CATS_ANGEL;14021646:لك يسعدلي هالصباح يا رب و قولتك الايام ما بتعرفي وين بتهرب بس ليلي بدو اياها تمشي صدقيني بتعاندو و بتوقف بنص الطريق وما بتتحرك :058::058:
يلا شدي حيلك و صومي يلي عليكي يمكن بعد فترة ما تقدري تصوميهم بدي ضا فاول عليكي ما الي دخل :063::089:
هههههههههه عجبتني هيدي كتييييييييير :041::041::041::041: مبارح خليتو ينزل اخر الليل يجبلي شوكلاتة مع اني عارفة حالي بدري على الوحام بس اجى على بالي ليش الكزب و هو خطي ما قصر و انا و تالا ما قصرنا بالشوكلاتات كمان ههههههههههه اشتهيتك معاي و قدامي فنجان هالقهوة و كيس الشوكلاتة ما بعرف القهوة بتيجي على بالي كتير هالايام خصوصي بعد المغرب شكلو عدوى القهوة انتقلت منك لالي :076::076:
لا شو تلاقي عصي ما عصي صدقيني اول مرة اعمليها ما بعود يتحرك من جنبك اول ما اتزوجنا تركني بطابق و هو قال طلع على طابق الكهربائيات على اساس 5 دقايق و نسي حالو رن علي يشوفني وين قلتلو انا واقفة عند السيارة لتخلص الخمس دقايق و كنت تاركة عرباية الاغراض و طالعة وما رضيت ارجع:084::084: جربيها و قوليلي شو بصير معك :017::067::067::089:
ما شاء الله الهدايا كتير مرتبين يتهني جوزك فيكي و فيهم يا رب و توفقتي باسعارهن كتير شطورة :thumbs_up: اذا حابة كمان هدية فيكي تجيبي محفظة او في بيجي دفتر ملاحظات مع قلم حلو مع شنتتهم و اوقات بكون فيهم علاقة مفاتيح او الة حاسبة اذا طبيعة شغل جوزك بتتطلب هيك شي او قلم يكون مرتب مع علبتو كتير في انواع حلوة بفكر كمان و بردلك خبر قوليلي شو رايك بهيدول :082:
قلتيلي هدية بارفان مدفوعة الثمن هههههههههه شو لزيزة حماتك :089::089: مزح مزح لا تزعلي مني هههههههههه و يلا بلشي حوشي من هلأ لتجيبي الساعة مع اني ما بحب الساعة تكون غالية كتير لانو طبيعة الواحد بحب يغير كل فترة او يمكن تعجبو موديل تاني بعد فترة فحرام حط هيك سعر الا اذا جوزك ما الو على التغيير و التبديل شي تاني و بتكون هدية تقيلة و مرتبة:092:
كأنك جوا راس زوجي قال اجتو فكرة الطلعة برا و هو بشتغل فما كزب خبر و راح اتصل فيهن و اعتزر وما حكالي لحتى يعملي اياها مفاجأة بس اختو كفت و وفت و وصلتلي الخبر باسلوبها و مع هيك انبسطت كتير للفكرة كان كل همي اعزمهن و نسيت انو ابسط حالي و بنتي احسن شي بالدنيا :062:
يسعدلي اوقاتك يااارب
ويالله لا تحطي ببالك الوقت بيمر بسرعة على خير يارب ... وفاولي حبيبة قلبي وديني مشتهيتها ههههههه بس ايمتى مابعرف لحتى الله يريد:017:
وهلأ وقت وحامك طبعا فكلي وطلبي وامري خخخخخ واكيد على قلبو احلى من العسل وهنا وعوافي على الشوكولا لا تخافي علي مانمت مبارح لاكلت حبة جالكسي :adore:
بس انك تحبي وتشربي القهوة وتطلبيها عجييييييييييييب:!!: سبحان اللي بغير ومابيتغير ههههههه ياستي عوافي بس لا تكتري اصلا من وقت اللي قلتيلي انك اشتهيتي فنجان القهوة تبعي اللي بالصورة ورحتي عملتي قهوة بالليل حسيت ان الموضوع في شي غريب هههه وحسني قلبي انك بتتوحمي واليالنجي ههههه والحلا اللي عملتيه يعني بيني :rolleyes:ولا شو رايك ؟
ولااااااااااا حرام والله زوجي ابدا مابيتركني وماله بالعادة لومابدو يجيبلي الهدية مابيتركني
انا اللي بتركه وبهرب كتيييير بحكم انه بكون جارر امه بالعربية وانا بكون بدي شي غرض فبهرب منهم خخخخخخ
وتسلميلي يارب كلك ذوووق وان شالله يعجبوه الهدايا
ياحبيبة قلبي افكارك بتجنن بس القلم جبتله السنة الماضية طقم اقلام باركر اذا بتتذكري ذهبي وبعدو مااستخدمهم والمحفظة من مدة قريبة اشترى محفظة على ذوقه ... ودفتر الملاحظات والحاسبة زوجي من النوع السريع يعني الايفون تبعه بيخدمه بهالاشياء وكتير اشياء تانية من كتر مابنزل برامج تسهل عليه كل شي ... عشان هيك محتارة
ولا مابزعل منك حيوووتي انتي بعرف انها لزيزة كتييير ومكترة كمان :mad:
وبخصوص الساعة والله حق معك وخاصة انو زوجي مايلبس ساعات ابدا خخخخخ يعني بروح المكتب لابسها بيرجع بلاها وهكذا ... عن جد لولا الشهوات مانفقت السلع ... شكلي انا اللي مشتهيتها خخخخخ وكمان انا مابحب الساعات ابداااااا:cool:
ويالله زيني البيت زينة خفيفة لا تتعبي حالك واطلعو برا وانبسطو ويارب تنبسطو وتتهنوا
والله يخليلك زوجك اكيد بدو يفكر هيك عشان راحتك
CATS_ANGEL;14021696:صدقيني خير ما عملتي و السهرة مع الاخت او الاهل احسن من هيك مشاوير ما بتعرفي فيها حدا و سورية احب ما عليها خدي مني ههههههههههه عم بعزم على حساب غيري:biggrin:
قلتيلي اخدتي اولادك وليييي الصغار ما بينبل في تمهن فولة و بحطو و هنن مو عارفين انهن حكو هههههههههه ما ازكاهم اطافيلك قال بدهن يجهزو حكي قبل ما يوصلو هههههههههههههه الله لا يحرمنكن من بعض يا رب
لك احنا كلنا على حسااابك ولووووF:
واي والله مالي حابة اروح لانهم ماشالله مجتمع كامل والله وصعبة علي اروح وادخل لحالي
فيالله كمان هالروحة راحت علي متلها متل اللي قبلها ....
وولادي بيعجبوكي حرام يعني انا عودتهم على حفظ اسراااري وبحسهم بينبسطوا وبحسوا حالهم كبار وماشالله عنهم بيحافظو على الوعد شطورين ههههه:thumbs_up:
وتسلمي يارب مايحرمك من احبابك
CATS_ANGEL;14021770:والله خليتيني دمع بس شفت الصور الله لا يحرمني منك يا رب شو انك مزوئة و يسلمو كتير على الصور رح اطبعهن و حطهن بغرفة تالا عقبال فرحتك بتخرج اطافيلك يا رب :087::087::087:
والله هذا اقل شي بعمله ياكاتس وانتي غاااالية على قلبي وربي يسلمك
ويسلملك تالا وعقبال كل سنة وهي بخير وعوافي :087:F:
