21 مرة نقول يا تري بتعملي الأكله ازاي ؟ مبدعات مصر القمرات لشهر صفر 1432

رورو

حطيه في التيفال عادي بس خدي بالك بقي ليتحرق زودي مايه شويه بشويه كده

مني جميل قوي الاستيكر بتاعك

السماق حلو في التدبيلات
وكمان بيكون حلو علي السلطه بس شوبه صغيرين
وانا بحطه علي سلطه الحمص علي الوش بيخلي شكلها جميل قوي

مدام/اشرى;14183926:
اة طبعا يا موزة ممكن تغشية طبعا
بس بشرط
تقولى اميييييييييين 100 مرة موافقة :lol:؟
ام بودى
الاستيكر مايل او واقف براحتك
مش دة صورة بتاعك ؟؟

يبق عادى ممكن توقفية جمب باب الشقة مثلا قريب من الارض كدة يعنى فهمانى
اصلى خبرة فى الاستيكرات انا عندى اشكال كتييييير
عندى دة


وحطيته على رخامة البار كدة


ها قولولى رايكوا ؟؟؟؟؟

سوال فنى بقاااا
اجيب سماق دة ولا ملوش لازمة ؟؟

ماشاء الله شكله حلو قووووووووووووي الاستكير على الرخامة
ده بيتباع فين يعني اروح محلات ايه ابو اتنين ونص ولا ايه
وسعره بكام؟؟
وبالنسبة للسماق انا جبته
بصراحة حاسه ملوش لزوم حاساه حاجه كده زيادة تكتيك بس هههههههههه
بارشه على الجبنة القريش والسلطة

جاااااااااااااااااامد يا أشري ههههههههههههه انتي جايباه بكام يا قمر؟ و حلوة قوي فكرة الرخامة دي تسلم ايدك

ازاي بس ملوش لازمة السماق ههههههههههههه ده أساسي في الفتوش و ترقبوني حأعملكم معجنات سبانخ قريب و كمان مسخن ان شاء الله و أساسهم سماق برضه

اشرى تحفه اللى على الرخامه ده حلو اوى ماشاء الله
والسماق بلاش مالهوش لازمه ده بالنسبه ليا
سوسى كانت قالت انها بتحطه على الجبنه والسلطات
هيا سوسى فين صحيح ؟؟؟؟

ميرو تسلمى ظبطتها طلعت تحفه بصراحه والحمد لله الاكل جهز ومستنين الكل وناكل بقى

~OM-ADAM~;14183037:
ربنا يخليكي يا أم مازن أنا كنت افتكرت ورحت شفتها فعلا بس هو لازم انقع الفول من بالليل؟ أم بودي ألف سلامة يا حبيبتي اشربي سوايل دافيه وابعدي عن الهوا ربنا يشفيكي

مش لازم بس هتاخد وقت اكتر في السوي

بيرق أمل;14166905:
الف حمد الله على سلامة رشروش انا عرفت من سوسي امبارح وكانت مخنوقة قوي
لكن احنا لااااااااااازم نفضل مع بعض مهما يحصل


جربي طريقة الرز ده بالمعيار ده هيطلع مفلفل جدااااااااا وهيعجبك وهتلاقي نفسك بعد كده متضايقة من كمية المية الزيادة


تسلميلي يا حبيييييييييييبة قلبي متتخيليش فرحتي بسؤالك عليا :adore:
انا الحمد لله كويسة بس دماغي اتدوشت كده بحاجة منعتني عنكم
ادعيلي بالله عليكي ربنا يوفقني للي فيه الخير ليا

كان البنات هنا من كام صفحة حطو طريقة كشك ناني بجد رهيييييييييب ماشاء الله بس انا مش فاكرة المقادير
ومتحرمش منك يا رووووووووووحي على سؤالك عليا اتطمني انا بخير
بس ادعيلي بالله عليكي ربنا يسددني للطريق اللي فيه الخير لديني ودنياي علشان بجد مش عارفة النهاية ايه ... الله المستعان

انتي روحي يا بوووووووسي واختي اللي مامتي الله يرحمها مولدتهاش F::L:

بصي في شوربة الخضار تحفة
في اي اكلة سمك بيكون طاجن او السبيط
ده استعمالاته بالنسبة ليا بصراحة

متقلقيش عليا يا حبيبتي ومحتاجة دعوااااااااااااااتك الجميلة اللي بتدعيهالنا
اعمليلي كوكتيل بقى جامد كدددددددده يا رورو وادعيلي بالله عليكي F:

بنااااااااات انا عملت كيكة التايجر امبارح وكان عندنا ضيوف
قعدو يقولو الكيكة تحفة فنية عايزين نتفرج عليها ومتتاكلش هههههههههههههههههه
بجد شكلها كان رائع وهي متقطعة
متحرمش منكم يا بنات علمتوني حاجات جميلة وزودتي خبرتي وتألقي :D

حمدلله ع سلامتك ياعسل وربنا يسدد خطاكى لما فيه الخير

رشرووش;14167739:
السلام عليكم
متشكره اوى لكل البنات اللى سئلوا عليا
والله مكنتش اعرف انكم بتحبونى كده انا قولت ادخل امسى عليكم بناء على طلب حبيبه قلبى ا م مازن ربنا ي
خليهولها
وسمعنى احلى سلام
والله وعملوها الرجااااااااااااااااااااااااااله
ههههههههههههههههههههههههههه
بحبكم اووووووووووووى

حمدلله السلامه الموضوع نور من تانى

بيرق أمل;14183060:
جزاكي الله الف خيييييييييير يا رورو شرحك جميل قووووي ومكنتش اعرف المعلومة دي خالص F:

الف الف سلامة عليكي يا حبيبتي
كلي لمونة بحالها قشري بس القشر الاصفر واقسميها طلعي البذر اللي فيه واقرشيها وابلعيها كلها بالجلد الابيض اللي فيها بكله

العفو يا عسل :)

بصي جوز عمتي اتعرف على الراجل نفسه اللي بشتغل في محل عصير مككة وقاله ازاي العصير بيتعمل بس محدش يقول اني قولت ماشي اعملو نفسك ستات بيوت شاطرين وال اكتشفتو الطريقة :D
العصير مش بيتعمل بولاااااااااا نقطة لبن كله مية وبوريو وبس
هتجيبي باكو البوريو ابو جنيه ده اللي فيه 6 حبات
تكسريه كده نصين عادي وحطيه في كباية الخلاط
وحطي معاه 3 معالق مية كبيرة واضربي واطفي المهم يتكسر ماشي
ومن الغطا فوق تحطي معلقة ميه ومعلقة ميه كده لحد ما يبدأ يبقى زي العجينة
وتخففي شوية بسرسوووووب ميه زي ما بنعمل التومية كده بالضبط
لحد ما نوصل للقوام المطلوب، وخلي بالك لما المية هتزيد عن حدها الكريمة هتفصل عن المية
فانتبهييييييييي خالص، ودوقي لو عايزة سكر زودي
وبس يا جميل الباكو ده بيعمل كبايه واحده بس

صباااااااااااااااااااااااااحو حبيبي القرنبيط ده بموووووووووووت فيه الف هنا يا حبيبتي


ألف هنا يا حبيبتي
بصي الشوربة اغمقت ممكن لكذا سبب
ادعكي العضم كووويس قوي بالملح خصوصا عضم القفص الصدري وتشيلي الرئة تتأكدي
تدعكي الجلد كويس قوووووي بالملح برضه امرشيها
وهتخرطي البصلة ترشي عليها ملح وفلفل وادعكي بيها الفراخ وسيبيها على جمب لحد المية ما تغلي، وتسقطيها
ومتزودريش فلفل اسمر تاني خلاص هي هتتسلق في الحبة اللي دعكيتها بيها في الاول، عشان لازم تتسلق بشوية فلفل اسمر عشان تتشرب منها واي ريحة زفارة تروح
متحطيش بربيكا دي هي اللي غمقتها
وتحطي مستكة حبهان ورق لوري، ممكن تحطي التلاتة مع بعض او نوع واحد بس حسب ما يتوفر عندك
ممكن كمان لما تسقطي الفراخ تجيبي طماطماية صغنونة فعصيها كده باديكي على الحلة وارميها فيها تتسلق ولما الفراخ تستوي انشلي الطماطماية دي هتخلي شكل الشوربة جميييييييييل وطعمها حلو قووووي احنا بنعملو كده في شوربة اللحمة كمان بتبيض
دي كل الملاحظات اللي اقدر اقولهالك ;)
وفي اخر غلوة حطي رشة فلفل اسمر يغلي غلوة كده واطفي


انا قولتلك امبارح يا جميل دقة الكشري او بنوته تانية مش فاكرة
بالنسبة للبصارة هتجيبي الفول تنقعيه في مية من بالليل للصبح، او في مية مغلية لمده ساعتين
غيري المية واملي الحلة واسلقيه زي العدس وحطي معاه بصلة وسط اربع تربع ورشة فلفل اسمر وفص توم متخرط
ملاحظة مهمة قوووي متحطيش اي معلقة خاااااالص في الحلة وهي بتتسلق علشان الفول بيسود احنا عايزينه يفضل ابيض.. على فكره تيتا اللي قالتلي كده فمجربتش احط المعلقة عشان اشوف كلامها صح ولا غلط بخاف :lol:
لما يتسلق كويس قوووووووي سيبيه يبرد واهرسيه في الخلاط، انا بصراحة مبحبش الخلاط باحطه في المصفى بتاعة المكرونة واهرسه بهراسة البطاطس دي والحبلة اللي يتبقو بقى البصل واي حتت فول كبيرة باضربه في الخلاط عادي ببوق ميه كده
ورجعيه الحلة تاني ورشي عليه معلقتين كبار ملوخية ناشفة ونص معلقة صغيرة نعناع ناشف واضبطي ملح فلفل اسمر شطة وزودي مية شوية لو تخين قوي
في طاسة تانية شوحي كام فص توم تدقيه بكزبرة ناشفة زي الملوخية ولما يتحمر طشيه على البصارة وقلبي كله واغرفي ;)

حلوه طريقه البصاره طب ياترى الفول قد ايه كدا:)

أم بودي الرسم رقيق موت تسلم ايدك بس جبتيه منين؟ الغدا ع الساعة ٤ بالكثير بس خلاص بقي عملت كشري وهخلي البصارة بكرة مش اكلتهم من زمان تسلمي ياقمر وحلو اوي أفكارك في الدايت هعمل الاكل ذيك بعد كده أحسن جوزو بدأ يتخن شوية بعد الاكل.. نور تسلمي ياقمر كنتي قلتي الحكايه فعلا امبارح بس أنا مش ركزت علشان مش كنت ناويه اعمله وبدخل م الموبايل مش بعرف ألف في الصفحات براحتي هههههههه ميرسي يا قمرات كل اللي رد عليا متحرمش منكم

كريز;14184295:
حمدلله ع سلامتك ياعسل وربنا يسدد خطاكى لما فيه الخير

حلوه طريقه البصاره طب ياترى الفول قد ايه كدا:)

الله يسلمك يا حبيبتي
دي على نص كيلو فول مدشوش
نص البصلة ومعلقتين اكل ملوخية ناشفة

انا لسة عاملة اكلة جامدة جدااااااااااااااا

كان عندي باقي عيش لبناني رحت جبت رغيف و قطعته 8 بعدين جبت زيت زيتون و كمون وسنة ملح و شطة وقلبتهم و حطيتهم على العيش و قلبتهم بيه
و يعدين حمصته و طلع وهمممم

و دي سناكس من برنامج شهية صحية بس طبعا بعيش بالردة مش عيش لبناني

جزاكم الله خير لكل اللى دعا لابن اختى

ادعولو كمان لان الحاله صعبه ربا يقر عينهم بيه

~OM-ADAM~;14184436:
أم بودي الرسم رقيق موت تسلم ايدك بس جبتيه منين؟ الغدا ع الساعة ٤ بالكثير بس خلاص بقي عملت كشري وهخلي البصارة بكرة مش اكلتهم من زمان تسلمي ياقمر وحلو اوي أفكارك في الدايت هعمل الاكل ذيك بعد كده أحسن جوزو بدأ يتخن شوية بعد الاكل.. نور تسلمي ياقمر كنتي قلتي الحكايه فعلا امبارح بس أنا مش ركزت علشان مش كنت ناويه اعمله وبدخل م الموبايل مش بعرف ألف في الصفحات براحتي هههههههه ميرسي يا قمرات كل اللي رد عليا متحرمش منكم

اسفه يا حبيبتي معرفش انك موبايل
فريتك بسرعة انا اهو وجبتهالك هههههههههههههه

هتدقي توم بسنة ملح وتحطي معلقة زيت تشوحي فيها التوم لما يبقى دهبي طشي عليه ربع كباية خل على ربع كباية مية او نص كباية على نص المهم معيار متساوي ورشة فلفل اسمر وسنة شطة ويغلي دقيقة واطفي عليه
والصلصة بتاعته
هتشوحي توم وتنزلي عليه بطاطمتينينيين هههههههههههههههه مبشورين يكونو كبار وقرن فلفل اخضر ورشة فلفل اسمر ولما يتسبك حطي ربع كباية مية يلحلهلهم كده يغلي وطفي عليه وحطي معلقة خل

amatalrahman237;14184568:
انا لسة عاملة اكلة جامدة جدااااااااااااااا

كان عندي باقي عيش لبناني رحت جبت رغيف و قطعته 8 بعدين جبت زيت زيتون و كمون وسنة ملح و شطة وقلبتهم و حطيتهم على العيش و قلبتهم بيه
و يعدين حمصته و طلع وهمممم

و دي سناكس من برنامج شهية صحية بس طبعا بعيش بالردة مش عيش لبناني

حلوة قوووووووووووي الطريقة يا جميل ان شاء الله اجربها

مدام أشري ايزوة أنا جايباه ب 2 و نص ههههههههههه بس ليه يا بنتي ملكيش مزاج ده حتي التغير مطلوب بالنسبه لطاجن اللسلن عصفور انتي بتحمري اللسان عصفور و تساقي اللحمة و بعد كده تجيبي الطاجن تحطي شويه لسان عصفور و بعد كده اللحمة و بعد كده اللسان عصفور و تغطيه بالشوربه تغطيه مش تغرقيه هههههههههه و تحطيه في الفرن لحد ما يتشرب و بس

ماشي يا أم أدم اعمليها بكرة أنا مش بحبها بالملوخيه الناشفه زي طريقه نور أنا بحبها بالخضرة بصراحة و أي أكله تحبيها أعملهالك دايت ههههههههههههههه

صلصه الكشري في السريع يا بنات

وحشتونى يا بنات
الحقونى يا بنات من يوم ما اتجوزت وانا حاسه ان مواهيى المطبخيه توقفت
وابتكراتى وقفت انا نقسي خاسه يلبمبب من نقسي عاااااااااا
هههههههههه لا بجد مش عارفه مالى؟

Boody we zady;14184780:
صلصه الكشري في السريع يا بنات

ام بودي بصي بصة فوقيكي كده هههههههههههههههههه المشاركة اللي قبل بتاعتك
هتلاقيني راغية وقايلاها لام بودي

bonbona we bas;14184781:
وحشتونى يا بنات
الحقونى يا بنات من يوم ما اتجوزت وانا حاسه ان مواهيى المطبخيه توقفت
وابتكراتى وقفت انا نقسي خاسه يلبمبب من نقسي عاااااااااا
هههههههههه لا بجد مش عارفه مالى؟

لييييييييييييييييه يا هنودة بس يا عروسه
واديكي مليون جنيه لو فهمت يعني ايه (خاسه يلمبب من نقسي) انا فهمت عااااااااااا بس ههههههههههههههه

ام يودى انا بعملها كالاتى
بضرب في الخلاط طماطم وفلفلتين او فلفه واحده كفايه وفصين توم
وبعدين بدبل بصلايه في زيت وعليه توميتن مدقوقين ولما يصفر انزل عليهم بالصلصه وعليها شويه خل نونو وملح وفلفل وكمون وكزبره وممكن لو عندك بهارات مشكله تحطى شويه نونو

بيرق أمل;14184800:
ام بودي بصي بصة فوقيكي كده هههههههههههههههههه المشاركة اللي قبل بتاعتك
هتلاقيني راغية وقايلاها لام بودي


لييييييييييييييييه يا هنودة بس يا عروسه
واديكي مليون جنيه لو فهمت يعني ايه (خاسه يلمبب من نقسي) انا فهمت عااااااااااا بس ههههههههههههههه

هههههههههههههههههههههههه ليه دى مش عارفه
انما الهيورغليفي اللي انا كتباه ده اكمنى قاعده في الضلمه يس الهدف منه
حاسه بالملل من نفسي

ميرسي يا قمرات نفس الطريقه بتاعتي بس أنا بدون بصل خلاص حأقوم أعمله

بنات افتحوا الحياة الحمرا هييجي دكتور ماجد زيتون يتكلم عن تغذية الاطفال لحد 12 سنة
كان في بنوتة معانا هنا بتقول انه شاطر اوي