¦¦§¦¦ تجهيزات عرائس " ليبيا " لشهر ربيع الأول 1432 - 2011 م / الجزء : 20 ¦¦§¦¦

فيكي;14457750:
رد مخالفة

ايه حبيبة هذا اللي مكتوب على الباكو متاعها من برا
والصورة اللي عندي مش واضحة بكل بش نعطيكم صورة الباكو بالزبط
ياريت اي واحدة عندها خبرة بالتصوير تقولي كيف نصورها بالزبط لاني نقرب في الكاميرا وتطلع الصورة بيضا ولما نبعدها تطلع مش واضحة بكل
وجربت الكام متاع الموبايل نوكيا c6
8ميجابيكسل ياريت اللي عندها فكرة تفيدني

حبيبتى فيكى بخصوص كيف اتصورى ...
خلى عندك اضاءة هلبة فى الحجرة والغى خاصية الفلاش فى الكاميرة يعنى صورى عادى بدون فلاش ...لان الضى والفلاش قوى على الشى اللى تبى اتصوريه الغى وحدة منهم او تخفضى اضاءة الحجرة هلبة وتصورى بالفلاش ..يعنى يادوب تخلى وناسة بعيدة علشان اتشوفى حاجتك بعدسة الكاميرة وخاصية الفلاش خليهاا فى هالحالة ...

فيكي;14457308:
رد مخالفة
حبيبة الكريم اللي خديته اني اسمه
selvert thermal ونوعه depigmenting cream وهذا بسبعين جنيه سعره والعبوة صغيرة هلبة ومعاش متوفر الا نادرا وسالت عليه الصيدلية اللي نتعامل معاها وقالي مازال عنده طرف واحد من غير اللي شريته منه ..والتاني selvert clear مش عارفة شن نوعه وسالت عليه الصيدلية وقالوي انه مازال عندهم منه كمية وسعره ارخص وحتي الصيدلي قالي الزباين يشكروا فيه لكن للعلم اني ماجرتباشبس صاحبة اختي هي اللي جرباته وباذن الله تو بناخد منه حتي هو..والصيدلية اللي نتعامل معاها اني هكي قالولي لكن اكيد تحصليه حتي في صيدليات تانية..

ونبي نحكليلكم على تجرتبي مع الdepigmenting cream الصراحة كلمة روعة شوية فيه اني لتوا درته تلاتة مرات بس والنتيجة واضحة من توا..والحق اني ماعنديش مشكلة سواد كبيرة لاني مهتمة بالترطيب هلبة لكن الكريم هذا فعال هلبة والله اللون اتوحد بشكل كبير واني استخدمته على المنظقة الحساسة والركب..وشكلي بنستخدمه حتي على وجهي من كتر ماعجبني ننصكحم بيه وبقوة وباذن الله لما نكمله نكتبلكم تجربتي بالتفصيل

بنات لحقو خودو الكريم وخصوصا اميرة الحلوة .... اللى قالت عليه فيكى ..ربى يجعله فى ميزان حسناتك ياافيكى ...انت ساعدتى بنات هلبة ...
بالله فيكى ابعثى اسم الصيدلية لااميرة الحلوة ..لانهاا مضايقة هلبة وتبى من يساعدهاا وعرسها قرب ساعدوها يابنات وحتى اكتساب الاجر
...والله قريت مكوناته توة ومافيشى اى ضرر وربى شاهد ..ومعااه حتى واقى للشمس بس بنسبة ضعيفة ...بس من الاحتياط ديروه فى الليل وحاولو مايكون فيه ضى حطيه واعزلى المكان عن الاضاءة ...
بس اتبعو تعليماته يعنى ضى لا لا لا ...

ومافيش لاكرتيزون ولا هيدروكينوووون ...نصيحة للى تعانى من الغمقااان انا مع فيكى ..

سؤال مخالف لي حبيبتي مصراتية

لوسمحتي حبيبتي ممكن تحطيلي الرابط امتع السواد الكاذب اللي حضرتك حكيتي عليه لوسمحتي لاني دورته وماالقيتاش

سؤال مخالف ل..فيكي
depigmenting cream >>>يستخدم لكل بيقمينت فى الجسم ؟

البنات حطوا صورتين لنفس الكريم حسيت واحد رصاصي من تحت والتاني اسود هل هدا فرق ام انه نفس الكريم وهل يستعمل للمناطق الحساسة ووين نلقاه

رموسة الحلوه;14463034:
سؤال مخالف ل..فيكي
depigmenting cream >>>يستخدم لكل بيقمينت فى الجسم ؟

بعد اذن فيكى انجاوب ..
رموسة ...انى نضملك "والضامن الله " على اى مكان تحطى الكريمة بس الضئ بعديه ..
لانى قريت مكوناته ماتخافيش منهم ماافيش كورتزون هذا اهم شئ لان الكورتزون ايحطو فيه بديل علشان ايخفف الالتهابات والحساسيات اللى تكون نتيجة المقشرات اللى فى الكريم نفسه ...فاا من هالكريم دايرين مضادات الالتهابات والحساسية بس مش كورتيزون ...وفى نفس الوقت المقشرات اللى حاطينهم نسبة تقشيرهم ضئيلة يعنى مش قوية لعند تسلخ الجلد مجرد قشور بسيطة وتتحول مع المرطباات اللى ضايفينهم فى الكريمة ..
فالاخر انتبهو لثلات حاجات مهمة فى الكريم التبيض بالذات
[COLOR=magenta]1*التقشير ..بدون تسلخات" انتبهو ماتستعملوش الحلوة او الموس او اى شئ يزيل الشعر مع كريم طبى يحتوى على التقشير ..لانه حايتسلخ الجلد بقوة وحايزيد الالتهاب وحاتسود المنطقة من جديد "[/COLOR]
"التقشير العادى زى مقشر الحليب..استعمال الحلوة والموس عادى "
2*والترطيب ..وهذه نسبة عالية مقارنة مع نسبة المواد الاخرى
3*والتبيض ... بدون اضاءة ..ومايكونش هيدروكينون "وهو مسؤل فى منع تكون مادة الميلانين المسئولة عن التصبغ في الجلد في البشرة.."

**بس لانه مفعوله قوى فاحيصحب تهيجات فى الجلد بالذات لو نسبتة عالية "..وهذا عيبه انه يخلى المكان يرجع زى قبل واكثر فى الغمقااان ...
والكريمات الحديثة فى مواد تانية بديلة تعطى نفس مفعول الهيدروكينون"
فالاخر انتبهو لااى كريم يحتوى على
* كورتيزون و
*هيدروكينون ..
اهم حاجتين تبتعدو عنهم

اميرة الحلوة;14462873:
سؤال مخالف لي حبيبتي مصراتية

لوسمحتي حبيبتي ممكن تحطيلي الرابط امتع السواد الكاذب اللي حضرتك حكيتي عليه لوسمحتي لاني دورته وماالقيتاش

سؤال مخالفه
اللي تعرف نعتة محل الفواح من الساحه الخضراء وين يجي يااااااااريت تعطيهالي
وشكرا

سؤال مخالفة !!
دهاب او محل اكسسورات يقدر يصمملي تاج زي ماأنا نبي ؟؟

(جواب مخالفه )

حلا الفواح وانتي في الساحه الخضراء خشي من شارع عمر المختار وامشي ديما طول بيجيك علي اليسار مكتوب عليه الفواح وجنبه محل بيتزا وهوا يجي تحت القوس الفتحه الي مقابله الرشيد

(جواب مخالفه )

الكرستال احتمال تلقيها النقشه هادي عند الغول

Angel Heart 89;14463432:

مســــــــــــــاء الـــــــــــــورد

سؤال تجهيزات:

يوم محضر خديت هدايا لكن مش عارفة كيف وامتا يعطوهم،،،،،،فيه اللي قالوا ينحطوا في صفرة مع انه فيه اللي مغلفات وبيكساتهم امتع هدايا
هل نمد لكل حد يسلم عليا هديته والا نعطي امه وخواته يوم محضر بس وبوه وخوته نعطيهم تاني يوم؟؟؟ بالله عليكم ساعدوني مش فاهمة شئ
فيه موضوع هدا وهدايا توا بنزل صورهم مازالي امه بس عيلة كلها كملتها وهل اهلي يجيبوا بكلاوة للمحضر؟ او حاجات معينة يجيبوها مع هدايا

اللي شاطرة في مواضيع هادوا تفيدني بلييييييز

اللى نعرفه ياعروستنا انجل ..
مش عارفة كل وحدة وعاداتهم ...
احنى الهدايا كلهم مع بعضهم وينعطيو للام او الاخت الكبيرة للراجل وكل هدية مكتوب عليه لمن والاسم "ممكن اتحطى زى المينى كارت وفيه الاسم "...
وطريقة حطهم :فى شنطة كبيرة او صندوق زى امتاع العرايس يعنى صندوق ويتزين ..
وبخصوص البكلاوة ممكن ايجيبوهاا اماليك ... او اى نوع من الحلاوات يعنى كم سفرة حلاوات مشكلة لااهل العريس وكم سفرة للعروسة ...هذا اللى نعرفه وفدتك بيه ياااحبيباا .
*وان شاء الله فيكى تعطيك المعلومة احسن على عوايد اهل طرابلس "وعند فيكى الخبر اليقين " ومشاء الله عليها فيكى هذه ربى يحفظهاا مش بخيلة على اى وحدة فيناا ..يارب يرزقها وينولها اللى فى بالهااا اللهم امين

ملكة في مملكته;14463994:
سؤال مخالفة !!
دهاب او محل اكسسورات يقدر يصمملي تاج زي ماأنا نبي ؟؟

عندك العضوة اللى معانا "نجمتن" ...مصممة وشوفيهاا حاتفيدك فى هالموضوع ..

مصراتية لشرقاوى;14463208:

حبيبتى لا فيه فرق واحد مرطب اللى حاطته صورته فيكى والمبيض حاطاته من انا
وحتى انى حطيت المبيض بس
شوفى الفرق
هذا المرطب
moisturising cream
وبعدين هذه اللى عطاها الدكتور للركب زى ماقالت فيكى انها وصفها الدكتور لااختهاا
لان الركب مش محتاجة تبيض قد ماهى محتاجة ترطيب دائم علشان الجلدة ماتخشن وادير طبقة متقرنة ويابسة وبعدها تسود
وانتبهو المبيضاات تستمرو على الترطيب مع المبيض وبعد المبيض علشان المنطقة ماترجع
وهذا للتصبغااااات
depigmenting cream
وهذا لااى مكان غامق "مع الانتباه لطريقة استعمال المبيضات "

سؤال مخالف لي حبيبتي مصراتيه

ادا خديت النوعين يعني المرطب والمبيض للمنطقة الحساسه ينفع نستعملهم الاتنين مع بعض قصدي نحط واحد في النهار وواحد في الليل ولا لا لازم واحد بس وكيف طريقة الاستعمال وهل ينفع نستعملهم على المنطقة بعد الحلوة او لا يعني اندير الحلوة او الموس وبعدين نستعمل الكريمات

سؤال مخالف
ممكن لوسمحتو عنوان الصيدلية اللي نلقى فيها الكريم depigmenting cream

Angel Heart 89;14463432:

مســــــــــــــاء الـــــــــــــورد

سؤال تجهيزات:

يوم محضر خديت هدايا لكن مش عارفة كيف وامتا يعطوهم،،،،،،فيه اللي قالوا ينحطوا في صفرة مع انه فيه اللي مغلفات وبيكساتهم امتع هدايا
هل نمد لكل حد يسلم عليا هديته والا نعطي امه وخواته يوم محضر بس وبوه وخوته نعطيهم تاني يوم؟؟؟ بالله عليكم ساعدوني مش فاهمة شئ
فيه موضوع هدا وهدايا توا بنزل صورهم مازالي امه بس عيلة كلها كملتها وهل اهلي يجيبوا بكلاوة للمحضر؟ او حاجات معينة يجيبوها مع هدايا

اللي شاطرة في مواضيع هادوا تفيدني بلييييييز

رد مخالفة
حبيبة في المحضر بعد ماتغيري القفطان وتلبسي البدلة الكبيرة تلاقي عزوزتك في بداية الممر متاع الكوشة وتسلمي على عزوزتك وتبوسي على راسها وتعطيها سفرة الدهب متاع الهدايا وبالنسبة لهدايا بوه وخوته ياما تمدوهم في المحضر ولا لما بتمشيلهم في الحوش تسلمي على شيبانيك والهدايا ماترفعيش معاهم بكلاوة لكن ام العروسة ترفع فلوس للزمزامة بش تجلي العروسة وهذا اللي نعرفه حبيبة وربي يكمل عليك وبالك البنات يزيدوا يفيدوك

ملكة في مملكته;14463994:
سؤال مخالفة !!
دهاب او محل اكسسورات يقدر يصمملي تاج زي ماأنا نبي ؟؟

رد مخالفة لملوكة
شوفي الحمروني متاع الذهب والازهر اللي في قرقارش