24 نقول يا تري بتعملي الأكله دي ازاي؟ مبدعات مصر القمرات ..شهر جماد الأول1432)

وانا عيد ميلاد جوزى 7-5 يعنى اول الشهر الى جااى

عايزة اعمل تورته وكفاايه كده اصلا

قولولى باه طريقة تورته حلوة كده وسهله

ام عمر افندى;14997497:
ازيكم يا بنات عاملين ايه وحشتونى اووووى

رورو الف مليون حمد لله على سلامتك يا قمر ويااااااارب يخفف عنك ويهديلك بناتك ويحفظهملك من كل شر ويفرح قلبك بيهم يا حبى

بالنسبه للاكل نور ماشاء الله عليها كفت ووفت والعصاير بدل ما تعملى ماتجيبى الجاهز المراعى حلو اووووى وطبيعى خالص هاتى نوعين وحطيهم فى التلاجه وروحى وتعالى عليهم وبوسى جزاها الله خير قالتلك على الباتيه والكرواسون برضوا حلو اوى وبيسند شويه ولو بتحبى التمر هاتى نوع اسمه السكرى او البرحى بيبقوا حلوييييين موووووووووووت وياسلام لو شربتى معاهم كوبايه لبن رايب يبقا تمام اوى وربنا يعدى عليكى الايام دى على خير يااارب

اه ونسيت اقولك لو جبتى ديب فريز هيساعد معاكى اووى وهيريحك يعنى مثلا لو لقيتى اى وقت فاضى مش جايلك نوم فيه وبقووووول لوو ممكن تعملى صنيه مكرونه بالبشاميل وتسيبيها تبرد وعلى الفريزر بس خلى بالك متسويش المكرونه اوى خليها تلات تربع سوا
او سبكى صلصه وحطى علىها الخضار فى طاجن على اد الاكله وشوربتها وخليها تاخد غلوة كويسه ولما تبرد غطيها وعلى الفريزر ولما تطعيها سيبيها تفك ودخليها الفرن تكمل سوا برضوا الفراخ هاتيها نضفيها وتبليها ببصله وملح وفلفل وحبهان وليمونه وزعتر وقسميها على اد الاكله وشيليها فى الفريزر تطلعيها تسلقيها او على الفرن كه هيبقا حلو احشى سمبوسه وكيسى وعلى الفريزر


نووور اللى تزعل منك لما تقولى ماشاء الله تبقى مش بتخاف عليكى ولا على مصلحتك يبقا المفروض ميهمكيش زعلها هيه دى الخلاصه وقولى ماشاء الله واللى واقرى المعوذتين كمان واللى يزعل يزعل وربنا يوفقك يااااارب وبنورلك بصيرتك وييسرلك الخير يااارب

مش عارفه اذا نسيت حد ولا لا معلش سامحونى بقا لو نسيت

الحمد لله لغيت اصلا عيد الميلاد ومعملتش اى حاجه خالص ولا حتى جبت هديه والحمد لله على كل شئ وربنا يهدى الجميع وييسر اللى فيه الخير

النهارده عملت فته شاورما وبكره كشرى اصفر

نفسى اوى اجرب فتة الشاورما بس محدش هنا مشجعنى8o|

صوص الشيكولاته بتاع السينابون مش عارفاه اعرف الابيض بس هوا عباره عن كريمه وسكر بودره وواحده جبنه كيرى قلبى كله على بعضه كويس وبس كده

التورته بقا احسن تورته هيه بتاعت نانى هحط اللينك فى الاخر

نورما ليييييه مفيش حد مشجعك دى سهله خاااالص وجميله اوى انت معاكى طريقتها لو مش معاكى قوليلى اكتبهالك علطول

مشمش ام محمد الف مليون مبروك على الحمل يا قمر معلش نسيت خالص اقولك المره اللى فاتت ربنا يتملك حملك على خير ياااارب ويقومك بالسلامه ويعينك على اللى جاى

http://forums.3roos.com/showthread.php?t=570444

http://forums.3roos.com/showthread.php?t=459806

ودول لينكات للتورت بتوع نانى

هتعملوا بكره اكل ايه

بووسى مش باينه ليه ربنا يصلحلك حاللك يارب

انا كمان عاوزه طريقة فتة الشاورما

ربنا يخليكي يا اام عمر تسلميلي على فكره
لو جه ولد بردو هسميه عمر ههه بصره
حد يقولي بئا
طريقة حلوه للرنجه تتاكل بيها

مشمش ام محمد;15001527:
ربنا يخليكي يا اام عمر تسلميلي على فكره
لو جه ولد بردو هسميه عمر ههه بصره
حد يقولي بئا
طريقة حلوه للرنجه تتاكل بيها

بصى انا كنت بشويهاعادى بس اختى قالتلى طريقه حلوه اوى

بتشويها كويس وبعدين تشيلى منها الجلد والشوك وتقطعيها صغير وتحطيها فى الكبه وعليها معلقتين طحينه ومعلقتين زيت وبصله صغيره وتضربيه فى الكبه بجد وهمممممممممممممم:adore:

ام عمر افندى;15001050:
صوص الشيكولاته بتاع السينابون مش عارفاه اعرف الابيض بس هوا عباره عن كريمه وسكر بودره وواحده جبنه كيرى قلبى كله على بعضه كويس وبس كده

التورته بقا احسن تورته هيه بتاعت نانى هحط اللينك فى الاخر

نورما ليييييه مفيش حد مشجعك دى سهله خاااالص وجميله اوى انت معاكى طريقتها لو مش معاكى قوليلى اكتبهالك علطول

مشمش ام محمد الف مليون مبروك على الحمل يا قمر معلش نسيت خالص اقولك المره اللى فاتت ربنا يتملك حملك على خير ياااارب ويقومك بالسلامه ويعينك على اللى جاى

http://forums.3roos.com/showthread.php?t=570444

http://forums.3roos.com/showthread.php?t=459806

ودول لينكات للتورت بتوع نانى

هتعملوا بكره اكل ايه

ياريت تكتبهالى الله يكرمك

دانا لسه من شويه بقول لماما لما شوفت شاورما ف فتافيت بقولها نفسي اجرب فتة شاورمه بصتلى بقرف المهم ان عمرها ماداقتها اصلا:I:

احنا هانتغدى النهارده فسيخ وسردين اكيد :thumbs_up:


بالنسبه للرنجه انا كنت مره شويتها وبعدين جلدها بعد ماحطتها ع النار اختفى كان فاضل منه حته صغيره اوى مش عارفه الباقى راح فين هى كدا ممكن تكون فاسده؟:rolleyes:

N0rma;14995799:
انتى حره لو مسئلتيش عليا تانى هانزل عليكى غضبى ولعنتى:lol:
والله العظيم انا لو منك اسيبلها المكان كله عشان انجو بسلامتى:D

ربنا يخليهملك يا حبيبتى يارب ويطلعو حنين ع بعض
انا واختى بردو مكناش بنطيق بعض وانا اكبر منها ب6 سنين مكنتش بغير بس كنت بتخنق من الطفوله بئا لحد ماكبرنا بقت هى اعز حد عندى ماشاء الله وهى اللى بتربينى الحقيقه :| انما ليا جارتى اللفرق بينها وبين اختها 3 سنين وواحده خلصت جامعه والتانيه لسه بس مقولكيش طول الوقت عاوزين يولعو ف بعض:'(انا بس حبيت اطمك للاخر:lol:


شاهى بتدخل فيس بووك علطول لا تقلقو عليها
انا كلت النهارده سمك مشوى وسمك سنجارى بس السنجارى دا معجبنيش خالص مش هو بيتعمل بالبورى؟
اصل بابا جابه جاهز مع المشوى وناشف ومعمول بسمك مكاريل باين

والحمدلله ع النعمله

:|:|ماشى يانورما :badly::badly:
ممكن اقولك سؤال ولو مش عاوزة تردى براحتك :o:adore:
انتى اتقرصتى قبل كده من صديقة او حد بتحبيه اوى من اصحااابك او المقربين اليكى لان توقيعك صعب اوى وحساااسة اووووى اوى:o

ام عمر افندى;14997497:
ازيكم يا بنات عاملين ايه وحشتونى اووووى

رورو الف مليون حمد لله على سلامتك يا قمر ويااااااارب يخفف عنك ويهديلك بناتك ويحفظهملك من كل شر ويفرح قلبك بيهم يا حبى

بالنسبه للاكل نور ماشاء الله عليها كفت ووفت والعصاير بدل ما تعملى ماتجيبى الجاهز المراعى حلو اووووى وطبيعى خالص هاتى نوعين وحطيهم فى التلاجه وروحى وتعالى عليهم وبوسى جزاها الله خير قالتلك على الباتيه والكرواسون برضوا حلو اوى وبيسند شويه ولو بتحبى التمر هاتى نوع اسمه السكرى او البرحى بيبقوا حلوييييين موووووووووووت وياسلام لو شربتى معاهم كوبايه لبن رايب يبقا تمام اوى وربنا يعدى عليكى الايام دى على خير يااارب

اه ونسيت اقولك لو جبتى ديب فريز هيساعد معاكى اووى وهيريحك يعنى مثلا لو لقيتى اى وقت فاضى مش جايلك نوم فيه وبقووووول لوو ممكن تعملى صنيه مكرونه بالبشاميل وتسيبيها تبرد وعلى الفريزر بس خلى بالك متسويش المكرونه اوى خليها تلات تربع سوا
او سبكى صلصه وحطى علىها الخضار فى طاجن على اد الاكله وشوربتها وخليها تاخد غلوة كويسه ولما تبرد غطيها وعلى الفريزر ولما تطعيها سيبيها تفك ودخليها الفرن تكمل سوا برضوا الفراخ هاتيها نضفيها وتبليها ببصله وملح وفلفل وحبهان وليمونه وزعتر وقسميها على اد الاكله وشيليها فى الفريزر تطلعيها تسلقيها او على الفرن كه هيبقا حلو احشى سمبوسه وكيسى وعلى الفريزر


نووور اللى تزعل منك لما تقولى ماشاء الله تبقى مش بتخاف عليكى ولا على مصلحتك يبقا المفروض ميهمكيش زعلها هيه دى الخلاصه وقولى ماشاء الله واللى واقرى المعوذتين كمان واللى يزعل يزعل وربنا يوفقك يااااارب وبنورلك بصيرتك وييسرلك الخير يااارب

مش عارفه اذا نسيت حد ولا لا معلش سامحونى بقا لو نسيت

الحمد لله لغيت اصلا عيد الميلاد ومعملتش اى حاجه خالص ولا حتى جبت هديه والحمد لله على كل شئ وربنا يهدى الجميع وييسر اللى فيه الخير

النهارده عملت فته شاورما وبكره كشرى اصفر

:(:(مااالك يابوسى زعلتينى اوى وكبرى يابوسى بكره يبقى معاااكى عيال ومش هيشغلك حد الا هما والله انا بحاول مااتعكننش مع جوزى عشان بناتى مااثرش عليهم سواء جوجو ولا جاسى بالرضاعه بيبقى البيت نكد وهم وبيحسو بزعلنا وبصراحه انا مش هسامح نفسى لو اثرت عليهم باى شئ ف المستقبل بسببى
وبجد متحرمش من ردك ربنا يعطيكى سؤلك يارب ويريح قلبك :adore::adore: طيب صنيه البشاميل البيريكس مش يتكسلا ف الفريزر ولا يجراله حاجه ؟؟

مشمش ام محمد;14997963:
متحرمش منك يا رورو يارب وربنا يعينك ويقويكي ويهديلك بناتك

اللهم امين ربنا يستجيب منك ياندوش يااارب:adore::adore:

bright bride;14998397:
ما شا ءالله مبدعين كعادتكم يا قمرات مصر, انا يمكن مش بدخل هنا كتير بس لما بدخل بستفيد اوى بجد
بصوا بقى انا ليا سؤال عايزة طريقة صوص الشيكولاتة بتاعة السينامون رولز ضرورى جدا جدا و ميرسى ليكم كلكم

ازيك يابرايد ؟بصى صوص الشوكولاته انتى ممكن تجيبيه جاهز بتاع مارشميلو ده والصوص الابيض زى مابوسى قالتلك او ممكن تسيحى شوكولاته خام مع قطعه زبده ف حمام ميه وتحطيه فوقيها او مع شويه لبن

فراشه فى بيتها;15001592:
بصى انا كنت بشويهاعادى بس اختى قالتلى طريقه حلوه اوى

بتشويها كويس وبعدين تشيلى منها الجلد والشوك وتقطعيها صغير وتحطيها فى الكبه وعليها معلقتين طحينه ومعلقتين زيت وبصله صغيره وتضربيه فى الكبه بجد وهمممممممممممممم:adore:

يعنى تفرميهم كلهم ياطمطم دى هتبقى بسيسه اوى :|

@زهرة دبلانة@;15002115:



يعنى تفرميهم كلهم ياطمطم دى هتبقى بسيسه اوى :|

ابصى انا كنت بقول زيك كده بس لما عملتها ودوقتها بجد تححححححححفه والله

انا لله وانا اليه راجعون

مشمشه ربنا يقومك بالسلامه وتجيبى اللى نفسك فيه يارب والرنجه انا بحب اكلها كده زى ما هيه اقعد افصفص فيها براحتى

رورو الحمد لله على كل شئ ربنا يفك كرب الجميع بالنسبه للصنيه البايركس انا مجربتش احطها فى الفريزر قبل كده بس ممكن تعمليها فى تيفال او المونيوم عادى مش لازم بايركس

فراشه ربنا يخليكى يا حبى دعواتك كل ما تفتكرينى ادعى علطول ربنا يفرجها من عنده

نورما الفته والله لذيذه وخفيفه انا بحبها اوى وهقول طريقتها حالا


اول حاجه هيه بتتعمل برز بسمتى بحط فى الحله حته زبده نونه وفص مستكه ولما الفص يسيح خالص بحط الرز انا بعمل كوبايه وربع كده واحط ملح وحبه كركم نوووونه واقلب اقلب اقلب لحد ما احش ان الميه بتاعت غسل الرز نشفت خاالص واقلب شويه كمان وبعدين انزل عليه بميه ومكعب ماجى واسيبه يغلى ولما يتشرب اوطى خااالص

الشاورما نفسها بقا بعملها بلحمه بقطعها شرايح رفيعه واتبلها ببصله مبشوره وفلفل اسمر وحبهان مطحون وسماق وسنه نوووووووونه قرفه وزيها جنزبيل وبهارات شاورما ودبس رومان واسيبها من قبلها بيوم وخلى بالك مش بحط ملح خالص وبعدين لما بسويها بسيح حته ليه (دهن خروف ) حته اد عقلتين صباعين كده فهمتينى ولما تسيح انزل عليها باللحمه بس من غير الميه اللى هتبقا فيها واشوح اشوح على نار عاليه وبعدين اوطى واحط الميه اللى اللحمه كانت فيه واغطى واسيبها تستوى وقررب السوا بحط الملح وابشر حته ليه نونه كمان بتدى طعم حلو انا مش بستخدم الليه اصلا غير فيها وفى الحواوشى وبس ولو عاوزة بقا تقطعى فلفل وبصل وطماطم جوانح وتحطيها برضوا فى الاخر عشان ودقيقتين واطفى وحبه بقدونس وبس كده

هتجيبى بقا العيش البنانى الرفيع ده ويا اما تحمصيه فى الفرن او تقطعيه وتحمريه فى حته زبده فى طاسه

الثوميه بقا بتاعت الشاورما دى بجيب فصين توم وادقهم واحطهم فى حبه زيت نونه واول لما ريحتهم يطلعوا بحط معلقه صغيره دقيق واشوح اقل من دقيقه وبعدين بحط عليهم مايونيز ومسترده وزبادى معلقتين من كل حاجه ورشه فلفل اسمر نووونه وملح بسييييط وحبه ميه نوونه واقلب وقبل ما تغلى او تبق بق كده اطفى وبس

ساعه الغرف بقا هتحطى العيش وعليه معلقه توميه وبعدين الرز وبعدين الشاورما على الوش وباقى التوميه فى طبق على جنب اللى حابب يزود


انتوا هتحسوها كتير بس انا بعمل كله فى وقت واحد يعنى بحط اللحمه على عين والرز على التانيه والتوميه على العين التالته بعد ما بوطى على الرز واللحمه والعيش فى الفرن مش بتاخد وقت خالص

تسلمى يابوسى بس انا مبعرفش اعملها الا بالبيريكس اتعودت على كده ومبحبش الالومنيوم ف الاكل وماعنديش تيفال مش مشكله بقى

ربنا يصلح لك الحال ويفك كربك وييسر امرك ويسعدك ويهنيكى يابوسى

رورو اعمليها عادي في البايركس
و هاتى الطباق الفويل و فضيها فيه
و شيليها في الفريزر
احنا كنا بنعمل كل الاكل لبابا كده
لما كان مسافر كنا كل الاكل بنفضيه في الطباق دي و نحطهم في الفريزر

بوسى جزاكى الله خيرا وطريقتك فى فتة الشاورما حلوه ماشاء الله

دودوى شايفاكى تحت طمنينا عليكى يارب تكونى بخير

sweetyronaaa;15009608:
رورو اعمليها عادي في البايركس
و هاتى الطباق الفويل و فضيها فيه
و شيليها في الفريزر
احنا كنا بنعمل كل الاكل لبابا كده
لما كان مسافر كنا كل الاكل بنفضيه في الطباق دي و نحطهم في الفريزر

شكلها هيبوظ بيبقى شكلها حلو اوى ف البايريكس
والاكل شكل:o:o
هعملها ف يومها وخلاص ماجاتش عليها بقى

ربنا يخليكى يا رورو على الدعوة الحلوة دى ربنا يكرمك ياااارب

انا برضوا بعملها فى البايركس بس قبلها بيوم واحد واحطها فى التلاجه وتانى يوم بطلعها قبل ما ادخلها الفرن بساعتين كده عشان متبقاش ساقعه وادخلها فرن سخن ممكن لو لقيتى نفسك فاضيه فى يوم اعمليها وخليها لتانى يوم بس فى التلاجه

وفى فكره جاتلى مش عارفه نور كانت كاتباها ولا لا اول لما تجيبى اللحمه المفرومه عصجى جزء وشيليه فى الفريزر ابقى اعملى بيه بقا البشاميل او كوسه او لفى سمبوسه والجزء التانى تبليه وصبعيه ورصيه فى صنيه وكيسيها كويس وفى الفريزر هتبقا كفته جاهزة على السوا علطول وابقى اعملى جنبها مكرونه عاديه بالصلصه مش هتاخد و قت واللحمه القطع دى ممكن تبشرى بصله وحبه فلفل وحبهان مطحون وبهارات لحمه وشيليها فى الفريزر علطول واى يوم طلعيها حطيها فى الحله مع حبه زيت وحته زبده وتبقا كباب حله مع حبه رز وحلو اووى

تصدقى انا هقعد اكتب ليسته مخصوص عشان احضر فى الحاجات دى من اول التاسع ان شاء الله قبل الولاده عشان تبقا جاهزه فى الفريزر لما اولد ان شاء الله ولو افتكرت اى حاجه تانى هقولك علطول ان شاء الله وشكلى كده هجيب صانيتين تيفال صغننه اعمل فيها المكرونه البشاميل او اى حاجه تانيه تبقا عاوزة فرن


طب صحيح سوال جه فى بالى هيه الطواجن برضوا ممكن تطق لو كانت فى الفريزر الطواجن اللى زى الفخار دى او الفخار نفسها عشان لو لقيتها اجيبها

والاطباق الالمونيوم دى ينفع اسوى فيها المكرونه علطول ولا تتلسع ؟؟؟؟؟؟

بكره ان شاء الله صنيه كوارع لجوزى ورز بشيعريه وانا لسه مش عارفه هعملى ايه ؟؟؟


فراشه جربيها هتعجبك اوووى بجد سهله وحلوة والتوميه بتاعتها بيبقا سمكها حلو زى البشاميل الخفييف ورشه الدقيق عشان متفكش وتفضل ماسكه فى بعضها جربيها مش هتندمى

ازيكم ياقمرات
عندي طلب واتمنى كلكم تفيدوني باقتراحاتكم الجميلة
محتاجة منيو لعشاء او غداء لشخصين بس مميز ويكون شكله علي المائدة حلو جدا

عاوزه طريقه لقمه القاضى

ام عمر افندى;15011466:
ربنا يخليكى يا رورو على الدعوة الحلوة دى ربنا يكرمك ياااارب

انا برضوا بعملها فى البايركس بس قبلها بيوم واحد واحطها فى التلاجه وتانى يوم بطلعها قبل ما ادخلها الفرن بساعتين كده عشان متبقاش ساقعه وادخلها فرن سخن ممكن لو لقيتى نفسك فاضيه فى يوم اعمليها وخليها لتانى يوم بس فى التلاجه

وفى فكره جاتلى مش عارفه نور كانت كاتباها ولا لا اول لما تجيبى اللحمه المفرومه عصجى جزء وشيليه فى الفريزر ابقى اعملى بيه بقا البشاميل او كوسه او لفى سمبوسه والجزء التانى تبليه وصبعيه ورصيه فى صنيه وكيسيها كويس وفى الفريزر هتبقا كفته جاهزة على السوا علطول وابقى اعملى جنبها مكرونه عاديه بالصلصه مش هتاخد و قت واللحمه القطع دى ممكن تبشرى بصله وحبه فلفل وحبهان مطحون وبهارات لحمه وشيليها فى الفريزر علطول واى يوم طلعيها حطيها فى الحله مع حبه زيت وحته زبده وتبقا كباب حله مع حبه رز وحلو اووى

تصدقى انا هقعد اكتب ليسته مخصوص عشان احضر فى الحاجات دى من اول التاسع ان شاء الله قبل الولاده عشان تبقا جاهزه فى الفريزر لما اولد ان شاء الله ولو افتكرت اى حاجه تانى هقولك علطول ان شاء الله وشكلى كده هجيب صانيتين تيفال صغننه اعمل فيها المكرونه البشاميل او اى حاجه تانيه تبقا عاوزة فرن


طب صحيح سوال جه فى بالى هيه الطواجن برضوا ممكن تطق لو كانت فى الفريزر الطواجن اللى زى الفخار دى او الفخار نفسها عشان لو لقيتها اجيبها

والاطباق الالمونيوم دى ينفع اسوى فيها المكرونه علطول ولا تتلسع ؟؟؟؟؟؟

بكره ان شاء الله صنيه كوارع لجوزى ورز بشيعريه وانا لسه مش عارفه هعملى ايه ؟؟؟


فراشه جربيها هتعجبك اوووى بجد سهله وحلوة والتوميه بتاعتها بيبقا سمكها حلو زى البشاميل الخفييف ورشه الدقيق عشان متفكش وتفضل ماسكه فى بعضها جربيها مش هتندمى

بالظبط يا قمر كلامك 100%
بصو بقى بما انى بشتغل فلازم ابقى مجهزة حاجات فى الفريزر
اولا البانيه او ما بجيبو بتبله كله وأقسمة فى أطباق فيل والفها ببلاستك فيلم
وفى الفريزر وأعصج مفروم وفى علبه أوركبال وفى الفريزر ومش بيحصل حاجه للعلبه
التوم مفروم وعليه ملح وكمون وفى علبه وفى الفرزر
البصل بفرمة وفى اكياس نونو على قد الطبخه وبشيله فى الفريزر
وممكن يتشوح فى سمن ويتشال متشوح
خلطة المحشى تتعمل وتتسبك 5 دقايق على النار علشان الرز مش يتكسر فى الفريزر
المكرونه البشاميل ممكن تجيبى صوانى فويل وتعملى فيها وتشليها فى الفريزر من غير ما تستوى وتطلعيها على الفرن على طول
ممكن تعملو تسبيكة الخضار وتتشال
عارفين انا احيانا بعمل الطبيخ وبساوية تمام واشيله فى الفريزر والله بيبقى طعمه طازة
وواحده صاحبة مامتى بتقول ان حتى الحلويات بتعملها وهى سخنه تدخلها الفريزر زى الكيك والبسبوسه
انا بستعمل البانيه المتبل فى كل حاجه شاورما او بانيه او كوردن بلو او حتى نجرسكو وبيبقى شارب من التتبيله وتحفه
حاجه كمان الكفته بصبعها وارصها فى أطباق فيل وفى الفريزر
سواء كفتة رز او شوى

سؤال بقى أمبارح عملت مكرونه بالصلصه تحفه بس بهارات المكرونه جت زياده أعالجها ازاى
اصل جوزى غضب عليها ومرضاش ياكل
أنا مش عارفه مالى اخدت عين تمام فى الاكل حاجات كتير بقت تبوظ منى رغم انى والله بسمى وبقول أذكار