صباحكم خير حبيباتي
فارفالا
.. حلو ماشاء الله واستمري لين تنزلين كل الكيلوات الزايدة .. ترى وايد أشياء أنتي قلتيها وأنا أشترك فيها معاج على سبيل المثال النفسية عندي داون وأحس مكتئبة عشان وزني الزايد وفعلا كل شي أحسه مب حلو علي تعقدت ولا ألقى مقاسي .. بس ألحين من بديت أنزل نفسيتي صارت أحسن ويبيلي بعد جهد اضافي باقي لي تقريبا فوق ال15 كيلو أو أكثر عشان أوصل للي أبيه .. بس أنا ألبس اللي خاطري فيه طبعا مب كل شي لا لأن في ملابس ماتناسبني مع جسمي الجميل بس ما أحرم نفسي وما أحب ألبس جلابية في البيت .. فديتج اذا مالبسنا ألحين متى نلبس واذا تستحين ألحين لين أكبروا عيالج بتستحين أكثر وما راح تقدرين تلبسين .. والخدامات على ما يتعودون عليه اذا تعودوا يشوفونج ببنطلون ولا فستان أو تنورة تحت الركبة يكون عادي عندهم وما يبققون عيونهم بعدين ..
دوحانية
.. الوزن ثابت ولا أنه يكون زايد الحمد لله وان شاء الله هالشهر تروحين موعدج وتكونين نازلة أكثر ..
نواري
.. الحمد لله عالسلامة حبيبتي .. إدا تبين الكرشة تروح أشتركي في مركز رياضة ورياضة الأيروبيك واااايد ممتازة بتشد جسمج وبتودي الكرشة لأن فيها تمارين بطن وموضوع ال3 كيلوات مقدور عليهم وبإذن الله بسهوووولة بتنزلينهم .. شوفي دايموند الكل يمدحه ..
يغار الحلى
.. حلو موضوعج .. أنا جدولي أروح الشغل وأرجع الظهر أقعد مع ولدي شوي وبعدين أرقده وأرقد معاه شوي أقوم العصر إذا عندي شغلة أطلع أقضيها وأحياناً أكون مصدعة وتعبانة وماأطلع من البيت بس أبي أرتاح ومثل ماقلتي أسوي واجباتي اليومية أتابع بنتي وأشوف دراستها وأقعد معاها .. أحب أدخل المطبخ أسوي حلويات ولا عشا بس مب كل يوم .. وأمشي على جهاز المشي تقريبا نص ساعة .. أحب أقرأ وايد واذا لقيت فرصة أتصفح كتبي وأقرأ منها .. يعني أشياء بسيطة .. وبس ..
بنات بسألكم .. ولدي عنده كحة بسيطة وأحس عنده بلغم أبي أعطيه دوا ولا أعشاب غير اللبان وورق الجوافة .. يعني أشياء طبيعية من البيت .. شنو اللي جربتوه مع عيالكم ونفع أبي من تجاربكم اذا ممكن ..؟؟
يومياتي اليوم .. ريوقي كرواسون زعتر وخيار وطماط وشاي أحمر ..
