21 مرة نقول يا تري بتعملي الأكله ازاي ؟ مبدعات مصر القمرات لشهر صفر 1432

أم عمرومنة;14177071:
تسلم ايدكم يا بنات
وفارشة الايمان ايه الحمص الجامد ده اانا عايزة واحد
انت بتجيبي حمص الاكل ولا اي حمص

لا يا جميل ده مش حمص اكل حمص الاكل حاجة تانية شبه العدس الاصفر بس كبير واصفر قوي
ده اسمه حمص شام تقولي للراجل حمص شام :)

DodyCat;14177199:
الله يسلمك يا قمر مش عارفه ضغطى واطى ليه بصراحه بقالى يومين كده

الف سلامه عليكى ياقمر ساعات الريجيم بيخلى الواحد هبطان

انتى عملتى الحمص ولا لسه ولا مشوفتيش ردى انا كتبتلك الطريق مصوره ههههههههههههههههه


استنى هاجيبهالك تانى


ماشى ياعم ادى حمص الشام كلاكيت عاشر مره

بنقعه من بالليل وبحطه الصبح فى ميه يتسلق ولما الاقيه دخل فى السوا بكون مقشره كام فاص توم محترمين يجى عشره كده ادقهم واحطهم عليه

واسيبه يغلى وازود ميه ولما الاقيه نص سوا اكون عاصره طماطم كتييييييييييير يعنى الربع كيلو حمص بحط عليه نص الخلاط طماطم مضروبه قولى كده 5 طماطميات محترمين مع شويه ميه

واسيبه بقى يكمل سواه فيها وازود ميه كل مايحتاج ولما الاقيه استوى خلاص

احط ملح ومعلقه كمون بس ماتزوديش المحلح اعملى حساب الليمون ومتكتريش الكمون علشان مش يمرر;) يادوب معلقه من بتاعه التوابل الصغيره

ولما اجى اصبه فى الكوبيات بحط شطه وليمون حسب الرغبه


وكلى احلى حمص الشام فى حياتك


اخو جوزى اول ماينزل من السفر يقولى واحد حمص الشام وزود الشطه لو سمحت ياعم ههههههههههههههههههههههههههههه

اقوله ماشى ياعم



جربى دى كده وهاتدعيلى كل اللى يدوقه ياخد الطريقه :thumbs_up::thumbs_up::thumbs_up:


ودول بقى يجروا ريقك لغايه ماتعمليه ههههههههههههههههههه





دول كوبايتين غرفتهم ليا ولجوزو عملتهم امبارح جوزو قالى الله شويه حمص فى الجوووووووووون تسلم ايدك

DodyCat;14172758:

*يا بنات انا معملتش العيد ميلاد الحمد لله على كل شىء حاسه انى مليش فى الفرح أستغفر الله ربنا يهدى الناس بقى
بس امبارح خطيبة أخويا أصرت اننا نتجمع عند مامتى وأعملهم حاجه حلوه

كل سنة ويويو طيب يا دودي معلش خيرها في غيرها ان شاء الله متزعليش نفسك

DodyCat;14172904:
انا معنديش اى حاجه فى البيت ومجبناش حاجة الشهر الحمد لله عشان خايفين نروح كارفور
المهم انا بفكر أعمل مكرونه بشاميل قولولى نوع مفروم حلو ولا أعمل محشى؟؟

انا بجيب حلواني، وعايزة ابقي اجرب المراعي بردو لأن دول اكتر ماركتين امان في اللحوم اظن كده يعني وفي اللانشون حتي وكده.

Bird amore;14170515:

كريم بورليه

تسلم ايديكي يا شاهي شكله حلو اووووي ومغري جدا

أم ياسين العسل;14170819:
السلام عليكم

رغم انى بجد مليش نفس نوهائيا بس والله انتو وحشتونى اوى اوى اوى ودخلت بس اسلم عليكم وانا مشوفتش اكلات اى حد فيكم عشان محدش يزعل بس تسلم ايديكم كلكم بجد انتوا هايلين من غير ما اشوف ولا ادوق طبعا

بسبستي وحشتيني ، انتي بجد مش داخلة خالص تاني الشهر ده !!!!

*Om Mo3az*;14174419:
بنات محدش رد عليا ف موضوع تحمير الفراخ غير نور ربنا يبارك لها يارب

انا نفسيتي بايظه خلقه وانتو خليتوني اعيط :'(

انا لسه داخلة دلوقتي بس يا ايمي هنا بجد، وكمان فعلا مفيش طرق تانية جاية في بالي غير الصلصة والتحمير العادي ، او تحطي اي بهارات عليها وليمون وكده وتحت الشواية بردو

رووفة;14174539:


يا بنااااااااااااااااااات ادعوولي
بكرة امتحاني :'(
اللي مش هيدعيلي هخاصمه:worn_out:

ربنا يوفقك يارب يا رووفة

فراشه فى بيتها;14174688:
صباح العسل يا ام مازن

هو حمص الشام عامل زى الطحينه ولا زى ايه ولو حبيت اعمل طبق ع قدى انا وزوجى اعمل قد ايه اول مره ناكله

لأ اكل وشرب معا في ان واحد :lol::lol:، بتاكليه بالمعلقة الحبات نفسها وتشربي من المية بتاعته بقي وبيبقي حادق وفيه ليمون وجميل اوي وسخن
لكن التاني ده اسمه سلطة حمص بيبقي زي الطحينة اه ومهروس وبتغمس

فراشه فى بيتها;14174791:
بالله عليكو ادعو لابن اختى لسه مولود وتعب اوى من الصفرا وحطوه فى الحضانه وغيروله دمه يا حبيبى

والدكتور بيقول الامل فى شفاءه ضعيييف

ادعوله ربنا يشفيه ويفرح قلب مامته بيه

الف سلامة عليه ربنا يشفيه يارب

فراشة الإيمان;14177405:
حمص اكل ازاى مش فاهمه ياقمر انا بقول للعلاف عايزة حمص بيدينى الحمص ده معندوش نوع تانى ده الحمص اللى بيتباع على العربيات على الكورنيش

وبيتحط على وش الكشرى انتى مش عارفاه ولا ايييييييييييه;)

فيه نوعين فعلا من الحمص، واحد للطبيخ زي اللي بيتحط في السبانخ مثلا وفيه بتاع حمص الشام ده

ممكن تقولولى على طريقة طاجن البامية باللحمة بليز؟

توتو معلش الاقتباس ضاع مش عارفة فين، المهم كنتي بتسألي عن طريقة المعمول بالتمر صح، لأ انا كنت بقول علي القرص اللي بعجوة ولسه حتي شفتها في الفرن امبارح، مش المعمول، بس المعمول عندي طريقة له حلوة اوي وسهلة عالنت بس معرفش هاتبقي مظبوطة بمقاديرنا احنا ولا لأ عشان اللي عملاه مش مصرية، هبعتلك اللينك كده وشوفي عالخاص

دودى الف سلامة عليكى كلى حاجه حادقه او اشربى سبرايت هتظبطك عشان بتشتغلى ارهاق برده ربنا يعينك

وربنا يجزيكى الخير ايضا وكلامى باذن الله منطقى وهقولك ليه برده عشان تتاكدى
ان فيه حديث فيما معناه عن حبيبك صلى الله عليه وسلم صحيح باذن الله "فيما معناه انه ليعزم احدكم المسالة ولا يقل اللهم اغفرلى ان شئت فان الله لامكره له"
لان احنا المفروض ندعى واحنا موقنين وعلى يقين تام بالاجابه الدعاء وده من حسن الظن بالله
طيب هتقوليلى اما نيجى نعود مريض بنقوله طبقا للحديث "طهور ان شاء الله "ليه قرنتها بالمشيئة لان ده خبر وليس دعاء فماينفعش نقول الفلان المرحوم لازم نقرن المشيئه ونقول ان شاء الله لان ده خبر ولايعلم الغيب الا الله
وبنقول فلان رحمه الله لان ده دعاء ماينفعش نقول ان شاء الله يبقى فيه فرق بين الاتنين الدعاء والخبر
يارب اكون وضحت واعذرينى على خيبتى:-#:-# مش جايبه الاحاديث بالنص وقلت فيما معناه .
وربنا يعافيكى وتقومى الصبح زى الفل

ام بودى فين يابنات حد يعرف ؟؟؟ورشروش برده؟

اميره طاجن الباميه باللحمه ف موقع ام بودى بالتفصيل

تسلمولي يا رب و لا يحرمني منكم يا بنات قولوا آمين بس أنا النهارده كنت عند أخت جوزي و لسه جايه من ساعه كده ادعولي يا بنات لأحسن عندي احتقان شديد في اللوز تعبت و أنا هناك و مش عارفه أبلع ريقي لوزي مقفوله خالص حتي الميه مليش نفس أشربها

ازيكم يابنات عاميان ايه

ماما بتسلم عليكم واله وطلبه طلب منكم عايزين نعمل فطير بالعجوه

يالا بقى مش تكسوفونى قدام ماما دى اول مره ماما تطلب منكم طلب

@زهرة دبلانة@;14176025:
اه تنفع جداا يااشرى وهتاخد ساعه الا ربع كده وهتبقى حلوة باذن الله والملوخيه بتبقى جميله بميه كمان اه والله :thumbs_up:



بوسى انتى كنتى فين النهارده وطبختى ايه وهتطبخى ايه بكره ؟؟^o)^o)
بصى يابوسى ماتقرنيش المشيئة مع الدعاء ده خطا يعنى ماينفعش ندعى ونقول ان شاء الله
يعنى خطا شرعى ان احنا نقول ربنا يشفيك ان شاء الله
نكتفى بالدعاء بس وربنا يستجيب ويجزيها خير انا برده عجبتنى مشاركتها دى اوى

صحيح يابوسى انتى بتعملى مقادير البشاميل ايه ؟؟؟

كان عندى فرح العمده يا رورو ههههههه فرح جاامد جدا ربنا فرجه قرررررريب

وتصدقى فعلا عندك حق انا اساسا عارفه الحديث بس عشان دايما بحب اقول ان شاء الله فبنسى وبتلزق مع الدعاء بس خلاص هحاااول فعلا مش اقول مع الدعاء ربنا يجازيكى خيير يا حبى

البشاميل بقا بصى يا ستى هرد عليكى الرد اللى انت مش بتحبيه هههههههههه بس والله هوا ده فعلا اللى بعمله بالبركه هههههههههههههههههههه بس هقولك اساسيااات يعنى مثلا لكل معلقه دقيق معلقه زبده وكوبايه الا ربع لبن والدقيق لازم يبقا دايب كده فى السمنه يعنى مش كلاكيع لااا فاهمانى وبحط كمان علبه قشطه ومكعب ماجى وملح بسيط وفلفل اسمر وبخلى قوامه حلو لا تقييل ولا خفيف وبعرف انه استوى لما بقلب المعلقه اللى بقلب بيها وبعمل خط بصباعى كده لو جه على بعضه يبقا لسه شويه لو الخطين فضلوا زى ما هما يبقا كده تمام واستوى واطفى ومش بحط بييض عشان مش تفتكرى انى نسيته وبالف هنا وشفا

DodyCat;14177005:
انا فى البيت يا بنات بس تعبانه جدا ومش طبخت وجوزى هيجيب اكل جاهز معاه
أدعولى انا ضغطى واطى جدا مش عارفه ليه
أم عمر جزاكى الله خيرا يا قمر
رورو اول مره اعرف موضوع الدعاء والمشيئة بس منطقيا كلامك صح جدا جزاكى الله خيرا
فين أم بودى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عايزة افكار جديده للقرع العسلى ليوسف

اشربى حبه نسكافيه نونو ومتتعبيش نفسك اوى يا حبى الف سلامه عليكى

وبالنسبه ليوسف بقا لو عاوزة نصيحتى هوا دلوقتى ماشاء الله كمل سنه اكليه من اكلك عااادى عشان ميتعبكيش فى الاكل بعد كده يعنى اعمليها شوربه او صنيه بالبشاميل

@زهرة دبلانة@;14178474:
دودى الف سلامة عليكى كلى حاجه حادقه او اشربى سبرايت هتظبطك عشان بتشتغلى ارهاق برده ربنا يعينك

وربنا يجزيكى الخير ايضا وكلامى باذن الله منطقى وهقولك ليه برده عشان تتاكدى
ان فيه حديث فيما معناه عن حبيبك صلى الله عليه وسلم صحيح باذن الله "فيما معناه انه ليعزم احدكم المسالة ولا يقل اللهم اغفرلى ان شئت فان الله لامكره له"
لان احنا المفروض ندعى واحنا موقنين وعلى يقين تام بالاجابه الدعاء وده من حسن الظن بالله
طيب هتقوليلى اما نيجى نعود مريض بنقوله طبقا للحديث "طهور ان شاء الله "ليه قرنتها بالمشيئة لان ده خبر وليس دعاء فماينفعش نقول الفلان المرحوم لازم نقرن المشيئه ونقول ان شاء الله لان ده خبر ولايعلم الغيب الا الله
وبنقول فلان رحمه الله لان ده دعاء ماينفعش نقول ان شاء الله يبقى فيه فرق بين الاتنين الدعاء والخبر
يارب اكون وضحت واعذرينى على خيبتى:-#:-# مش جايبه الاحاديث بالنص وقلت فيما معناه .
وربنا يعافيكى وتقومى الصبح زى الفل

ام بودى فين يابنات حد يعرف ؟؟؟ورشروش برده؟

اميره طاجن الباميه باللحمه ف موقع ام بودى بالتفصيل

ربنا يجازيكى خييير يا رورو ويباركلك فى جوجو وابو جوجو واللى جاى كمان فى السكه

ام بودى ورشا هتلاقيهم مشغولين وجايين تانى هيروحوا مننا فييين :p


انا بكره مش لسه مش قررت هعمل ايه يا فراخ فى الفرن ومعاها اى حاجه يا فته ولحمه مش عارفه بجد



ادعوووولى

DodyCat;14177199:
الله يسلمك يا قمر مش عارفه ضغطى واطى ليه بصراحه بقالى يومين كده

لازم تتابعي لحسن الضغط الواطي غليط يا دودي

فراشة الإيمان;14177405:
حمص اكل ازاى مش فاهمه ياقمر انا بقول للعلاف عايزة حمص بيدينى الحمص ده معندوش نوع تانى ده الحمص اللى بيتباع على العربيات على الكورنيش

وبيتحط على وش الكشرى انتى مش عارفاه ولا ايييييييييييه;)

ههههههههههههههههههههههه لا انا اعرف اكله بس حتى لم بعمله مع الترمس بشتري الى قدامي وخلاص اول مرة اعرف في فرق

بيرق أمل;14177420:
لا يا جميل ده مش حمص اكل حمص الاكل حاجة تانية شبه العدس الاصفر بس كبير واصفر قوي
ده اسمه حمص شام تقولي للراجل حمص شام :)

يعني في نوعين ومش اي حاجة شكرا للتوضيح يا قمر

Boody we zady;14178660:
تسلمولي يا رب و لا يحرمني منكم يا بنات قولوا آمين بس أنا النهارده كنت عند أخت جوزي و لسه جايه من ساعه كده ادعولي يا بنات لأحسن عندي احتقان شديد في اللوز تعبت و أنا هناك و مش عارفه أبلع ريقي لوزي مقفوله خالص حتي الميه مليش نفس أشربها

الف مليووون سلامه عليكى ان شاء الله الوحشين وانت لااا
ربنا يشفيكى ياااارب

nanoo99;14178684:
ازيكم يابنات عاميان ايه

ماما بتسلم عليكم واله وطلبه طلب منكم عايزين نعمل فطير بالعجوه

يالا بقى مش تكسوفونى قدام ماما دى اول مره ماما تطلب منكم طلب

مش عارفه يا نانو حظ اوفر مع باقى البنات هههههههه

دودى صور الترميسيو مش باينه لو ممكن لينك الموضوع لان واضح كده ان الطريقه دى مقاديرها سهله مش معقده وشكرا مقدما
سارة الفرخه بفككها تحت الحنفيه بس مايه ساقعه لان انا برده بتزل على ما الحاجه تفك فى التلج الفظيع ده

البنات اللى بتسالى على الحمص فى نوعين حمص حمص شام اللى بنشربه ونحطه على الكشرى وحمص طبيخ بيستخدم فى الاكل

nanoo99;14178684:
ازيكم يابنات عاميان ايه

ماما بتسلم عليكم واله وطلبه طلب منكم عايزين نعمل فطير بالعجوه

يالا بقى مش تكسوفونى قدام ماما دى اول مره ماما تطلب منكم طلب

شوفى كده دى اللى تقصديها يا قمر ولا لا

http://forums.3roos.com/showthread.php?t=548876

زوروني في موضوعي بخصوص تجهيزاتي

http://forums.3roos.com/showthread.p...6#post14179746

كيفية الحصول على صلصة باشميل ناجحة!!

- للحصول على باشميل ناجح يُذاب الدقيق جيداً في السمن أو الزبدة (مع مراعاة أن تكون كمية الدقيق مساوية لكمية السمن أو الزبدة)، ثم يُضاف إليها الحليب أو المرق تدريجياً (لكل ملعقة كبيرة دقيق أو زبدة، يُضاف كوب من السائل)، مع الاستمرار في التقليب للحصول على صلصة سميكة. ويُراعي أن تكون درجة حرارة السائل المضاف أقل من درجة حرارة الدقيق المخلوط في السمن، بمعنى أن يُضاف بارداً إذا كان خليط الدقيق ساخناً والعكس، وعند الانتهاء من الصلصة يتم تمريرها على مصفاة للتخلص من الكتل إن وجدت

شيموووو عملت المحشى طلع تحفه اوى الحمد لله وعجب جيرانى جدااااااااا بس قالولى دلع شويه بس الحمد لله بالنسبه ان اول مره اعمله انا لما كنت عند ماما كانت هى تعمل الخلطه وانا احشى ولما اتجوزت جوزى مش بيحب المحشى فمش بعمله كنت باكله عند حماتى او عند ماما لما بقى لاقيت حد يشجعنى فى اكله عملته بجد انا مبسوطه جدااااا انه طلع كويس ربنا يخليكى يااااااارب يا شيمو ويخليلك ابنك ياااااارب
بصوا بقى جبت جبنه موتزاريلا المراعى وطلعت وحشه مش بتسيح رغم ان مده الصلاحيه لسه منتهتش اعمل ايه بقى بالجبنه دى
وعندى كريمه خفق بتاعه الحلويات قولولى استخدمها فى ايه غير الكريم جانتييه
دودى فعلا ياريت تجبلنا الصور بتاعه التراميسيو
وحد يعرف مشروب البريو بيتعمل ازاى اللى بنشربه عند بتاع العصير

doaaes;14180297:

وعندى كريمه خفق بتاعه الحلويات قولولى استخدمها فى ايه غير الكريم جانتييه
دودى فعلا ياريت تجبلنا الصور بتاعه التراميسيو
وحد يعرف مشروب البريو بيتعمل ازاى اللى بنشربه عند بتاع العصير

دي طريقة ام بودي
باكو بوريو و عليه 1/2 م ص بودرة أيس كريم و كوبايه لبن ساقع و كاكاو زي ما تحبي و تضربيهم في الخلاط و بعد كده تحطي عليهم شويه بسكوت مكسرين

والكريمة ممكن تستخدميها عادي في الاكل البنات قالوا مفيش فرق في الطعم بين بتاعة الطهي وبين بتاعة الحلويات، بس انا كنت جه في دماغي نقطة وسألت قبل كده بس تقريبا محدش عرف او مردش عليا، انا قلت ممكن يكونوا فعلا مفيش فرق في الطعم بس تكون دي مش معمولة انها تتحط علي النار وتتطبخ زي التانية.





بنات بقي علي سيرة الكرفس، احنا الكرفس عندنا هنا بيبقي زي الورقيات والخضرة البقدونس والكسبرة وكده بس بره بيكون زي البصل الاخر وكده عيدان يعني فهمني، ده مفيش منه هنا؟؟



وكمان انا نفسي اعمل سجق اوي في البيت بالصلصة وماما مش موافقاني اني اشتريه ولا حماتي بردو مقلقين عشان منضمنش حشينه ايه وكده، انتوا بتجيبوا نوع معين جاهز مجمد يعني ولا من الجزار ولا ايه

Bird amore;14176946:
مساء الخير يا قمرات

عاوزة اعرف ازاى اتحفظ بالسباتخ فى الفريز ؟؟

تعالوا البيدج الجديد

http://go.3roos.com/etpruhtc6fj

اغسليها ونشفيها كويس من الميه
وخرطيها وشيليها فى اكياس وعالفريزر
هاتبقى زى الفريش بالظبططططططططططططط

DodyCat;14177005:
انا فى البيت يا بنات بس تعبانه جدا ومش طبخت وجوزى هيجيب اكل جاهز معاه
أدعولى انا ضغطى واطى جدا مش عارفه ليه
الف سلامه عليكى يادودو
الدكتور كان قايلى على نقط فاسكون عشان الضغط الواطى حلوه اوى
او كلى طماطم عليها ملح بتظبطه على طول
أم عمر جزاكى الله خيرا يا قمر
رورو اول مره اعرف موضوع الدعاء والمشيئة بس منطقيا كلامك صح جدا جزاكى الله خيرا
فين أم بودى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عايزة افكار جديده للقرع العسلى ليوسف

.* اميرة *.;14177892:
ممكن تقولولى على طريقة طاجن البامية باللحمة بليز؟

طاجن الباميه ياستى كالاتى
هاتشوحى بصله مع فص توم وفلفل اخضر
وتنزلى عليهم بالحمه على نار عاليه تغير لونه وتتحمر بسيط كده
تنزلى بعصير الطماطم مع فلفل اسمر وبهارات وشعرة سكر واما تتسبك تشوفى اللحمه لو قربت تستوى خلاص تحط الملح و
تحطى الباميه مع قرن فلفل اخضر سليم وعصير نص لمونه
لو لسه مااستوتش تزودى نص كوبايه ميه لغاية ماتقرب تستوى وبعد كده تحطى الباميه وتغلى غلوه واحده وتقلبيها فى طاجن او بايركس وتغطيها وتدخليها الفرن
واما تستوى الباميه تجيبى معلقة سمنه وتحطى فيها باقى الدقه لغاية مالونه يبقى دهبى كده تطشيها على وش الطاجن وتسيبيه فى الفرن خمس دقايق كده وتطفى بقى
والف هنا
وتكونى عامله دقة توم وفلفل اخضر تتحطى نصها مع الصلصه وتشيلى نصها على جنب
ب

Boody we zady;14178660:
تسلمولي يا رب و لا يحرمني منكم يا بنات قولوا آمين بس أنا النهارده كنت عند أخت جوزي و لسه جايه من ساعه كده ادعولي يا بنات لأحسن عندي احتقان شديد في اللوز تعبت و أنا هناك و مش عارفه أبلع ريقي لوزي مقفوله خالص حتي الميه مليش نفس أشربها

:-o:-o:-o:-oالف سلامه عليكى ياام بودى

doaaes;14180297:
شيموووو عملت المحشى طلع تحفه اوى الحمد لله وعجب جيرانى جدااااااااا بس قالولى دلع شويه بس الحمد لله بالنسبه ان اول مره اعمله انا لما كنت عند ماما كانت هى تعمل الخلطه وانا احشى ولما اتجوزت جوزى مش بيحب المحشى فمش بعمله كنت باكله عند حماتى او عند ماما لما بقى لاقيت حد يشجعنى فى اكله عملته بجد انا مبسوطه جدااااا انه طلع كويس ربنا يخليكى يااااااارب يا شيمو ويخليلك ابنك ياااااارب
بصوا بقى جبت جبنه موتزاريلا المراعى وطلعت وحشه مش بتسيح رغم ان مده الصلاحيه لسه منتهتش اعمل ايه بقى بالجبنه دى
وعندى كريمه خفق بتاعه الحلويات قولولى استخدمها فى ايه غير الكريم جانتييه
دودى فعلا ياريت تجبلنا الصور بتاعه التراميسيو
وحد يعرف مشروب البريو بيتعمل ازاى اللى بنشربه عند بتاع العصير

تسلم ايدك ياقمر والمحشى كان حلو عشان بنفسك ومن ايديك الف هنا على قلوبكم يارب
ومرسى عالدعوه الحلوه دى ربنا يتقبل منك يارب
وبالنسبه لكريمة الخفق
ممكن تستعمليها عادى فى الطبخ
بدل كريمة الطهى
لو هى السايله دى
وممكن تضربيها وتحطيها على فروت سلاد
وممكن تحطيها على ام على لو بتحبيها
وممكن تحطيها عالرز بلبن بيبقى تحفه

ولو هى باودر تحطيها مع الرز بلبن
او تعملى بيها فروت سلاد
او تحطي منها معلقتين على عصير الموز باللبن
او الجوافه باللبن بيبقى روووووعه وياسلام لو معاها معلقة سوبيه ماقولكيش
ويبقى اجمد لو حطيتى معاهم 5 تمرات من التمر الطرى اوعىىىىىىىىىىىى

DodyCat;14173890:
انتو فين النهارده
بصو بقى انا بعمل الكريمة للتيراميسو عباره عن 3 كيس كريم شانتيه على 2 كيس كريم كراميل بودر و2 مثلث جبنه وكوبين لبن وبضربهم بالمضرب لغاية ما يطخنو بس تقيله قوى ومش بنقدر نكمل اكلها رغم ان طعمها حلو حد عندو أفكار تانيه؟؟

شيلى الجبنه من الموضوع
وممكن تحطى كوباية لبن وكوباية ميه
هاتبقى اخف
تسلميلى يا قمر أفكارك كلها شيك
عايزة سطلة التفاح بتاعة سوسى تقريبا ؟؟

بالنسبه للحلو فى العزومه هعمل سيراميسيو اعمل ايه تانى جنبه؟؟

انا شايفه التيراميسو كفايه وماتعمليهوش صينيه لا اعمليه فى كاسات تخينه كده هايبقى اشيك
ومن راى تقدمى حاجه ساقعه بقى بعد الاكل عشان هايبقى اكل تقيل
مع التيراميسو احتمال الضيوف يباتو عندكم كده
وممكن عصير برتقال او لمون بالنعناع

@زهرة دبلانة@;14173879:
:lol::lol:هقولك ع الخاص ولو ان ندى سيحتلى هنا بس هقولك ياقلبى :adore:



:lol::lol::lol::lol::lol::lol::lol:يخربيت شيطانك ياشوشو الله يهنيكى
مش قادرة امسك نفسى من امبارح وربنا :lol::lol::lol:عسل ربنا يحمى ميزو وتخاويه بقى ;)
وعلى فكرة بصدق انا بحب مشاركتك جدا وبتعلم منها كتير وبجد ربنا يكرمك دنيا واخرة :adore::adore: ماتغيبيش عننا

والله يارورو وانا بحبك فى الله
واما بغيب بيقى غصب عنى انا الود ودى اعمل فسحايه كبيييييره اوى ونيجى كلنا بجد نلك فيها ولو 5 ساعات حتى كل يوم
بس فساحايه حقيقيه مش عالمنتدى


منورة ياجميل ومنتظرينكF:



بوسى انتى روحتى كندا امتى سبحان الله الايام بتجرى ربنا يهون غربتك ويسعدكم F:
وطبعا فيه اختلاف حاولى تقراى كويس الموجود بالانجليش هتلاقيه موجود كل حاجه



عامله ايه يابسببوسه كنت على بالى :adore: الحمد لله على سلامتك منورة



معلش يادودى خير؟ بس ليه مافرحتيش نفسك انتى ولو بحاجه بسيطه يلا ربنا يباركلك فيه وان شاء الله العمر كله

وبالنسبه للعزومه مالياش فيها بس المكرونة بالبشاميل بتبقى شيك اوى على السفرة وبرده رولات الفراخ وممكن فخده متبله ومشويه ومتقطعه بتبقى شيك برده وعلى فكره البطاطس المحشيه لحمه مفرومه بتدى شياكه برده ومسقعه بالبشاميل برده وطبعا السلطات بتجمل السفرة وكل الالوان وفيها البنجر والملفوف وصنية الكبسه باللحم النعيمى والمكسرات ف النصف سرفيس كبير كده برده بتدى شكل جميل
على فكرة ده كان عزومه ف قصر كانو عاملين كده
اختارى حاجه فيهم واعمليها

شاهى بجد اكلاتك مميزة تسلم ايديكى وانا الكل عندى بيضايق من الفيس بوك فمش بفتحه كتير ومش عارفه اشارك اعذرينى

CuTie KaTkOoTa;14180675:
دي طريقة ام بودي
باكو بوريو و عليه 1/2 م ص بودرة أيس كريم و كوبايه لبن ساقع و كاكاو زي ما تحبي و تضربيهم في الخلاط و بعد كده تحطي عليهم شويه بسكوت مكسرين

والكريمة ممكن تستخدميها عادي في الاكل البنات قالوا مفيش فرق في الطعم بين بتاعة الطهي وبين بتاعة الحلويات، بس انا كنت جه في دماغي نقطة وسألت قبل كده بس تقريبا محدش عرف او مردش عليا، انا قلت ممكن يكونوا فعلا مفيش فرق في الطعم بس تكون دي مش معمولة انها تتحط علي النار وتتطبخ زي التانية.


مش عارفه والله ياكتكوته بس هى بتبقى نفس الطعم مافيش اى اختلاف بس اعتقد ان بتاعة الطبخ ماتنفعش للحلويات والله اعلم



بنات بقي علي سيرة الكرفس، احنا الكرفس عندنا هنا بيبقي زي الورقيات والخضرة البقدونس والكسبرة وكده بس بره بيكون زي البصل الاخر وكده عيدان يعني فهمني، ده مفيش منه هنا؟؟

لا بينزل فى كارفور وسبينس بس مش باستمرار اعتقد فى الصيف بس
لكن عن تجربه الاتنين
نفسسسسسس الريحه ونفس الطعم


وكمان انا نفسي اعمل سجق اوي في البيت بالصلصة وماما مش موافقاني اني اشتريه ولا حماتي بردو مقلقين عشان منضمنش حشينه ايه وكده، انتوا بتجيبوا نوع معين جاهز مجمد يعني ولا من الجزار ولا ايه

بصراحه بتاع الجزار ده طالما جزار مضمون بيبقى وهمممممممم
ولو عايزه مجمد مافيش احلى من حلوانى وفرجلووووووو
حلوين اوى
وعشان ماتقلقيش من السجق انا باخد لحمه انا اللى متبلاها واخلى الجزار يعملى بيها سجق
وده طبعا اضمن

صباح الفل يا بنات وحشتوني اوي و كنت متابعة بس مكنش عندي اسئلة و للاسف لسة بتعلم معاكم فمش عارفة اجاوب على اي سؤال

انا كنت عايزة اعمل كشك ناني بس عندي قطع وراك، ينفع؟؟؟؟ لو ينفع ادوني الطريقة بالله عليكم

DodyCat;14177005:
انا فى البيت يا بنات بس تعبانه جدا ومش طبخت وجوزى هيجيب اكل جاهز معاه
أدعولى انا ضغطى واطى جدا مش عارفه ليه
أم عمر جزاكى الله خيرا يا قمر
رورو اول مره اعرف موضوع الدعاء والمشيئة بس منطقيا كلامك صح جدا جزاكى الله خيرا
فين أم بودى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عايزة افكار جديده للقرع العسلى ليوسف

الف سلامة عليكي يا دودي ، كلي حوادق و بلاش تشربي حاجات مهدئة زي النعناع والينسون عشان بيوطيه و لو استمر كدة روحي لدكتور

Boody we zady;14178660:
تسلمولي يا رب و لا يحرمني منكم يا بنات قولوا آمين بس أنا النهارده كنت عند أخت جوزي و لسه جايه من ساعه كده ادعولي يا بنات لأحسن عندي احتقان شديد في اللوز تعبت و أنا هناك و مش عارفه أبلع ريقي لوزي مقفوله خالص حتي الميه مليش نفس أشربها

الف سلامة عليكي، اديها ليمون سخن او زنجبيل و تبقي زي الفل باذن الله

انا كنت محتاجة اسالك على الاكلات اللي بتعمليها انتي و كل البنات في الدايت.... بس طبعا الكلام دة اما تخفي خالص ان شاء الله

ام مازن ربنا يكرمك
بس سؤال احط اللحمة ناية؟ مش كدة تاخد وقت كبير؟

كمان لما احط البامية فى الفرن تاخد وقت قد ايه؟
معلش بتقل عليكى اصل انا مبتدئة وخطيبى طالبها منى حكم القوى بقى:)