¦¦§¦¦ تجهيزات عرائس " ليبيا " لشهر ربيع الأول 1432 - 2011 م / الجزء : 20 ¦¦§¦¦

hana-lo;14472967:
سؤال يا بنات علي الكريتين للشعر لو في من جربه، نبي نعرف من في طرابلس يدير فيه كويس و بمواد أصلية و مش مغشوشة؟ و المفروض أنديره قبل حفلتي بكام يوم؟ و اني شعري لنص ظهري، فحيكلف بحدود كام؟ و هل تنصحوا بيه و لا فرد ستة شهور أحسن؟

اهلا هانا ..

حبوبة انى مجرباته الكيراتين وروووووووعة يهبل مش عادى وبادن الله نبى نعاوده غير قلت خلى الصيف يخش هههه

بالنسبة ليا انى درته عند وحدة فاتحة مركو فى غوط الشعال بس ليا مدة نخطم قدامه مسكر فمش عارفة سكرت ولا خيرها بس حنكلمها ونتاكد منها

وانتى شعرك يعتبر طويل حيكلفك فى حدود 400 نتوقعه ..

وانى ننصحك بيه هلبااااا خير من الفرد بعدى عليه وعن تجربه نحكيلك .. F: لان الفرد كيماويات بس الكيراتين مليشى اى ضرر على الشعر

0 - شكلك نسيتيها هههه نقترح عليك الناس اول ما خاشة تمديلهم طرف شكلاتة يبدا مترد حلو ومزين على المدخل وفيه شكلاتة قنينة .. هادى حاجة

1-رزاطة و عبمبر ..

ماشى كويس

2- العشاء
رز أبيض+4 أنواع سلايط+أربع أنواع نواشف(لو كان شوية قولولي كم نوع سلايط و كم نوع نواشف اندير)
السلايط(مشوية-مايونيز-طحينة-...............)
النواشف(امبطن-بوريك-فخدة دجاجة-...........)

رز +طحينة+سلاطة مشوية+سلاطة مايزنيز اعتقد كفاية ,, تلاتة سلايط خير وبركة .. هادى حاجة هههه
نواشف ديرى 4 عادى معقول جدا .. بس انى منشجعكش على المبطن والفخدة .. الزوز مش متاع لمة هكى نحس فيهم المبطن احلى مع المسقى والفخدة تبى شدان باليد هههه يعنى ننصحك باستبعادها .. ونقترح عليك (بوريك جبنة +وحاجة بالدجاج وعجينة البف متلا+حاجة بالمفروم+دجاج يكون بطريقة جديدة او سكلوب او مشوى المهم بلا عظم+حاجة بالخضرة متلا اكيد لو تمشى للمعامل وتشوفى تلقى حاجة حلوة .. باش يبدا فى تنويع

بالنسبة للدجاج انى السبوع الى فات كان سبوع سلفتى وانى درتلها الدجاج وبدون مبالغة هههه والله كان احلى حاجة فى العشا مع العلم انه العشا كله واتى الا انى درتلها دجاج فى الحوش .. ومحبيتش نديره التقليدى , فلو بديريه فى الحوش قوليلى نعطيك الطريقة والله كلهم حيسالوك من وين وساهل مش واعر انى اللى مش فالحة هلبا جانى مش عادى هههه

3-شاهي و 2 حلو و 2 مالح
الحلو (مقروض-...........)
المالح(.............-..............)

كان عليا انى نحس كيكات احلى بهلبا او كب كيك مزين عالسماوى او حاجة هكى .. يعنى انى لما نمشى للمات هكى نفضل هههه مدابيا هكى يمدولى بس الحلويات مش فالحة فيهم هلبا مش حنقدر نفيدك ..

وبس ,, ان شاء الله تجيبى بالسلامة

أميرة الإحساس;14474576:
ما شاء الله الليبيات مدايرات جو واني نسحاب روحي بروحي
لو سمحتم من تعرف وين تنباع ماركه MAC مكياج ياريت تدلوني
ربي يحفظكم

اختى تلقيها فى محلات متفرقة ..

ومنهم محل روان اللى فى زرقاء اليمامة موجودة عنده حاجات معينة

بس ماضنش تلقى محل عنده كل المنتجات

حتي صوته ما انخلق مثله ابد;14473176:
سؤال المخالفة

فيكي ممكن تبعتين لي علي الخاص اسم المصممة والعنوان اللي قلتيلي عليها
لاني كتبته والورقة ضاعت مني

تكفين حياتي

صوته .. ممكن قصدك على المصممة الى قتلك عليها ..

اسمها نجلاء قنابة وعنوانها حى الاندلس الزنقة اللى فيها محل اللؤلؤة تخشى منها يجيك هوا تالت حوش على اليمين واضح انه محل بوتيك يعنى

ومواعيدها السبت والاتنين والاربعاء من الساعة 4 ونص الى الساعة 7 اضنى

من غير هكى ميفتحوش

أميرة الإحساس;14474576:
ما شاء الله الليبيات مدايرات جو واني نسحاب روحي بروحي
لو سمحتم من تعرف وين تنباع ماركه MAC مكياج ياريت تدلوني
ربي يحفظكم

رد مخالفة
اني واخدة مها فاونديشن وباودر من اللؤلؤة اللي في النوفليين

Angel Heart 89;14476652:

سؤال بخصوص تجهيزات :

وين نلقا قلوفز امتع فيلو طويل للمرفق ومفتوح الشدة امتعه من صبع ويكون ستان ابيض ومافيشي شئ
شفت بروكار ومشيرقي امتع نوفليين ماعندهمش اللي نبيه فيه طوال بس مكشكش ويلمع وكدا واني نبيه عادي،،،،ضروري سافرت
ونسيته ها قلوفز طلب مستعجل جدا

زي صورة

رد مخالفة لانجولة
بما ان وقت عليك ماعندكش الا النت فيه مواقع تبيع في اكسسوارات الفيلوات وتقدري تشري ويشحنوهملك لليبيا وباذن الله نديرلك سيرش ونعطيك كام محل يبيع فيهم

رد مخالفة لمصراتية
حبيبة بارك الله فيك على كل المعلومات الدقيقة اللي تفيدي بيها فينا جزاك الله كل خير
سؤالي ليفة السيلكون من وين واخدتيها

رد مخالفة
بالنسبة للبدي باتر بالشيا فتموفرة في بدي شوب وممكن تلقيها في منتجات ماركس اند سبنسر لان عندهم هلبة انواع ممكن تكون موجودة وللامانة اني ماشفتهاش بس حبيت نقولك بالك تلقيها

جواب المخالفة ل انجل
حبيبة شوفي الدغري اعتقد عندهم عدة اشكال على حسب كلام صاحبتي لان في عرسها خدت منه

رد مخالفة لانجولة
درتلك سيرش ولقيتلك اللي صورهم في المرفقات واسعارهم تقريبا من خمسة وتلاتين دولار للسبعين دولار من غير سعر الشحن حسيتهم غاليات شوية وتو نزيد نشوفلك ولو عجبوك قوليلي نعطيك الموقع بش تشري منه

فيكي;14477151:
رد مخالفة لمصراتية

فيكي;14477151:

حبيبة بارك الله فيك على كل المعلومات الدقيقة اللي تفيدي بيها فينا جزاك الله كل خير

سؤالي ليفة السيلكون من وين واخدتيها

عزيزتى فيكى >>حتى انت امغير تسلمى تقدمى فى كل ماعندك وانى استفدت هلبة من اللى تقدميلنا فيه وبعدين انت قدوة لينا كعروسة ومازلت مستمرة فى العطاء والاهتمام بكل شئ يارب يكثر من امثالك ويكونو سند لكل وحدة فينا ..

وحتى نرتقى للمستوى اللى نتبتو فيه احنا
كانساء ليبيات قادرات وفاهمات وواعيات ولايقل مقدارنا ومكانتنا امام اى إمرأة من اى دولة

Hayela;14475185:
اهلا هانا ..

حبوبة انى مجرباته الكيراتين وروووووووعة يهبل مش عادى وبادن الله نبى نعاوده غير قلت خلى الصيف يخش هههه

بالنسبة ليا انى درته عند وحدة فاتحة مركو فى غوط الشعال بس ليا مدة نخطم قدامه مسكر فمش عارفة سكرت ولا خيرها بس حنكلمها ونتاكد منها

وانتى شعرك يعتبر طويل حيكلفك فى حدود 400 نتوقعه ..

وانى ننصحك بيه هلبااااا خير من الفرد بعدى عليه وعن تجربه نحكيلك .. F: لان الفرد كيماويات بس الكيراتين مليشى اى ضرر على الشعر

شجعتيني.. يعني أنديره أسبوع قبل العرس؟ و لو في مكان مضمون تنصحيني بيه ااندير عنده يا ريت تقوليلي عليه.. صحيتي مسبقاً :thumbs_up:

أخر مشترياتي من IKEA سراج










غربال(( نوني)) :) صغيروووووووون هههه



هادم شمع بريحة جنننننااااااااااااااااااااااااااااااااااااااااااااااااااااااااااااااان


فتاحة او حلالة كهربائية


هادي سيت ابيض للحمام مسكر ههههههههههه بس مقدرتش انوريهولك المهم هو 5 حاجات بسطل زبالة حشاكم

ملوكة الشموع بقداااااش . وكم شمعة

كنت ندور عليهم للفلانتاين هههههه لكن معاش نلحق عليهم شكلى

hana-lo;14478342:
شجعتيني.. يعني أنديره أسبوع قبل العرس؟ و لو في مكان مضمون تنصحيني بيه ااندير عنده يا ريت تقوليلي عليه.. صحيتي مسبقاً :thumbs_up:

نشجعك وبقوة ههههه

انتى لو بتصبغى خلى بيناتهم اسبوع

يعنى اصبغى قبل العرس بعشرة ايام ويعدها باسبوع ديرى الكيراتين .. ويبدا بعدها بتلاتة او اربعة ايام حفلتك .. لان بعد الكيراتين لازم الشعر مينغسلش لمدة 4 ايام ...

بس لو مش صابغة معناها ديريه قبل حفتلك باربعة او خمسة ايام عادى المهم متغسليشى ليوم الحفلة
وانى تو نزيد نتاكدلك من اللى درت عندها قاعدة ولا لا .. ونرد عليك بادن الله

حاجاتك روعة يا ملوكة ربي يهنيك
بالنسبة للغربل بقداش خديتيه لقيته مرة في محل في أول ستمبر بس علي الحديد مش بلاستك وبعدها معاش شفته

حاجاتك حلوين ياملوكة
سؤال مخالفة
ممكن نعتة محل ايكيا فى السراج؟

اخطر مقشر استعملته للجسم بالكامل من احماض الفواكه الطبيعية ..وخفيف ولطيف على البشرة
وتقعدى زى الحرير من ماركةVICHY ...لــــــــــ اميرة الحلوة عزيزتى ..
وتحكمنى ونيستى ..وفيكى حبيبتى وعريسنا ومداماتنا الحلوات
اسمه..



ومادة
(AHA=Alpha hydroxy acids ) هى(احماض الفواكة) الفا هيدروكسي اسيد واضمن "والضامن الله " المواد فى مركبات التبيض والمقشرات المبيضة الطبيعية ..
ومعروفة كمقشر تقوم بإزالة الطبقة العلوية من الخلايا وتحفز إنتاج الكولاجين لتنعيم البشرة...وازالة التجاعيد ويجدد خلايا البشره
ومع الوقت تلقى نعومةبشرتك مع بياااااض ناصع ...
والله عن تجربتى ..
علماً نستعمال فيه فى اى مكان فى جسمى للمنطقة الحساسة والركب والاكواع وايضا الابطين ..
...معاش تحتاجى اى مزيل والله اى مزيل عرق اى كان نوعه مانستعمل فيه لية4 سنوات ..اى وداعا حتى للاسوداد من وراء العطور ..
ومافيش اى ريحة والله على مااقوله شهيد

طريقة الاستخدام :
هوة مقشر وفيه رغوة صابون ..نستخدم فيه مرتين فى الاسبوع .
ملاحظة :فيزو تعنى اختصار "physiotherapy"يعنى تدليك
وهى مكتوبة exfoliant-physio يعنى مقشر بالتدليك..وايضا تعنى التعمق لفسيولوجية الجسم وتحسين آلياته الفسيولوجية..
علما باانة ينفع لحالة الشعرة المتقرنة "اللى تظهر تحت الجلد "

"بنات انفرحكم ماما ليها كم يوم كل يوم احسن من الاول والله رجعت زى قبل واحسن وهذا من فضل ربى وفضل دعائكم