لمتنا السورية اهلا وسهلا فيكم لشهر ربيع الاول1432

السلام عليكم ورحمة الله وبركانه مارح طول بالكتابة لانه مودي مو تمام اليوم توفيت ستي امها لماما وانا كتير نفسيتي بالارض الله يرحمها كتير كانت حنونة وكتير بحبها وانا وصغيرة كتير كنت روح معها عسوق وروح زور عندها وانبسط كتير كتير برفقتها
وصار في متل لولية عظم الله اجرها ماصدقت واجتني فرصة لابكي
ربي يتوب علي من هالغربة يلي لا راحمتني بالافراح ولا راحمتني بالاحزان
بنات عنجد حاسة حالي مخنوقة ويلي مو جاية على بالها تتنكد تمرق ردي ولا تقرئه
كتير نفسي لو اني جنب امي اولو اني شفت ستي بلحظاتها الاخيرة وبوست يدها وطلبت منها الرضى
يمكن منتمنى نكون مع اهلنا بالافراح بس صدقوني حاجتنا الهم وحاجتهم النا بالاحزان اكتر
الله يبعد الهم والحزن عنكم جميع ادعوا لستي الله يرحمها ويدخلها فسيح جناته وادعوا الي ولاهلي بالصبر
اسفة اذا طولت عليكم بس حبيت فضفض شوي

صباح الخير يا حلوات رجعنا للمدارس وللهمة والنشاط ومغص القلب ولعية القلب

هند حبيبتي الله يفرج همك يارب والله حاسة فيكي بس الا ماتفرج والله يغير الحال بحال افضل يارب
وان شالله بتتسهل امورك يارب انتي وكل صاحب عسرة

*************

زهرة يسعدلي ياكي يارب هذا من ذوووقك حبيبة قلبي
طمنيني عنك كيف قضيتي الخميس والجمعة بعد حالة الطفش اللي مريتي فيها

********************
لولية مية اهلا وسهلا فيكي ... وان شالله وان شالله هالشهر الجديد بيكون عليكي خير ومسرات وربي يفرج همك ان شالله
وعظم الله اجرك بعمك الله يرحمه ان شالله
ان شالله خلصتي جهاز البنوتة ولا لسى ؟

&&&&&&&&&&&&&&&&&&&&&&

لولو هلا وعليكم السلام ورحمة الله وعظم الله اجرك ربي يرحمها ويحسن اليها
وطولي بالك هيك حالتنا وهي حياتنا كتير اشياء محرومين منها وما منقدر نعمل شي صوبها ... والنهاية بقول والله ما حدا ضاربنا على ايدنا
احنا اللي اخترنا بس لايمتى ؟؟؟؟ الله يفرجها يارب

لولوه عظم الله اجركم والله يرحمها لستك انا عندي ست وحده وضلت وحده الله يرحم امواتنا ويرحمنا احنا كمان والله يصبرك على الغربه يلا ابكي قد ما تقدري لانو البكا بخفف عن القلب وبحسن النفسيه والكبت مو منيح ابدا********************** دمشقيه كيفك يا قمر انا اليوم مع كاتي عند اهلي عنا بلاردن العطله جمعه وسبت الخميس دوامانتو شو سويتو ولا قضيتوها بلبيت وعلى طبيخ ونفيخ

هلا زهورة بالهنا يارب ان شالله بتجتمعوا بالخير دووم ياربF:
واي صح انتو عطلتكم يوم السبت متل سوريا
والله الحميس كان عندي ضيوف بيت اختي وبيت اخت زوجي وابنها ومرتو اللي هي بنت خالي اصلا اتسلينا وكانت جمعة حلوة
ويوم الجمعة طلعنا على مول اتمشينا واتسوقت شوي للبيت واتغدينا اكل مكسيكي تاكو هت
ورجعنا بكير وبس

قولي لكاتي تجي وتفتحلنا جزء جديد وسلامة قلبها من الرشح وعلى قولة المثل الاردني ستي من غير وحام مريضة ومصفرة اجاها الرشح شو عملت ...؟؟؟!!! خخخخخ:cool:
مزح مزح اي بس وين هالغيبة و ليش تقلانة علينا .. الله يسامحك والله منحبك نحنا كتييير:adore:

لؤلؤة الشام0;14613928:
له يا كاتي كله الا زعلك حبيبي لا تغاري ابدا انت بالقلب و عالبال قبل للسان بس انا شفت زهرة متصلة فقلت بدردش معها شوي قام اجاني تلفون تركت الاب توب وقمت وهي شكلها طلعت ماردت دغري
والله اني بحبكم كلكم وبتمنى لاقيكم دايما متصلين حتى احكي معكم واطمن على اخباركم
شو اخبارك انت وكيفها توتة وشو اخر طلباتها بطلت عن الارنب هههههههههههه

لؤلؤة الشام0;14620104:
كاتي الك رد خص نص مشان ماتقولي اني نسيتك كيفك وان شاء الله صرتي احسن هلق مو المهم الهدية انا برأي المهم انه تقضوا وقت حلو مع بعض يكون فيه شوية ذكريات حلوة وموسيقا ولحظات رومنسية غير هيك اي شي بيكون حلو كهدية المهم انكم تتذكروا بعض
والله انا رسالة على جوالي من جوزي فيق الصبح لاقيها بملك الدنيا ومافيها وخصوصي اذا كان هو كاتبها ومتفنن فيها مو رسالة جاهزة من جواله
الله يخليكم لبعض:adore:وتبقى ايامكم كلها اعياد

لولية فهمت عليكي بس والله مو بايدي يعني في شي ماعم يخليني اقدر انبسط

خلص الياس سيطر على حياتي وعلى كل شي

زهرة بعرف انك انتي عم تمزحي بس انا ماعم امزح انا كتير بدعي على حالي ان شاء الله موت

ياربي بقى الله يفرجها

دمشقية حبيبتي شكر ا لدعائك خليكي عم تدعيلي

ولؤلؤة الله يرحمها لستك ويجعل مثواها الجنة

ايه صحيح في خبر مابعرف اذا حلو ولا عادي بس رح قلكون ياه

هلق انتو بتعرفوا انو نحنا وخطيبي جيران وبيت عمو لخطيبي معنا لابناية بس نحنا وياهون بنفس الطابق وبيت حمايي تحت بطابقين

يعني هنن بيت حمايي الاول نحنا وبيت عمه بالتالت مشان هيك نحنا صحاب مع بيت عمه اكتر منهم

وبنت عمه قد اختي ومن هنن وصغار بالمدرسة سوا ورفقات وكمان مسجلين بنفس المعهد

بقا امبارح بنت عمه لخطيبي قالتلها لاختي انو حماتي قايلة لبيت عمه انو حضروا حالكن عرس ابني بعد شهر قامت مرتعمو لخطيبي قالتلها وين بكون تسكنوه قالت حماتي انو رح نخليه يستاجر مو على كيفو صرلو خاطب سنتين ونص حاجة

وامبارح خطيبي قلي انو امه قالتله شو بدك ضل هيك عم تستنى بركي بقي صاحب البيت محبوس عشر سنين رح تضل عم تستناه روح عالمكتب شوف شبو روح استاجر عيب عليك معلق بنت الناس معك :woo:

وكمان هي من فترة اقترحت عليه يسكن عندها ليخلص بيته وهو ماوافق
قالتلي كمان الي انو اقترحت على خطيبي قلتلها ايه بعرف قلي بس مابدو قال يعني مو انتي يلي رفضتي والله انافكرتك انتي يل مارضيتي قلتلها لا ماما هو يلي مارضي

قامت قالتلي ايه مو احسن ماتطول جوازتكم اكتر من هيك


غريب مو:!!:

وحتا انا امبارح كنت عندون وهي كانت بعرس بقا وقت اجت فاتت لعنا انا وخطيبي وقالتلو لابنها عقبال عرسك يلا شد همتك انت يلي ماعم تتحرك :badly:قلنالك تعا اسكن هون مارضيت

قال العرس يلي حضرته اليوم العروس رايحة تسكن ببيت حماها على غرفة حماتها بس لانو اهل العروس ضاجو وقام قلها خطيبي لانو العريس مابيفهم :hysterical:

بقا مابعرف اذا هالحكي فيه امل بس ااذا هو مو رضيان لا يسكن عند اهلو قال لانو اانا قوية ومابقدر عيش مع حدا هو بهي معو حق انا بس عصب هيك بصير :mad:

ومابيقدر يستاجر لانو راتبو قليل

بس بيني وبينكم هو قلبو بارد لانو عاساس مومصدقين ايمتا يجي اليوم وقام لااتصل بصاحب البيت ولاشي بس دقلو عالموبايل وطلع مقفول وقال بكرا رايح لعندو عالمكتب

هزلي بدني ايه عالاقل يتصل فيه عالمكتب قال مو فاضي رايح عالنادي :'(

دعواتكن

الدمشقية;14614280:
اهلين كاتي القمر انا بخير الحمد لله تسلميلي يااارب ..
هههههه قولك مافي ناموسة بالبردات بس اكيدانتو مشغلين الشوفاجات فبتيجي الناموسة :lol:
قلتيلي بتفقسي المفاجئة والله انا متلك يعني بحس بزوجي وبعرف شو بدو يجيبلي بس اكيد حتى لو عارفين مننبسط باهتمامهم الله لا يحرمنا منهم :o
ياحبيبة قلبي لا تحتاري اي هدية بتمشي الحال المهم هدية وهما عندهم اكتفاء ذاتي اكيد صح بس يعني شو نجيب :confused:
الكرسي اذا عندكم ساكو فبتلاقي عنده وممكن كمان تلاقي بالكار فور لان زوجي اشتراه من الهايبر ماركت وهو بيجي بعلبة كارتون كبيرة واله عدة وضعيات مع ريموت كونترول:thumbs_up:

وهنا وعافية على الفيلية اي كتير طيب مع الليمون ... عواااافي يارب

كيف صرتي اليوم ان شالله احسن والرشح خف؟

الدمشقية;14614294:
اهلين لولو الله يقويكي يااارب والله انتي كمااان بالقلب ونحنا عاذرينك واكيد كلنا عاذرين بعض لاننا كلنا عندنا مسؤليات
بس بيبقى هالتجمع هو النفس الحلو النا ... ماانحرم منكم يارب

صحيح حبيت اخبركم اختي جايتنا على الاسبوع الجاي مع زوجها والله مو عاطية فرحتي لحدا ... هي اختي اصغر من سورية
وهي كمان اخدة ابن اخت زوجي ... وسورية طبعا بتعرفوا كمان اخدة ابن اخت زوجي التانية ههههه فانا هلأ مو بس الكبيرة بينهم
كمان مرت الخال ... فاسم الله عني راح ابدع فيهم خخخخخخخخخ
وهي لسى الله ماكرمها بالاولاد الله يرزقها قريب صارلها اربع سنين متزوجة ونفسها ببيبي واملها واملنا بالله كبير يتحقق هالحلم

الدمشقية;14631829:
هلا زهورة بالهنا يارب ان شالله بتجتمعوا بالخير دووم ياربF:
واي صح انتو عطلتكم يوم السبت متل سوريا
والله الحميس كان عندي ضيوف بيت اختي وبيت اخت زوجي وابنها ومرتو اللي هي بنت خالي اصلا اتسلينا وكانت جمعة حلوة
ويوم الجمعة طلعنا على مول اتمشينا واتسوقت شوي للبيت واتغدينا اكل مكسيكي تاكو هت
ورجعنا بكير وبس

قولي لكاتي تجي وتفتحلنا جزء جديد وسلامة قلبها من الرشح وعلى قولة المثل الاردني ستي من غير وحام مريضة ومصفرة اجاها الرشح شو عملت ...؟؟؟!!! خخخخخ:cool:
مزح مزح اي بس وين هالغيبة و ليش تقلانة علينا .. الله يسامحك والله منحبك نحنا كتييير:adore:

شامة;14616574:
مساء الخير

كيفكم اليوم مشتاقتلكم كتير
انا بخير والحمد لله
لؤلؤتي كيفك يا عمري مشتاقتلك ومشتاقة للولاد كتير
قواتك حبيبي هيك وزني منيح بلا ما نصفى عالعضم ونضطر للكسوة ههههههههههه

كاتي سلامتك معافاية يارب حبيبتي عليكي بعصير اليمون المغلي مافي منه

دامو كيفك ياقمر الله يخليلك اخواتك والله اللمه حلوة ويارب تفرحو بولد لاختك وباقامة سورية

هنودة ولو انت عطول عالبال بس انت قطعتينا يارب يفرج همك

زهورة الله يعطيكي العافية شلون الاولاد وكيف صار حمودي

باقي البنات اشتقتلكم كلياتكن

سورية وبفتخر;14624145:
كيفكم ياحلوات والله اشتقتلكم كتيييير كتير وقلبي عندكم وعم اطمن عليكم من دمشقية
انا بخير الحمد لله بس النت عندي فاصل وولادي اسم الله حولهم شاغليني على الاخر
وسلامي الكم جميييع وربي يسعدكم وشكرا على دعواتكم الحلوة ماانحرم منكم

زهرة حطيتلك رابط موضوع المندي او الزربيان ههههه اللي بدك ياه

قبلاتي لكم جميييع

لك مو مصدقة عيوني سورية عندنا يا مرحبا يا مرحبا :L: اهلين صمصومتي نورتي و نحنا عارفين ظروفك و فوق كل هيدا دمشقية عم تتوحم على مندي من تحت دياتك :confused: هههههههههههه

لولية;14627555:

مسا الخير على أحلى بنوتات والله اشتقتلكن كتير بس بتعرفوا كيف وضعي مكركب بقى بقول حرام ما ناقصهن نق
أخباري والله ما كتير ظريفة امبارح بالليل توفي عمي أخو أبوي وكان داخل بحالة كوما صرله أسبوع يلا إن لله وإنا إليه راجعون ارتاح من هالدنيا والله بكيت بكي لطقيت يعني كنت متل مشتهي وعزموه الحمدلله
أخباري التانية بتعرفوا مشغولة بالجهاز تبع بنتي عقبال ولادكن يا رب
بحب قول لهند كلمة ليكي يا عمري خديها كلمة من وحدة أد إمك شافت كتير بهالدنيا وتعلمت كتير العمش حسيت حالي كإني مينا موحد القطرين بس لا والله عنجد خديها نصيحة مافي شي بالدنيا بيستاهل إنك تفكري مجرد تفكير بالإنتحار عيشي حياتك وحبي حالك ما تخلي في شي أهم منك بحياتك لا تضحي بسعادتك كرمال أي حدا بالدنيا لإنه بالنهاية إنتي اللي بتخسري يا ريت تقدري تستوعبي هالحكي
صايرة مغمة أنا مهيك ما قلتلكن ما خرج عاد إطلع عالتشات سامحوني

هند ليكى حماتك ما قصرت معكن و ان شاء الله بتفرج عن قريب ومتل ما قالتلك دمشقية عليكي بالدعاء و الاستغفار و ختمة القران كل فترة و ما في شي مستحيل باذن الله و ان شاء الله بنسمع اخبار حلوة عن قريب