تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

مرحبا

عيون محمد
.. يامرحبا ومسهلا منورة بين خواتج .. الله يتمم لج على خير إن شاء الله

فراشة بوظبي
.. تسلمين فديت قلبج وان شاء الله تنضمين لنا بعد الولادة

عذبة
.. مثل ماقالت لج لولوة روحي عند فهد القحطاني .. ترى مشكلة بنتج نفس مشكلة بنتي مسكينة كذا مرة تقولي وأوديها عند دكتورة آسيا في عيادة الدوحة
وكل مرةتقولي التهاب وتعطيها كورس أدوية بس يرجع لها تعبت بصراحة وكل مرةتعيدنفس الأدوية.. الأسبوع اللي طاف وديتها عيادة فهد القحطاني وقالي عندها حساسية بسيطة وعطاها أدوية غير ومراجعتها الأسبوع الجاي ..مكان العيادة شارع النصر مقابل ألوان الخليج عمارة قديمة هو في الطابق الثاني ..اذا تبين تدخلين عندفهد روحي أي يوم غير السبت لأنه مايداوم السبت في العيادة ويكون موجود دكتور حسام بهاليوم وبعد شاطر ..

بكمل يومياتي ..غداي بشاميل دجاج .. السناك بسيمة .. العشا سندويش جبنةمالحة بالفلفل وفتوش ونسكافيه

صباح الخير


هتان مشكورة فديتج
دومج ما تقصرين عسى عمرج طويل فى طاعته ..
بأوديها اللحين وان شاء الله خير

عيون محمد
حياج الله وربي يتمم لج على خير

الجو اليوم فظيع ..
الله يعين على الحساسية والربو :(

صباحكم كادي

عذبة
.. العفو فديت قلبج ولو ما سويت لج شي .. الله يشفي بنتج يااارب


صج اليوم الجو عجيب هالجو يمرض عيالنا الله يعينا من شفت الجو قمت أحاتي بنتي لأن عندها ربو الله يحفظها


ريوقي اليوم حبة توست مع جبنة حلوم وزيتون وخيار وشاي أحمر .. تمللت من الخيار كل يوم عالريوق :(

لولوة الدوحة

.. حلاتين عالصورة تجنن .. صباحج خير وسعادة

عيون محمد

.. هي عالعموم منبهات لا تكثرين منها .. كوب واحد في اليوم كفاية ..

عيون محمد

.. أكتبي في قوقل الأغذية المفيدة والأغذية الضارة في فترة الحمل بتطلع لج معلومات وايد تقدرين تستفيدين منها .. بعض الأشياء الحارة تضر في بداية الحمل بس إذا خذتيها بكثرة مثل الزنجبيل والأناناس والدارسين هذا اللي أعرفه وكل شي أخذيه باعتدال وتوكلي على الله لا توسوسين الله سبحانه وتعالى هو الحافظ ..

أم شيوخ


.. مادري حبيبتي شوفي الدكتورة أشقالت لج عادي ولا لا والنزيف المفروض كم يوم ويوقف اسأليها وأستفسري عن كل هالأمور عشان اتطمنين أكثر وماعليج شر إن شاء الله ..