تجمع بنات مصر للوصول الى جسم رشيق جميل

Sim0;13987303:
تسلمي ياشيمو هو بكام وكمان الفيتامين لاني هبعت اجيبهم من الصيدليه اجهزلهم كام؟
طيب احنا مش مفروض نتفق هنوزن نفسنا كل أد ايه وكده

انا باذن الله هاوزن كل خميس عند الدكتور
وشريط الفاتشى ب 16
بس هو مخصوص للى بيرضعوا لو مش بترضعى خدى اورليستات مع كرومكس

Boody we zady;13987344:
أنا معاكم يا قمرات بس بجد مشكلتي اني ساعات نفسي بتهفني علي حاجة حلوة قوي ههههههههههههههههه فيها شيكولاته هههههههههه

انا بكرة ان شاء الله حأوزن

انا كمان ياام بودى بس انا هاخد بالى بقى والوم نفسى قبل مااعمل حاجه زى كده

Boody we zady;13987459:
ماشي يا سيمو بس احنا كده حنحرم نفسنا و نرجع نأكل مش عجبني النظام ده

مش شرط النظام ده يام بودى انا مستنيه حد ينزل باقى الانظمه عشان تختارو
بس انا هامشى على ده عشان تابعت مع دكتور والامر خرج من ايدى

والفكره حتى لو حرمان
برنامج التثبيت هايخليكى تاكلى كله وماتتخنيش بعد ماتخلصى دايت

بصوا يابنات ده ريجيم الدكتور بهائ ناجى
الدكتور ده اكتر من ممتاز والله
عشان اللى ىيحب يمشى عليه


الافطار : كوب شاى او نسكافيه بلبن خالى الدسم + معلقة صغيرة عسل نحل + شريحة جبنة شيدر او فلامنك + 2 توست

العشاء : علبة زبادى + 2 ثمرة فاكهة

الغذاء :
1- وجبة مفتوحة.

2- 4/1 فرخة مشوية + خضار (يصفى من الصلصة ) + 4 معالق ارز + سلطة

3- شريحة لحمة مشوية + خضار + 4 معالق ارز + سلطة

4- علبة تونة + سلطة + رغيف سن

5- 2/1 كيلو سمك مشوى + 4 معالق ارز + سلطة

6- 4/1 فرخة مشوية + ربع كيلو بطاطس مسلوقة + سلطة

7- علبة تونة + رغيف سن + سلطة


جدول الاسبوع التانى فى

الافطار : كوب شاى او نسكافيه بلبن خالى الدسم + معلقة صغيرة عسل نحل + 3 معالق فول او بيضة اومليت + 2 شريحة توست

العشاء : علبة زبادى + 2 ثمرة فاكهة

الغداء :
1- وجبة مفتوحة

2- علبة تونة + رغيف سن + سلطة

3- شريحتين بيتزا + سلطة

4- 2/1 كيلو سمك مشوى + 4معالق ارز + سلطة

5- 4/1 فرخة مشوية + 8 معالق مكرونة بالصلصة + سلطة

6- علبة تونة + سلطة + رغيف سن

7- 8 معالق فول + معلقة صغيرة زيت زيتون او زيت بذر الكتان + رغيف سن + سلطة



جدول الاسبوع الثالث فى

الفطار : شاى أو نسكافية بلبن خالىالدسم + كرواسون أو باتية أو فنجان كورن فليكس بلبن خالى الدسم

الغذاء :
1- وجبة مفتوحة
2- 1/2 ك سمك مشوى + سلطة خضراء
3- 8 ملاعق كشرى + سلطة خضراء
4- علبة تونة + سلطة خضراء + رغيف سن
5- سيخ شيش طاووق ( 4 قطع ) + بطاطس مسلوقة + سلطة خضراء
6- 2 برجر مشوى + سلطة خضراء + 2 توست سن
7- علبة تونة + سلطة خضراء + رغيف سن

العشاء : 3ثمرات فاكهة



نظام الاسبوع الرابع حلقة

الفطار : كوب شاى او نسكافيه بلبن خالى الدسم + بيضة اومليت او شريحة جبنة شيدر + 2 توست سن

العشاء : قطعة جبنة قريش + خيار + ا توست سن + ثمرة فاكهة

الغداء :

1- وجبة مفتوحة
2- 4/1 فرخة مشوية + خضار + رغيف سن + سلطة
3- 2 شريحة لحم مشوى + خضار + رغيف سن + سلطة
4- علبة تونة + 4 معالق ارز ( او رغيف سن او مكرونة ) + سلطة + خضار
5- 4/1 فرخة مشوية + خضار + 4 معالق ارز + سلطة
6- 8/1 كيلو لحم مشوى + خضار + 4 معالق ارز + سلطة
7 - 8 معالق فول( يمكن اضافة معلقة زيت زيتون او زيت حار ) + سلطة + رغيف سن

نظام الاسبوع الخامس

الافطار : كوب شاى او نسكافيه بلبن خالى الدسم + واحدة كرواسون او باتيه او كوب كورن فليكس بلبن خالى الدسم

العشاء : قطعة جبنة بيضاء او بيضة مسلوقة + 2توست + 2 ثمرة فاكهة

الغداء :

1- وجبة مفتوحة
2- 2/1كيلو سمك مشوى + 4 معالق ارز + سلطة
3- 8 معالق كشرى + سلطة
4- علبة تونة + سلطة + رغيف سن
5- 2 برجر مشوى + سلطة + 2توست سن
6- 8 محشيات كوسة و بذنجان + سلطة
7- 4/1 كيلو كفتة مشوية + سلطة + رغيف سن

ا

دا نظام الاسبوع السادس

الافطار : كوب شاى او نسكافية بلبن خالى الدسم + 3 ثمرات فاكهة

العشاء :قطعة جبنة قريش +سلطة خضراء + توست سن

الغداء :
1- وجبة مفتوحة

2- علبة تونة +سلطة + رغيف سن

3- 4/1 فرخة مشوية + 6 محشيات كوسة وباذنجان + سلطة

4- 8 ملاعق فول + سلطة + رغيف سن

5- شريحتين لحم استيك مشوى + سلطة

6- 6 معلاعق مسقعة دايت + سلطة + رغيف سن

7- 4/1 فرخة مشوية + خضروات + 3 ملاعق ارز + سلطة



نظام الاسبوع السابع فى

الافطار : كوب شاى او نسكافيه بلبن خالى الدسم + 3 معالق فول او 2 بيضة مسلوقة + 2 توست سن

العشاء : قطعة جبنة قريش بمعلقة زيت زيتون + خيار + 2 توست سن + 2 ثمرة فاكهة

الغداء :
1- وجبة مفتوحة
2- 6 معالق بصارة + سلطة + رغيف سن
3- 1/4 كيلو كفتة مشوية + سلطة
4- علبة تونة + سلطة + رغيف سن
5- 1/4 فرخة مشوية + خضروات + 4 معالق ارز + سلطة
6- 1/4 كيلو ممبار فى الفرن دايت + سلطة
7- 1/4 كيلو سمك مشوى + 4 معالق ارز + سلطة

خلاص أنا حأبدأ من بكرة تاني و ربنا يكرم ان شاء الله

انا عجبني النظام ده و حأجربه ان شاء اله

طيب حلو اوىى الموضوع ده
عشان انا بعد ما خسيت وبقيت 83 لقيت النهارده نفسي تانى 88 :((((((
فا انا هروح بكره للدكتور ان شاء الله قولوا يارب مكسلش بس زى كل مره وهقولكم قالىلى ايه بقى ياااااااااااااارب
انا المفروض اكون 65
وطولى 167 سم

ربنا مع الجميع انا النهرده قللت من اكلي وشربت جنزبيل مع ميراميه وهشوف كده اخر الاسبوع ايه النظام

طيب احنا كده كل واحد هيكون بنظام معين مش مع بعض
طيب هنشجع بعض ازاي

احنا هانجمع بعض هنا لان فى ناس مش هاتكون مع كتور
وهاتشوف النظام الى هاترتاح معاه
وتمشى عليه
وهانشجع بعض على اننا نستمر
ونوزن ونحفز بعض
وهانعمل مسابقه كمان
بس نتجمع اكتر

بنات ممكن اشترك معاكو.انا شيرى طولى 156 ووزنى 63.
المفروض ابئى كام.وبعدين انا مش ماشية على نظام معين انا بقلل اكلى بس.

انا نفسى ابئى 56 كيلو بس الله المستعان.

اقبلونى معاكو حتى نصل الى الجسم الرشيق.

انا طول اليوم ممكن اكل 3 او 4 ثمرة فاكهة و2 شريحة توست رجيم وجبنة قريش.وكوب لبن او كوب ذبادى.وساعات بكل شوربة خضار.وبشرب شاى .بقسم الاكل دة كله على اليوم زى ما يطلع على حسب نفسى.
وايه يا بنات دواء دايت ماكس اللى البنات بيتكلموا عليه فى التجمع اللى فات؟وهل هو آمن ؟ياريت اللى بتروح لدكتور تسأله وتفيدنا جزاها الله خير.

الموضوع نااااااام ليه انا رحت للدكتور
واداني دايت امشر عليه يومين واروحله يوم التلات عشان يشوف جسمي بيحرق اد ايه وهيديت=ني بقي دايت امشي عليه بالاسبوع ان شا الله
الدايت اللي ادهاوني
اني افطر ثمره فاكهه واتغدي صدر فرخه مشويه وسلطه واتعشي زبادي
لما اروحله بكره ان شا الله هاجي اقولكم عملت ايه
بس انا اهوو ماشيه علي الدايت انتو ايه الاخبااار

دو ياحببى
انا كمان ماشيه عالدايت بالظبط
وحاسه انه عامل شغل
وجسمى بداء ينزل انا وزنت النهارده بس ماحدش يقول للدكتور لاقيتنى بقيت 69 ونص يعنى خسيت 2 كيلو ونص
يارب يامسهل انا اتشجعت اكتر والله
دو انت الدكتور بيديلك برشام تخسيس و حاجه؟؟؟؟؟؟؟
وبيعملك جلسات او كده؟

أنا الحمد لله ملتزمة بالريجيم أهو النهارده اكلت سلطة و سمك و 4 ملاعق رز و مش كملتهم عشان كان مفروض ان السلطة كتير فشبعت منها الحمد لله و وزنت لقيتني 76 ده امبارح و ان شاء الله حأوزن يوم الحد اللي جاي بقه

أم مازن*;14006687:
دو ياحببى
انا كمان ماشيه عالدايت بالظبط
وحاسه انه عامل شغل
وجسمى بداء ينزل انا وزنت النهارده بس ماحدش يقول للدكتور لاقيتنى بقيت 69 ونص يعنى خسيت 2 كيلو ونص
يارب يامسهل انا اتشجعت اكتر والله
دو انت الدكتور بيديلك برشام تخسيس و حاجه؟؟؟؟؟؟؟
وبيعملك جلسات او كده؟

لا مش بيديني برشام بس هبدا جلسات بكره ان شا الله
مبرووووو ك الالنزو ل عقباللييييييييييي

Boody we zady;14007853:
أنا الحمد لله ملتزمة بالريجيم أهو النهارده اكلت سلطة و سمك و 4 ملاعق رز و مش كملتهم عشان كان مفروض ان السلطة كتير فشبعت منها الحمد لله و وزنت لقيتني 76 ده امبارح و ان شاء الله حأوزن يوم الحد اللي جاي بقه

:thumbs_up:
انا 88 كيلو

Boody we zady;14007853:
أنا الحمد لله ملتزمة بالريجيم أهو النهارده اكلت سلطة و سمك و 4 ملاعق رز و مش كملتهم عشان كان مفروض ان السلطة كتير فشبعت منها الحمد لله و وزنت لقيتني 76 ده امبارح و ان شاء الله حأوزن يوم الحد اللي جاي بقه

برافو ياام بودى استمرررررررررررررررررررررررررررررررر

انت ماشيه على نظام معين ولا هاتققل فى الاكل بس؟؟؟؟؟؟؟؟؟؟

من النهارده هانخلى شعارنا اغنية عمرو دياب

انا مش هاضعف تانى قصادك انا مش هارجع ابص ورايا
عارفينهااااااااااااااااااااااااااااااا

انا للاسف مقضياها عك في عك بس ان شاء الله هلتزم بعد عيد ميلاد عبد الله ادعولي بقي هوه عيد ميلاده يوم الخميس

طيب يلا ياايمان اتشجعى كده وشدى حيلك
واوزنى الخميس

انا لسه وازنه قريب وزني 87وكان من سنتين 105 ونزلته للوزن ده وحابه اكمل

خلاص تمام ياايمى
اختارى ريجيم امشى عليه
وابدائى باذن الله

أنا ماشيه علي النظام اللي نزلتيه يا شيمو و عملت باتيه بالجبنة و الشيكولاته للعيال ههههههههههههه و عملت اتنين صغيرين قوي عشان أدوق واحده من كل صنف لأحسن الحرمان وحش قوي ههههههههههه و بس مش أكلت حاجة تانيه نظفت أسناني و خلاص