تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

مساء الخير

مرحبا

- الكروشات الجدد ، اذا حابين اضيفكم لجدول الكروشات اكتبوا تاريخ الولادة -



ام حمني :
زين اشوى الحمدلله


فارفالا :
صاجة والله ، حلو الشعور لما تنزلين و يترتب الجسم
والبطن امره هين ان شاءالله و بينشد مع التمارين
وانا معاج مليون بالمية في موضوع الجلابيات وايد تخرب الجسم
وتخليج تاكلين بدون حساب و البنطلون في البيت اذا كان ساتر و طويل ليش ماتلبسينه في البيت




يومياتي :
امس رحت موعدي مع نيوترشن و طلع وزني ثابت
يوميات امس :
الفطور شربت شاي احمر
و تميت عليه لين الموعد و عقب رحت جمعة بنات و تعرفون جمعات البنات شلون
شبس و كافي و كابتشينو و ناتشوز و العشا كان بيتزا و سلطات و اخر شي السويت كان ايس كريم

اليوم :
فطوري : شاي حليب و ساندويتش بيض وجبن  

مسا النوور



ام حمني
ممم مدري احسها مب مالت هالاساور
وعندها ايبوود
قالووولي تحب الكتب
بس انا متعرف كتب شنو ..كتب اجنبيه وجي :s
ماحب اشتري هدايا أتوهق

تسلكون حوبي ع الرد

حايره اخذيلها ساعه هاي الي اول ماطرى في بالي

دوحانيه
عندي ثابت ولا مرتفع
يلا ان شالله تعوضين في الموعد الجاي

قاسوني في كيرفز زايده كيلو وسم في كل المقاسات :(

حايرة :
اخذي لها روايات اجنبية وعربية مع بوك ماركس و مخدة الكتب مالت من فيرجن


كامي :
اي صح انا بعد عندي يثبت و لا يزيد مع اني رايحة كنت متوقعة زيادة
ان شاااءالله المرة الجاية يكون في نزول لي و لج (؛

مـرحبـا ..

شخبأركم مامـيز ,,

صباح الخير
:)
ماشالله الكروشات الجدد الله يثبت لكم حملكم انشالله
بنات الريجيم
الله يقويكم انشالله وتنزلون كل الكيلوات الي تبونها ياااارب

دح دح
هو على التعود
وفي خدم تحسين ياكلونج يعيونهم
يحسسونج انج مسوية شي غلط
ولا يصيدهم حقد
بس انا البس اذا ساتر بس ماكون مرتاحة وايد
بس بعد راح البس
واكشخ وماعلي من احد خخخخخخخ

روح
ميرسييي والله يسمع منج ونوصل اللي نبيه
انا عن نفسي اتمنى لو ١٠ كيلوات بعد
وارجع قياس ١٤
بطيييييييييير من الفرح

صباح الخيرات والليرات <<اذكركم في لولوه قط قط





هيووووب
شخبارج
واشلونها نساتج ؟؟




كامي ودحدح
ان شالله يارب تضعفون وتنزلون مثل ماتبون
شكلي معاكم في الريجيم ماقدر اكل
البارحه اوني بتعشى في مطعم هندي ومن كلت الربيان كاري حسيت بشي
ومن ثاني قطعه كنت برجع زين هالمره طالبه سبرايت واشربه كله واطلب لي واحد ثاني بعد ..
يقولون لي لان الاكل دسم ولاني شربت شوربه وكلت سمبوسه بس سمبوستهم صغيره واااايد يعني
المهم الربيان كاري راح علي







فارفلا
انا من رايي دحدوحه
ويعتمد خدمج اشلون لبسهم في البيت
واذا انتي من البدايه علمتيهم انج تلبسين اللي تبينه
انا عادي البس تنانيير قصيره حد الركبه في البيت واذا اقصر من الركبه لما انادي الخدامه اروح داخل واقول لها اللي ابيه من ورا الباب
او البس ثوب الصلاه واكلمها واخليها تخلص شغلها وانزلها تحت واقعد على راحتي
عوديهم من الحين احسن ..






رووووحو
اشحالج واشحال عبادي




حيووور
الهديه اذا انتي ماتعرفين هي شتحب نوعي لها
اذا مب عارفه نوع الكتب اللي تحبها
اخذيها اكسسوارات شكلي بين حلق واساور حتى لو هي مب من هالنوع
شتسوين ماتوقع الكل بيجيب لها هديه على حسب ذوقها هي
مممم او اسالي عن الاشيا اللي تميل لها اكثر

لولو حياتي
انا غرف الخدم عندي في الشقة غرفتهم
مايصير اطرشهم تحت
ماعندهم شغل تحت
وماحب البس حتى قدام عيالي قصير
تحت الركبة عادي مممكن البس

اووووه مللني التوقيع
من مساع اسويه ولا براضي يضبط معاي
نرفزني

مرحبا

بنات عندي مشكله جديه ..

بغيت سرير خشب حق طفل عمر سنه وطالع يعني يكون سيفتي بحيث ان الطفل مايطيح من السرير لان في هالمرحله يحاول يوقف ويتقلب ومادري شنو
المهم اهم شي ان هالسرير يهتز لان بنتي ماتعرف تنام بدون هز لعوزتني
والشي الثاني انها تقوم فليل تنقلب على بطنها ومادري شتسوي والقى قاطه راسها في صوب وريولها في صوب وهي اصلا تبي تنام بس جي لما تنقلب بالغلط تسوي جي وتقوم نص الليل
لان سريرها القبلي كان طويل بس ضيق ويهتز فكانت تنام بس سيده بدون ماتنقلب يمين ولا يسار فهمتوا علي والوضع الحين مختلف عليها عشان جي مو عارفه تنام والله انا توهقت وامس كانت بتنقلب من سريرها الصغير فغيرته واستعملتلها الكبير بس الكبير مايهتز وهي ماتعرف تنام بدون هز وتم تتقلب يمين ويسار مب عارفه شسالفه

انجدووووووووووووووووووووووووووووووووووووووووووني

كامي
يسلمووو بعد عمري
نااايس تسلم يدج





فارفلا ..
ماعرف والله
عالاقل البسي بناطلين ولقينز طويل مافيها شي قدام عيالج والخدم ..
اللبس ستير مب مشخلع عادي ..
احسن من انج تلبسين على كبر بعدين ..




مريم
ماقد شفت سرير كبير ويهتز ..
خليها تتعلم تنام بدون هز
اتعبي معاها هالكم يوم وخلج على سريرها الكبير اللي بدون هز احسن من انها تكبر على هالشي انتي بعدين بتتغربلين ...
وعن التقلب هالشي عادي الياهل كل ميكبر تزيد حركته في النوم ومب لازم كل ياهل يكون هادي ومايتحرك في نومه ..
بنوتي الله يحفظها لازم اشوفها واعدل جسمها لاني مره وحده القاها نايمه عرض والا راسها على طرف السرير عادي ..

صباحكم سكر

كامي
حلوين الصور
دام ذوقج حلو اسعفينا بفساتين اعراس ورانا عرس هع ميغسي حوبي

لولو
اللللاي
حسستيني اني صغيرة
انا البس بس ماعندي هالثقة اني البس اي شي
حتى لو يظهر عيوب جسمي مثل بعض الاخوات المربربات والمتان
قصدي شريف<<<< بعد ما خرتيها هاهاهااااي
بس اللي عندي كرشة ولادة
بس استحي تبين
ماحب شكل زنودي
احاول اتقبل واقول عادي
وغيري امتن ويلبس
بس بعد اتردد
اشتري وكل شي بس استحي البس

السلام عليكم ياحلوات
شخباركم
اتابعكم من ورى الكواليس
انا كروشه في نهاية الثامن
وحابه انضم لكم

ادعو لي ان الحيا اللي ماله لزمة يرووووح
ودي اكشخ بدون ما اعيب على نفسي

خصوصا ان بيتنا وايد ينقدون
مو دايما يشجعون

حي الله اختنا ميستري
والله يتمم لج على خييير