24 نقول يا تري بتعملي الأكله دي ازاي؟ مبدعات مصر القمرات ..شهر جماد الأول1432)

sweetgirl2011;15014361:
ازيكم ياقمرات
عندي طلب واتمنى كلكم تفيدوني باقتراحاتكم الجميلة
محتاجة منيو لعشاء او غداء لشخصين بس مميز ويكون شكله علي المائدة حلو جدا

فراخ كوردن بلو بالسوسيس والجبنه الشيدر
مكرونه نيجرسكو
سلطة خضرا
وتوميه
وعصير برتقال فريش

الموضوع نايم اوى ليه كده يابنات

ازيكم يا بنات الموضوع نايم لية كدا

ازيكم يا بنات ... عادي معلش بيجيلنا فترة كده بننام فيها و نرجع نصحي .... بلييييييييييييييييييز تدعولي ربنا يفرج همي و يصلح من أموري شكلي الحمد لله أخدت عين تمام قوي في علاقتي مع جوزي و الحمد لله بقالي اسبوع في نار ألف حمد ليك يا رب مش تنسوني من الدعا لو بتحبوني يا بنات بلييييييييييييييييييييييييييييييييييييييييييييييييييييييييز

ام بودى ربنا يبعد عنك اى اذى وكل سنه وانتى طيبه يا جميل

احنا بكره هنكون عندكم فى اليكس لو عاوزه اى مساعده احنا فى الخدمه دايما

تيجي بألف سلامة يا سلاد و لو انتي عايزة حاجة يا حبيبتي انا في الخدمة و نفسي أشوفك بجد حتقعدي قد ايه؟

ازيكو ياعيال وحشتونى اووووووووووووووى
مالك ياام بودى ربنا يبعد عنك الشر والحسد يارب

ربنا يخليكى يا ام بودى هنقعد اربع ايام يا ام بودى


انا كنت جايبه خضار الاسبوع يا ترى لو سيبته لغايه ما ارجع هيبوز

طماطم خيار جزر فلفل بتنجان بسله خس ملوخيه وجوافه وخوخ

Boody we zady;15018214:
ازيكم يا بنات ... عادي معلش بيجيلنا فترة كده بننام فيها و نرجع نصحي .... بلييييييييييييييييييز تدعولي ربنا يفرج همي و يصلح من أموري شكلي الحمد لله أخدت عين تمام قوي في علاقتي مع جوزي و الحمد لله بقالي اسبوع في نار ألف حمد ليك يا رب مش تنسوني من الدعا لو بتحبوني يا بنات بلييييييييييييييييييييييييييييييييييييييييييييييييييييييييز

ربنا يفك كربك ويفرج همك
محدش بيسيب حد فى حالو

manafola;15021630:

بجد الموضوع وحشني قوي يقالي كتييييير مش بشارك عشان ظروف الشغل و البيت و مروان الحمد لله علي كل حال

عايزة غدوة معجنات و بانيه اعمل ايه ؟؟؟

أعملى فطيرة الفراخ والبشاميل
او اعملى بيتزا بالفراخ

ايه النووووووووووووم ده يا بنات
طب انا مزنوقة دلوقتي وعوازاكو:worn_out:
عاوزة غدا ليومين يعني عزومتين ورا بعض بس حاجة بسيطة كده
عوازة اعمل جلاش باللحمة المفرومة او بخلطة البيتزا عاوزة الطريقة بالتفصيل
وعاوزة كمان طريقة الجلاش الحلو
وعاوزة افكار يعني بفكر
اعمل ايه في يوم جنب الجلاش ده
ولو ممكن اعمل تاني يوم ريش اعمل جنبها ايه محشي مثلا والا ايه ؟؟
عاوزة اكل جديد واختراعات من بتاعتكو كده
وطريقة الرز بالخلطة برده فكرت اعملت جنب الريش
قولوولي باة اعمل ايييييييييييييييييييييه^o)

ام بودى عاملة اية ربنا يبعد عنك الازى يا رب

DodyCat;15015228:
سؤال بقى أمبارح عملت مكرونه بالصلصه تحفه بس بهارات المكرونه جت زياده أعالجها ازاى
اصل جوزى غضب عليها ومرضاش ياكل
أنا مش عارفه مالى اخدت عين تمام فى الاكل حاجات كتير بقت تبوظ منى رغم انى والله بسمى وبقول أذكار

لا يا جميل ملهاش حل الا انك تسلقي مكرونة تاني وتعملي صلصة عادية وتقلبي كله على بعضه
بس كده حرام خسارة المكرونة هتكتر عليكم
وبصي وانتي بتعملي الاكل اقري سورة (الفيل) سبحان الله بتدي بركة في الاكل وبيطلع الاكل جميل
وخلي السورة دي اساسية لما تعملي عزايم وخصوصا وانتي بتغرفي الاكل
سبحانك يارب الاكل بيبقى طعمه جميييييييل وفيه بركة رهيييييييييييبة سبحان الله بجد

Boody we zady;15018214:
ازيكم يا بنات ... عادي معلش بيجيلنا فترة كده بننام فيها و نرجع نصحي .... بلييييييييييييييييييز تدعولي ربنا يفرج همي و يصلح من أموري شكلي الحمد لله أخدت عين تمام قوي في علاقتي مع جوزي و الحمد لله بقالي اسبوع في نار ألف حمد ليك يا رب مش تنسوني من الدعا لو بتحبوني يا بنات بلييييييييييييييييييييييييييييييييييييييييييييييييييييييييز

صح يا ام بودي احنا ذات نفسنا البشر بيجي علينا فترة منعدمين النشاط وفجأة بتجيلنا الفوقة ههههههههههههه
بس انتي مالك يا حبيبتي فيكي ايه قلقاني عليكي انا حاسة فيكي اصلا حاجة ربنا يفرج كربك ياااااااااااااااااااارب

رشرووش;15019677:
ازيكو ياعيال وحشتونى اووووووووووووووى
مالك ياام بودى ربنا يبعد عنك الشر والحسد يارب

manafola;15021630:

بجد الموضوع وحشني قوي يقالي كتييييير مش بشارك عشان ظروف الشغل و البيت و مروان الحمد لله علي كل حال
عايزة غدوة معجنات و بانيه اعمل ايه ؟؟؟

ربنا يقويكي يا جميل
مش المكرونة معجنات اعملي مكرونة وبانيه :p
ممكن تعملي حواوشي وجمبه بانيه، او تعملي بيتزا وجمبها بانيه
بصراحة ايه ده مش عارفة افكر ايه يا قمر جاية تلغبطيلي مخي ليه ههههههههههههه

انتي لازم تقلي بانيه ولا عايزة معجنات بالبانيه يعني ادخلك طريقة الفراخ فيها كحشو؟

DodyCat;15022056:
أعملى فطيرة الفراخ والبشاميل
او اعملى بيتزا بالفراخ

ازاي طريقة فطيرة الفراخ دي يا دودي ممكن الطريقة؟؟

رووفة;15022190:
ايه النووووووووووووم ده يا بنات
طب انا مزنوقة دلوقتي وعوازاكو:worn_out:
عاوزة غدا ليومين يعني عزومتين ورا بعض بس حاجة بسيطة كده
عوازة اعمل جلاش باللحمة المفرومة او بخلطة البيتزا عاوزة الطريقة بالتفصيل
وعاوزة كمان طريقة الجلاش الحلو
وعاوزة افكار يعني بفكر
اعمل ايه في يوم جنب الجلاش ده
ولو ممكن اعمل تاني يوم ريش اعمل جنبها ايه محشي مثلا والا ايه ؟؟
عاوزة اكل جديد واختراعات من بتاعتكو كده
وطريقة الرز بالخلطة برده فكرت اعملت جنب الريش
قولوولي باة اعمل ايييييييييييييييييييييه^o)

بصي الجلاش يعتبر مقبلات مش ينفع لوحده في العزومة الا لو هي عزومة عشا مش عارفة
بس هقولك الطريقة ازاي
لو باللحمة المفرومة هتعصجي لحمة عادي ماشي
لو بحشوة البيتزا هتعملي حشوة بيتزا تقطعي طماطم مكعبات + فلفل رومي مكعبات + سدق قطعيه حلقات او ممكن بسطرمة بداله او سوسيس+ زيتون + جبنة تركي مبشورة او شيدر تمام كده

هتجيبي بقى الصينية ادهنيها زبدة او سمنة ورصي راقة جلاش وهكذا لحد حوالي 5 طبقات
بعد كده رصي بقى الحشوة اللي انتي عايزاها كله مفرط على بعض وبعدين راقات جلاش تاني وتدهني بينهم زبدة وقطعيها قبل ما تدخليها الفرن
بعد حوالي 5 دقايق طلعيها وتكون مجهزة كباية لبن، وتضربي بره بيضة بشوية فلفل اسمر وحبة ملح بسيط وتطلعي الصينية وتصبي فوقها اللبن ده ودخليها الفرن تاني بقى تكمل باقي سواها

ولو لحمة مفرومة نفس النظام بالضبط
واعملي جمبها سلطة كولسلو هتبقى خفيفة وحلوة وممكن سمبوسة باللحمة المفرومة محشية او تحشيها جبنة وبطاطس شيبسي او تعملي بطاطس اللي بالزعتر دي في الفرن ناسية اسمها :D واعملي جمبها محشي ورق عنب

وممكن تاني يوم تعملي ريش في الصينية بحلقات البصل والطماطم والبطاطس واعملي رز برام عادي جمبها او رز عادي بالشعرية ومخلل

نوووور عاملة ايه طمنينى عليكى

رووفة;15022190:
ايه النووووووووووووم ده يا بنات
طب انا مزنوقة دلوقتي وعوازاكو:worn_out:
عاوزة غدا ليومين يعني عزومتين ورا بعض بس حاجة بسيطة كده
عوازة اعمل جلاش باللحمة المفرومة او بخلطة البيتزا عاوزة الطريقة بالتفصيل
وعاوزة كمان طريقة الجلاش الحلو
وعاوزة افكار يعني بفكر
اعمل ايه في يوم جنب الجلاش ده
ولو ممكن اعمل تاني يوم ريش اعمل جنبها ايه محشي مثلا والا ايه ؟؟
عاوزة اكل جديد واختراعات من بتاعتكو كده
وطريقة الرز بالخلطة برده فكرت اعملت جنب الريش
قولوولي باة اعمل ايييييييييييييييييييييه^o)

ازيك ياجميله F:

بصي ياقمر الجلاش الحلو انا لسه عاملاه امبارح بالمهلبيه وطلع حلو الحمدلله
الحشو ياستي بتجيبي نص لتر لبن و3 معالق نشا وتدوبيهم علي البارد بعدين ترفعيهم علي النار وتحطي شوية فانيليا صغننين وحبة ميه ورد صغننين وتسيبيه لما يتخن وتطفي عليه وسيبيه يبرد
والجلاش هتقسمي لفة الجلاش نصين وترصي النص الاولاني في الصينيه تحت وبين كل ورقه وورقه تدهني سمن خفيف وبعدين تحطي الحشو وتكملي النص التاني بنفس الطريقه وفي الاخر بتدهني سمن برضو وتقطعيه قبل ماتدخليه يستوي
واول مايطلع تسقيه الشربات (كوباية سكر وكوبايه ميه ولمونة وانا بحط سنة قرفه بس مش اساسي يعني)
الحشو طبعا ممكن تحطي فيه سكر لو عاوزاه مسكر اوي اوي بس متنسيش ان الشربات لما بيتسقي بيسكر الجلاش يعني ومبيبقاش محتاج سكر تاني في الحشو


الرز ياستي بقا انا بعمل رز كده مشهورة بيه في العيله مالهوش اسم من اختراعي:lol:
بصي ياستي في الحله بتاعة الرز حطي شوية زيت او زبده وعليهم بصله كبيره مقطعه صغير لحد ماتصفر حطي عليها فراخ فيليه مقطعه شرايح لحد مالونها يغير وبعدين حطي بسله وجزر وسيبيهم شوية والتوابل بقا قرفه وجنزبيل وسنة كركم صغيره وسنة كزبرة ناشفه صغيره وشطه وملح وفلفل وصويا صوص ومسطرده وكاتشب معلقه كبيرة تقريبا من كل حاجه بعدين تحطي عليهم الرز المغسول وتقليبه كده وتحطي الميه علي أده وتسيبيه يستوي
وبالهنا والشفاF:

ام عمر افندى;15011466:
ربنا يخليكى يا رورو على الدعوة الحلوة دى ربنا يكرمك ياااارب

انا برضوا بعملها فى البايركس بس قبلها بيوم واحد واحطها فى التلاجه وتانى يوم بطلعها قبل ما ادخلها الفرن بساعتين كده عشان متبقاش ساقعه وادخلها فرن سخن ممكن لو لقيتى نفسك فاضيه فى يوم اعمليها وخليها لتانى يوم بس فى التلاجه

وفى فكره جاتلى مش عارفه نور كانت كاتباها ولا لا اول لما تجيبى اللحمه المفرومه عصجى جزء وشيليه فى الفريزر ابقى اعملى بيه بقا البشاميل او كوسه او لفى سمبوسه والجزء التانى تبليه وصبعيه ورصيه فى صنيه وكيسيها كويس وفى الفريزر هتبقا كفته جاهزة على السوا علطول وابقى اعملى جنبها مكرونه عاديه بالصلصه مش هتاخد و قت واللحمه القطع دى ممكن تبشرى بصله وحبه فلفل وحبهان مطحون وبهارات لحمه وشيليها فى الفريزر علطول واى يوم طلعيها حطيها فى الحله مع حبه زيت وحته زبده وتبقا كباب حله مع حبه رز وحلو اووى

تصدقى انا هقعد اكتب ليسته مخصوص عشان احضر فى الحاجات دى من اول التاسع ان شاء الله قبل الولاده عشان تبقا جاهزه فى الفريزر لما اولد ان شاء الله ولو افتكرت اى حاجه تانى هقولك علطول ان شاء الله وشكلى كده هجيب صانيتين تيفال صغننه اعمل فيها المكرونه البشاميل او اى حاجه تانيه تبقا عاوزة فرن


طب صحيح سوال جه فى بالى هيه الطواجن برضوا ممكن تطق لو كانت فى الفريزر الطواجن اللى زى الفخار دى او الفخار نفسها عشان لو لقيتها اجيبها

والاطباق الالمونيوم دى ينفع اسوى فيها المكرونه علطول ولا تتلسع ؟؟؟؟؟؟

بكره ان شاء الله صنيه كوارع لجوزى ورز بشيعريه وانا لسه مش عارفه هعملى ايه ؟؟؟


فراشه جربيها هتعجبك اوووى بجد سهله وحلوة والتوميه بتاعتها بيبقا سمكها حلو زى البشاميل الخفييف ورشه الدقيق عشان متفكش وتفضل ماسكه فى بعضها جربيها مش هتندمى

متحرمش منك يابوسى ربنا يقومك بالسلامة ومعرفش اسالتك مجربتش قبل كده يارب حد يفيدنا

DodyCat;15015209:
بالظبط يا قمر كلامك 100%
بصو بقى بما انى بشتغل فلازم ابقى مجهزة حاجات فى الفريزر
اولا البانيه او ما بجيبو بتبله كله وأقسمة فى أطباق فيل والفها ببلاستك فيلم
وفى الفريزر وأعصج مفروم وفى علبه أوركبال وفى الفريزر ومش بيحصل حاجه للعلبه
التوم مفروم وعليه ملح وكمون وفى علبه وفى الفرزر
البصل بفرمة وفى اكياس نونو على قد الطبخه وبشيله فى الفريزر
وممكن يتشوح فى سمن ويتشال متشوح
خلطة المحشى تتعمل وتتسبك 5 دقايق على النار علشان الرز مش يتكسر فى الفريزر
المكرونه البشاميل ممكن تجيبى صوانى فويل وتعملى فيها وتشليها فى الفريزر من غير ما تستوى وتطلعيها على الفرن على طول
ممكن تعملو تسبيكة الخضار وتتشال
عارفين انا احيانا بعمل الطبيخ وبساوية تمام واشيله فى الفريزر والله بيبقى طعمه طازة
وواحده صاحبة مامتى بتقول ان حتى الحلويات بتعملها وهى سخنه تدخلها الفريزر زى الكيك والبسبوسه
انا بستعمل البانيه المتبل فى كل حاجه شاورما او بانيه او كوردن بلو او حتى نجرسكو وبيبقى شارب من التتبيله وتحفه
حاجه كمان الكفته بصبعها وارصها فى أطباق فيل وفى الفريزر
سواء كفتة رز او شوى

ربنا يعينك ويقويكى ويصلح لك الحال يادودى :adore:

DodyCat;15015228:
سؤال بقى أمبارح عملت مكرونه بالصلصه تحفه بس بهارات المكرونه جت زياده أعالجها ازاى
اصل جوزى غضب عليها ومرضاش ياكل
أنا مش عارفه مالى اخدت عين تمام فى الاكل حاجات كتير بقت تبوظ منى رغم انى والله بسمى وبقول أذكار

Boody we zady;15018214:
ازيكم يا بنات ... عادي معلش بيجيلنا فترة كده بننام فيها و نرجع نصحي .... بلييييييييييييييييييز تدعولي ربنا يفرج همي و يصلح من أموري شكلي الحمد لله أخدت عين تمام قوي في علاقتي مع جوزي و الحمد لله بقالي اسبوع في نار ألف حمد ليك يا رب مش تنسوني من الدعا لو بتحبوني يا بنات بلييييييييييييييييييييييييييييييييييييييييييييييييييييييييز

:'(:'(:'(انا كمان زيك بس انا هنا معرفش العين من مين ؟امال لو انا ف مصر كان حصل ايه ؟:'(:'(
الحمد لله على كل حال
ربنا يفك كربك ويهدى سركم ويصلح مابينكم




انا بقى عايزة اعرف طريقه حلوة للفاصوليا البيضه واللوبيا وبيتنقعوا اد ايه ؟؟وبعد كده يتسلقوا اد ايه ؟ معلش اصلى معرفش

كمان انا بعمل صوص التفاح وحش اوى اللى هوا بالقرفه ده طعمه مابيعجبنيش اما بحشيه ف الباف سترى عايزة مقادير مظبوطه وطريقه مظبووطه لو سمحتم

كمان ياريت طريقة الفلافل ازاى عايزة اعملها ف البيت وتطلع حلوة ؟

معلش تعباكم بس ماليش غيركم :adore::adore:

@زهرة دبلانة@;15002115:
:|:|ماشى يانورما :badly::badly:
ممكن اقولك سؤال ولو مش عاوزة تردى براحتك :o:adore:
انتى اتقرصتى قبل كده من صديقة او حد بتحبيه اوى من اصحااابك او المقربين اليكى لان توقيعك صعب اوى وحساااسة اووووى اوى:o



:(:(مااالك يابوسى زعلتينى اوى وكبرى يابوسى بكره يبقى معاااكى عيال ومش هيشغلك حد الا هما والله انا بحاول مااتعكننش مع جوزى عشان بناتى مااثرش عليهم سواء جوجو ولا جاسى بالرضاعه بيبقى البيت نكد وهم وبيحسو بزعلنا وبصراحه انا مش هسامح نفسى لو اثرت عليهم باى شئ ف المستقبل بسببى
وبجد متحرمش من ردك ربنا يعطيكى سؤلك يارب ويريح قلبك :adore::adore: طيب صنيه البشاميل البيريكس مش يتكسلا ف الفريزر ولا يجراله حاجه ؟؟




اللهم امين ربنا يستجيب منك ياندوش يااارب:adore::adore:



ازيك يابرايد ؟بصى صوص الشوكولاته انتى ممكن تجيبيه جاهز بتاع مارشميلو ده والصوص الابيض زى مابوسى قالتلك او ممكن تسيحى شوكولاته خام مع قطعه زبده ف حمام ميه وتحطيه فوقيها او مع شويه لبن



يعنى تفرميهم كلهم ياطمطم دى هتبقى بسيسه اوى :|

اسئلى براحتك يا قلبى مش بزعل من حد خالص

اه اتقرصت دا من ايام يابنتى الشات واللى حصل فيه وكانو فاتحين سيرتى لكل من هب ودب ومش مره ولا اتنين بل ثلاثة مرات;) وكله نم نم وكلهم منتقبات والحمدلله:lol:
بس كله عند الله

ام عمر افندى;15008831:
مشمشه ربنا يقومك بالسلامه وتجيبى اللى نفسك فيه يارب والرنجه انا بحب اكلها كده زى ما هيه اقعد افصفص فيها براحتى

رورو الحمد لله على كل شئ ربنا يفك كرب الجميع بالنسبه للصنيه البايركس انا مجربتش احطها فى الفريزر قبل كده بس ممكن تعمليها فى تيفال او المونيوم عادى مش لازم بايركس

فراشه ربنا يخليكى يا حبى دعواتك كل ما تفتكرينى ادعى علطول ربنا يفرجها من عنده

نورما الفته والله لذيذه وخفيفه انا بحبها اوى وهقول طريقتها حالا


اول حاجه هيه بتتعمل برز بسمتى بحط فى الحله حته زبده نونه وفص مستكه ولما الفص يسيح خالص بحط الرز انا بعمل كوبايه وربع كده واحط ملح وحبه كركم نوووونه واقلب اقلب اقلب لحد ما احش ان الميه بتاعت غسل الرز نشفت خاالص واقلب شويه كمان وبعدين انزل عليه بميه ومكعب ماجى واسيبه يغلى ولما يتشرب اوطى خااالص

الشاورما نفسها بقا بعملها بلحمه بقطعها شرايح رفيعه واتبلها ببصله مبشوره وفلفل اسمر وحبهان مطحون وسماق وسنه نوووووووونه قرفه وزيها جنزبيل وبهارات شاورما ودبس رومان واسيبها من قبلها بيوم وخلى بالك مش بحط ملح خالص وبعدين لما بسويها بسيح حته ليه (دهن خروف ) حته اد عقلتين صباعين كده فهمتينى ولما تسيح انزل عليها باللحمه بس من غير الميه اللى هتبقا فيها واشوح اشوح على نار عاليه وبعدين اوطى واحط الميه اللى اللحمه كانت فيه واغطى واسيبها تستوى وقررب السوا بحط الملح وابشر حته ليه نونه كمان بتدى طعم حلو انا مش بستخدم الليه اصلا غير فيها وفى الحواوشى وبس ولو عاوزة بقا تقطعى فلفل وبصل وطماطم جوانح وتحطيها برضوا فى الاخر عشان ودقيقتين واطفى وحبه بقدونس وبس كده

هتجيبى بقا العيش البنانى الرفيع ده ويا اما تحمصيه فى الفرن او تقطعيه وتحمريه فى حته زبده فى طاسه

الثوميه بقا بتاعت الشاورما دى بجيب فصين توم وادقهم واحطهم فى حبه زيت نونه واول لما ريحتهم يطلعوا بحط معلقه صغيره دقيق واشوح اقل من دقيقه وبعدين بحط عليهم مايونيز ومسترده وزبادى معلقتين من كل حاجه ورشه فلفل اسمر نووونه وملح بسييييط وحبه ميه نوونه واقلب وقبل ما تغلى او تبق بق كده اطفى وبس

ساعه الغرف بقا هتحطى العيش وعليه معلقه توميه وبعدين الرز وبعدين الشاورما على الوش وباقى التوميه فى طبق على جنب اللى حابب يزود


انتوا هتحسوها كتير بس انا بعمل كله فى وقت واحد يعنى بحط اللحمه على عين والرز على التانيه والتوميه على العين التالته بعد ما بوطى على الرز واللحمه والعيش فى الفرن مش بتاخد وقت خالص

تسلمى يا حبيبتى هاجربها ان شاء الله

Boody we zady;15018214:
ازيكم يا بنات ... عادي معلش بيجيلنا فترة كده بننام فيها و نرجع نصحي .... بلييييييييييييييييييز تدعولي ربنا يفرج همي و يصلح من أموري شكلي الحمد لله أخدت عين تمام قوي في علاقتي مع جوزي و الحمد لله بقالي اسبوع في نار ألف حمد ليك يا رب مش تنسوني من الدعا لو بتحبوني يا بنات بلييييييييييييييييييييييييييييييييييييييييييييييييييييييييز

ربنا يفك كربك يارب

@زهرة دبلانة@;15023211:
متحرمش منك يابوسى ربنا يقومك بالسلامة ومعرفش اسالتك مجربتش قبل كده يارب حد يفيدنا



ربنا يعينك ويقويكى ويصلح لك الحال يادودى :adore:




:'(:'(:'(انا كمان زيك بس انا هنا معرفش العين من مين ؟امال لو انا ف مصر كان حصل ايه ؟:'(:'(
الحمد لله على كل حال
ربنا يفك كربك ويهدى سركم ويصلح مابينكم




انا بقى عايزة اعرف طريقه حلوة للفاصوليا البيضه واللوبيا وبيتنقعوا اد ايه ؟؟وبعد كده يتسلقوا اد ايه ؟ معلش اصلى معرفش

كمان انا بعمل صوص التفاح وحش اوى اللى هوا بالقرفه ده طعمه مابيعجبنيش اما بحشيه ف الباف سترى عايزة مقادير مظبوطه وطريقه مظبووطه لو سمحتم

كمان ياريت طريقة الفلافل ازاى عايزة اعملها ف البيت وتطلع حلوة ؟

معلش تعباكم بس ماليش غيركم :adore::adore:

انا بسلقها علطول مش بنقعها
ومعرفش تايم معين بس بفضل متبعاها لحد مالاقيها خلاص فاضلها غلوه ف الصله وتستوى مش عارفه وصللك الوصف ولا لا

وبكون عامله الباقى اللى هو
بكون مشوحه البصله ولما تصفر احط اللحمه تنزل الميا واحط الطماطم المضروبه وتفور واسيبها لحد ماللحمه تستوى وازود ميا طبعا وقت ماتحتاج

وبعدين اللوبيا تكون اتسلقت احطها تاخد غلوه كدا واحط الملح وتستوى واطفى
والفاصوليا نفس الطريقه
انا اتغديت النهارده شاورما توحففففففففففففه

بنات هى الكريمه البانى اجبها منين؟؟؟؟؟؟؟؟؟؟؟؟؟؟ضرورى

@زهرة دبلانة@;15023211:

انا بقى عايزة اعرف طريقه حلوة للفاصوليا البيضه واللوبيا وبيتنقعوا اد ايه ؟؟وبعد كده يتسلقوا اد ايه ؟ معلش اصلى معرفش

كمان انا بعمل صوص التفاح وحش اوى اللى هوا بالقرفه ده طعمه مابيعجبنيش اما بحشيه ف الباف سترى عايزة مقادير مظبوطه وطريقه مظبووطه لو سمحتم

كمان ياريت طريقة الفلافل ازاى عايزة اعملها ف البيت وتطلع حلوة ؟

معلش تعباكم بس ماليش غيركم :adore::adore:

بصي يا رورو الاول وحشاااااااااني :L:
ثاني حاجة بقى بالنسبة للفاصوليا انتي طبعا الحاجة في السعودية نضيفة مش محتاج تنقيها احنا كنا بنجيبوها نضيفة على الطبخ على طول
اغسليها كرري المية عشان في قش سعات بيكون فيها وكده تمام
حطيها في حاجة واسعة وانقعيها من بالليل للصبح وكتري المية عشان هتنفش معاكي ماشي
لو مستعجلة عليها اغلي مية وكبيها عليها وانقعيها حوالي ساعتين عشان لما تيجي تسلقيها تبقى الحباية نافشة وكبيرة معاكي
كبي بقى المية واملي مية تاني واغليها على النار حوالي ربع ساعة كده وعضي على فاصولياية ههههههههههه يعني يبقى فاضلها مثلا حوالي 5 دقايق وتستوي فهمتي
ولما توصلي للمرحلة دي كبي المية واغسليها كوووويس عشان تبرد علشان متفضلش سخنة وتكمل السوا بالبخار ده لو لسه اللحمة مستوتش ماشي
هتسوي بقى اللحمة ازاي :D
هتسبكي عادي كانك بتعملي بامية
تشوحي اللحمة في البصل وتحطي عصير طماطم وفلفل اسمر وقرن فلفل اخضر ولحد ما تتسبك الطماطم حلو واللحمة تستوي حطي الفاصوليا عليها وزودي مية واضبطي الملح وتغلي 5 دقايق وطفي عليها خلاص وبالف هنا ;)

N0rma;15023463:

انا اتغديت النهارده شاورما توحففففففففففففه

طريقتك زي طريقتي بالضضضضضضضضضضضضضبط يا ريتني اخدت اقتباس وقولت هي دي الطريقة :thumbs_up: ايدي وجعتني قوي من الكتابة ههههههههههههههههه

عملتي الشاورما ازاي اانا بقالي سنة ونص مكلتهاش

ra_tamima;15023474:
بنات هى الكريمه البانى اجبها منين؟؟؟؟؟؟؟؟؟؟؟؟؟؟ضرورى

من عند اي لبان بالكيلو والنص بـ 5 جنيه واحلى كريمة لباني اللي اسمها الهواري ده بالكيلو