لمتنا السورية اهلا وسهلا فيكم لشهر ربيع الاول1432

شامة;14529231:
اهلا لؤلؤتي نورت كيفك حبيبي اليوم

الحمد لله بخير اسغة اني مارديت عليكي بس متل ما قلتلك راح صهرك واخد الاولاد قمت قلت امسح البيت على رواق وبس اجا ضحك علي قال انا في شي بعقلي اخدلي الاولاد بدال ما استرخي قمت اشتغل وامسح :mad:

شامة;14528708:
ماشاء الله عليك لؤلؤتي شو هالضيافة الروعة اكيد كله طيب تسلم ايدك :thumbs_up:

تسلميلي حبيبة قلبي بعض ماعندكم والله فطايراتك شكلهم روعة واكيد سالو مجرب وانا مجرب:adore:

موجز نهاية الاسبوع الماضي يوم الاربعاء نزلت بنت حماي على جدة هي وولادها ودقولنا انه الجو حلو ولحقناهم بعد المغرب كان الجو كتير حلو على الكورنيش قعدنا للطنعش وانبسطنا الحمد لله
الخميس بعد العشا قالوا الاولاد بدهم مناقيش فرحنا سوبر ماركت في فرن بيعمل مناقيش طيبة ونحن عم ننتظرهم ليصيروا لقينا فرن كهربا من النوعية يلي بدي ياها قمنا اخدناه وكتير روقت فيه لانه فرن الغاز تبعي مع اني كبير بس بابه عم يغلبني صاير وبعدين اخدنا المناقيش وبيتزاية حجم عائلي كانت واو وقعدنا بمكان حلو تعشينا ورجعنا
يوم الجمعة صلى جوزي الجمعة وجاب الغدا دغري معه كبسة جاهزة تغدينا على بكير وعجنت عجينة سينابون لانه كان لازم جرب الفرن
ودرست زيدو شوي رياضيات وعلى المغرب كان السينابون جاهز ورائع كمان الحمد لله عم يطلع كتير طيب وجوزي عم يحبه
وبعدين قعدنا نتفرج على برنامج المواهب العربية على ام بي سي 4 حلو مابه شي وبعدين على النوم وبلش اسبوع جديد وسبحان الله الايام عم تلاكض ركض الله يباركلنا بايامنا يارب
مبارح كانت سبرة الحب معكرونة بالباشميل نوعين بالخضار وبالحمة ومجدرة مع سلطة جرجير
اليوم زايد نص بركساية بشاميل بدي اعمل صينية جاج وبطاطا بحمض وتوم وتبولة باذن الله
طولت عليكم بس بحب تشاركوني يومياتي متل مابحب شاركم يومياتكم واخباركم

يسعد مساكم يارب
لولوة كيفك حبيبتي ويسعدلي ياكي اكيد بدي استفقدك ومنبح نشاركك وتشاركينا اليوميات الحلوة
ماننحرم منك يارب ... وماشالله الويك اند عندك حافل منيح طلعتوا وماقصرتوا ان شالله بالهنا يااارب وبالفعل كان الجو حلو قضيناه بالبيت والله والجمعة طلعنا على مجمع العرب اتعشينا هناك واتمشينا ورجعنا
ومبروك الفرن والله حلو انا كان عندي وخرب فيه مفتاح واحد الله يسامحو زوجي ركنو على الرف وبعد فترة رماه مع اللي ارتموا بالزبالة
بس ماكنت افضله عن فرن الغاز لانو بحس فرن الكهربا بنشف الفطاير ماكنت احب شويو منيح ... بس اكيد تبعك كويس بماانو جربتيه وعجبك خبزو

وهنا وعوافي على السينابون وسيرة الحب اللي عندك والله انا مبارح واليوم مسئعة بيتنجان والحمد لله انها خلصت ومابقي منها شي لان اللي عندي
ابدا مو اكيلة وبكرا مابعرف شو بعمل بس على الغالب فطاير اجلتها لبكرا ان شالله

مسالخير زهورة كيفك اليوم
اتغديتي ورق عنب وكوسا ولا اجلتيها... ويارب هنا وعافية وانتو كمان اسم الله فيكم الخير والبركة واي والله السلطات بتجنن وخاصة بالمطاعم ههههه
انا بس روح هناك بتلاقيني انا وزوجي على مطعم بوابة دمشق ومنطلب اكتر شي سلطات وفتاتيش هههه جمع فتوش
والله البرد حلو وحلو انك تطلعي وتشمي هوا نضيف يعني عن جد نحنا متمنيين يكون في عطلة بالشتا لحتى ننزل سوريا والله الصيف على قد مو حلوة على قد
ماعم تجي حررر وقرف ومرض
يعني البرد بتلبسي وبتدفي وبتتمشي وانتي مبسوطة
اما الحر يعني قد ماخففتي ملابس وين راح تصفي هههه راح تبقي لابسة وحرررانة ومابتبعدي عن المكيف:069:
وجهة نظر بتبقى الشغلة:)

كيفكن يا عسولات يا حلوات أنا لسه بحمص ما ارجعت على بيروت لإنه كان بدي ارجع بكرة بس خالها لماما توفى فحبيت ضل كرمال آخد بالخاطر

اهلين لولية يسعدلنا هالمسا يارب والبقية بحياتكن ان شالله

نحنا بخير وعافية الحمد لله ومشتاقين لطلتك الحلوة ... وبخصوص الببغاء والله جبنالوا بخاخ وعم نبخو كل عشر ايام مرة
بس شكلو تعبان نفسيا ومبارح واليوم مامنعرف شو صايرلوا لافف رقبتو لورا وجالس لا حس ولا صوت حتى الاكل ماعم ياكل متل الناس قصدي متل الببغانات هههه
وعلى اساس زوجي بكرا ان شالله يوديه الدكتور

وبخصوص مونو هلأ ببعت رسالة لبيرل ومنشوف وان شالله خير
كيفها سمورة على علمك باي شهر صارت ؟

مبارح عملت جيلي جوزي بحبو وولادي وحماتي وانا والله بحس حالي كاني عم اكل بمنامي ههههه

اتفضلوا يادوب طالعين من التلاجة



واللي مابحب الجيلي عملتلكم كراوية انا مابحب الكاجو وحماتي مابتحب جوز الهند ... وياعيب الشوم منكم ماكان عندي فستق واصلا مابحبو خخخخخ

يسلم خيتوة

يسلمو يادامو الحلوة طبعا على الكراوية لانه متل ماقلتي الجلي متل يلي عم ياكل بمنامه بس الكراويه واو روعة بمووووووووت عليها
صحة وهنا على المسقعة انا والله مابيعتبروها طبق رئيسي يعني بياكلوها مجامله لانه انا بحبها مشان هيك بعملها لقمة صغيرة اذا كان قصدك البيتنجان وبندورة وبصل وفليفلة وتوم بدون لحمة
بس انا بعمل منزلة بيتنجان بلحمة وبندورة وبصل مناكلها مع رز بشعيرية هي كتير بيحبوها ووقت بلاقي باتنجان صغير بينحشى بعملها بدون بندورة بيقولولها بالشام منزلة باسود والله يديم نعمه علينا
ومشان الفرن ياحوينته عنجد ظريف عجبني والله ومانشف الفطاير ولا شي بالعكس طلعت نافشة ولونها ذهبي

لولية عظم الله اجركم والله انك صاحبة واجب ومعدلة الله يسعدك ويفرج همك يارب وبس تطمني على سمورة ومونو طمنينا عنهم ويسلم يديكي يارب
خبرينا شو اخر اخبار الجهاز والصبايا يارب بتشوفي ولاد ولادهم

كاتي مبارح عند اهلك حفظناها بس اليوم وينك اشتقنالك ميل يا غزيل هي رح غنيلك مع انه صوتي مو خرج

وزهورة كمان وينك اليوم طمنينا عنك وعن اخبار الاولاد

شامة ياشامة اشتقتلك موووووووووووووووووت ونفسي اقعد معك شي قعدة صفا نكركر شوي ونشرب فنجان قهوة وقبلانه مو على رواق قبلانه مع ضوجة الاولاد المهم كون معك

مرحبا يابنات كيفكم

شامة الله يخليكي لابن عمك ويخليلو ياكي ماشالله عنك سوبر ووووومن الله يقويك ويعطيك الصحة كل هاد ساويتي بالعطلة
تسلم ايديك عالفطاير أنا بحب السبانغ كتير بس زوجي ما بيحبها بقى ما بقعد بفرم وبتبل للفطاير كرمال كم قرص الي بس أما أنتو عيلة ما شالله بس اجمالا أنا شاطرة بالفطاير والمعجنات والبيتزا

لؤلؤة الدوحة ان شالله بتلتقي برفيقك بأقرب وقت يارب وبالنسبة لمغص ابني والله عطيتو يانسون وأكلي آآآخ انحرمت نص الأكلات الحمد لله عم رضعو طبيعي

دمشقية تسلم ايديك عالجيليه والكراوية مممممممم أكلتها أكل مو طبيعي وجايبة معي عاليمن لأعمل لرفاتي ورفقات زوجي لأنو هون مافي كراوية وما بيعرفوها أصلا صديقتي اليمنية قالتلي ولا بحياتي سمعانة بهالأكلة

لؤلؤة صحتين عالمعكرونة بالباشاميل زوجي بيموت عليها فعلا لذيذة وشكلك من غير ما زورك وشوفك فنانة وشطورة أنت وشامة الله يهني زواجكن يارب بس هل زواجكم بيقربو لبعض شي ؟
أما عن المنزل ببيتنجان أنا بموت عليها ان كانت مقطعة تقطيع وفيها بندورة أو محشية حشي بصل ولحمة بس كمان البيتنجان هون نادرا ما يلتقا ظريف بتطلعلك وحدة ظريفة وعشرة فيهن مرار

زهرة شو وينك اليوم شو آخر أخبار الحلويات معك لأنو البسبوسة كانت طالعة معك تحفة

سيرة الحب عندي اليوم محشي طلع مممممم بيجنن ساويتو هالمرة بتمر هندي على طريقة الماما مو بالليمون طلع أطيب بكتير وفول مقلى وزوجي جاية على بالو حلاوة سميد أو بالعامية هيلاطية كمان عملتها سهلة وخفيفة وسلسة

الدمشقية;14535775:
مسالخير زهورة كيفك اليوم
اتغديتي ورق عنب وكوسا ولا اجلتيها... ويارب هنا وعافية وانتو كمان اسم الله فيكم الخير والبركة واي والله السلطات بتجنن وخاصة بالمطاعم ههههه
انا بس روح هناك بتلاقيني انا وزوجي على مطعم بوابة دمشق ومنطلب اكتر شي سلطات وفتاتيش هههه جمع فتوش
والله البرد حلو وحلو انك تطلعي وتشمي هوا نضيف يعني عن جد نحنا متمنيين يكون في عطلة بالشتا لحتى ننزل سوريا والله الصيف على قد مو حلوة على قد
ماعم تجي حررر وقرف ومرض
يعني البرد بتلبسي وبتدفي وبتتمشي وانتي مبسوطة
اما الحر يعني قد ماخففتي ملابس وين راح تصفي هههه راح تبقي لابسة وحرررانة ومابتبعدي عن المكيف:069:
وجهة نظر بتبقى الشغلة:)

هلا بدمشقيه :L:
لسا ما عملت الكوسا والورق اذا الله راد بساوي اليوم
مبارح هف على بالي المجدره :adore:كان في لجوزي صحن طبيخ لانو ما بحب المجدره استغليت الوضع وعملتها وكتر البصلات عنجد انو المجدره لا يعلى عليها :adore:
بلنسبه للسلطات السوريه جوزي جابلي دبس الرمان وخل وقال هي الاشياء اللي بتخلي السلطه زاكيه بلفعل حطيت منهم وطلعت السلطات تمام التمام بس ما رح توصل لدرجة سلطات الشاميه :worn_out:بجوز كل اشي مع شمة الهوا بكون اطيب :worn_out:
انا بلشت اشتاق للصيف وللبس اللي من غير هدوم :p
بس في ايام ما بنطاق وبسير اخد دوش واللبس بدون ما اجفف حالي :|

الدمشقية;14536497:
مبارح عملت جيلي جوزي بحبو وولادي وحماتي وانا والله بحس حالي كاني عم اكل بمنامي ههههه

اتفضلوا يادوب طالعين من التلاجة



واللي مابحب الجيلي عملتلكم كراوية انا مابحب الكاجو وحماتي مابتحب جوز الهند ... وياعيب الشوم منكم ماكان عندي فستق واصلا مابحبو خخخخخ

يا عيني شو هاد؟اشياء زاكيه
جلي لونين عامله ولا طبقه جلي وطبقه شي تاني؟
يسلم ايديكي شو معدله :thumbs_up:

رفيقة الاحلام كيفك خيتي F:
لوليه كيفك اليوم ان شاء الله تحسنت امورك ونفسيتك صارت احسن ؟F:

لؤلؤة الشام0;14537614:
وزهورة كمان وينك اليوم طمنينا عنك وعن اخبار الاولاد

هلا لؤلؤه كيفك انتي
انا اشتقتلكم كتير F:
الولاد تمام راحو على المدرسه ابوهم وصلهم بس ريم اللي بلروضه خليتها تعطل لانها بتكح وبرد عليها بلاش تتبهدل بلمطر :hysterical:
طمنيني عنك وعن ولادك واخر طبخاتك :biggrin: