¦¦§¦¦ تجهيزات عرائس " ليبيا " لشهر ربيع الأول 1432 - 2011 م / الجزء : 20 ¦¦§¦¦

سؤال مخالف
زيت اللوز المر الاصلي ممكن لوسمحتوا تعطوني صورة ليه او بلد الصنع

اميرة الحلوة;14492210:
سؤال مخالف
زيت اللوز المر الاصلي ممكن لوسمحتوا تعطوني صورة ليه او بلد الصنع

كله اللى فى السوق وناخد فيهم كويسات
انت بس برى للعطار وقولية نبى زيت اللوز المر ..
لانهم مافيش فرق بينه وبين الحلو فى الشكل ..لو شئ بسيط الحلو اثقل من المر بس شوية
ومافيش الاصلى والمقلد
والفرق بين زيت اللوز الحلو مستخرج من نفس حبوب اللوز وهو مفيد للشعر
بس أما المر فاحتى هوة مستخرج من اللوز نفسه لكنه مؤكسد وهذا علاش هوة مفيد للبشرة فقط.
وبعدين الحلو تلقى مكتوب عليه سويت اليموند اويل sweet almond oil
واما المر اليموند اويل بس عادا مايكتبوش فى شئ تانى معاه ولو كتبو تلقى
Bitter Almond Oil
بس اللى فى ليبيا متوفر بس اليموند اويل ..او almur oil
وعليه رسمة اللوز ..
وحتى الريحة المر ريحته اكثر لوز

اميرة الحلوة;14493077:
بارك الله فيك عزيزتي مصراتية ويارب يهنيك في حياتك ويسعدك دنيا واخره

ويسعدك ...وتعرفى سئلت كم عطار ليش هالفرق sip الكبيرة والصغيرة ..

سؤال مخالف: يابنات لو سمتو نبي نعرف وين ياجرو في البدل الهندية وبكم
على خاطر بنلبسها في نجمة وهل الهندي يناسب المدامات

ولو ممكن صور مكياج وتسريحات هندية

مشكورين الله يدخلها الجنة الي ترد عليا

بنات
نبي اسم محل اكسورات تاج وطاقم يعني جو حاجات العروسه
في تركيا

مانبيش اسم شااااااارع

نبي اسم محل في اي شارع بلييييييييييييز ضروري

احلام صراحة اسم محل ما اتذكر بس انتي وين رايحة

سؤال مخالف:
اسطنبول او انقرة؟؟؟

صوته افي سطنبول

سموحه ياريت تتذكري اسم محل
اني حكيت ليهم شارع قالو لا ضروري تعطني اسم محل
لاني بوصي عليهم توصيه

السلام عليكم يا بنوتات F:

بالنسبة للمحلات اللي تبيع ماركة mac

الؤلؤة في النوفلين وممكن يوفرلك اي شي منه

ومحل اخر وراء فندق الكبير " مواد زينة "

وفي صفت محلات متاع جملة في حديقة النصر بجانب سوق الاتحاد متاع الاحذية

المحلات يبيعو في مواد زينة بالجملة والرخص

في محلة اسمه اليمامة .. عنده mac و kryolan و paris berlin و makeup for ever

من آروع الماركات :adore:

و الحلو يطلعلك الاصلية والمقلدة من الماركة و يقولك شن تبي خودي :D

ملكة في مملكته;14478553:
أخر مشترياتي من IKEA سراج










غربال(( نوني)) :) صغيروووووووون هههه



هادم شمع بريحة جنننننااااااااااااااااااااااااااااااااااااااااااااااااااااااااااااااان


فتاحة او حلالة كهربائية


هادي سيت ابيض للحمام مسكر ههههههههههه بس مقدرتش انوريهولك المهم هو 5 حاجات بسطل زبالة حشاكم

ايكيا فتح عندنا و انا راقده على وداني :sick:

بالله يا ملكوة وين يجي بالضبط .. وعنده ارفف او ملحقات الاثاث ؟

اميرة الحلوة;14484260:
سؤال مخالف لي اختي فيكي

حبيبتي ممكن تساعديني واتقوليلي على عناوين محلات ايبيعوا في الة حلاقة رجالي تكون ماركة كويسة زي اللي حكت عليهم اختي مصراتية مع الست كامل ووين نقدر نحصل شموع حلوة عطرية

رد مخالفة
سامحيني حبيبة على التاخير كان عندي ظرف
بالنسبة لالة الحلاقة الرجالية فيه فيلبس وبراون هادم اللي راجلي يشكر فيهم ومتوفرات شوفي الدور الرابع في سوق التلات فيه محل بحدا الاسانسيرات يبيع فيهم وفيه البيت المعمور اللي في راس حسن شفت عنده من فترة ..وبروان عندها وكيل في ليبيا لكن مانعرفش مكانه وفيلبيس ماعنديش فكرة
بالنسبة للشموع المعطرة
ماركس اند سبنسر عنده خط انتاج للشموع هادي فاكيد تلقي منهم في فرعهم ..وفيه مكتبة المتحدة في بداية عرادة عندهم منهم تشكيلة
ويارب نكون فدتك

مدام اسراء;14495297:

مساء الخير للجميع

سؤال مخالفه ؟
لو سمحتو نبى رقم تيلفون لى مراه ادجينى للحوش
اديرلى حلوه وتكون مراه محترمه ومجربه حد منكم

رد مخالفة
نجاة السودانية ماشاء الله عليها ولو تبي رقمها نبعتهولك على الخاص والصراحة المراة خلوقة وكويسة وايديها ماشاء الله عليهم وعن تجربة

[Q=فيكي;14495476]
رد مخالفة
نجاة السودانية ماشاء الله عليها ولو تبي رقمها نبعتهولك على الخاص والصراحة المراة خلوقة وكويسة وايديها ماشاء الله عليهم وعن تجربة[/QUOTE]

أحلام حلوه;14493916:
صوته افي سطنبول

سموحه ياريت تتذكري اسم محل
اني حكيت ليهم شارع قالو لا ضروري تعطني اسم محل
لاني بوصي عليهم توصيه

رد مخالفة
فيه محل اسمه gümüş في شارع عصمان بيه وانتي ماشية للاستقلال فيه حاجات على الفضة ..وفي الدور الاول في مول جواهر فيه كام محل دهابين واكسسوارت تلقي عندهم لكن حتي جيهة القراند بازار مليانة غير ماركزتش على اسمائهم قبل

ملكة في مملكته;14491711:
سؤال مخالفة !!!
كعك حلو ومالح ومقروض وغربية بيضا باللوز يعتبروا من الحلويات الليبية القديمة ...
زعما حتي الدبلة ؟؟؟

حابة اندير في النجمة حلويات تقليدية ................... وين احسن مكان للمقروض والغريبة والكعك والدبلة ؟؟؟

رد مخالفة لملوكة العسولة

ايه حبيبة هذا يعتبر كله ليبي ..وحلوة اللقطة واني في نجمتي زدت حتي خبزة فرن وعجبتهم الناس
وبالنسبة لاحسن مكان يدير فيهم اني نعطيك اللي نسمع فيه من الناس ومن اماليا لاني كلهم ماناكلش فيهم
الكعك والغريبة فيه مراة يشكروا فيها عيلتنا هلبة لكن رقمها ماعنديش توا باذن الله كان تبي نجيبلك رقمها من قريبتي
المقروض احني درنا في سهرية اختي منه لكن خسارة المراة اللي داراته مريضة حاليا لكن حتي متاع العالم يشكروا فيه
والدبلة تقريبا النحلة يخدم فيها
وفيه محل اسمه اندير حلويات القصر متاع عيلة اندير يخدم في الحاجات الليبية كلها ويشكروا فيه تلقي فرع منه جنب سوق المرجان وفيه حتي في اخرشارع المقريف
عارفة الرد مش مفيد بكل لكن حنسالك ونجيبلك الخبر اليقين باذن الله

رد مخالفة لاميرة الحلوة
وصيتلك الدكتور على الحاجات اللي تبيهم وقالي انه البدي سكراب اللي شكراته عروستنا الحلوة مصراتية متوفر بس كريمة الترطيب من ماركة افين تو يزيد يتاكد منها ..وباذن الله اول مايكونو عنده في الصيدلية حتلقي مني مسج على الخاص

انجولة تهبل الهدية وربي يهنيكم وتعيشي وتهديله ويهديلك

حبيبتي مصراتية
بارك الله فيك وربي يهنيك ويسعدك ويشفي الوالدة ماتتصوريش قداش نستفيد من كل ردودك ربي يجعلها في ميزان حسناتك وربي يهني الشرقاوي بيك وماشاء الله شكله امه راضية عليك باش جاه نصيبه بنوتة في تقافتك وحبك للخير واهتمامك بنفسك ربي يخليكم لبعض ويجمعكم عاجلا غير اجل

أميرة الإحساس;14493242:
يابنات لو سمتو نبي نعرف وين ياجرو في البدل الهندية وبكم
على خاطر بنلبسها في نجمة وهل الهندي يناسب المدامات

ولو ممكن صور مكياج وتسريحات هندية

مشكورين الله يدخلها الجنة الي ترد عليا

رد مخالفة
بالنسبة للبدلة الهندية اكيد تناسب مدام بالذات لماتكون فخمة وخامة قماشها راقية وفيه عضوة معانا اسمها هايلة تقريبا يا تاجر فيهم ياتبيع فيهم وفيه محلات متاع لبس خليجي زي حناين ومزيونة عارضين منهم كام مرة بس ايجار ماعنديش فكرة
وبالنسبة للمكياج فالهندي يناسبه الالوان الصيفية الحارة وطبعا على حسب لون البدلة ولون طريزتها .لو على الذهبي او الفضي ونزلتلك شوية صور على اللوك الهندي والتسريحات تقدري تختاري من الصور واللوك الهندي نحسه يمشي اكتر مع الشعر الغامق والتسرحة تكون واطية مش مرتفعة وان شاء الله الرد يكون فادك



[SIZE=5][COLOR=purple]
[/COLOR][/SIZE]

فراولة84;14481500:

سؤال مخالف:

بنات اما احسن مزينة في المكياج والتسريحة نادية الجزائرية والا فاطمة شعيب والا نجوى التليسي
اعطوني رأيكم حايرة وين نحجز ساعدوني

رد مخالفة
اني شفت لنادية الجزائرية وماشاء الله مكياجها متقن
وتسريحاتها حلوة
بالنسبة لفاطمة شعيب يشكروا فيها هلبة هلبة لكن ماشفتلهاش عروسة عن قرب بش نقدر نحكم
نجوي التليسي كارتة الصراحة شفتلها عروسة لاعبة فيها لعب مش عادي ومع ان البنية كانت زي القمر على الطبيعة حسيت ان ذوقها مش حلو نهائيا واختيارها في الالوان مش حلو