22 مرة نقول يا تري بتعملي الأكله دي ازاي ؟ ( مبدعات مصر ) شهر ربيع الأول 1432

ما شاء الله جميل اوي يا بيتو
ويا بنات لو عايزة اعمل كيكة فراولة بتتعمل زي كيكة البرتقال بس بعصير الفراولة وبلبن ولا منغير

تسلم ايدك يا عميتو بيتو معلش انا مش عارفة اسمك

هيا اساسا فى كيكة فراوله اول مرة اعرف يا ريت حد يقولنا فعلا دى تبقى حلوة قوى

توتو ربنا يخليكي يا حبيبتي اتفضليها

ام جودي تسلمي يارب واسمي ابتهال يا جميل
وعادي قوليلي بيتو :)

انا مجربتش كيكة الفراولة دي قبل كدة يا توتو

فراشة الإيمان;14597011:
بصى ياقمر انا بعملها بمقادير نانى بس بزود بيضه ومعلقه خل ومحسن الخبز

المقادير

8 بيضات
كوب ونص سكر
كوب نص دقيق
معلقه كبيره خل
معلقه محسن خبز
معلقه فانيليا

بحط البيض والسكر والفانيليا ومعلقه الخل ودى علشان مش يبقى فيه زفاره خااااااالص

واضربهم بالمضرب على اعلى سرعه 15 دقيقه

هايتضاعف الحجم ويبقى كريمى خاااالص

تحطى محسن الكيك واضربى دقيقتين بالمضرب على اعلى سرعه

بعدين تحطى الدقيق معلقتين معلقتين بمصفاه الشاى السلك عارفاها كان بتنخلى الدقيق وقلبى بالرااااااااحه فى اتجاه واحد

لغايه مايخلص المقدار كله

وبطنى الصينيه بورق زبده وتحطيها فى الفرن تكونى مولعاه قبل ماتبدأى فى تقليب الدقيق على اعلى درجه وقبل ماتحطى الكيكه اظبطى الحرار على 180 وحطيها فى الفرن ومتفتحيش قبل 40 دقيقه علشان بالمحسن بتعلى قوووووى وبتاخد وقت شويه

بعد 40 دقيقه افتحى بهدوء وحطى السكينه فى النص استوت يبقى اطفى وسيبيها شويه فى الفرن وهو مطفى لسه ماستوتش سيبيها 5 او 10 دقايق كمان وهاتطلع لوووووووووووووووووووووز

وعاليه

مقاس الصينيه 24

بس اتوصى بالكريمه والفواكه فى الحشو هاتلاقيها طعمها رهييييييييييب:thumbs_up::thumbs_up: اهم حاجه تخدميها كويس:rolleyes::rolleyes:

@زهرة دبلانة@;14597014:
قطقوطه ممكن اقولك كلام شيرى واللى قالته هوا اهو لانك مستعجله هتعمليها النهارده


انا بعملها بطريقه نانى بس انا بحط محسن خبز مش كيك محسن الكيك ده جربته ولا لييييه لازمه

محسن الخبز ده بيبقى باودر بتحطيه على خليط البيض والسكر بعد ماتضربيه ويتضاعف حجمه يعنى انا بضربه بالمضرب على اعلى سرعه 15 ساعه وبحط بعد كده المحسن واضرب دقيقنين تلاته هاتحسى ان الوقت كتييير بس النتيجه تستاهل اديكى شايفه الطبقات وكمان فى طبقه شلتها علشان ماتبقاش عاليه قوووووووى فركتها وهملتها كور وغطيتها بصوص الشيكولاته اللى فاض هى بالمحسن بتطلع عااااااليه وبتعمل خمس طبقات بعملها تورتتين وبحط الدقيق بالمصفاه السلك بتاعه الشاى بحط معلقتين وارش وبعديت اقلبهم لغايه مايختفوا وارش غيرهم وكده وده كأنى بنخل الدقيق ده بالنسبه للكيكه العاديه بس ماتفتحيش عليها الا بعد 40 دقيقه لانها لما بتعلى قوووووووى بتاخد وقت اكتر فى السوا لكن لو فتحتى عليها هاتهبط:(

اما اللى بالشيكولاته بدل مابحط الكوب نص دقيق بحط كوب دقيق ونص كاكاو وبخلطهم مع بعض كويس اوووووى بحطهم فى كيس واربطه بحيث يبقى منفوخ زالبالونه واقعد ارجه لغايه مايتخلطوا وابدأ احطهم بطريقتى العاديه


بس طلع طعمها جااااااااااااااامد جوزى بياكلها ويقولى دى احلى تورته عملتيها بس انا مكنتش متخيله ان طعم الكيكه هايظبط فيه الكاكاو كده اصل بشوف ناس عاملاها فاتحه قلت اجرب انا ونصيبى وطلعت امممممممممممممممم:thumbs_up::thumbs_up::thumbs_up:

ومقاس الصينيه 24:rolleyes:

تسلمى ياشيرى انتى ورور ربنا يباركلكو يارب ويكرمكو بس ياشيرى الخل مش هيغير طعمها وليه مش بتحطى فانيليا بدال الخل وياترى بتحطى بيكنج بودر ولا بتكتفى بالمحسن

يميم ازيك ياقمر لا أنا الصواني بتاعتي تيفال ماركة نوفال ماركة ذي الزفت وحشة وحشة لأقصي درجة ممكنة هحاول بقي أعمل ذي ما قلتي أنتي و رورو واشتري جديد للكيكات و التورت ان شاء الله

كيكتي الجميله للمره التالته :D









بسبوسه خفيفه وسريعه وسهله جداا مش بتاخد 5 دقايق ف تحضيرها وربع ساعه في الفرن :thumbs_up:

bskoota kmnota;14597839:
كيكتي الجميله للمره التالته :D









بسبوسه خفيفه وسريعه وسهله جداا مش بتاخد 5 دقايق ف تحضيرها وربع ساعه في الفرن :thumbs_up:

ايه الجمال ده يابسكوته ماشاء الله تسلم ايديكى
ممكن طريقة البسبوسه اقوم اعملها الوقتى


قطقوطة شيرى جت على السيره ههههههههههه وقالتلك الطريقه وممكن الخل لان البيض كتير والخل بيشيل ريحة الزفاره خالص عن الفانيليا تقريبا اقوى يعنى ومش بيبان ف الطعم
وبلاش بيكنج بودر خالص المحسن بيظبطها زى ماهيا قالت اعملى بالظبط وباذن الله هتطلع حلوة

بوسى خلاص يبقى تعمليهم سرفيس وبس يعنى تغرفى الاكل فيهم معلش

@زهرة دبلانة@;14597848:
ايه الجمال ده يابسكوته ماشاء الله تسلم ايديكى
ممكن طريقة البسبوسه اقوم اعملها الوقتى

دي طريقة البسبوسه


كوب سميد

1 كوب زيت

1\2 كوب سكر او ثلث او حتى كامل حسب الرغبة !

بيضتين

ملعقة بكنج باودر

ملعقة فانيليا

1 قشطه


كله على بعضه وحطيه في صينية مدهونة شوية زيت و عالفرن

ولما تخرجيها وهيا سخنه حطي عليها الحليب المكثف النستله بيديها طعم جامد احلى من الشربات بكتير:thumbs_up:

تسلمي يا رورو أنا سألت يمكن الاقي حل بدل جوزي ما هو عمال يقولي اه يا قايمتي هههههههههه و كل شوية يقولي اتضحك عليكي وجبتيلي حاجات بايظة في القايمة ههههههههههه اصلي جبت طقم حلل وطاسات وقوالب كيك وكله نفس الماركة الوحشة دي يلا الحمدلله.. سؤال بقي ايه قدرة قادر دي شكلها ايه و بتتعمل ازاي؟

bskoota kmnota;14597902:
دي طريقة البسبوسه


كوب سميد

1 كوب زيت

1\2 كوب سكر او ثلث او حتى كامل حسب الرغبة !

بيضتين

ملعقة بكنج باودر

ملعقة فانيليا

1 قشطه


كله على بعضه وحطيه في صينية مدهونة شوية زيت و عالفرن

ولما تخرجيها وهيا سخنه حطي عليها الحليب المكثف النستله بيديها طعم جامد احلى من الشربات بكتير:thumbs_up:

تسلمى يابسكوته بالف هنا بس كام قشطه تقصدى معلقه ولا كام معلقة وياترى طعمها ازاى بقى زى البسبوسه هههههههه بتدوب كده ولا تحسيها ماسكه شويه؟

~OM-ADAM~;14597948:
تسلمي يا رورو أنا سألت يمكن الاقي حل بدل جوزي ما هو عمال يقولي اه يا قايمتي هههههههههه و كل شوية يقولي اتضحك عليكي وجبتيلي حاجات بايظة في القايمة ههههههههههه اصلي جبت طقم حلل وطاسات وقوالب كيك وكله نفس الماركة الوحشة دي يلا الحمدلله.. سؤال بقي ايه قدرة قادر دي شكلها ايه و بتتعمل ازاي؟

:lol::lol::lol: فطستينى يابوسى ههههههههههه ربنا يحميكم
فيه حاجات كتير بعد الجواز بنحس انها وحشه وبنغير فيها معلش
بصى كيكة قدرة قادر دى طريقة شوشو ام مازن بثق جدا ف وصفاتها بس مجربتهاش بصراحه
عباره عن
خليط الكريم كراميل
وفوقيه خليط الكيك العادى
هانعمل ايه بقلا
هانجيب صينيه
ونحط فيها كراميل
ممكن نحطه فى الصينيه ونحطه عالنار ولما يكرمل
نعمل خليط الكريم فى الخلاط عباره عن _2كوب لبن و4بيضات واقل من نص كوب سكروفانيليا بس زياده شويه)
ونصبه فى الصينيه اللى فيها الكراميل
الكيك بقى هانجيب
1كوب ونص دقيق + 1 كوب سكر + 1/4 كوب زيت + 2 بيضه+ نص كيس بيكنج باودر + فانيليا+1/2 كوب لبن
هانضرب الزيت والسكر مع بعض وبعد كده نحط معاهم الفانيليا و البيض وبعد كده اللبن
وبعد كده نقلب معاهم الدقيق بس مش فى الخلاط الدقيق نقلبه بمعلقه
وبعد كده نحطه فوق الكريم كراميل
ونحطها فى حمام ميه وندخلها الفن على درجة حراره متوسطه لمده 10 دقايق وبعد كده نهدى النار و سيبها
والف هنا ان شاء الله

تسلمي يا رورو شكلها لذيذة فعلا هجربها ان شاء الله متحرمش منك بوسيلي جوجو

@زهرة دبلانة@;14598035:
تسلمى يابسكوته بالف هنا بس كام قشطه تقصدى معلقه ولا كام معلقة وياترى طعمها ازاى بقى زى البسبوسه هههههههه بتدوب كده ولا تحسيها ماسكه شويه؟

لا علبة كامله قشطة التاج ولا الي موجود

وهيا ماسكه شويا :thumbs_up:

انا عندي كيس بسبوسه دريم ينفع احط الحليب المكثف و لا مش ينفع لازم البسبوسه البيتي

manafola;14598510:
انا عندي كيس بسبوسه دريم ينفع احط الحليب المكثف و لا مش ينفع لازم البسبوسه البيتي

اه ينفع لانه كدا كدا مش بيتحط مع الخليط بيتحط فوق عالوش لما تخرج من الفرن

بخخخخخخخخخخخخخخخخخ

انا جيت عشان ناس كتير كانوا زعلانين منى عشان مش بدخل وانا مقدرش على زعلهم خاالص حبابيب قلبى مواااه

هرد على حبه حاجات كده

اولا كيكه قدره قادر بتقبى احلى مليوووووووووون مره لو الكيكه بالكاكاو او كيكه شيكولاته بتبقا تحفه بجد ملهاش حل غير خااالص الكيكه البيضه

تانى تكه متكتريش مقدار الكيك يعنى انا لما بعملها بجيب العلب بتاعت الكيك الجاهز باخد نص الكيس بس على صنيه مقاس 24

فراشه حبيبتى المسترده تتبلى بيها الفراخ مع تتبيلتك العاديه هتدى طعم حلو اووووى او ممكن تعملى فراخ تكا بتاعت بسبس بس بتتعمل بالصدور احسن هتجيبى معلقتين كبار مسترده وزيهم زبادى وزيهم صلصه ومش فاكره اذا كان فى كاتشاب كمان ولا لا ومعاهم ليمونه وحبه خل نونو وملح وفلفل وتبليهم كويس اوووى وفى الفرن بقا بتبقا حلوة اووووووووى انا جربتها فى صدور فراخ متقطعه مكعبات وعجبتنى اوووى

بسكوته دايما مبدعه ماشاء الله عليكى ربنا يحميكى

دودى اى بقوليات انقعيها احسن عشان متخدش سوا كتييير

كان فى حد بيسال على الخل اللى على البيض فى الكيكه مش بيبان نهائى وبيقضى على الزفاره

at2ota;14597617:
تسلمى ياشيرى انتى ورور ربنا يباركلكو يارب ويكرمكو بس ياشيرى الخل مش هيغير طعمها وليه مش بتحطى فانيليا بدال الخل وياترى بتحطى بيكنج بودر ولا بتكتفى بالمحسن

لا ياقمر مبيأثرش على طعمها نهاااااااائى وانا حاطه فانيليا برضوا بس الخل زياده احتياط علشان نقضى على الزفاره نهائى دى معلقه مش هاتأثر خاااااااااالص

ومبحطش بيكنج بودر ومحسن الكيك بيقوم بالواجب وزياده ومن غيره برضو مش بيتحط بيكنج بودر


نورونى هنا

http://forums.3roos.com/showthread.php?p=14594876

bskoota kmnota;14597839:
كيكتي الجميله للمره التالته :D









بسبوسه خفيفه وسريعه وسهله جداا مش بتاخد 5 دقايق ف تحضيرها وربع ساعه في الفرن :thumbs_up:

جمييييييييييييييييييييييييييل تسلم ايدك قولى طريقه الكيكه ياقمر:)

وليكى احلى تقييم تستاهلىF:F:

يا جماعة كيكة الفراولة الجاهزة دي نكهة بس يعني مينفعش اعمل زيها زي كيكة الموز او البرتقال ويميم بتقول في تفاح كمان جت ع الفراولة بجد واحد من المبتكرات تقولي اعملها كده ولا بلاش بسرعة قبل ما الفراولة تخلص

توتو انا معرفش والله ياحبيبتى قطعى الفراوله وحطيها ف الفريزر لحد ماحد يجاوبك

بوسى ام ادم باستك العافيه عنيا حاضر

بوسى ام عمر منووووووووووووووووووووووووررررررررررره الموضوع

بسكوتة كمنوتة
حلوة اوي البسبوسة تسلم ايدك
حبيت اقيمك بس تقيماتي خلصت النهاردة

القطة توتو;14599408:
يا جماعة كيكة الفراولة الجاهزة دي نكهة بس يعني مينفعش اعمل زيها زي كيكة الموز او البرتقال ويميم بتقول في تفاح كمان جت ع الفراولة بجد واحد من المبتكرات تقولي اعملها كده ولا بلاش بسرعة قبل ما الفراولة تخلص

واللى يجيبلك كيكه الفراوله تعملى ايييييييييييييييييييييييييييييييه
































تعمليله صينيه طبعا:lol::lol: