¦¦§¦¦ تجهيزات عرائس " ليبيا " لشهر ربيع الأول 1432 - 2011 م / الجزء : 20 ¦¦§¦¦

رد مخالفة لاحلي مصراتية ..بارك الله فيك حبيبة على الكلام الحلو وربي يجعله في ميزان حسناتك الصراحة بسم الله ماشاء الله عليك وعلى معلوماتك ودقة ملاحظتك وحبك لمساعدة الناس ربي يعطيك على قيس نيتك ويابخت الام اللي رباتك ربي يحفظهالك ويفرحها بيك

بالنسبة للكريم الصورة اللي حطيتيها زي ماقلتي حبيبة هي متاع التفتيح غير اني ماركزتش على اللون لما حطيت الصورة وصحيتي هلبة هلبة حبيبة على طريقة التصوير افدتيني هلبة
بالنسبة للصيدلية اللي اني ناخد منها اسمها صيدلية رغد وعندها طريقين ياما من الهضبة طريق مستشفي الخضراء تكملي فيه طول كانك ماشية لبوسليم توصلي في تاني سيمافروا تخشي منه يمين لبوسليم وتكملي طول تجيك الصيدلية على ايدك اليسار وعليها لافتة كبيرة
الطريق التانية هي من طريق المطار اول كوبري كانك ماشية لمصنع البيبسي تكملي طول في طريق بوسليم تجيك الصيدلية على ايدك اليمين وهي قريبة من مستوصف غادي
ان شاء الله تكونوا فهمتو النعتة لاني مش زابطة المنطقة كويس ..
واني وصيت الصيدلي اول مايجيب منها يقولي بش نقوللكم لانه زي ماقلتلكم معاش عنده منها حاليا الا طرف زي ماقال لو ماباعاش
والكريما على قد مانشكرهالكم شوية فيها وياريت اللي تقدر تدروها حتي في صيدليات تانية مرات عندهم منها قطع ..واني لو حصلت منها حنقوللكم باذن الله

بارك الله فيكم فيكي ومصراتيه ربي يعطيكم ع قيس نيتكم ياااااااااارب
سؤال مخالفه :
زعما فيه منها فالمنشية؟

رد مخالفة لحلو ..حبيبة ماعنديش فكرة اساليهم وقولينا لو عندهم..

سؤال مخالف للاخت فيكي
لوسمحتي اختي بالنسبة لكريم التفتيح والترطيب كيف طريقة الاستعمال يعني ناخدهم الاتنين للمنطقة الحساسه او ناخد التبييض بس ولك الف شكر وممكن لوسمحتي تعطيني رقم الصيدلية

رد مخالفة
حبيبة بالنسبة للاستعمال تقدري عادي تستخدمي الاتنين مع بعض بس على حسب ماقريت على كريمة التفتيح انها تدير في ترطيب عميق فممكن تستخدميها بروحها واني هكي ندير نستخدم فيها بروحها ومرة واحدة في اليوم لان حجم عبوتها صغير هلبة ومش حيسد بكل لو مرتين في اليوم ..وندهن في المنطقة وندلكها شوية بش نضمن امتصاص البشرة للكريما ونلبس حوايجي عادي ولاحظت فرق من تالت مرة نسعملها وباذن الله نكلمها ونقوللكم على النتيجة..وبالنسبة للرقم رديت عليك على الخاص حبيبة

نبى نسال بكم سعر الكريم لو سمحتووووووووووووووو

جواب مخالفة
لو مش غالطة ب 70

رد مخالفة
زي ماقالت ملوكة بسبعين والنوع التاني تقريبا ب30

مصراتية لشرقاوى;14439167:
سؤال مخالف لــــــــــ اسامة عمرها ..
الظلال الجاهزة كيف يستعملوهم يعنى انغمض عينى وانحطهم والا كيف ؟؟
*ومايبقووش ملبزين العين من تجربتك !!!

هلا حبيبتي :)
ايه تغمضي عينك وفيهم حاجشية صغيرو تشديها بأصباعك واتحطيهم ع العين تخليهم متاع 20 ثانية يعني شوية وتحولي
لالالا ما يلبزوش العين وفيهم لمعة حلوة \

اميرة الحلوة;14464298:
سؤال مخالف لي حبيبتي مصراتيه

ادا خديت النوعين يعني المرطب والمبيض للمنطقة الحساسه ينفع نستعملهم الاتنين مع بعض قصدي نحط واحد في النهار وواحد في الليل ولا لا لازم واحد بس وكيف طريقة الاستعمال وهل ينفع نستعملهم على المنطقة بعد الحلوة او لا يعني اندير الحلوة او الموس وبعدين نستعمل الكريمات

حبيبتى بخصوص الكريم المرطب والمبيض
مافيش باس لو خديتيهم ..
بس مع كريم التبيض مش حاتحتاجى لانه في مرطباات "اللى قريته تقريبا بس مركبات المرطبات قريب 7 مركبات " ومعاه ملطفاات
وبعدين الكريم عادا حايستعمل مرتين فى اليوم فى الصبح وفى الليل قبل ماترقدى فاهنا معااش حاتحتاجى مرطب ..
بس لو عجباتك الماركة ومشت معاك مافيش مشكلة تاخدى كريم الترطيب لان نسبة مركب الترطيب حاتكون فيه عالية وحاتحتاجيه للركب والمرافق والكعب واى مكان فيه خشونة ومحتاج للترطيب ..
ويستعمل كريم الترطيب لحالة الشعر اللى قلتى عليها واللى اغلب البناويت يشكو منهااا وهى حالة
*"جلد الدجاجة [COLOR=magenta]المنتوفةChicken Skin "تشكن سكين "و التقرن الشعرى "*[/COLOR]










اللى الشعر يبقى تحت الجلد او يظهر حبوب تشبه جلد الدجاج المنتوفة ..."وهى زيادة نسبة الكراتين فى الجلد وإفراز الكيراتين سبباً في بقاء الشعرة غير النامية "الصغيرة "داخل الجلد ونتيجة بقع على سطح الجلد .
"
بمعنى اوضح ...
هو تمنع ظهور الشعرة وتبقى طبقة عليها من الكارتين
وفى هالحالة محتاجة كريم ترطيب عالي وحتى تزيل طبقة الكراتين لان حالة ظهور الشعرة تحت الجلد هو زيادة الكراتين ويسمى ايضا بالتقرن الشعرى للجلد ومحتاجة فى هالحالة كريم ترطيب قوى مع مقشرات لطيفة على البشرة ."و لا انصح باللعب فيهم بملقاط او اى شئ لااخراج الشعرة "
وهذه الحالة مش مرضية او مضرة على قد ماثأتر بالحالة النفسية للوحدة اللى تعانى من هالشئ ..
*وممكن استعمال زيت اللوز الحلو حتى هوة كويس للترطيب
ووجود الكراتين ممكن يحصل حتى فى المنطقة الحساسة ...يعنى كريم الترطيب المخصص للترطيب يستعمل بعد كل ازالة الشعر فى المنطقة الحساسة علشان التقليل منه ..
وهذه الحالة ماليهاش علاج يعنى مافيش حد يضحك عليكم ..العلاج بس الترطيب المستمر بكريمات مرطبة قوية وحتى كريم الجليسرين او الجليسوليد الاحمر ننصح بيه حتى اللى مش متوفر عندها اى كريم تااانى
وفيه كريم لتقليل من هالحالة من افين ننصحكم بااستعماله للى عنده هالحالة حتى بشكل بسيط فهو مرطب بدرجة كبيرة
وحانحطه ليكم لانى انى نستعمل فيه كااحتياط وللترطيب المنطقة الحساسة وخصوصا لو استعملت الموس النسائى او الة ازالة الشعر"ولانكم تعرفو الموس يطلع الشعر يبزز ويشوك ويخليك تهرشى لما بيطلع الشعر " فا حتى فى هالحالة يستعمل ... ومعاش فيه اى اعراض من اعراض الموس او الة نزع الشعر ..
واضيف هالحالة تصيب حتى الرجال لو تنتبهو فى اللحية ...وهى تسببلهم الهرش
ومحتاجين حتى هما للترطيب او كريم تقليل الكراتين يستعملوه بعد كل حلاقة
*واستعمال الحلوة مع المبيض والمقشر الطبى

الحلوة الافضل قبل ماتبدى فى المبيض والمقشر ..ولازم المنطقة ماتكونش ملتهبة ..
ومن هنا استعملى المية البركانية الملطفة من افين "اللى قلت عليها فى ردود سابقة " بعد الحلوة ...
واستعمال الحلوة قبل المبيض فيه نتيجة افضل وبعدين حتى المكان يبقى خالى من الشعر والكريم يتشربه الجسم ومش الشعر والمسامات تكون مفتوحة لتشرب الكريم
ولو مااستعملش الحلاوة المهم يخفف الشعر فى المنطقة حتى بالمقص ..
*وطريقتى فى استعمال الحلوة بطريقة سهلة*:-
تاخدى كمية بسيطة بحجم العلكة وتمسكى بااصابع يدك الجلد وتحطيها وتشيلى الحلوة وانتى ماسكة الجلدة من تحت .وهالطريقة افضل فى الكمية
-مش حاترهل او ترخى الجلد لو استعملتها بااستمرار
-وحاتشيلى اكبر قدر من الشعر .

السلام عليكم
لو سمحتوا الظلال الجاهزة وين نلقاها؟؟؟؟؟؟؟؟
مصراتيه سألتك أكثر من مرة الكركم وين يبيعوا فيه لو سمحتى؟؟؟؟؟

جنون البحر;14471632:
السلام عليكم
لو سمحتوا الظلال الجاهزة وين نلقاها؟؟؟؟؟؟؟؟
مصراتيه سألتك أكثر من مرة الكركم وين يبيعوا فيه لو سمحتى؟؟؟؟؟

الظلال الجاهزة حطو البناويت النعتة...ربى يجزيهم خير
وبخصوص صابون الكركم والماسك والكريمة عند العطارين ...لانهم مرة حتى انقطع مشيت لمحلات مواد الزينة بس اللى انقوله عليه يضحك ويستغرب ويقولى مانعرفاااش ..بس عند العطارين تلقيه ان شاء الله

السلام عليكم
اى عطار لو سمحتى نلقا عندا الكركم؟؟؟؟؟؟؟(طرابلس)
وصف الظلال فى أي صفحة لو سمحتى؟؟؟؟
والف شكر ياعسل

مصراتية لشرقاوى;14449388:
حبيبتى فى عطار اسمه الزعفران فى شارع جمال عبد الناصر بالزبط بحدا مركز الشرطة الرئيسى ..بالزبط هذه هى النعتة ...

مصراتية لشرقاوى;14437487:

تجربتى مع منتجات الكركم من بيارى الهندية حصرًيا

من مستحضراتى للعناية بنفسى ..وانى نستعمل فى منتجات بيارى ليها 75 سنة فى منتوجاتها يعنى مامنهاش خوف
******************

* كون الكركم *:مضادا قويا للأكسدة وللفيروسات وللالتهابات ليه فوائد للبشرة يساعد الكركم على
1-تبييض الوجه والجسم والبشره بنسبه مئه بالمئه ويزيل البقع السوداء والنمش والكلف.
2-الحل لتبيض الركب والاكواع ...مع الترطيب بعدها بااستمرار
3- يهديء الجلد ويقضي على الالتهابات الجلدية في البشرة.

علما بانى نستعمل في الماسك حتى على المنطقة الحساسة "بس من الخارج "
وهذه صورى الخاصة

وهدووو معاهم كيف تستعمليه ..

والنتيجة حاتعجبكم ..

وبالاخر ملعقة من كركم الاكل طبعاً
يوميا تبعد عنك السرطان ويتمتع بخصائص خافظة للكولسترول

ادعولى ربى يوفقنى مع خطيبى ويسترنى ربى دنيا واخرة

مصراتية لشرقاوى;14438525:
انى ناخد فيهم من العطارين اكثر شئ ... وتلقيهم فى محلات مواد التجميل
بس لانى نتعامل مع عطار يجيب فيهم من الهند او من دبى
بس بصراحة نسيت سعر الكريمة والقناع ...
بس الصابونة من زوز دينار ونص وتوصل لـــ5 دينار ..
بنات والله ننصح بيه وخصوصا البناويت اللى عندهم حب هلبة فى وجهم حاتشوفى من اول غسلة حاتهدى البشرة وحاتشوفى الفرق دور حتى الصابونة بس واستعملوهااا ..واللى يعانو من حب الظهر والدرعاان من فوق حاتفيدكم ...

السلام عليكم
اى عطار لو سمحتى نلقا عندا الكركم؟؟؟؟؟؟؟(طرابلس)
وصف الظلال فى أي صفحة لو سمحتى؟؟؟؟
والف شكر ياعسل

بيكاتشو;14421834:
رد مخالفة لمصراتية :

حبيبتى بعد اذن اسامة عمرها

بييع فيهم محل اسمه باسم وهو فى شارع اول سبتمبر يجيك على اليمين مقابل كاليوبي

أسامة عمري;14427370:
رد مخالف لي :
مصراتية لي شرقاوي الظلال من شارع أول سبتمبر محل اسمه باسم علي المين والمحل روعه
شني تنصحيني نشري منهم ما لقيت حد رد عليا ولا بكلمة شكر ليك

أسامة عمري;14470050:
هلا حبيبتي :)
ايه تغمضي عينك وفيهم حاجشية صغيرو تشديها بأصباعك واتحطيهم ع العين تخليهم متاع 20 ثانية يعني شوية وتحولي
لالالا ما يلبزوش العين وفيهم لمعة حلوة \

*الننس*;14471861:

السلام عليكم و رحمة الله و بركاته
وعليكم السلام ورحمة الله وبركاته

طبعا بعد ما انجيب بالسلامة ناوية اندير لمة كان سخر ربي(كلكم عرفتوها المعلومة ههههههه)
ان شاء الله على خير وتنوضي انتي والبيبي بالسلامة
المهم التقديم بدا معرووووووووووووف
أول شي الزاطة و العبمبر و بعدين العشا و بعدها الشاي و الحلو و بعدها المكسرات و البكلاوة صح؟
مش شرط حبيبة فيه خيارات هلبة تانية للتقديم
توه العشا حايرة شن انديره هو عشا خفيف ح يكون رز أبيض مع الخلطة و انا شن فكرت اندير معاه
بندير أربع أنواع سلايط(سلاطة مشوية-سلاطة مايونيز-سلاطة الطحينة-و الرابعة ما عرفتش شن انديرها)
مدام بتقدمي لكل شخص صحن مشكل مافيش داعي اربعة سلايط نحسهم يديروا زحمة في الصونية لو تخليهم تلاتة احسن والا تديري مقبلات بروحهم
و بندير أربع أنواع نواشف حاجة بالمفروم و حاجة بالدجاج و حاجة بالجبنة و الرابعة ما عرفتش هههههه
ف فكرت اندير(امبطن-بوريك-فخدة دجاجة -مشوية و ممكن كباب)
تقدري تديري اي نوع معجنات ولا محاشي ولا لحمة مغمومة الخيارات هلبة وانتي وميزانيتك
و بعدين الشاهي فكرت اندير معاه حاجتين حلو و حاجتين مالح
الحلو مقروض و حاجة تانية مش عارفة شن هي
لو بتديري مقروض معناها ديري معاه غريبة بش يبدا ثيم ليبي ولو بتديري حاجة تانية فياريت تقولي لو انتي بتديريها في الحوش ولا من برا لانها لو من برا فالخيارات مفتوحة هلبة
و المالح مش عارفة شنو هههههههه(كترتها ب مش عارفة شنو )
المهم سؤال المخالفة نبيكم اتساعدوني في الاختيار
حتي المالحة حبيبة حسب من الحوش ولا من برا فيه مالحة عبارة عن تارت بالجبنة وفيه زيتونة حلوة ومش غالية
توه بشكل عام هكي برنامجي و انتم عبو الفراغ(ذكرني بأسئلة الاختبارات اكمل الفراغ ههههههههه)
1-رزاطة و عبمبر
تقدري تسبتدليهم بعصير وشكلاطة وتديري للشكلاطة ديكور ولو بسيط على حسب البيبي وليد ولا بنية
2- العشاء
رز أبيض+4 أنواع سلايط+أربع أنواع نواشف(لو كان شوية قولولي كم نوع سلايط و كم نوع نواشف اندير)
السلايط(مشوية-مايونيز-طحينة-بابا غنوج ولا سلطة يونانية بس زي ماقتلك تلاتة سادات ...............)
النواشف(امبطن-بوريك-فخدة دجاجة-...........)
3-شاهي و 2 حلو و 2 مالح
الحلو (مقروض-.غريبة ولا زمالة متلا..........)
المالح(.متاع الجبنة قنينة وفيه موالح بعجينة الباف قنينات حتي هما............-..............)
ساعــــــــــــــــــدوني
ان شاء الله نكون فدتك

و صحيتو مسبقا
العفو حبيبة

رد مخالفة لانجولة
ربي يكمل عليك حبيبة قرب الموعد وان شاء الله تطلعي احلي عروسة
بالنسبة للحناية عاجبتني حنة نجاة السودانية لو تفضي صندوق رسائلك نبعتلك رقمها وكلميها تدير في الحنة اللي تبيها ولا لا وراهي ماشاء الله عليها حتي في الحلوة