¦¦§¦¦ تجهيزات عرائس " ليبيا " لشهر ربيع الأول 1432 - 2011 م / الجزء : 20 ¦¦§¦¦

هيولة مبروك عليك حاجاتك حبيبة ومصراتية ماشاء الله عليها الحق وعلى اختياراتها
سؤال مخالفة لمصراتية حبيبة الماسكات متاع غارنيير من وين واخدتيهم ؟

سؤال مخالف
كريمات سيباميد في اي صيدلية متوفرة لاني دورت عليها وماالقيتهاش يعني لو في بنوته شافتها في صيدلة ياريت تقولي عليها

سؤالمخالفه لفيكي او مصراته
انا عندي لون بشرتي من الخلف اغمق شوي من لون جسمي التاني
مش عارفه شن السبب او علاش هكي؟
لو تعرفو شئ كويس او شايفين حد هكي ياريت تفيدوني وبارك الله فيكم

مبارك ما جاك هيولة

سؤال المخالفة لمصراتية :

ابي اسأل من وين جبتي صابونة الكركم
لي فترة ادورها وماني محصلتها؟؟؟

مبروك عليك الهدية هيوووولة وتتهني بيهم يارب الهدية حلوة زي صديقتي مصراتية يارب يهنيها ويسعدها
سؤال مخالف
انا وجهي ضعيف هلبه هل في خلطة او كريم او زيت لنفخ الوجه والخدود

http://forums.3roos.com/showthread.php?t=543875


بنات شوفو الموضوع هدا حلوووو كتير
وكل عروس تستفيد منه

فيكي;14495575:
رد مخالفة
فيه محل اسمه gümüş في شارع عصمان بيه وانتي ماشية للاستقلال فيه حاجات على الفضة ..وفي الدور الاول في مول جواهر فيه كام محل دهابين واكسسوارت تلقي عندهم لكن حتي جيهة القراند بازار مليانة غير ماركزتش على اسمائهم قبل

مشكوره فيكي بارك الله فيك
F:

اميرة الحلوة;14500240:
مبروك عليك الهدية هيوووولة وتتهني بيهم يارب الهدية حلوة زي صديقتي مصراتية يارب يهنيها ويسعدها
سؤال مخالف
انا وجهي ضعيف هلبه هل في خلطة او كريم او زيت لنفخ الوجه والخدود

ممكن تجربي قناع زبادي والخميره
ملاعقتين زبادي وملعقه خميره خليطهم كويس حتي تذوب خميره وخليهم علي الوجه ممده 20 دقيقه

أحلام حلوه;14500901:
مشكوره فيكي بارك الله فيك
F:



ممكن تجربي قناع زبادي والخميره
ملاعقتين زبادي وملعقه خميره خليطهم كويس حتي تذوب خميره وخليهم علي الوجه ممده 20 دقيقه

صحيتي حبيبتي احلام وبارك الله فيك
بس جربتها وكانت النتيجة بطيئة و بسيطة هلبة
سؤال مخالف اذا في كريم لنفخ الوجه والخدود ياريت تقولولي عليه

سؤال مخالف:

ياريت يافيكي تعطيني العنوان علي الخاص او رقم الهاتف او تحددي انت زي ماتبي نستني في ردك

سؤال مخالف:بنات نبي عنوان مزين بريجيت فيكي حاكيه عليها بالله عليك فيكي ردي عليا واي وحده تعرف العنوان تكتبه

جمال الروح انا طبعا مالي بالعناوين في ليبيا

بس سئلت خالتو وتقول بقرجي
بس ما تعرف العنوان بالضبط

اميرة الحلوة;14499616:
سؤال مخالف
كريمات سيباميد في اي صيدلية متوفرة لاني دورت عليها وماالقيتهاش يعني لو في بنوته شافتها في صيدلة ياريت تقولي عليها

رد مخالفة
لا حبيبة ماصادفونيش قبل منتجات سيباميد لكن لو شفت منهم حنقولك

حلا 2011;14499957:
سؤالمخالفه لفيكي او مصراته
انا عندي لون بشرتي من الخلف اغمق شوي من لون جسمي التاني
مش عارفه شن السبب او علاش هكي؟
لو تعرفو شئ كويس او شايفين حد هكي ياريت تفيدوني وبارك الله فيكم

رد مخالفة
حبيبة ياريت توضحي اكتر كيف من الخلف يعني؟ مرات تكون كتافة الشعر اكتر فتبان المنطقة اغمق ...لو توضحيلي اكتر ولو على الخاص ممكن نقترحلك حلول

اميرة الحلوة;14500240:
سؤال مخالف
انا وجهي ضعيف هلبه هل في خلطة او كريم او زيت لنفخ الوجه والخدود

رد مخالفة
الصراحة وماتصدقيش الخلطات والكلام هذا لان الخدود حاجة من ملامح الوجه وليها علاقة بنسبة الدهون وطريقة توزيعها في الجسم ولو طبيعة وجهك ضعيف حتي لو وزنك زاد مايسمنش معناها مافيش قدامك الا الحل التجميلي وتوا بدي فيه هلبة خيارات وكتروا مراكز التجميل اللي يعالجو في المشاكل هادي باستخدام تقنيات جديدة ..
لكن الخلطات تأثيرها بس على نظارة البشرة يعني ممكن تحسي وجهك نور ولا انشد لكن النفخ مستحيل باستخدام خلطة خارجية ماليهاش اي تاثير على خلايا الدهون اللي تحت الجلد ..
وحاولي متلا تغيري قصة شعرك لان قصة الشعر وطريقة تصفيفه ليها تاثير كبير على منظر الوجه وتغطي العيوب لو استغليتيها صح
وحتي طريقة المكياج وطريقة لبس الوشاح كلها تلعب دور..
ويارب وجهك ينور ويولي كيف ماتبي واحسن

شهد 2000;14501665:
ياريت يافيكي تعطيني العنوان علي الخاص او رقم الهاتف او تحددي انت زي ماتبي نستني في ردك

رد مخالفة
باذن الله تلقي رقمي على الخاص

جمال الروح 1;14502065:
بنات نبي عنوان مزين بريجيت فيكي حاكيه عليها بالله عليك فيكي ردي عليا واي وحده تعرف العنوان تكتبه

رد مخالفة لجمولة
هي في غوط الشعال اني مش زابطة النعتة كويس تو نعطيك رقمها على الخاص وهي تعطيك النعتة لاني حتي اني لما اختي مشتلها خدينا منها هي النعتة

بنات ادعولي عندي شوية ظروف الفترة هادي وزيادة ولدي مريض والحمدلله على كل حال

ياهلا تعرفو اني اول مره نلقى التجمع هدا;) انا جديده صح بس انا نتفاجا كل يوم بمنتدى عروس
على العموم انا اساله كتيره نبي نسالها ليكم حبيباتي بالك تعاونوني
انا حاليا في امريكا و حابه اني انجيب شويت مكياج معايا بس زي ماتعرفو انه اشهر الماركات العالميه هانا في امريكا و انا في ليبيا مانطلعش بيه المكياج يعني كانش غير مناسبات و المناسبات بعد ووين و ويين تجيك مناسبه و في اليل
فالي نبيه منكم ياعزيزاتي فيه ماركات في ليبيا مكياج عالميه
شنوهم
و شن المحلات الى في طرابلس يبيعن في الماركات انا لما كنت في طرابلس كنت نعرف ديبورا و ماكس فاكتر و ملبرين
زي ماك و فور ايفر نلقى و شن تنصحوني انجيب معايا او انخلي بعدين لما انروح نلقا ارخص و ماركات
و مادامني عرفت طريق تجمعكم الي كاين مدسوس عني فمبعدكم الي جايكم مني
زي مايقولو في ليبيا جيعان و طاح في الدشيشه

أمس أهل أسومي جو وجابو موسم الميلود وشوية هدايا وكانت الفكرة حلوة سبات مغالف باللون الحني فيه حنة وشمع من جميع الانواع وبخور مختلف الانواع وفيه مرأة عجبتني زي متاع فله نقشتها ع الذهبي تتلف من الجهتين جهة مكبرة وجهة عادية حلوة
وهيا وورد وغيره

وأني ماهديتله شي في عيد الحب او المولد لاني عيد ميلاده الاسبوع الجاي ، وقلت أنحاول نهديله هدية وحدة وحلوة لاكن شن هيا ما قررتش لحد توا ساعدوني وكان شفت حاجة حلوة أنقوللكم عليها

سؤال مخالفة :-
محتاجة دبل ايكونوا فاصلو ... وين نقدر نلقاهم !!!
والدغري والسوق العربي معندهمش :)

قصدك فضة ولا دهب افريقي

معليشي يابنات ياريت تردو على كل الاسئلة لانه حسيت تردو على الي تعرفهم قصدي البنات والبنات الي ماتعرفهموش ما تردوش عليهم

سؤال نبي مراة للحنة تجي للحوش والنقشى نبيها عربية يعني مش سودانية لاني مليت منها

سؤال عييت من طرحه
وين ممكن نلقى بدل هندية الإيجار وبكم ايجارهم

ووين الالسسورات والخلخال الهندي

الله يدخلها الجنة الي ترد عليا