salad;14969756:
وحشتووووووونى كتير
تسلم ايديك كلكم بنوته بنوته
شاهى ما شاء الله الفراخ والرز شكلهم وااااااااااااو
نور مبروووووووووووك
رورو ربنا يقويكى على الوضع الجديد وتقدرى تتعايشى معاه ويهون عليكى الايام دى
بصى بالنسبه للعصاير انا الجوافه اللى جربتها فروزن بجهزها عادى وعلى الفريز واطلعها على الشرب
ممكن تجهزى بانيه وتبليه وبفتيك ويكون جاهز على القلى ممكن تتبلى الفراخ او تسلقيها واللحمه انا بسلق كميه وعلى الفريزر والصلصه لو عاوزه حاجه معينه غير كده او الطرق قولى واحنا نساعدك واكيد انتى عارفه اول ايام الولاده صعبه ربنا يسهلها عليكى ويكون فى عونك انتى مقطعه قلبى عليكى وانتى لوحدك
ام بودى ربنا بفك كربك ويقويكى على اى شئ يضايقك
سلامة قلبك ياايمى ربنا ميحرمنيش من زوقك انافعلا تمنيت انى امى تبقى موجوده جمبى ف وقت زى ده :(بس الحمد لله ربنا كريييم اوى والله اتعودت ع الوضع وده ف حد ذااااته حاجه كويسه جدا بالنسبالى ماتقلقيش بحاول امشى روحى لانى بتعب من الاكتئاب جدا
وتسلمى على وصفاتك جزاكى الله خيرا :adore:
sweetyronaaa;14970030:
رورو
حمد الله على سلامتك
و ربنا يقويكي و يهديلك البنات
العصاير عادى كلها تنفع تتشال في الفريزر و تطلع تفك و تشربيها
بالنسبه للاكل ممكن تتبلي البانيه و تشيليه جاهز على القلي و البفتيك كمان و الكفته صبعيها و وضبيها على القلي او لو مشويه تبقي جاهزة للشوى
الفراخ و اللحمه تبليهم و تطلعيهم يفكوا و تدخليهم الفرن و معاهم بطاطس شرايح و فلفل اخضر او الوان بتبقي حلوة جدا
الطماطم اعمليها صلصه و شليها في اكياس على اد الاكله بحيث و انتى بتعملي الخضار تطلعى عليه كيس الصلصه و يبقي خلاص كده
و حاولى الاكل اعمليه لكزا يوم عشان متبقيش ملخومه كل يوم باكل جديد
رونا وحشانى ازيك وازى دومى وتسلميلى على وصفاتك حاولت اعمل شوية حاجات وهكمل من وصفاتكم باذن الله والامور بقت افضل الحمد لله شويه
Bossy22;14972857:
:'(:'(:'(:'(
روروو انا حسة بيكى اوووووى ربنا يكون فى عونك و يهونها عليكى لانى ولدت لوحدى بردووو و مجربة الاحساس و الدمااار اللى انتى حساه ربنا يصبرك و يجعله فى ميزان حسناتك و كمان انا مكنش ليا اى خبرة بالبيبى ولا يتشال ازاى ولا اغيرلها ازااى كانت اياام نكد:'( ربنا يهديلك جوجو و النونو يارب
انا كنت بعمل مثلا بسلة مطبوخة كتيير و اشيلها فى اكياس على الفريزر يدوب تتسخن و بامية فاصولية تطبخيها للاخر هى طعمها مش بيبقى زى الطازة بس تمشى بردو احسن من مفايش و ممكن تسلقى بردو الفراخ و تشيليها فى الفريزر و تطلعيها تدهنيها كاتشب و صويا صوص و على الفرن و شيلى بردو اعملى شوربة لسان عصفور و قسميها فى اكياس و طلعى الكيس على التسخين وربنا معاكى :'(:'(
بصراااحة صعبه اوى الفتره دى بس وربى يابوسى ماحسيت ابدا بجوجو كده وكنت لواحدى وكمان شغل جوزى ساعتها ماكانش واخد اجااازة خالص يعنى بعد الولاده قمت على طول لبيتى وبنتى وبرضع وبعمل كل حاجه لواحدى لكن مع اتنين بجد صعبه اوى لازم حد جمبك خصوصا انا حاسه انهم توام:badly:بس بفضل الله الامور افضل لانى اتعودت على وضعى الحمد لله
خدى بالك بقى اوعى تعمليها الوقتى وتخاوى جوجو :Dاحسن تبقى حوسه يااما تنزلى مصر فورا لاهلك :sick:
ومتحرمش من ردك
بيرق أمل;14973801:
الف الف الف حمد الله على السلاااااااااااااااااااااااااااااااامة يا حبيبة قلبي
فرفشي كده يا بنتي بالله عليكي متنكديش على نفسك
على فكرة الحزن الكتير ده يا امي هينعكس على بنوتك الجديدة وده هيظهر عليها لما تكبر انها هتكون كتيرة الزعل وهيجيلها كتير احساس انك مش بتحبيها زي جوجو
والله صدقيني بجد حتى لو قعدتي عمرك كله تدلعي فيها لوحدها وتدي جوجو بالشبشب ههههههههههههههههه برضه هتحس دايما بكده فسيطري على نفسك يا رورو عشان الامور تبقى حلوة وبنتك تكبر بنفسية حلوة من غير عوامل خارجية تضايقها ;)
بصي بقى يا جميل انا هقولك كل الوصفاااااااااات ان شاء الله السهلة اللي هتساعدك
بس اديني نص ساعة اخلص شغل في ايدي واجيلك اوك
عشان ابقى رايقة واخلص من المدير الخنيق خناقة ده :mad:
كلامك اتعسنى بجد يانووور انتى عندكم حد فعلا كده ولا ايه ؟اصلى حاسه فعلا ان جاسى عصبيه وبتعيط كتييير اوووى حتى وهيا نايمة :'(وووالله انا حباها جدا وصعبانه عليا بس غصب عنى بنتى التانيه برده هتضيع منى لانها حاسه انها اخدت مكانها ووالله بحاول اعدل بس للاسف ف الفتره دى مش عارفه خالص وسلمت امرى لله وهوا قادر يربهملى ويعنى ويحسن الامور
طب يعنى انتى رايك اعمل ايه ؟تقصدى ارضعها وانا بضحك ولا العب معاها ولا ايه ؟فهمينى لانى برضعها كتير وانا زعلانة :'(ودموعى على خدى ياترى هيا بتتاثر بالكلام ده :'(
ووصفااتك جميله متحرمش منك :adore::adore:وعايزة اقولك حاجه سرى الخطبه واعلنى النكاااح بمعنى الخطوبه تبقى سر يادوب اهلك بس حتى اصحابك ماتقوليش ابدا ليهم حتى لو انتيمتك ماتستغربيش هوا لازم كده ولحد ماربنا يتم عليكى بتفاصيل كتب الكتاب والجواز اعلنى بقى
انا عملت كده وبرده جوزى عمل كده وده الصح
وربنا ييسر امرك ويفرح قلبك :adore::adore:
فراشه فى بيتها;14974598:
رورو ربنا يعينك ويباركللك فى بناتك وان شاء الله يفيدوكى انتى عارفه خبرتى فى المطبخ فى الارض
اللهم امين متحرمش منك ياطمطم :adore::adore:وعارفه ان ليكى خبرات ف حاجات تانيه:D:lol:
ra_tamima;14978500:
ايه يابنات لسه مفيش واحده احتفلت بعيد ميلاد جوزها
مش كنا كلنا ف شهر واحد ولا ااااااااااااااايه؟؟؟؟؟؟؟؟؟؟؟
انا نويت ان شاء الله اعمل 2 تورته بطريقه نانى وترافيل شيكولا وشيكولا بالكريمه
والغدا مكرونه بالبشاميل وسمبوسه وبانيه كله ف طبق واحد
وكل الموجودين ياخدو طبق ف ايدهم وبعدين ندخل ع الحلو بقى مش طالبه طبيخ ومواعين وانا هابقى لوحدى ف الليله دى كلها
ادعولى اليعد ميلاد الجمعه الجايه
ناويه ان شاء الله ابتدى نضافه ف الشقه من بعد بكره كده ربنا يكرم بقى وتبقى ليله تشرف وتعجب جوزى والضيوف
معلش ياحبيبتى عايزة اقولك بس حاجه وانتى بتنظفى الشقه بلاش ترهقى نفسك وتسيقى البلاط وتوطى وتروحى وتيجى خدى بالك من نفسك لان ممكن ربنا يكرمك ف اى وقت بالحمل
خلى حد ييجى يساعدك انتى لسه عروسهF:
أم مازن*;14980096:
وحشتونى اوى نفسى ادخللكم زى زمان بس نو نت فى البيت وانا عند ماما وماشيه بكره
وحشااااانى ومتحرمش من رسالتك ياشوشو دعيتلك كتييير جدا وربنا انتى وميزو
يارب تكونى بخير :adore::adore:
Boody we zady;14980420:
عادي يا جميل اشطفيه و استخدميه بس اديله فرصه يأخد سوا في الأكل يعني من 7 الي 10 دقايق
عاملين ايه يا قمرات وحشتوني .. أخويا جه النهارده من الأمارات و قاعد معايا كام يوم ربنا يسهل الجديد حأنزلهولكوا
الحمد لله على سلامة اخوكى يابوسى وحشااانى اوى ربنا يفك كربك