بيرق أمل;14595506:
انا مقريتش حاجة خاااااااااالص من اللي فات
داخلة بس اسلم عليكم كده ولقطت السؤال ده قولت الحقها قبل ما تطبخ :lol:
رورو وحشااااااااني يا بنتي قوي عاملة ايه يارب بالف خير
اعملي صينية بطاطس لو عندك طيب
انا فعلا عملت صنيه بطاطس:thumbs_up: ربنا يبارك فيكى
يا اما اسلقي بقى الفراخ واعملي فتة على الفراخ مش لحمة هههههه
على فكرة انا باعمل فتة على الفراخ وباعشقها قووووووووووي
قليلى الطريقة بالظبط
لو عندك بدنجان طيب اعملي مقلوبة او جربي اعملي مقلوبة كده من غير البدنجان
من غير بتنجان ازاى هههههههه
بس الشبت والبقدونس مش لاقية له مجال
او قطعي صدور الفراخ بالعضم بكله عادي بس خليه صغير يعني مش هبر فهماني
لا مش فاهمه انا مقطعاهم ارباع قليلى بقى ازاى مش هبر اعمل ايه؟
وهاتي حلة حطي سمنة وزيت وشوحي فيها الفراخ دي برشة ملح وفلفل اسمر وزعتر وهاتي 4 فصوص توم كبيرة متخرطة حلقات وحطيه مع الفراخ تشوحي كله مع بعض ولما المية تنشف تشوحي وبعدين تزودي بقى بق مية كده على قد اللي عندك لحد ما يستوي وتضبطي الملح والفلفل الاسمر وبس انا بعشقها قووووووووي وتخلي في صوص بسيط كده وممكن لما يستوي خالص تحطيها في صينية وتديها تحمير كده في الشواية عشان لونها بيكون فاتح
وقطعي البقدونس رشيه عليه تجملي الطبق ههههههههههههههههههه
واعملي جمبها كباية رز او مكرونة وهنيا كده
ههههههههههههههههه حلوة اوى الطريقه دى من غير بصل صح؟
نور حبيبتى الله يريح قلبك سالت عليكى انتى عامله ايه وصحتك كويسه؟؟تخنتى ولا لسه؟:)
واللى انا عايزة طريقته هعلم عليه بالاحمر معلش اصلى مش عارفه حاجات كتير بس االافكار جديده وحلوة
DodyCat;14595671:
معاكى حق يا رورو انا كمان بقيد نار من الغيرة انا وجوزى متابعين مسلسل مطلوب رجال متصور فى دبى انا بقيد نار بصراحه مش قلة ثقه فى النفس والله دى غريزة
بس فعلا احنا فى زمن الفتن ربنا يحفظنا
وشرم انا روحتها كتير لأن بابا الله يرحمه كان عنده شركة هناك كنت بحس لما اروح انى بتغير قوى حتى فى صلاتى مش بركز
ولما والدى جابلى شغل هناك رفضت مامتى بتسألنى ليه قولتلها الجو هناك هيأثر عليا وأحتمال أقلع الحجاب
أعملى كبسة فراخ
بفكر أعمل كشرى قولولى هو الحمص بياخد سوا كتير اصلى مش ناقعاه؟
وياريت تقولولى بتعملو الكشرى ازاى المصرى
زين ماعملتى والله فعلا ماتضمنيش نفسك اصلا اى مسلم بيتقلب ف اربع حالات طاعه ومعصيه ونعمه وبليه المهم ان الطاعه بتحتاج استمراريه وزياده لان القلوب عباره عن حاجتين اقبال وادبار وصلى الله عليه وسلم قال انك اذا اقبلتى على الطاعه تنفلى يعنى صلى نوافل وزيدى اما اذا قلبك ادبر ادوا الفرائض لازم الفريضه تتادى
المهم ان فعلا كلامك صح وانا جربته ف اماكن زى دى ايمانك بيضعف والغيره على دينك بتقل مع ان احيانا الايمان بيقوى والغيره تزيد بس زى ماقلتلك ماتضمنيش ف زمن زى ده زى ماقلتى ربنا يحفظنا واياكم
من الطرائف ف شرم الشيخ ان انا وجوزى رحنا نفطرف فندق فلقيت ولد صغير اجنبى امور ماشاء الله ربنا ينور بصيرته بيبصيلى جامد وبيضحك وطلب من مامته انها تصورنى ههههههههههههه عشان كنت بفضل الله لبست النقاب _طبعا كنت عباره عن طفرة ف المكان _ههههههههههه جوزى بيقولى على فكره لو قعدتى برا ومديتى ايديكى هنكسب فلوس كتير اوى :lol::lol::lol:
بصى بالنسبه للحمص انا مابعملوش فمش هقدر افيدك معرفش وطريقه الكشرى دى هتعجبك موت انا معلمالك على اللى بعمله
الكشرى بصراحه انا اتعلمته بجد من البنوته دى معرفش اسمها بس بصراحه ربنا يباركلها وفيه طبعا بعض التكات من بنات كتير زى شوشو ونانى تقريبا هكتبهالك بلون مختلف بس الطريقه دى جميله بصراحة:thumbs_up:
بسلق العدس الاول نص سلقه[COLOR=Purple](بجيب نصف كوب عدس وانقعه ساعه ف ميه وبعد كده اغير ميته واحط فيه ميه حلوة واحطه على النار يستوى بتهدى النار وتغطى عليه بيستوى حلو ) وبعد كده بعمل الرز بالشعريه عادي وقبل مايستوي الرز والشعريه بحط جزء من العدس معاهم واقلب واسيبهم يكملوا سوا مع بعض(بعمل ايه بقى على _نصف كوباية العدس_ كوبايه ونص رزبنقع الرز ف ميه شويه واجيب حلة واحط فيها زيت كتير مش قليل وبعد مااصفى البصل احط البصل ف الزيت بعد مايسخن على نار متوسطه واقلب وخدى بالك ف الاول تحميره بطئ ف الاخر بيتحرق بسرعه ولما يحمر ويبقى حلو انشليه وحطيه على منديل يصفى الزيت هيبقى فيه زيت ف الحله طبعا لازم يبقى كميه مش كبيره اوى معقوله تحطى الشعريه عشان تعملى الرز تحمريها وتحطى الرز وتقلبيهم ف الزيت وبعد كده تحطى مية العدس اللى بيتسلق وشويه من العدس بيبقى طعمه حلو اوى ويغلى ويتلدن بقى براحته )
وبسلق المكرونه الاسباجتي والمكرونه الصغننه دي مع بعض
و بعمل الصلصه بحمر التوم وبعدين احط الخل(معلقتين كبارخل ) واسيبهم شويه وبعدين احط الطماطم والشطه والكمون وشويه فلفل اسود
وبس
والدقه طبعا توم وليمون وشويه خل صغننين وكمون ملح وازود مايه لحد ماتظبط معايه (بنسب متساوية ودوقى لحد ماتحبى طعمها لو مززة اوى زودى شويه ميه صغننين)
والبصل بحمره وبحط عليه شويه ملح ودقيق علشان يقرمش(البصل بقى بجيب كزا بصلة صغيره واقطعها اربع ارباع واقطع الحلقات واحط عليهم ملح واسيبهم شويه وبعد كده اغسله واصفيه )
واسلق الحمص(مش بحب الحمص انا والكل ;))
وبعد كده اغرف
الاول المكرونه
بعد كده الرز بالشعيريه بالعدس وبزود شويه عدس علي الوش وبعد كده الصلصه وبعدين البصل والحمص
علي فكره الطريقه دي انا جايباها من موقع ابو طارق بتاع الكشري
[/COLOR]
مدام/اشرى;14595832:
زهرة
اعملى عجة او بطاطس فى الفرن ورز او كبسة بالفراخ
افكار تجنن متحرمش منك عجه والله فكره تستاهلى بوسه عليها ربنا يقومك بالسلامه ويتملك على خير
بس بطاطس ف الفرن ازاى بقى ؟ممكن الطريقه؟
وبالنسبه للكبسه عملتها قبل كده
