@زهرة دبلانة@;14168181:
:lol::lol::lol::lol:
حرام عليكم يابنات داانتو عايزين تفطسوننى بجد:adore::adore: عسل ياشوشو
هوا انا كلامى للدرجه دى معكوس :lol::lol::lol::lol::lol::lol::lol:
سلفى يعنى سنى "من اهل السنة يعنى " يااشوشو واللهم امين يصبر اهله ويبرد قلوبهم بس الحمد لله مع الشهداء
وتسلميلى على البليله متحرمش من ردك وزوقك:adore:
بصى يارورو والله انا بعد ماكتبت المشاركه على طول قفلت لان اصحاب اخويا جم
ووانا واقفه فى المطبخ بقول ياه بقى الراجل اللى مات يبقى سلف رورو
طب بس ازاى دى رورو من المنصوره
وده من اسكندريه
واهله من اسكندريه
وروحت وقفت تنحت كده وفتحت بقى وقولت ااااااااااااااااااااااااااااااه سلفى
وماعرفتش بقى ادخل اقوللكم انى استوعبت
وقعدت اضحك ضحكككككككككككككك
OM SIMO;14168636:
ام مازن و نور : ربنا يكرمكوا يا رب وييسرلك الحال يا نور يا قمر
بس معلش استحملونى اقطع الورق ولا العيدان
و احطه على اى شوربه ولا شوربه الخضار و لسان العصفور بس؟
معلش بجد اول مرة استعمله
:o:o:o
بصى ياستى بيتحط على كل الشوربات
بس على الشوربه بتاخدى بتاع 4 عيدان كده واربطهم مع بعض كده واحطهم فى الشوربه
وبيستخدم اوراق وعيدان وكلله
زى البقدونس كده
واى سؤال ياجميل وانا فى الخدمه اصل الكرفس ده حبيبى
وكمان وانت بتحمرى بصله للمكرونه حطى معاها كبشة كرفس متخرطه
بيبقى وهممممممم
doaaes;14169367:
معلش يا بنات انا جبت محشى بتنجان وفلفل وقورته قولولى بقى الحشوه ازاى والشوربه تبقى لحد فين علشان ميعجنش منى
بصى ياستى
هاتجيبى بالظبط بصلتين متوسطين تخرطيهم
وتضربى فى الخلاط كيلو طماطم
هاتحطى فى الحله ربع كوباية زيت
تسخن تنزلى بالبصل المتخرط يدبل ولونه يبقى شفاف كده تنزلى بالطماطم
وحطى بقى ملح وفلفل وكمون وبهارات ورشة بسيطه خالص سكر
وسيبيها بقى تتسبك
تكونى غاسله كيلو الا ربع رز
او حوالى 3 كوبايات شوب كبير متهيالى بس هو كيلو الاربع
واول ماتتسبك كويس الصلصه
اطفى النار
وحطى الرز المغسول وبعد كده الخضره
هاتى واحده شبت وواحده كسبره وواحده بقدونس
وممكن واحده كرفس لو عندك
بس لو عندك كرفس هاتشوحيه مع البصله فى الاول
وتقلبى الخلطه سوا بقى وتدوقى الملح وتظبطه وتخليه حادق سنه بسيطه
تجيبى بقى البتنجان وبتنجان اليومين دوا ماتشوحيهوش لانه بيستوى بسرعه قبل الرز كمان
هاتجيبيه تغسليه وتصفيه وتحشيه رز بس ماتكبسيش الرز جوا عشان مايبقاش معجن
لا يبقى مفلفل وخفيف كده
وتحشيه البتنجانه لغاية التلات اربع بس عشان اما الرز يزيد مايخرجش بره
وكذلك الفلفل
هانيجى للشوربه
تظبطى ملحه كويس وتحطى معاها مكعب مرقه فاين فودز
وتسقى المحشى لغاية النص
وتكون الشوربه لسه مغليه طبعا
وتحطيه على النار واول مايغل كويس هدى النار شويه
بس مش اوى
والف هنا ياقمر
ام عمر افندى;14169409:
ايه ده فين المشاركه بتاعت رشا عموما حد لله على سلامتك يا قمر وانت بجد بجد غاليه علينا اوووى موااااااااااااااااااه
بنات انا جبت لب بتاع العصافير ده او تباع الشمس اللى هوا مقلم ده عرفتوووه عاوزة احمصه عشان طلع نى احمصه ازاى تحميصه حلوووة كده
فى طاسه وعلى النار وافضلى قلبى فيه لغاية ماريحته تطلع ويبقى حلو وناشف كده
رورو ممكن اسال سوااال تقصدى مييين بكلمه الكلل ؟؟؟؟؟ سوال يطرح نفسه
doaaes;14169993:
ميرسى يا رورو ربنا يخليكى هو انا فعلا كان المفروض اوطى النار شويه اهو الواحد بيتعلم الحمد لله
ام بودى ميرسى على ردك عليا بس جوزى وبنتى عجبتهم الكيكه جداااا وعمالين ياكلوا فيها
سوسى ميرسى جداااااااااا هجربها بكره ان شاء الله وربنا يخليلك نورين يارب بس احط كام كوبايه ارز انا جايبه كيلو ونص بتنجان ونص فلفل
رديت عليكى فوق بالتفصيل
عروسة نعومة;14170016:
الحمد لله على سلامة رشروش .. عايزة أسأل سؤال فني .. ايه الفرق بين الخميرة و البيكينج باودر و البيكينج صودا و سمعت عن حاجة اسمها محسن خبز ايه ديه بقى؟
البيكنج باودر بنحطه عالكيك وبعض المعجنات
البيكنج صودا هو الكربوناتوا وليه استخدامات كتير برده ممكن تحطى منه رشه عالكيك بيخليها خفيفه اوى
وبنحطه عالعجه
وكمان للجسم حلو اوى
وفى التنضيف فى البيت ممتاز
وياسلام لو نحطه فى ميه ونغسل بيه الخضار معقم جميل اوى
وبيتحط عالغسيل الابيض بينوره هو وملح اليمون او الاتنين سوا
الخميره اساس الخبز
العيش
والفينو
وكل العيوش
وكمان مطهره للجسم لو اتخلطت مع العسل الاسود
وكمان فاتح للشهيه للناس النحيفه واللى عايزين يتخنوا
وبتتعمل ماسكات
وبتنور الوش
ومحسن الخبز هو شبه البيكربوناتو كده
بنحطه مع الخميره للخبز
وبيخلى اى معجن خفيف ويخمر كويس اوىىىىىىى
يعنى هو نوع خميره برده
وكمان اعرف انه بيطول عمر المخبوزات
يارب اكون قدرت افيدك
