر خخخخ وجلس يتحمد ربه
بنات اللي تشربونها وش طعمها ؟؟؟حلوه والا لا؟
..........................

يتصفح الموضوع حالياً: 5 (5 من الأعضاء و 0 من الزوار) ‏*شذى الورد*, ‏ام اسامه بن زيد, ‏دانة قلبه, ‏ARO0OMA, ‏ام ريتال 3


أم اسامه بن زيد..ام ريتال 3
دايم تتابعونا حياكم معنا
............................

صباح الخير ,,

شذى ,,

بعلي بيسافر الهند ,,وهو بيروح بومباي ,

,أهون على نفسي اني ماأشوف فيها اضطرابات

واقول اذا الله كاتب له شي بيجيه وهو على سريره بجنبي ,,

روز ,,

لبى قلبك ,,والله يستجيب دعواتك ,,

وصادقه المكنسه الكهربائيه

تلصق الشعر على الموكيت ,,

ماينفع معه الا الفرشه ,,

الاخت الليبيه ,,

هلا بك ,,هلابريحة الحبايب ,,

قريت ردك وتذكرت مها عبدو ووفاء وخنقتني العبره

,,الله يردهم ويفرج كربتهم ,,



ترى بعض العلاجات يكتبون عليها تحذير للاحتياط ,,

ودكتورة النساء أتوقع انها عارفه وش يناسبك <<أقول أتوقع

والبيره ههههه ضحكتيني ,,

تراها زينه للكلى ,,

استخدمي بيرة الفراوله والمنقى والتفاح والرمااان لذييييذه مره ,,

واشربي مويه حوالي 4 كاسات على الريق ,,

تراه علاج ياباني أثبت نجاحه لأمراض كثييييره ,,

قد جربت الصديد

ألمه مثل الطلق ,,

قدامك العافيه ,,

’’’’’’’’’’’’’’’’’

أنا عند أهلي ,,تسدح وتبطح ,,لاشغل ولامشغله <<متعوده ع الكرف

ياقلبي ام سلمان
والله حزنت على حظك ووضعك
الله يفرجها عليك عاجلا غير اجل
والبنات ماقصرو معاك
اهم شي اهتمي بنفسك وعيشي لنفسك صدقيني معروفك مع اهله ماراح يبين في عينه ولاعين اهله
الله يكون بعونك حبيبتي

خلود
مشالله عليك توي جيت من بيت اهلى وبدا الكرف هههههههههههههههه

مشكورين بنات على الترحيب
اني ليبية مغتربة مع زوجي في تركيا وعندي بنت الله يخليها ويحفظها عمرها سنة
>>>>>>>>>>>>>>>>>>>>
برنامجي هاليومين شادتها صيـــــــــــــــــــــــــــــــام علشان ايامي في رمضان فطرت اسبوعيييين بس ههههه
امس نضت الساعة 11 عجنت عجينة بيتزا و ووو عجينة بوريك مش عارفة لو تعرفوها المهم وخليتها شوي وقعمزت على التلفزيووون للعصر صليت ورحت للمطبخ على طوووول جهزتهم بعدها حطيت الشوربة على النار>> لااااااازم مع البيتزا
ومعاها معكرونة صلصة المغرب صار كل شي جاهز و فطرت اني و زوزجي حتى هو صايم معاي
بعد العشاء خميت البيت عالسريع مافيه حوسة من فوق لفوق وغسلت المواعين
وانطرحت على التي في

مساء الورد
اخباركم جميعااا ..
من بعدكم قمت علي الييت مسح الارضيه وشطف وخلصت الملابس غسيل وكي باقي فتافيت خليتها
سويت الغدا بطاطس وشوربه وسمبوسه
وشبيت علي القهوه وتقهويت وياه غسلت الاواني ودخلت انيم بنتي اربع وسحبتها نومه معها لييييين7قنت الا زوجي يطلب كابيتشينو سويت له ولي كوب كمون مع شاي وطلعت بالحوش مع عيالي بعدين سويت لخم هوت دوق وتعشو وزوجي تعشا برا الياعه 10جا وطلعنا مرينا ارضنا نشبك عليها الله يسهل بس متي نبدا نعمر ونرتاح
بالي مشغول هاليومين زوجي عنده دوره بماليزيا ولاحصلت ولاحجز لي وولدي ابدااااا وماودي يروح لحاله وهي فرصه العمر المشكله حصلت بتسعه لكن نفرين بكره بكمل بحث بالمكاتب وعسا نحصل يارب باقي شهر علي الموعد . 

ودي ابدا بالتفريز خصوووصي ان زوجي بيسافر ومراح يرجع الا علي دخول الشهروانا لو مارحت راح اكون ببيت اهلي مفكره ابدا سمبوسه وكرات البطاطس بتلجبنه والدجاج واممم وودي اطلب من وحده سبرنغ رول واصابع العروس وابدا الف قرصان بحشوه التونه والدجاج لان زوجي حاتم الطائي برمضان يضف الفطور ويهج ولا مدري الرجال عند الباب ويقول هاتي فطورك!!!

ما يمدحني لقب \

من أول ما قريت ردك وأنا مختبصه
الله يكون في عونك ويفرج همك ويدلك للطريق الصح
والله أني اليوم أرتب المطبخ وبالي معك أهوجس فيك !!

و حاولي حاااااولي قد ما تقدرين ترجعين علاقتك مع أهلك
وأرتاحي من شغل البيت والطبخ لأخوانه وولد عمه
أطبخي الزين لك ولعيالك وبسسسس

والله يفرجها عليك ويفرح قلبك



فل أوبشن

يا هلا فيك نورتينا
والله يهون عليكم غربتكم

لما قلتي -تقعمزت- خنقتني العبره : (
تذكرت مهاوي وفوفو
ياااااااااه قد ايش مشتاقه لهم =(

ياقلبي يا ام سلمان خنقتني العبرة ونتي تتكلمي عن زوجك وتضحياتك لة ولاهلة واللة هذا الزمن الرجال يحب تكون الزوجة
مدلعة نفسها يدلعها ويحبها حتى لو هي شينة


جداوية

ترا انا مو كبيرة عمري 28 بس اتزوجت وعمري 16

واللة جلست ابكي لمن قلتي عن بنات ليبيا اللة يرجعهم

ونهدرزو معا بغض بله اذا كلمتيهم وصليلهم سلامي

شذى

جاني الالم مثلك كانها ولادة وانا في الثامن بس قالتلي الدكتورة التهاب في الدم
خوخة

زوجك استودعة اللة كل يوم واللة ابو زوجي راح اليمن وحنا يدنا على

قلوبنا بس اللة يهديهم اذا اصرو على شي ماتقدري تمنعيهم

استودعكم اللة

بوريك ، تقعمزت ،، اه ياقلبي والله دموعي نزلت ،

،،،،؛،،،،؛؛؛؛،،،،،،،،