22 مرة نقول يا تري بتعملي الأكله دي ازاي ؟ ( مبدعات مصر ) شهر ربيع الأول 1432

بيتو

ان اعندي كمية جاتوهات وتتورتات قديمة كده شيكولاتة
تمشي والا نوووووو

اتأجلت عندكو كمان يا فقر هههههههه
طب احنا واكيد خايفين من مظاهرات الاخوان انتو ليه

رووفة;14627049:
بيتو

ان اعندي كمية جاتوهات وتتورتات قديمة كده شيكولاتة
تمشي والا نوووووو

اتأجلت عندكو كمان يا فقر هههههههه
طب احنا واكيد خايفين من مظاهرات الاخوان انتو ليه

تمشي يا روفة
بس متقطعيهاش رفيع عشان متتهراش
او هقولك التورتة والجاتوهات بتبقى طبقات
خدي كل طبقتين مع بعض وحطيها
وخدي بالك ممكن تبقى دسمة عشان الجاتوهات
بتبقى فيها كريمة بردو فحاولي تقللي
كمية الكريمة اللي هتعمليها


احنا باين معندناش رئيس جامعة
كان ضربوه باين :)))))))) خلوه يستقيل
فتقريبا ناويين يعينوا واحد وبعدين يدخلونا في الدراسة

كيك الفراوله بطريقه حوريه
المكوناتالكيكة

- ٤حبات بيض
- ١٢٠غ سكر
- ملعقة صغيرة فانيللا
- ١٠٠غ طحين
- ٢٠غ نشا
- رشة ملح
- صينية مدهونة ومرشوشة بالطحين ويفضل وضع ورق شمع في قاع الصينية لسهولة إخراج الكيكة
كريمة الموسلين:

- ٢٥٠ملل حليب سائل
- ٥٠غ سكر
- حبة بيض
- ملعقة صغيرة فانيللا
- ٣٠غ نشا أو طحين (ما يعادل ملعقتين كبار)
- ١٣٠غ زبدة طرية غير مملحة
حشو وتزيين الكيكة:

- ٧٠٠غ فراولة طازجة مقطعة قطع صغيرة
- كمية من عجينة اللوز أو المارزيبان
- ملون غذائي
القطر:

- ٢٠٠غ سكر
- ٢٠٠ملل ماء
- ٢ملعقة صلصة الفراولة أو التوت البري (المذكور طريقة عملها لاحقاً)
صلصة الفراولة:

- ٥٠٠غ فراولة طازجة أو مثلجة
- ملعقة كبيرة عصير ليمون
- ٢أو ٣ ملاعق كبيرة سكر ناعم
طريقة التحضيرالكيكة:

- يسخن الفرن على ٤٠٠ درجة فهرنهايت
- ينخل الطحين والنشا ويترك جانباً
- يخفق البيض مع السكر والفانيللا جيداً إلى أن يتضاعف حجمه ويكتسب لون فاتح
- بواسطة ملعقة أو سباتولا نضيف المكونات الجافة المنخولة ( الطحين والنشا ) تدريجياً مع المزج الخفيف
- يسكب الخليط في صينية مدهونة ومرشوشة بالطحين ثم تدخل مباشرة في فرن ساخن ٤٠٠ درجة فهرنهايت مدة مابين ٢٠ إلى ٢٥ دقيقة
- تخرج من الفرن وتوضع فوق شبك لتبرد قليلاً ثم تنزع من الصينية وتترك لتبرد كلياً
كريمة الموسلين:

- نضع الحليب أو الكريمة في قدر على النار ليسخن دون أن يغلي
- تخفق حبة البيض مع السكر والفانيللا جيداً
- نضيف النشا أو الطحين ونخلط لتمزج المكونات فقط دون الإكثار من الخفق
- نأخذ كمية من الحليب الساخن (مقدار ملعقة غرف) ونسكبها على مزيج البيض والسكر ونخفق بسرعة
- نسكب كل المزيج فوق كمية الحليب أو الكريمة الساخنة المتبقية مع التحريك المتواصل إلى أن يتكاثف المزيج ويتماسك دون أن يجمد
- نبعد الخليط من على النار ويفرغ في وعاء كبير أو صينية
- يترك قليلاً ليبرد ثم يغطى ببلاستيك أو يرش بقليل من السكر حتى يبرد كلياً
- يخفق بواسطة الخفاقة الكهربائية ويضاف إليه الزبدة الطرية تدريجياً مع الخفق للحصول على مزيج كريمي وملس وعندها نكون حصلنا على كريمة الموسلين. توضع في
- الثلاجة إلى حين إستخدامها
القطر:

- يخلط السكر مع الماء ويوضع على النار
- بعد الغليان يترك لمدة ٥ إلى ١٠ دقائق ثم يبعد من على النار ويترك إلى أن يبرد
- تؤخذ كمية من صلصة الفراولة وتضاف إليه
صلصة الفراولة:

- تخلط الفراولة مع عصير الليمون والسكر الناعم المنخول ويطحن الكل ثم يصفى ويستعمل
ملاحظة:

- يمكن تخفيف كمية السكر أو الاستغناء عنها لمن لا يرغب في طعم الصلصة الحلوة
طريقة تطبيق وتقديم كيكة الفراولة:

- تنظف الفراولة وتنقى الحبات ذات نفس الحجم تقريباً ثم تقطع إلى نصفين
- يترك حبات فراولة صحيحة للتزيين ويقطع الباقي قطع صغيرة للحشو
- تقطع الكيكة الباردة إلى قسمين متساويين
- تجهز كرتونة خاصة بالحلويات على شكل دائري وتوضع وسط قالب مثل قالب التشيز كيك( كيكة الجبنة)
- ترص أو تصفف أنصاف الفراولة على حافة القالب الموضوع فوق الكرتونة
- يوضع فوق الكرتونة القسم الزول من الكيكة وتسقى بالقطر المعطر بصلصة الفراولة
- تغطى بطبقة من كريمة الموسلين ثم فوقها قطع الفراولة الصغيرة وترش بقليل من السكر الناعم لإبراز نكهة الفراولة ثم قليل من كريمة الموسلين لتغطية الفراولة
- نضع الطبقة الثانية من الكيكة ثم نسقسها بقليل من القطر المعطر بصلصة الفراولة ونحاول ضغطها برفق دون المبالغة لتمتزج مع الكريمة
- نغطيها بطبقة خفيفة من كريمة الموسلين مع الضغط بالأيدي قليلاً وتملس
- توضع في الثلاجة لترتاح ثم تخرج وينزع عنها القالب وتزين بعجينة اللوز المقطعة على شكل دائرة
- تزين بالفراولة أو أشكال من عجينة اللوز وتقدم

بوسي و الله معرف يا جميل مليش فيه خالص حبقي اسألك

manafola;14627610:

ايه افضل نوع بسكويت ساده للترامسية بسكوت لوكس ينفع و لا نوع ايه

انا بحب اولكر بيبقى طعمه خفيف و حلو


بنات ممكن حد يقولى طريقه للجمبرى تكون جديده

معلش طلباتى كتير:o

manafola;14627610:

ايه افضل نوع بسكويت ساده للترامسية بسكوت لوكس ينفع و لا نوع ايه

OM SIMO;14627920:
انا بحب اولكر بيبقى طعمه خفيف و حلو


بنات ممكن حد يقولى طريقه للجمبرى تكون جديده

معلش طلباتى كتير:o

فعلا اولكر جمييييييل جدا انا عملت بيه
وممكن تعملي بفيري وفي كرونا بس مجربتوش صراحة
او بسكو مصر جميييل اوي وشكله شيك :D
بيبقى صوابع طويلة كدة


ام سيمو ممكن تعملي كفتة جمبري
انا بحبها جداااااااااا ومش باكل الجمبري
الا في هذه الحالة :D
لو عايزة الطريقة قوليلي

manafola;14627610:

ايه افضل نوع بسكويت ساده للترامسية بسكوت لوكس ينفع و لا نوع ايه

اى بسكووت ممكن ماري حتى بس انت هتحطيله زبده وتفركيهم سوا مع بعض حيث يعمل معاكى طبقه كده ماسكه نفسها تحت في القعر

انا جربت لوكس ماكنش حلو جربت باهلاوى رووووووووووووووووووووعه

انتى عاوزة الجمبرى متقشرولا بقشره ولا مشوى ولا ايه حددى؟؟؟

عمتو بيتو;14627973:
فعلا اولكر جمييييييل جدا انا عملت بيه
وممكن تعملي بفيري وفي كرونا بس مجربتوش صراحة
او بسكو مصر جميييل اوي وشكله شيك :D
بيبقى صوابع طويلة كدة


ام سيمو ممكن تعملي كفتة جمبري
انا بحبها جداااااااااا ومش باكل الجمبري
الا في هذه الحالة :D
لو عايزة الطريقة قوليلي

ماشى يا بيتو يا ريت تقوليلى الطريقه

رشرووش;14628070:
انا جربت لوكس ماكنش حلو جربت باهلاوى رووووووووووووووووووووعه

انتى عاوزة الجمبرى متقشرولا بقشره ولا مشوى ولا ايه حددى؟؟؟

لا مقشر يا رشروش
و على فكرة عملت الفراخ بطريقتك طلعت حفه
تسلميلى يا قمر

تسلمى ياام سيمو
ممكن تعملى الجمبرى طاجين ابيض
هاتى كام فص توم ومعاهم كمون وفلفل اسود وكسبره وملح وشوح نصهم فى حته زبده وانزلى بالحمبرى وشوحيه لحد مالونه يتعير وبعدين انزلى بالباقى و10 دقايق واطف
وممكن عمليه بالصلصه


هاتى بصله وشوحيها فى شويه زيت ومعاهم فصين توم وانزلى بالجمبرى
وتكونى مطعه طماطم وانزلى بيهم على الجمبرى وحطى ملح وفلفل وشطه
وسيبى الطماطم تنزل مايتها ويستوى منه فيه
وقرب ما حتطفى خرطى كام عرق بقدونس او كسبره او بصل اخضر وبالنهنا

manafola;14627610:

ايه افضل نوع بسكويت ساده للترامسية بسكوت لوكس ينفع و لا نوع ايه

انا عملته ببسكوت ماري و كان حلو اوى و بفكر اجربه ببسكوت شورتى عشان بحب طعمه اوى

بنات صحيح امبارح عملت الترامسيو و كيكه شيكولاته و عجبت الناس كلها :thumbs_up:

عايزة بقي افكار جديده عشان اعملها الاسبوع الجاي ان شاء الله بس تبقي حاجات سهله و مش بتاخد وقت كتير

و كمان كنت عايزة اعمل صوص شيكولاته اعمله ازاى ^o)

بصى
ممكن تجيبى كام باكو هو هوز بالفراوله
ومربى فراوله
وكريم شانتيه
وتقطعى الرولز وتحطى طبقه كريم وبعدين الرولز وشويه مربه وكريم وهكذا سهله اوووى
ممكن تعملى قالب كبير وممكن تعمليها فى كاسات

OM SIMO;14628224:
ماشى يا بيتو يا ريت تقوليلى الطريقه

دي الطريقة اللي بحبها يا ام سيمو
وعلى فكرة هي طريقة اختي

كيلو جمبري
عليه بصلة و 3فصوص توم
نص كباية رز مطحون
ومعلقة ملح مسح صغيرة
فلفل كمون وشطة
خضرة شبت وبقدونس
افرمي التوم والبصل والبهارات مع نص الجمبري
ومتفرميش الجمبري اوي عشان تحسي بطعمه
واخلطيهم مع نص الجمبري التاني وهو صحيح كدة وكوريه
او اعمليه صوابع ومشيه في دقيق
وحمريه في زيت
واعملي التسبيكة بقى ثوم وحمريه
في زيت وحطي عليه عصير طماطم وشطة
وسبيها تتسبك وحطي الكفتة فيه يادوبك غلوة فيها كدة واطفي وخلاص
وبالهنا والشفا

ازيكم يا بنات يارب تكونو بخير

ممكن حد يقولى اعمل ايه لو عملت مهلبيه وطلع طعمها مش وله بود مستحرمه ارميها مع العلم انها مش متمسكه قوى

وكمان لو حد يعرف طريقه العيش الفينو

نور التقوى;14625095:


كتكوته كل سنه وجودى طيبه وعقبال مليون سنه

تسلمي يا نور وانتي طيبة يا جميلة، انتي عملتيلي ادد علي الفيس ولا مش انتي؟؟

Dr.Flowers;14625129:
عاووووزة طريقة الكريم كراميل لو سمحتوا يابنااااااااااات

دي طريقتي :
حطيت ربع كوباية سكر علي النار لوحدها من غير اضافات لغاية ما تسيح وتبقي كراميل لونه بني فاتح مش غامق، وبلحق اصبها في القالب بسرعة عشان لو استنيت شوية بتجمد بسرعة اوي وبتلزق وبعدين ضربت في الخلاط 6 بيضات ورشة فانيليا وكوبايتين لبن وربع كوباية سكر بردو، وبعدين حطتهم فوق الكراميل، وبعد كده بحط القالب في صينية اكبر وبحط فيها مية، وادخلهم الفرن ساعة كده، ولما بطلعه اشوفه خلص ولا لان بغرس سكينة فيه ولو طلعت نضيفة يبقي تمام ولو طلع معاه سائل لسه يبقي بسيبه شوية كمان، وبعدين بسيبه يبره خالص وادخله التلاجة بقي، ولما اجي اطلعه واقلبه بحطه في حمام مية سخنة بردو وبعمل بالسكينة الحواف والجوانب كده من فوق عشان ينزل معايا بسهولة ويتظبط.

crazy ananas;14628880:
ازيكم يا بنات يارب تكونو بخير

ممكن حد يقولى اعمل ايه لو عملت مهلبيه وطلع طعمها مش وله بود مستحرمه ارميها مع العلم انها مش متمسكه قوى

وكمان لو حد يعرف طريقه العيش الفينو

طيب ما تستخدميه في حشو كنافة او جلاش او اي حاجة زي كده يا انوسة وساعتها هتقدري تظبطي طعمها لو ناقصها سكر مثلا ولو طرية مش مشكلة عادي هاتبقي حلوة بردو عشان حشو مش اكل لوحدها كده وممكن تعمليها طبقات مع جيلي او كاسترد او بودينج شوكولا كده يعني بس خليها هي فوق مادام طرية، هي ماينفعش ترجعيها علي النار تاني وتزودي شوية نشا وتقلبيها لغاية ما تمسك نفسها اكتر؟

انتي مش بتدخلي ليه انا كنت بسلم عليكي من كام يوم وبقولك وحشتيني من يومها :D:D

يا بنات انا عندى الجمبرى بيكش جدااااااااااا يعنى و هو نى بيكون كبير لما اسويه يكش خالص ده من ايه

crazy ananas;14628880:
ازيكم يا بنات يارب تكونو بخير

ممكن حد يقولى اعمل ايه لو عملت مهلبيه وطلع طعمها مش وله بود مستحرمه ارميها مع العلم انها مش متمسكه قوى

وكمان لو حد يعرف طريقه العيش الفينو

استخدميها كحشوة لاي حاجة يا انوسة

Bossy22;14631041:
يا بنات انا عندى الجمبرى بيكش جدااااااااااا يعنى و هو نى بيكون كبير لما اسويه يكش خالص ده من ايه

هو طبيعي انه بيكش من السوا
بس انا خالتي بتسويه على البخار وبتقول انه مش بيكش
اوي ويمكن مش بيكش معاها اصلا
زي ما تسويه على النار على طول
بتحطه في مصفاه والمصفاه تحطها على حلة فيها مية
انا صراحة مجربتوش كدة
بس خالتي بتعمله كدة
وبتشكر في الطريقه

التراميسيو طلع تحفه تسلموا يابنات وتسلمى يابيتو الطريقه تحفه

بس انا حطيت بعد اول طبقيه بعد البسكوت والكيكه ايس كريم شيكولاته

وبعد الطبقه التانيه كريم شانتيه ورشيت على الوش نسكويك

طعمه جميل اوى وعامل زى البرفيترول

هحط الصور بليل ان شاء الله

كتكوته انا الى ضفتك ياقمر لو ينقع تقبلينى

طيب يا رشروش
دي مش بيكون طعمها قريب للترامسيو
اصلي حاساها هتبقي قريبه ليه