لمتنا السورية اهلا وسهلا فيكم لشهر محرم1432

سورية وبفتخر;13979552:
اهلين كاتس صمصومة قلبي بسم الله عليها لتالا ونسة الله يحميها ومباركة الدراجة بكرة بتاخدك مشورار فيها ههههههههههه
وايه والله صدقتي اليوم كنت مع الدمشقية واتغدينا سوا ورحنا عالسوق سوا الله لايحرمني منها
وساويتلهم زربيان على فكرة انا حطيت طريقة الزربيان بالمنتدى بالاطباق الرئيسية ادخلوا وشوفوه وعطوني رأيكم كنت حطيتلكم الرابط بس ما بعرف خخخخخخخخ

الدمشقية;13979890:
صباحو ياقمر والله اشتقتلك كتير وكل ماافتح وبدي ارد يجي زوجي ويجلس جنبي خخخخ
قوم بطل اكتب واسكر اللاب توب
ويالله هم وانزاح عنك منيح اللي اجتك خميس مو جمعة ههههه وانا متلك اجتني بنت حمايي الخميس وابنها وكانت عندي سورية
بس قولي حرام والله بنت حماي مسكينة الله يعينها وجايبتلي شوكولا مشقة كمان شو بدي احسن من هيك:)
بس برافو عليكي بقيتي صايمة والله انك :thumbs_up: يعني ماشالله بقيت عندك منيح !!!! الله يعينك لكن ههههه
وزعلتيني على تالا وضرب الولد لالها ... العفى وين امو مو شايفته هي عمتها على اساس مبسوطة على ضرب ابنها لتالا :mad:
انا بدالك كل مابدير امو وجها بتزورو وبتئوروا للولد وبحولوا عيوني وبخوفوا :confused: خخخخ حتى يحل عن هالبنت شوي ... عن جد في اطفال غلظة يااختي مابينحبوا مو بايدك:badly:

وكمان ماملكت ايمانكم ماشفتها وماكتير متحمسة عليها عادي يعني ماقلتلك مالي بالتلفزيون كلله بحب اكتر شي فريندز بحب تابعه كتييير مضحك وكل حلقة بحلقتها لا متابعة ولا هم :)

وضحكتيني على قصة العرباية وترجيع الاغراض خخخخخ ,,, وصدقيني مو كاشقك ولا شي بس هنن الرجال بينسوا ومابيحطو ببالهم ... انا مابرجع شي مصر عليه مابسترجي طبعا خخخخخ
بس غالبا انا الاغراض اللي بجيبها ولما بيقلي على شي بقللوا مولازمني او مو ضروري فبيسكت مابيحكي شي هههههه

وعلى سيرة حماتي اليوم كنت بالسوق وكنت بدي اجيب الفلات
سئلني زوجي قدامها اشتريتي الخفافة قلتله لاء قام نطت وقالتلي اذا اشتريتي جيبيلي وحدة تكون مناسبة قلتلها مارح اشتري ومافي شي عجبني بدك انتي تعالي انتي اختاري انا مابعرف نرفزتني والله:mad: وبطلت اشتري .. وحياة الله مو بشي بس كل ماهبلت تمي على شي بصير بدها متلوا تقولي مرة صغيرة 8o| ياشيخة الله يحسن كبرتنا بس

وتسلمي لقلبي ياكاتي وتقبري عداكي يارب وماانحرم منك انا كمانF:

شامية للعظم;13985189:
يسعدلي أيامكم جميع كيفكم أنا بخير والحمد لله وأموري على كيفكم مبارح قضيتو ببيت حماي متل كل جمعة وكنا متفقين من الجمعة الماضية أنو اعملهم بيتزا من كتر ما حكتلن بنت حماي يلي أجت لعندي على البيتزا تبعي سلفي وحماتي وبنت حماي التانية قال الجمعة الجاية تساويلنا قلتلن تكرمو المهم عملتها مبارح وروقو عليها والحمد لله الكل حبها طلعت بتجنن اشتهيتكم فيها

سوريا تسلميلي ان شالله على هالدعوة الحلوة ومابتفرق معي اذا أكلت شهري كلو بالعكس أحسنلي ومن حظي




والله ياكاتس مبارح وزنت حالي عند بيت حماي طلعت زايدة من شهر وجمعة بس 3 كيلو توقعت اكتر من كتر ما عم آكل ارتحت شوي وقصة ولاتك غريبة وصعبة بالنسبة الي انا عم آكل تمر بس مو بشكل منتظم وبالنسبة للمشي والله مو كتير بس الشغل يعني متعب شوي يمكن بينوب عن المشي
ومعك حق تحسبي حساب للحمل والولادة اذا هيك صار فيكي ببنتك تالا بس أكيد تاني ولد بيكون أسهل ان شالله

الدمشقية;13992735:
الف الف الف مبرووووووووووووووووووووووووووووك كاتي ماشالله
والله اتوقعت هالشي ومن كم يوم كنت بدي اخبرك واسئلك انو في شي من هالشي ههههه ... الف الحمد لله ويارب يتمملك على خير وسلامة يارب
يعني هلأ بدك تنتبهي على حالك تمااام التمام مو تهلكي حالك وتعبي نفسك ... الله الله بنفسك والبيبي :017:

leeean;13992892:
ألف ألف ألف ألف ألف ألف ألف مبروك كاتس وديري بالك عحالك ها

سورية وبفتخر;13996114:
للللللللللللللللللللللللللللييييييييييييييش ان شاء الله الف الف مبروووووووووووووووك يارب وان شاء الله التمام لخير وعقبال ليان واختي ياااااااااااااااااااااااااااااااااااااااااااارب انا فرحت لتالا اكتر شي امانة انتبهي على حالك وريحي حالك عالاخر وريحي نفسيتك لا تخلي شي يزعجك
وبالنسبة للزربيان البيض ابدا مو عامل طعمة او نكهة فيه هو بس للتزيين وانا ماكنت بدي حطه بس جوزي اصر ههههههههههه وجربيه مابتندمي

CATS_ANGEL;13994070:

يا هلا يا عمري و انا بس روحت من عند اهلي نيمت تالا و عملت كم شغلة و بدي افتح رد عليكن الا جوزي قعد بوجهي و ما عرفت لا رد و لا اقرأ ردودكن تقولي اللاب توب ضرتهن ما لازم نمسكو و هنن موجودين ;)

لا الجمعة تخصص الاخت التانية هيديك ما بتعرف تيجي غير يوم جمعة الله وكيلك مهما حاولت حط مشاريع للجمعة لما تقرر تيجي ما بقدر يحكيلها انو مخططين لطلعة او شي 8o| ومتوقعة الجمعة هيدي تيجي انو كيف اختها تيجي و هي ما تيجي :!!:
لو شفتي منظر تالا و هي تهرب منو و امو تضحك صدقيني الضرب كان لازم لامو مو للولد قال مبسوطة على ابنها و يا ريت بخاف من ضرب و لا من نظرة :mad:
يييييي لو بعرف بتحبي فريندز يوم الخميس جابو بيجي فوق العشر حلقات ورا بعض و صاحبتك ما قصرت فيهم كلهم بموت في هالمسلسل من زماااااااااااان و على قولتك ما بتهكلي هم الحلقات يلي بتروح عليكي :thumbs_up:
قولتك ما كاشفني لسى :D هو هيك متل ما قلتي بحسو بكون سرحان و هو بشتري بالاغراض يعني لهدف انو يشتري بس مو شغلة شي لازمو او لأ نحنا بتلاقينا حسبنا مية حساب قبل ما نجيب الشغلة حتى لما بدي انزل اشتري الي بكون محتارة بين موديلين او لونين بختار شي منهم بلاقي تاني يوم جابلي التاني قال شفتك محتارة فيهم :o و بعتقد انو الرجال بعملو نفس الموال الهم ما بخلو حالهم محتارين او نفسهم بشي ولا شو رايك :!!:

و الله الله يعينك شي مو بنرفز بس و بجلط كمان يعني مو كل ما تحتاجي شغلة هي تكون محتاجتها و جوزك يكون بالنص كمان يعني بدو يجبلك الشغلة و ما بدو يزعل امو بنفس الوقت اذا في مجال خلي سورية تجيبلك يلي بدك ايا لا من شاف و لا من دري اذا بتحبي زوئها ;) و كل صبرك مكتوب الك و فعلا الله يحسن كبرتنا و ما نكون تقال على حدا :(
يسلمو ايديكي على رابط اكلة الزربيان سورية بتغرق بشبر مي ههههههههههههه

شو سيرة الحب عندك هالكم يوم مبارح عند اهلي ماما عملت فول اخضر طبيخ و عملت مقلوبة باتنجان و انا اليوم قدرة الاكلة المعتادة اكيد بتسمعوها مني كتير :lol:

CATS_ANGEL;13994376:

الله يبارك فيكي يا رب تقبريني كيف بلاقيكي اول وحدة بفرحتي و بزعلي ما يحرمني منك يا رب :L:


انا كتير تفاجأت انو يصير حمل بهالسرعة حمد لله و الشكر حتى دكتورتي تفاجئت ما في شي على ربنا بعيد سبحان الله :o و عقبالك يا رب يلا شدي حالك 8o|

ما في عليكي مخبى لازم انتبة اول 3 شهور كتير منيح لانو حملت بسرعة بعد الحبوب و حكت الدكتورة الحمل بكون اضعف من المعتاد و خصوصي انو عندي وجع ضهر من اول ما صار الحمل و هيدا يلي خلاني اروح بسرعة على الدكتورة و اطمن و حكتلي انو في حمل و اكتر من شغل البيت الضروري ممنوع :( الله يتمم على خير يا رب

شامة;13999613:
الف الف الف مبروك كاتي يارب التمامم بخير الله يرزقكك الولد الصالح وعقبال ليان وكل مشتهية ههههههههههه