لولوة الدوحه;14527338:
زهوووره
اهلين وسهلين
لووووووول بخجل لانه هو كمان ماشالله عليه شاطر في الطبخ
من شان هيك مابحب اعمل شي الا وبزبطه
يعني اكثر شي عجبه الباستا وصينيه سمك مقلي بالصبار الحامض وكيكه الفستق وبلاليط <<اكله خليجيه بالشعيريه والسكر وتعملي مع قرص بيض احلى شي
وهذول مارجعت عملتن من شان اجرب اشيا ثانيه لووووووووول
وان شالله الايام بيننا بعمل ياللي بدي اياه وبجرب عليه
الله يخلي لك ولادك يارب
ا
شاطر بلطبيخ ما شاء الله معناتو اتبادلو الادوار انتي روحي على الشغل وهو يطبخ بلبيت :lol:
معك معك بتتعلمي وبتسيري شيف ممتاز ما في وحده فاتت المطبخ جاهزه ياما خبصنا بلاكل وتعلمنا
الدمشقية;14528317:
اهلين زهرة انا بخير الحمد لله تسلميلي والله كلك ذووق
والله الكوسا وورق العنب بجننو عوافي على قلبكم يارب انا اليوم عملت مسئعة باتنجان .. وعن جد الاكل بحير كتير
وانا متلك مستحيل اجربه بالبرغل لاني ماحبيته كتير واللي بتعرفوا احسن من اللي بتتعرف عليه ههههه
وتسلميلي يارب اكيد راح تعجبي الهريسة وخاصة انها من عندك ومجربتيها
هلا دمشقيه الله يسلمك
عنا بلاردن لا يعلى على ورق العنب والكواسا :adore:
مع انو انتو المعلمين بهيك شغلات :D
ولا سلطات السوريين يا عين يا عيني مره رحت سوريا ما كنت اطلب الا سلطات :adore:
برغل ومنسف ما بتروق لمعظم الناس
ممكن اعمل البرغل مع العدس الحب المجدره يعني بتطلع طيبه خصوصي لما تكتري زيت الزيتون والبصل المحمر :adore:
ان شاء الله هريستي تعجبكم صحتين مقدما
شامية للعظم;14528321:
مرااااحب ياحلوين كيفكم أنا اليوم مواصلة ليل مع نهار ابني الله يسلمو مانام للساعة 12 الضهر ييييي علي كان ممغوص كتير
لك المشكلة أنو ولا دوا للمغص بيعطي مفعول معو بسوريا عطيتو نوعين ما أثر قلت بجرب النقوط الأخضر أكيد الكل بيعرفو مشهور عنا بسوريا ومافي حدا ما بيعطي مفعول معو مع اني ما كنت كتير حابة أعطيه ياه بس بدي ريحو من الوجع المهم عطيتو ياه ولا أثر معو لما أخدتو على دكتورة هون باليمن وصفتلي دوا سويسري ظريف عجبني مالو أي آثار جانبية كمان ما أثر معو مابعرف ليش والله كل الليل هو عم يفرك فرك أنا ما بخليه يبكي بعطيه لهاية بس لما يكون ممغوص بيتفشش فيها لأنو هو كتيييير عصبي وهو أبيض كتير بيصير أحمر متل الشوندر لما بتجيه المغصة وبيفرك برجليه وبيصير بيتفشش باللهاية
الهم انا استسلمت للمغص وعرفت مافي شي بيأثر مع ابني لا أعشاب ولا أدوية سبحان الله صايرة حياتي كلها مكركبة لا ليلي ليل ولا نهاري نهار
دمشقية صحة وعافية عالمنسف نفسي حدا يعزمني عليه شي يوم لدوقو وبالنسبة لكيكات باسكن روبنز مندوق ليش لاء أنا الكيكات هي الحلويات المفضلة عندي وخصوصي الشوكولا
سلمي على سوريا لكان وخبريها أني بدعيلها من كل قلبي الله يفرج عنها يارب
زهرة انا هون بس ماعم قلكن أني ماعم أعرف الليل من النهار بسبب ابني بقى بتلاقيني لما بيكون ممغوص مستنفرة وحاططتو بحضني عالتواليت مابفوت اذا بدي شي بفيق زوجي يمسكو مابحب اتركو يبكي بقى بستنى الوقت يلي بينام فيه وأنا عالسريع بشتغل شغلي وبنام بكون فارطة من النعس
لؤلؤة الدوحة كيفك ياقمر الله أكيد متذكرينك ولو من سنتين تقريبا كنتي مداومة بالشات كنت أنا مخطوبة لسا وكنت بسوريا
بالنسبة للطبخ أنا بنصحك تجربي ما بتخسري شي واذا الأكلة ما ظبطت خبيها لا تورجيها لزوجك يعني حلو التغيير من وقت لوقت
سلامة ابنك يا رب F:ما عليه شر
هيك البيبيات اولها بغلبو بلمغص لو شربتيه معلقتين ميرميه كان بارادة ربنا اتحسن وخف الوجع
الله يكون بعونك وتقدري تقومي بواجبك يا رب