لمتنا السورية اهلا وسهلا فيكم لشهر ربيع الاول1432

ايوه دمشقيه انا بستخدم الكسيح وطعمتو بتجنن وما بتحبي تشبعي منو :adore:
بس عند الزنقات بستعمل الجميد القاسي وبجيب نوعية السوري طعمتو خفيفه وطيب
واللبن تقدري تخففيه على زوقك مش شرط يطلع كثيف

الدمشقية;14509364:
تعالوا وينكم ضايق خلقييييييييي وطفشانة تعالو ندردش شوية امممم ....
مع انو مبارح طلعنا اتمشينا على البحر بالسيارة طبعا مانزلنا واكلت ايس كريم من زمان على بالي
بس عشان ضرسي اجلت الموضوع ... المهم اكلت مبارح واخيرا باسكن روبنز ونسيت الضرس وهمه ههههه
واتذكرتكم وهذا نصيبي اللي اخترته اتفضلوا من يدي ههههه

الدمشقية;14515949:
وهي سيرة الحب عندي اليوم صورتها كرمال عيون شامية خص نص هههههههههه

منسف اردني بشهههههههيييي من ايديّ وحياة عنييّ



زوووم شوية

بنت الشام المعذبه;14509998:
شو الحلوين نايمين.......

الله يبارك فيكم ويخلليلكم ولادكم وتمملي على خير والله قصة هالحمل قصة بتتذكروا كيف كنت وياما ابكي لك حتى السؤال شوفه بعيون امي ولا الناس هلكون سؤال ماخبيتيلنا شي اذا شافوني من اسبوع لاسبوع كانوا يسألوني ومهما الواحد بيطنش بس بتترك شي بالقلب

بنت الشام المعذبه;14510070:
المهم من دون طولت حديث الصار عملت تحليل سكر وغيره المعتادة وطلع عندي انزيم الكبد نازل ومحسوبتكم بتخاف على حاله انشغلت بهالقصه وماعاد اهتميت بالحمل بالمرة وكان بعد اسبوعين المفروض تجي الدورة وما اجت وصابني الم ببطني من تحت فظيع وكل ما قول لاختي لكبيرة بتقالي طبيعي ولاتعشمي حالك وكل الاعراض مابتعطي غير 5% امل والوجع صار يزيد وما كانحدا يرضى يفتح الموضوع خايفين على مشاعري وحتى الدكتورة قالتلي هالوجع يمكن لانو الدورة مانزلت وبعد ما مضي اسبوعين عن الدورة واذا كنت اضغت على سفل بطني يوجعني صرت ابكي وصرخ بدي حل اوكي مافي حمل بدي الدورة المهم اخيرا اقتنع زوجي واشترالي تحليل المنزل والحمدلله اجبر خاطري ومع ذلك اختي وهو يقولولي لازم تحليل بالمستشفى اضمن مشان ما عشم حالي.......

لؤلؤة الشام0;14518939:
مسا الخير لكل البنات
سألتوني شو كنت مساوية حلو لجاراتي
ياحبيباتي ساويت بف بالموز والقرفة وكب كيك بالشوكلا وبسبوسة محشية بالقشطة وعملت بزبادي الايس كريم حلا مكون من طبقة كيك وطبقة مهلبية وعليهم جلي فواكه استوائية واخر شي طبقة جلي فراولة وزينتها بالكريمة طلع شكلها كتير لذيذ والوانها حلوة
واول شي ضيفت قراميش ساويتها برقائق السبرينغ رول رشيتها بالقرفة والسكر وقليتها بزيت وعملتلها تغميسة شوكلا مع فنجان القهوة كتير حبوها وبس ا ي استفسار انا جاهزة

لؤلؤة الشام0;14518966:
كاتي نعيما قصة الشعر الك ولتالا انا مالي سمعانة هي القصة انه مع ورق العنب بس عقولك تغير
وشو بتحبي اعطيكي طريقة حلا انا جاهزة نحن حاليا رغبانين الحلا البارد متل الحلا تبعك يلي عطيتينا طريقته وترمسو وتشيز كيك
وكله مع العافية طيب

شامة;14519082:
السلام عليكم ورحمة الله وبركاته
الله يسعد ايامكم جميع
انا بخير والحمد لله وولادي بخير
لؤلؤتي اليونم نزلت كمان عند ماما مشان نعوض لبابا الانقطاع هههههههه ايه والله هو عم يخرم علينا الله يكسبنا رضاهم يلا احكيلي شلون جمعة جاراتك

دمشقية الله يحميهم ببغاءاتك حلوين بس بدهم عناية كتير وشو هالايس كريم هاد فعلا اسقالله وقت اكلته عند لولو

والمنسف شكله طيب يسلم ايدك

كاتي سلامتك روحي دكتور العيون ما معهن لعبة ابدا وبرافو عليكي الي هيك عملتي مع ضيوفك عنا متل بقول زلقناله عدا هو وحماره عفوا منك

الدمشقية;14521878:
جمعة مباركة يارب كاتي كيفك اليوم ؟؟

اي والله الفرق غريب بس ربك حميد بعطلوا سوا العطلة الاخير بس الفرق بالمسميات يعني شام عطلة اخر السنة .. محموج عكلة بين الفصلين :confused::worn_out:
واي والله سورية مسكينة دوبها مية شغلة بس لا تخافي لو في نت ماكانت قصرت بعرفها:D
وانتي كمان حبيبتي ماعم تقصري مع تالا بقى مو تحرمينا منك والله بزعل منك بعدين اتعودنا عليكي اخت عزيزة وغالية وفراقك مامنرضى فيه F:
ليش مابتشتريلها لتالا لاب توب الاطفال في انواع اما قران كريم او احرف واورقام والذي منه منه بتقلدك وبتجلس معك ومنه بتتعلم ايش رايك :-#
والله ذاكرتي خانتني اي والله صحيح عملتي العملية ... طيب لازوم تروحي الدكتور افضل
وان شالله خير يارب

والله والعالم الله هالسنة مارح انزل على سوريا يعني مو كتير متحمسة للفكرة وزوجي كمان مو ببالو بقى مابعرف شو بصير والعزال اللي بعرفهم بيحسدوا الاعمى على حلى عيونو فالله يسترنا منهم :hysterical:
وخير ماعملتي بخصوص بنات احماكي هيك قطعتي عليهم الدرب واللي ببحب التاني بيجيلوا ولو على الحنتور خخخخخ :D موبستنى حدا ياخدو ويجيبوا

ويالله خليكي معها على الطويل واكيد بمناسباتها مابتقصري وبترديلها اللي عملتو معك بعزيمتك وزيادة:thumbs_up:

صباح الليل





مرحبا صبايا كيفكن


هلأ في منكن اللي بيعرفوني وفي اللي مابيعرفووني <<ياخوفي ماحدا بيعرفني





دمشقيه
لزييييييييييييييييييييييييييييييزه ماشالله سيرة الحب عندك
عقبال ما اعمل شي حلوووووو ويعجب زوجي ان شالله
تسلم ايدك
انا عندي طريقه المنسف بس ماتجرأت لاعملها بخاف تخرب وزوجي يضحك علي ...





بنت الشام المعذبه
الف مبروك عالحمل
الله يثبته لك وينقله لك بتمامه <<هاي دعوه بالقطري لووووووووووول
عادي انا عندي بنوته تؤبشني ان شالله راح تكمل 3 سنوات بعد شهرين ان شالله
وماجبت غيرها من شان موضوع دراستي وظروفي بتصير مناسبه
يعني مابدي هيك يصير معي بس هيك الله كاتب ..
وهلأ من كثر التفكير انه راح يكون بين بنوتي وبين البيبي الثاني بأذن الله 3 سنوات او اكثر بخاف انه مابكونو قراب من بعضهم البعض او يخافوا على بعضهم ..هذا همي هلأ
ان شالله الله يككتب لي الحمل عن قريب يارب







هلأ بدي اسالكن عن مونو ستبس
اخر مره قريت انه قدمت استقالتها ورجعت عالشام <<والا فهمت غلط
طيب وينها هلأ وليش مارجعت فاتت هووون وشاركت متل قبل ..؟
شو اللي صار معها ؟؟مشتاقتلها انا للبنت ..
وكمان دمشقيه كأنو كنتي بالخليج او هيك مفكره انا ..؟
هلأ علم الدوله شي تاني <<معللش سامحيني على فضولي وعادي اذا مابدك تجاوبي

مسالخير وجمعة مباركة عالجميع
كيفكم يابنات أنا بخير والحمد لله وكل شي تمام التمام
دمشقية صحة وهنا جد شي بيشهي انا ولا مرة دايقة المنسف يعني ياترى طعمتو متل شكلو ؟؟ يعني اذا بدوقو أكيد بتشجع ساويه ويصير احدى طبخاتي عالقائمة اما بالنسبة للآيس كريم انا مالي مراق كتير بس انت شجعتيني مرة عالباسكن روبنز وجربتو على شوكولا وعليه الشوكولا السايحة والمكسرات فعلا بيجنن

سوريا الله يقويكي ويعطيك العافية يارب كيفا هدى خانم وقديش صار عمرها

لؤلؤة ياعيني ياعيني شو هالضيافة اللذيذة هي والله شي بيشهي تسلم ايديكي

اي جربت الجاج بالخضار وطلع تحفة وحبو زوجي كتير عملتو مع فطر ودرة وجزر وبزاليا

شامة الله يخليكن الوالد والوالدة ويطول بعمرن ياريت أهلي قراب علي أنا والله بشتاقلن كتير وخصوصي ماما تقبر قلبي سبحان الله الوحدة بعد ما تصير ام بتحس أكتر بأمها وتعب أمها عليها

كاتي الله يخليلك الكربوجة يلي عندك سبحان الله الولاد بدن طولة بال خصوصي بهالعمر وبعدين شفتي شفتي دمشقية ماشالله عنها شكل المنسف بيجنن والله عم تضارب عليكن هالدمشقية

زهرة المناره;14522142:
هلا بيكي F:
بصير اي نوع قشطه ما في مشكله ويلا عشان تخففي قشطه من الثلاجه هههههههههههه
البيضه ما رح تحسي بيها بلمره لانو رح نحط فانيلا
صحتين مقدما وان شاء الله تبيض الوجه وصفتي :o

يسعدلي صباحك ياقمر
قولتك يصير خلاص لكن ههههه اخلص اللي عندي وبعدها اجرب القيمر :)
وان شالله مااحس بالبيضة عندي عقدة من الزنخ اشمه على ميل :|
ووجهك ابيض والله وعلى قلبك ان شالله اعملها قريب وادعيلك F:

زهرة المناره;14522160:
ايوه دمشقيه انا بستخدم الكسيح وطعمتو بتجنن وما بتحبي تشبعي منو :adore:
بس عند الزنقات بستعمل الجميد القاسي وبجيب نوعية السوري طعمتو خفيفه وطيب
واللبن تقدري تخففيه على زوقك مش شرط يطلع كثيف

حلو كتير يعني حتى انتي مجربتيه :thumbs_up: بالفعل كتير طيب وانا مابحب اخففه وحتى مرقة اللحمة مابكترها حتى يطلع الطعم طيب وتقيل:D
والقاسي والله ماجربته ومااعتقد عنا موجود بالاسواق ... قلتيلي نوعية سورية
يالله اكلت المنسف بسوريا عند وحدة من منطقة حوران ماحبيته ابدا وماله علاقة بالمنسف
تخيلوا بيعملوه على برغل وكمام لما يشربوا البرغل بيهرسوه هرررس بعدين بصفو اللحمة
ماحبيته ابدا ... المنسف للاردن وبسسسسسسسسس:thumbs_up:

CATS_ANGEL;14523181:

ايه ممتاز اذا في عطلة مع بعض بغض النظر عن المسميات :D

على قولتك لو في نت صدقيني ممكن تكسل انها تعمل شي كرمال تقعد انا اوقات بخبي الجهاز بمكان ما اشوفو لحتى اخلص كل شغلي وما يضل في وجهي و اضعف قدامو :rolleyes:
وانا تعودت عليكن كمان لولا انتو كان فصلتو زمان حبيباتي انتو بس في ملامح شغل بالطريق نفسي ارجع اشتغل لو كم شهر :( ادعولي تزبط :o
لو تشوفي الالعاب يلي عندها صدقي يلي عمرهن عشرين سنة ما عندهن زيها بدها العب معها و يلي بتحكي عنو اشتريتو من الشام و بدها انا اكبسلها عليه او بس اترك كل شي و اتفرج عليها شو اعدلك العاب بدها انا جنبها و اذا لفيت وجهي بتضل تسحب فيه و اذا شافتني فتحت اللاب توب بتسكر التلفزيون و بتترك كل العابها و بتجي بحضني و بتكبس معي بنجن و بسكرو :mad:
ايه بدي روح للدكتورة يلي عملتلي العملية مع انو وجع و بروح بين فترة و التانية :thumbs_up:
ليه ما بدك تنزلي على الشام :confused: انتي هلأ بتحكي هيك بعدين ما بتلاقي حالك الا رحتي :D
انا هيك حكيت لجوزي انا برحلهم اخر الدنيا و هنن بدهن كل شي على الجاهز :mad: فهو حكالي معك حق يلي بدو يزورنا اهلا و سهلا في بيتنا مفتوح غير هيك لا:rolleyes:

في شغلة بدي احكيلكن اياها خليها لبكرا ان شاء الله :cool:

يسعد صباحك كاتي F:
بخصوص الباسكن روبنز والله حق معك مابتزبط معكم هلأ مع البردات هههه
وتسلميلي يارب على قلبك واحنا من بعدكم ;) وقلتيلي ضربتين عالراس بتوجع :lol:
ماقلتيلنا كيف طلعت الشاكرية وزوجك شو حكى عنها ؟؟

وبخصوص النت هي المشكلة انه سوسة بس والله من الملل يعني انا مثلا مابتفرج على التلفزيون ابدا ومابحبه ومالي متعطلة عليه بس النت مابقدر يعني شي بعوض شي
انتي بتخبيه وبتشتغلي انا بطفيه على الاخر لاني دائما بحطه بوضع الاستعداد :cool: منشان يكون علي اسرع بس وقت الشغل بطفيه بشتغل شغلي ومابفكر قرب عليه لانو بدو وقت اكتر ليشتغل هههههه

وشغل شو ؟؟؟ يالله يارب يختارلك الخير وتزبط وتتيسر امورك وتااالا ؟؟؟؟

وسلامة خيركم ماشالله عن تالا معناها انتي مدلعتيها كتير ههههه بس هي مسكينة لانها وحيدة انا هيك بتذكر محمود كتير كنت ازعل عليه لحتى اجت شام اتغير وصار يلهي عني

وبخصوص نزلة سوريا حاليا جاي بابا ان شالله بعد فترة وغير هيك قلتلك من اول عنا شوية التزامات والاهم الاهم اللي مانعني عن النزلة سورية والله حارقة قلبي كيف يعني انا انزل سنتين ورا بعض واشوف اهلي واخواتي وهي ياعلي مو قادرة تنزل بسبب هالاقامة الزفت
والله العظيم قلبي محروء عليها بس مافي شي طالع بالايد غير الدعاء لربنا
بقى بالله عليكي مو حق معايي :( بقى والله لا لي متشجعة ولا لي مفكرة بالنزلة مع انو زوجي حابب يسافر

وبخصوص خوات زوجك الله يعينك وكويس اللي زوجك معاكي هدا اهم شي
وشو هي الشغلة اللي بدك تحكيها حمستييييني وصار نفسي اعرف ههههه اكيد عن سلفتك:) او عن زوجك:-#

لولوة الدوحة مية اهلا وسهلا فيكي اكيد متذكرينك ولوووو ياعمري بس انا قلت انتي اللي بطمنينا عن مونو ؟؟؟
بعرفك صديقتها .... مونو ياحبيبة قلبي انقطعت اخبارها اخر شي كانت بسوريا قدمت اختبارات ونجحت ورجعت على قطر واجاهم اخو زوجها ضيف عليهم
وبس من وقتها ماعدنا سمعنا عنها شي
فلولو اذا بتعرفي رقمها ياليت تتصلي عليها وتطمنينا عنها حبوبة انتي ...

وتسلميلي يارب هذا من زوقك وانتي كمان من ايدك كل شي حلو وطيب واتجرئي عمليها بس اعملي جنبها طبق تاني للاحتياط اذا ماعجبتوا
بحول عالتانية شو رايك ههههههه

انا مقيمة بالسعودية نسيتي ياقمر ... وعلم الدولة اللي باسمي هو اليونان لان خدمة النت اللي عندي عن طريق ((الاقمار الصناعية)) .. النت ستالايت اللي هو شغل زوجي فالاي بي ماخود من اليونان ولا فضول ولا شي انتي اخت عزيزة ومنا وفينا ولوووو

ويارب يكتبلك الحمل وتجيبي احلى بيبي يارب والفرق حاليا حلو وانتي اعملي جهدك خخخخخ والباقي على الله

اهلين شامية مية وردة
يارب دوم بخير وعوافي كيفو سالم معك هالايام ... وان شالله مو صاير عليكم شي بسبب الازمة والمظاهرات ؟

وتسلميلي حبيبة قلبي والله طعمتوا بالنسبة الي بتجنن انا كتير عجبني وحبيتو وخاصة بهاد اللبن اللي قلت عنه اسمه جميد الكسيح سائل ...
وصار من ضمن القائمة عندي ههههه

وعوافي يارب كويس اللي عجبك الايس كريم .... وعلى فكرة حتى كيكاته طيبة وبتجنن قريبة للكاسيتا بس اطيب بكتير بقى كمان جربيها واكيد بتعجبك

هلأ سورية ماعندها نت حاليا وهي بتسلم عليكم وهدى بكرا ان شالله بطبق 8 شهور البركة

مرحباااا



ظهر الخير عليكن


الدمشقيه
تسلمي لي ياعمري
مامعي تلفونها ولا شي بس كنا فتره الحمل مع بعض نحنا والشله ياللي كانوا معنا بالشات
بس تقريبا كلياتن مارجعوا شاركوا من بعد الولاده وهيك ..
ومونو اخر شي عرفتو من ردودها هي انها مسافره وقدمت استقالتها ووقتها انا كنت كتيييير مشغوله وماقدرت اكتب رد واسالها كيف بدي اتواصل معها ..
او كيف بنعرف اخبارها ..
يعني بتذكر اني قريت بس هالرد ولا قدرت اقرا شي ثاني ..
بعرف وحده هي مونو لحالها خبرتني انه بينهم مسجات
بس المشكله كمان هاي البنت مارجعت شاركت
هلا بشوف انا كيف بدي اضبطها واعرف اخبار مونو بس بتوقع راح اطول كمان شوي لاعرف شي عنها <<من شان اكمل دراستي
ولا يهمك بس اعرف عنها شي راح اعطيكن خبر اكيد ان شالله
وعن محل اقامتك كنت متاكده من هالشي بس لما شفت العلم تشككت كثير ..



وعن المنسف الطريقه ياللي عندي من مجله فتافيت ...انا بخاف اعمل شي هيك اكلات لزوجي <<بخجل منه اذا ماضبطت معي
مابعرف ليش هيك دايمن بيصير معي بس اني بدي اطبخ له شي طبخه وعارفه اني بقدر عليها بس مابتضبط معي
يعني في بيت اهلي كنت اطبخ واعمل وصفات جديده بس هلا لاااء

اهلا وسهلا بلولوة الدوحه والله يحفظلك بنوتك F:
انا فتت من جديد هون عندي اربع اطفال ازغرهم سنه ونص وشوي :D

دمشقيه كيفك اليوم وكيف العيال :D
شو طابخه اليوم خلينا نسرق طبخه لبكرا :D
مع اني حابه اعمل كوسا وورق عنب احنا بنحكيلو دوالي
ان شاء الله تعجبك بسبوستي
منسف على برغل :hysterical:مو حابه اجربو :hysterical:
كل ناس والهم طريقتهم
في جميد قراص زاكي كتير ازا زبطيه في نوع بكون طري يعني بتقطعيه بلسكين بسهوله وانا بحب اضيف مكعب ماجي بحسو بعمل نكهه طيبه
الله يسعدهم الحلوين F:

لولوه لازم تجربي طبخات عشات تتعلمي هيك ما بزبط وليش بدك تخجلي من جوزك المفروض شو ما تعملي يوكل وما يتذمر كمان :rolleyes:احكيلو انا عم بتعلم ولا كلمه :rolleyes:
شاميه للعظم كيفك يا عسل من زمان ما طل القمر F:
شو عامله اليوم وكيف الجو عندكم ؟

زهوووره
اهلين وسهلين
لووووووول بخجل لانه هو كمان ماشالله عليه شاطر في الطبخ
من شان هيك مابحب اعمل شي الا وبزبطه
يعني اكثر شي عجبه الباستا وصينيه سمك مقلي بالصبار الحامض وكيكه الفستق وبلاليط <<اكله خليجيه بالشعيريه والسكر وتعملي مع قرص بيض احلى شي
وهذول مارجعت عملتن من شان اجرب اشيا ثانيه لووووووووول
وان شالله الايام بيننا بعمل ياللي بدي اياه وبجرب عليه
الله يخلي لك ولادك يارب
ا

مراحب صبايا كيف الحال والاحوال يارب تمام
لولوة وشامة وينكم اشتقنالكم ... هاليومين ماطليتو يارب تكونو بخير

لولو الدوحة اول شي ماشالله عليكي مو معقولة يعني شككتيني بحالي واقول هالبنت سورية مو معقول قطرية ههههه كلامك سووري ؟؟

ويارب يسلمك ويخليلنا ياكي ولازم تتشجعي يعني كلنا الا مايخرب شي من ايدينا المهم مانيأس ونضل نجرب بقى لا تخجلي واللي بيخجل من ابن عمو بنام بالجوع هههههه (( غيرت المثل ))
وبخصوص مونو وانا كمان بدي اسئل صديقتنا بيرل عنها الا ماتعرف عنها شي ويارب تكون بخير

اهلين زهرة انا بخير الحمد لله تسلميلي والله كلك ذووق

والله الكوسا وورق العنب بجننو عوافي على قلبكم يارب انا اليوم عملت مسئعة باتنجان .. وعن جد الاكل بحير كتير

وانا متلك مستحيل اجربه بالبرغل لاني ماحبيته كتير واللي بتعرفوا احسن من اللي بتتعرف عليه ههههه
وتسلميلي يارب اكيد راح تعجبي الهريسة وخاصة انها من عندك ومجربتيها

مرااااحب ياحلوين كيفكم أنا اليوم مواصلة ليل مع نهار ابني الله يسلمو مانام للساعة 12 الضهر ييييي علي كان ممغوص كتير
لك المشكلة أنو ولا دوا للمغص بيعطي مفعول معو بسوريا عطيتو نوعين ما أثر قلت بجرب النقوط الأخضر أكيد الكل بيعرفو مشهور عنا بسوريا ومافي حدا ما بيعطي مفعول معو مع اني ما كنت كتير حابة أعطيه ياه بس بدي ريحو من الوجع المهم عطيتو ياه ولا أثر معو لما أخدتو على دكتورة هون باليمن وصفتلي دوا سويسري ظريف عجبني مالو أي آثار جانبية كمان ما أثر معو مابعرف ليش والله كل الليل هو عم يفرك فرك أنا ما بخليه يبكي بعطيه لهاية بس لما يكون ممغوص بيتفشش فيها لأنو هو كتيييير عصبي وهو أبيض كتير بيصير أحمر متل الشوندر لما بتجيه المغصة وبيفرك برجليه وبيصير بيتفشش باللهاية
الهم انا استسلمت للمغص وعرفت مافي شي بيأثر مع ابني لا أعشاب ولا أدوية سبحان الله صايرة حياتي كلها مكركبة لا ليلي ليل ولا نهاري نهار

دمشقية صحة وعافية عالمنسف نفسي حدا يعزمني عليه شي يوم لدوقو وبالنسبة لكيكات باسكن روبنز مندوق ليش لاء أنا الكيكات هي الحلويات المفضلة عندي وخصوصي الشوكولا

سلمي على سوريا لكان وخبريها أني بدعيلها من كل قلبي الله يفرج عنها يارب

زهرة انا هون بس ماعم قلكن أني ماعم أعرف الليل من النهار بسبب ابني بقى بتلاقيني لما بيكون ممغوص مستنفرة وحاططتو بحضني عالتواليت مابفوت اذا بدي شي بفيق زوجي يمسكو مابحب اتركو يبكي بقى بستنى الوقت يلي بينام فيه وأنا عالسريع بشتغل شغلي وبنام بكون فارطة من النعس

لؤلؤة الدوحة كيفك ياقمر الله أكيد متذكرينك ولو من سنتين تقريبا كنتي مداومة بالشات كنت أنا مخطوبة لسا وكنت بسوريا
بالنسبة للطبخ أنا بنصحك تجربي ما بتخسري شي واذا الأكلة ما ظبطت خبيها لا تورجيها لزوجك يعني حلو التغيير من وقت لوقت

لؤلؤة الشام0;14518939:
مسا الخير لكل البنات
سألتوني شو كنت مساوية حلو لجاراتي
ياحبيباتي ساويت بف بالموز والقرفة وكب كيك بالشوكلا وبسبوسة محشية بالقشطة وعملت بزبادي الايس كريم حلا مكون من طبقة كيك وطبقة مهلبية وعليهم جلي فواكه استوائية واخر شي طبقة جلي فراولة وزينتها بالكريمة طلع شكلها كتير لذيذ والوانها حلوة
واول شي ضيفت قراميش ساويتها برقائق السبرينغ رول رشيتها بالقرفة والسكر وقليتها بزيت وعملتلها تغميسة شوكلا مع فنجان القهوة كتير حبوها وبس ا ي استفسار انا جاهزة

ماشاء الله عليك لؤلؤتي شو هالضيافة الروعة اكيد كله طيب تسلم ايدك :thumbs_up: