تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

السلام عليكم


مساكم احلى من الورد


بدورة مبروك الوظيفة وبالتوفيق

مساكم الله بالخير

مساء النوور ^^"


ماميز انا راجعت عند دكتورة هيا الكواري وقلت لها عن ألم بطني الي مثل الدورة ,, قالت مب طبيعي وعطتني حبوب مثبت للحمل !
في حد صار له مثلي ؟ انا خوفتني :(

كيوت نوني
حبوبه هي سوت لج تلفزيون / سونار والا بس جذي قالت انه مب طبيعي ؟؟
حبوب التثبيت عادي خذتها في حملي الاول في الشوش في الشهر الثالث
كنت اخذ حبتين في اليوم عقب صارت حبه ..
اذا تحاتين روحي حق دكتوره ساميه النمله
ماشالله كامي تابعت عندها في بناتها الثنتين وام حمني تابعت عندها
ويمدحونها ويمدحون اسلوبها في الشرح والتعامل ..
مابيضرج شي اذا خذتي راي ثاني
اخبر في الشوش الدكتوره كتبت لي حبوب مغنيسيوم لانها تخفف من تقلصات العضلات فماتحسن بالام البطن هاذي
جربي روحي عند دكتوره ساميه مثلا وشوفي رايها
ماعليج شر ان شالله










برب

ايه سوت لي ,, تقول عشان اتأكد اذا كان الحمل خارج الرحم او لا !

وعطتني هالحبوب مرتين ف اليوم لمدة 10 ايام .. انا بستمر لموعدي الياي
اذا مارتحت بروح للدكتورة الي قلتي عنها

ثانكس لوولووة :*

ثانكس عذبة

انا رحت عند هدى الجاسم ممتازه بس المشكله مع مواعيدها
الله يستر :(

نوني
انشاءالله خيير لاتخافين ولاتحاتين بس عشان اتطمنين روحي لساميه النمله او مريم سلمان

كيوت نوني :
هيا تشخيصها فاشل ! مرة رحت لها ماخذت دقيقة مع السونار و عقب كتبت لي حبوب حق هرمون الحليب
بدون تحليل !!..
اخذي موعد عند مريم سلمان و روحي لها

ماادري ليش انا مارتحت لهيا

غير ان حماتي معصبة عليها تقول تشخيصها للجنس دايم غلط تقولي ولد ولما رحت عند غيرها طلع بنت وكنت مجهزة ملابس ولادية حتى رفيجتي قالت لها تؤام بنات يوم ربت ولد وبنت

شيكي بعد عند غيرها عشان اتطمنين اكثر

السلام علييكم


نوني
بخصوص هيا ماانصح فيها كمتابعة للحمل


انا رحت لها مرة وحدة بس وماعدت رحت لها مرة ثانية


كنت في الاربعين في سويرة رحت لها كنت اعاني من امساك شديد طلبت من مخدر موضعي


اكتب لي مخدر بخاخ وانا في طلعة من عندها بروح صيدلية الخلود اتصلت فيني قالت تعالي ارجعي ماينفع لي المخدر اللي كتبتة لج نسيت انج خياطة رجعت واكتبت لي مخدر مرهم زين انها تذكرت ولا كانت علومي علوم حزتة بسبب البخاخ المخدر الحمدلله


خخخخخخخخخخخخخ في النهاية مانفعني شي منها هالخرابيط الية خذتهااا



لاتحاتين ان شاء الله ربي يثبتة لج وتشوفينة بسلامة




انتي خلج مرتاحة وكلة رافعة ريلج وكثري من شرب الماي

وحبوب التثبيت خذتة انا في بنتين لمدة 4 او 5 شهور

لووولوة الدووحه
أي يبيلي اشترك في جم يملي وقتي شوي

بدوره
مبرووك الوظيفه حوبي

صباح الخير
كيوت نوني
الله يثبت لج الحمل ياارب
استشيري دكاترة ثانيين الله يكتب لج الي فيه الخير
بدووور
بالمبارك الوظيفة الله يكتب لج الخير انشالله
لولو
فديت قلبها انشالله ياارب تحبه وماتغار منه يااارب
الله يحفظها ..

يغار
ماشالله اختياراتج دايما حلوة

صباح الخير والحب والتفاؤل

هتان
ميرسي عالتشجيع
وان شاالله ننزل كل الكيلوات الغير مرغوبة
وينشد جسمنا ونرد نفس ماكنا بنات

فجر
مشكورة على اهتمامج
اانا قصدت الحيا المذموم
بالعكس انا حتى قدام الحريم ما البس كاشف او قصير
او حتى لقنز بس ممكن جينز والقميص يغطي على الاقل لين تحت منطقة الحوض

مادري من توظفت
نسيت ... وايد قريت
مبروووووك

يغار
انا حدولي اليومي حددده مضغوط
اوصل البيت من الدوام ١ ونص
على ما استعد للغدا واصير فرش صارت ٢
اتغدى واقعد مع ريلي والصغير معاي واحيانا لا لين ٣
عالسريع اقول لعيالي يسوون واجباتهم
واجهز للكلية واوصل ٤ وارجع من الكلية ٧ او ٧ ونص
حسب الزحمة والمدرسين متى يعتقوننا
اشيك على واجباتهم وكلهم على ٨ ونص رقود
واجهز العشا لي ولريلي
وولدي في حضني او مع الخدامة
اخلص عشا ٩ ونص واخذ ولدي قريب وقت رقاده
واقعد مع ريلي لين ١٠ او ازيد شوي واحيان ادرس اذا رقد ولدي بدري
واحط راسي اذا نعست لان متريح الظهر
واخذ شور وانام
خاطري اسوي رياضة
وحلويييييت الملابس
احب هالموضة
بس ما عندي وقت

صبـآآآح الكـرك :C:

شخبآآركم مع الجو الحلـوو !!
ثنكس مامييييز على مشاركتكم وتفاعلكم مع موضوعي F:


كيوت نوني

استشري دكتوره ثانيه والله ثبته لج ان شاء الله

صباح الخير

جدولي اليومي : طبعا في الدوام لي 3 لين اخذ ولدي من بيت ابوي وارجع صارت 4 لين ابدل واتغدا صارت 4 ونص

اقعد مع ولدي وريلي .. لين وقت العشا نتعشا وعقب نام

ومرات اسوي رياضة العصر او اذا عندي مشوار ضروري اقضية وارجع وبس

اليجنت

آآه دوامج حده متعب الله يعينج


AŢнβA

خخخخ عليج بالعافيه ,, واللهم آمين

ووووووووووين باقي الماميييييز


حده ملل :*_*: