@زهرة دبلانة@;14178474:
وربنا يجزيكى الخير ايضا وكلامى باذن الله منطقى وهقولك ليه برده عشان تتاكدى
ان فيه حديث فيما معناه عن حبيبك صلى الله عليه وسلم صحيح باذن الله "فيما معناه انه ليعزم احدكم المسالة ولا يقل اللهم اغفرلى ان شئت فان الله لامكره له"
لان احنا المفروض ندعى واحنا موقنين وعلى يقين تام بالاجابه الدعاء وده من حسن الظن بالله
طيب هتقوليلى اما نيجى نعود مريض بنقوله طبقا للحديث "طهور ان شاء الله "ليه قرنتها بالمشيئة لان ده خبر وليس دعاء فماينفعش نقول الفلان المرحوم لازم نقرن المشيئه ونقول ان شاء الله لان ده خبر ولايعلم الغيب الا الله
وبنقول فلان رحمه الله لان ده دعاء ماينفعش نقول ان شاء الله يبقى فيه فرق بين الاتنين الدعاء والخبر
يارب اكون وضحت واعذرينى على خيبتى:-#:-# مش جايبه الاحاديث بالنص وقلت فيما معناه .
وربنا يعافيكى وتقومى الصبح زى الفل
جزاكي الله الف خيييييييييير يا رورو شرحك جميل قووووي ومكنتش اعرف المعلومة دي خالص F:
Boody we zady;14178660:
تسلمولي يا رب و لا يحرمني منكم يا بنات قولوا آمين بس أنا النهارده كنت عند أخت جوزي و لسه جايه من ساعه كده ادعولي يا بنات لأحسن عندي احتقان شديد في اللوز تعبت و أنا هناك و مش عارفه أبلع ريقي لوزي مقفوله خالص حتي الميه مليش نفس أشربها
الف الف سلامة عليكي يا حبيبتي
كلي لمونة بحالها قشري بس القشر الاصفر واقسميها طلعي البذر اللي فيه واقرشيها وابلعيها كلها بالجلد الابيض اللي فيها بكله
أم عمرومنة;14179033:
يعني في نوعين ومش اي حاجة شكرا للتوضيح يا قمر
العفو يا عسل :)
doaaes;14180297:
وحد يعرف مشروب البريو بيتعمل ازاى اللى بنشربه عند بتاع العصير
بصي جوز عمتي اتعرف على الراجل نفسه اللي بشتغل في محل عصير مككة وقاله ازاي العصير بيتعمل بس محدش يقول اني قولت ماشي اعملو نفسك ستات بيوت شاطرين وال اكتشفتو الطريقة :D
العصير مش بيتعمل بولاااااااااا نقطة لبن كله مية وبوريو وبس
هتجيبي باكو البوريو ابو جنيه ده اللي فيه 6 حبات
تكسريه كده نصين عادي وحطيه في كباية الخلاط
وحطي معاه 3 معالق مية كبيرة واضربي واطفي المهم يتكسر ماشي
ومن الغطا فوق تحطي معلقة ميه ومعلقة ميه كده لحد ما يبدأ يبقى زي العجينة
وتخففي شوية بسرسوووووب ميه زي ما بنعمل التومية كده بالضبط
لحد ما نوصل للقوام المطلوب، وخلي بالك لما المية هتزيد عن حدها الكريمة هتفصل عن المية
فانتبهييييييييي خالص، ودوقي لو عايزة سكر زودي
وبس يا جميل الباكو ده بيعمل كبايه واحده بس
Bossy22;14182061:
صباح الارنبيييييط:D:lol:
هو انا اعمل ايه عشان الصور تتطلع هنا على طول من غير لينك
تسلميلى يا ام بوووووووووودى
صباااااااااااااااااااااااااحو حبيبي القرنبيط ده بموووووووووووت فيه الف هنا يا حبيبتي
مدام/اشرى;14182238:
ميرسى يا بنات لكل الى رد عليا
انا فعلا سلقتالفراخ
وطلعت تحفة وحطيت على الشوربة روز مارى وبابريكا ورق لورى حبهان ملح فلفل وطلعت حلوة
مش كدة صح ولا انا زود حاجة ؟
اصلى حسيت ان الشوربة اغمقت شوية بس طعمها كان حلو؟؟؟؟؟
وعملت على الشوربة ملوخية ولسان عصفور وطلعوا بجد راااااااائعين
مدام/اشرى;14182935:
البابريكا والفلفل
والله الواحد مش عارف يعملكوا اية بجد
خلاص مش هحط بابريكا تانى على الشوربة والفلفل احطة متاخر قشطة
طب امال اعمل اية بالبربريكا دى انا لسة شاؤياها وفرحانة بيهاعايزة استغلهاا
ألف هنا يا حبيبتي
بصي الشوربة اغمقت ممكن لكذا سبب
ادعكي العضم كووويس قوي بالملح خصوصا عضم القفص الصدري وتشيلي الرئة تتأكدي
تدعكي الجلد كويس قوووووي بالملح برضه امرشيها
وهتخرطي البصلة ترشي عليها ملح وفلفل وادعكي بيها الفراخ وسيبيها على جمب لحد المية ما تغلي، وتسقطيها
ومتزودريش فلفل اسمر تاني خلاص هي هتتسلق في الحبة اللي دعكيتها بيها في الاول، عشان لازم تتسلق بشوية فلفل اسمر عشان تتشرب منها واي ريحة زفارة تروح
متحطيش بربيكا دي هي اللي غمقتها
وتحطي مستكة حبهان ورق لوري، ممكن تحطي التلاتة مع بعض او نوع واحد بس حسب ما يتوفر عندك
ممكن كمان لما تسقطي الفراخ تجيبي طماطماية صغنونة فعصيها كده باديكي على الحلة وارميها فيها تتسلق ولما الفراخ تستوي انشلي الطماطماية دي هتخلي شكل الشوربة جميييييييييل وطعمها حلو قووووي احنا بنعملو كده في شوربة اللحمة كمان بتبيض
دي كل الملاحظات اللي اقدر اقولهالك ;)
وفي اخر غلوة حطي رشة فلفل اسمر يغلي غلوة كده واطفي
~OM-ADAM~;14182875:
بنات عايزه بليز طريقة البصارة وطريقة الدقة بتاعت الكشري علشان احدد أعمل ايه هههههههه وبتعملوا ايه جنب البصارة عادة يعني؟
انا قولتلك امبارح يا جميل دقة الكشري او بنوته تانية مش فاكرة
بالنسبة للبصارة هتجيبي الفول تنقعيه في مية من بالليل للصبح، او في مية مغلية لمده ساعتين
غيري المية واملي الحلة واسلقيه زي العدس وحطي معاه بصلة وسط اربع تربع ورشة فلفل اسمر وفص توم متخرط
ملاحظة مهمة قوووي متحطيش اي معلقة خاااااالص في الحلة وهي بتتسلق علشان الفول بيسود احنا عايزينه يفضل ابيض.. على فكره تيتا اللي قالتلي كده فمجربتش احط المعلقة عشان اشوف كلامها صح ولا غلط بخاف :lol:
لما يتسلق كويس قوووووووي سيبيه يبرد واهرسيه في الخلاط، انا بصراحة مبحبش الخلاط باحطه في المصفى بتاعة المكرونة واهرسه بهراسة البطاطس دي والحبلة اللي يتبقو بقى البصل واي حتت فول كبيرة باضربه في الخلاط عادي ببوق ميه كده
ورجعيه الحلة تاني ورشي عليه معلقتين كبار ملوخية ناشفة ونص معلقة صغيرة نعناع ناشف واضبطي ملح فلفل اسمر شطة وزودي مية شوية لو تخين قوي
في طاسة تانية شوحي كام فص توم تدقيه بكزبرة ناشفة زي الملوخية ولما يتحمر طشيه على البصارة وقلبي كله واغرفي ;)
