تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

والله كلامج عدل يالولوه الله يعينا على الغربال
بس اعتقد اني مره شفت سرير يهتز كبير في شيكو مو متأكده :!!: بس صج لين متى بتم اهزها .. هي مو دايما تبي هز بس ساعات يعني يوم تسترزل :I:

فارفلا..
والله ماعليج من حد اشتري اللي خاطرج فيه والبسيه بس قبل لاتشترين شي جربيه في غرفة الملابس اذا حسيتي ان طالع حلو عليج والله البسيه وعادي شدخل تستحين
انا البس كل اللي ابيه ولا استحي ولا افتكر في حد ودامج تسوين رجيم يعني جسمج بيترتب ان شاء الله

ميستري ولكم
انا بعد جديده هون

الله يحييج حبوبه
وربي يسلمج

كامي :
يسلمووو
كالعادة ذوقج مميز


مريم :
انا مع لولو في كلامها
ونصيحة البيبي الثاني لا تعلمينه على هالشي



فارفالا :
ماعندج سالفة
دامج في البيت لبسي اللي يناسبج و يخفي البطن او مايبرزه وايد

فارفلا
هذا انتي قلتيها
بيتكم ينتقدون
يعني اذا ما لبستي من الحين وعلمتيهم
بعدين بتستحين اكثر انج تلبسين عشان لا ينتقدون ولا يعلقون ..مب عشان شي ثاني
وكرشه الولاده كلن يعاني منها
وتروح لاتسمعين حق اللي تقول كرشه الولاده ماتروح تروح يبيلها صبر مب شهرين او 3 وتملين
تبينها تروح وتصغر شدي على عمرج وسوي رياضه بطن وحق الزنود في وايد تمارين شد
تنفع وااايد










تعبت وانا اكتب

فديتكم والله
ميرسيييي جميعا عالتشجيع
والحمد لله
هالمرة عندي اصرار كبير اني اضعف واطير الكرشة
لاني صج زهقت

ام حمني
هاي كولكشن رمضان خخخخخخ

مستري
ولكموووو

لولو ودوحانيه
ثانكيو حبيباتي

السلام عليكم
شحالكم بنات
وحشتوني :)

مبرووووك لولوه الدوحه والله يثبت لج وينقله لتمامه يا رب

صباح الخير
فارفلا
انشالله توصلين الوزن الي تبينه وتلبسين كل الي في خاطرج
لولو
فديت قلبج
طيبه طاب حالج وعبادي فديته بخير
شخبارج وشخبار الشوش فديتها ؟

صباااح النوووور

كيفكون بنااات
؟!؟

رووح
ميرسي خالس
الله يسمع منج

صبااااحوووو

شخبااااركم يااا جميلااات ورشيقاااات ؟؟

امممم الحمدلله يوم الجمعه وصلت من فرنساا واليووم داومت بعد اجاازة طووويله وعريضه واحلى شي انه انقلووو دوامي للمبنى الجدييييييد ومكتبي حلووو

دام انكم اتسولفوون عن الريجيم بحاااول اتحلطم على نفسي خخخ
انا من طلعت من الاربعين زاد وزني 3 كيلووو وابي انزلهم واحس كرررشتي زااادت مااخفت وزني صار 57 ابي اطيييير الكرررشه وافكر اشترك في جم بس ابي شي يكوون قريب من الدفنه وضواااحيهااا
شرايكم في كلاود ناين ولا دايمووند ؟؟ ماابي شي واايد سعرره اوفر لاني ابي اجرب اشترك شهر واذا شفت نفسي ملتزمه بشترك مدة اطول
وترى انا مالي خبره في الريااضه شنو ينفع مع الكرشه الاجهزة ولا التمارين ؟؟
صج صج كاارهه جسمي مع انه الكل يقولي احلى عليج المتن بس الكرررشه وااايد ملوووعه جبدي :'(:'(

صباح الخير عالجميع ...

ماميز شفتو هيفا في ستار اكاديمي
توني اشوف عاليوتيوب وهي لابسه ذهبي
عجبتني اللمعه الي فالظهر
تعرفون اي ماركه ؟

صباح الخير

شخباركم ماااميز ...



فارفـلا
صبحج الله بالنور والسرور
وان شاء الله توصلين للوزن اللي تبينه

نـواري
الحمدالله على سلامتـج وولكم بـآآآك لحنه ورنه الدوام
بس زين غيروو مبانكم شوي تغير النفسيه ,, بالنسبه للكريشه
اختكي مثلكي وايد اعاني بس انطر اكمل 6 شهور بشترك في دايموند ان شاء لله
وايد مدحوه وسعره اووكي

النظره الخجووله
وايد تكلمو عن هيفاء في ستار اكاديمي وانا ماشفتها للحين




بفتح لكم موضوع نقاش خل يتحرك الشات شوي

شنو جدوولكم اليومي ( [MARK="#FF9999"]الموظفه وربات البيوت[/MARK])

بالنسبه لي انا موظفه احس يومي كله يروح وانا ماسويت شي
اجي من الدوام وانـام واقوم واقعد باقي يوومي وانا تعبانه والا مصدعه
يادوب اقوم بواجباتي اليوميه
احس لازم ارتب اسبووعي وارتب يومي بالذات اسوي شي يفيدني ولا بعارفه
اذا بلتزم والا لا ,,


بغيت تجاربكم وخبرتكم في هالموضوع

ام جووولي

حلوووو موووضوووعج
اممم بالنسبه لي صار لي سنه مب مستقره في بيتي لسبب سفر ريلي بس بتكلم عن يووميااتي قبل سفرره

طبعا انا كنت ارجع من الدوام قبله واتجهز حق رجعته ونتغدى وعقب اقيل لي ساعتين ولا سااعه ونص واقووم العصر اقعد مع ولدي شووي واحط فواله حق ريلي وبس مرااات هو يطلع وانا اروح عند اهل ريلي اقعد معااهم ولا اروح بيت اهلي واقضي اغرااضنا مراات وجي وفي الويكند السبت يكوون فاملي دي اطلع مع ولدي وريلي حتى انا احس ابي اسووي شي مفيد حق نفسي بس ماحس في وقت وخااصة اني اكوون في الدوام ولازم اقووم بواجبااتي ناحية ولدي وريلي بعد الدوام

صباح الورد

فارفلا: مبررررررررررررروك خسارة الوزن .. وان شاءالله تضعفين وتصيرين رشيقة

نواري: هاذي مشكلتنا نتعذر بكل شئ بوقتنا وبعيالنا .. حاولي طلعين لج وقت من تحت الارض
هالايام الجو معقول اعرف وايد بنات الي يداومون في منطقة الابراج يروحون الكورنيش الصبح يمشون شوي قبل الدوام .. او الظهر عقب الرجعه من الدوام

او ممكن تقعدين الصبح قبل نس ساعة من موعدج كل يوم وتمشين الصبح اذا عندج جهاز رياضة او في الليل بعد ماينامون عيالج المهم خصصي لج وقت كل يوم نفس الموعد تسوين رياضة

وفي الويكيند خلي لج كل يوم نص ساعة .. عندج مجال قبل ماتروحين حق هلج

نواري اذا انتي ماخصصتي وقت حق نفسج محد راح يخصص لج هالوقت

صباح الدوام الدب

مصدعه ويوعانه
وابي الفراااش

صباحكم ورد





نواري
اشلون مافيه وقت
انا بطلع لج الوقت بنفسي
الحين تقيلين لج ساعه والا ساعتين وعقب تقابلين ابوكم ويطلع ..وبعدها
ودي عيالج عند اهل ريلج مع الخدامه تقابلهم ..
وانتي العبي رياضه او اشتركي في جم ..
الوقت موجود مثل ماقالت اليجنت احنا ندور اعذار لكل شي ونتلكك
لو نبي نقدر وقت حق شي احنا ميتيييين عليه و ودنا نسويه ..
ولان الموضوع فيه رياضه تلقين نفسج تقولين والله مافيه وقت
حتى لما تروحين بيت هلج
تقدرين هناك تسويين رياضه ..







غيور
اذا انج تصدعين من نومه الظهر بطليها
بتتعبين اول اسبوع ..عقب عادي بيصير وبترقدين بدري
او انج تنسدحين وتاخذين غفوه شوي عقب الدوام ..
وتقومين عقبها
لان الصداع يخرب المزاج ..
كنت انسدح اكثر من اني ارقد لان شوش تكون ماخذه غفوتها وماتبي تنام واطلع من الغرفه
كنت مرات اسوي كيك او فطاير او اجهز حق العشا مثلا حق الشوش وحقي خفايف يعني ..
وتلقيني في الليل دايخه حددددددي







تفاحه
الحمدالله ماشوف هالبرامج اصلا
اذا انها غنت في البرنامج بيحطوون اغنيتها بعدين بشوفها لوووول
مع اني خاطري اشوفها الحين




بيبي بنك
نورتي
الله يبارك فيج حبوبتي








روحووو
شوش طيووووبه
تقول حق مرة اخوي في بطن ماما بيبي
الله يستر بعدين لا كبرت الكرشه ..وطلع اللي فيها ..

لولوه قط قط
اوووووف الله يكره من دواااام
صباحج نور

صباااحو بنات...
بصراحه ابي اسوي شي بحياتي مللللللل مب طبيعي ودي اسوي مشروع او ابتدي بشي جدي يغير لي هالروتين الممل...
صايره حتى ماداني اليهال لي قعدوا ونثروا والا حنوا...

باقي على بيتنا شي بصيط المطبخ البراعي مع البانتري الي فوق والمكيفات لو عندي جان اليوم خلصت وافتكيت بس افكر اقول لو خذت الحين سلفه عشان هاي كله وبعدين رديت عشان نأثث البيت مادري شكثر بيطلعلي
انتوا شرايكم المكيفات بس 50 الف والمطابخ مادري بس اكيد فوق ال15