لمتنا السورية اهلا وسهلا فيكم لشهر محرم1432

CATS_ANGEL;13964050:

انا هلأ معصبة و معصبة كتير كمان اكتر شي بكرهو بالحياة حد يجي بدون موعد سابق يعني اخت جوزي بتتصل بدي اجي بكرا من الصبح يعني ما قدرتي تحكي من الصبح ولا منيح يلي اتزكرتي تحكي اصلا ما افترضتي انو جيتك بدها تحضير ما افترضتي انو انا صايمة بكرا ما افترضتي انو ممكن يكون الي مشوار لو مش من الصبح لسى اهون على كل اهلا وسهلا فيها شو بدي احكي اكتر من هيك فشة خلق وراحت سامحونا

CATS_ANGEL;13964433:

مرحباااااااااا :D:025::025:

زكرتيني بايام البحر كنت انزل اصبع اصبع مع انو المي بتعتبر دافية وقتها بس ما في بعد سباحة البحر شو بدنا بالحكي :ok:

اذا شافت سورية هالرد لتيجي تعملك قتلة مو تبولة يمكن ما بعرفو :K: عشان هيك قضوها شي تاني :089::089::089: يا ويل ويلي بس تيجي سورية :011::011:
ايه هيدا الحكي كان زمان انو الام ترتاح و البنت تشتغل هلأ الام بتترجى البنت ترضى و يا ريت ترضى الله يجيرنا يا رب و غير هيك هالجيل كلو مدلع بدو مين يطعمي :017::017::017:

و الله ضحكتيني صحيح انا ما بحب شي يضل في بالي بس مو لهالدرجة ولي عليكي هيدا انتي رهيبة و قال شوجاكرت المحطة هههههههه:044: يا ستي انا مرة عملت عملتك بس شغلة جكر بيني و بين زوجي اذا بتعرفي مسلسل الخبز الحرام كنا نحدرو انا وجوزي و بعد كم حلقة و انا انشديت للمسلسل جوزي ما عجبو القصص يلي صارت فيه وكل يوم بحكي يمكن هالحلقة :094: اخر شي فقعت معو و حكالي ما احدر المسلسل و انو عيب و قصص فوق الطبيعي انا ما كزبت خبر وحدرت بقية المسلسل على النت و قلتلو خلص ما بدي احدرو صدقيني مو لشي مخي هيك حكالي اعمل وقتها و بصراحة ما انبسطت فية متل الحلقات كل يوم و حتى ما كملت للاخير ما عندي طولة بال لانو :038:
صدقي معك حق الرجال ما بينعطى عين و لا كان بنبحتو بالسوق بس بحكو علينا انو بنشتري كتير هههههههههه يلا منيح يلي ما سايرتي بالشنتة كان ما لقيتي هدية:07:
اما قصة الكلوركس الملون معك حق فيها انا كنت استغرب ليش القطعة ببهت لونها او بتغير و لما وقفت استخدامو رجع غسيلي ما احلا و كانو جديد وما عدت استعملتو ابدا الا اذا الشغلة ضرورية كتير

دمشقية يا دمشقية شو بدي احكيلك عندك بعد نظر رهييييييييييييب حاسبة حساب ريحة القهوة كمان و الله بس قرات ردك رجعت قراتو اكتر من مرة :023::023::023: بعد هالجواب ما رح اعمل شغلة غير بعد استشارتك هههههههه

CATS_ANGEL;13964502:

الله يتقبل منا ومنكن يا رب انا اليوم عملت صينية بطاطا بالفرن جنبها شوربة خضار و بكرا ان شاء الله صايمة كمان لانو مو معقول صوم اليوم و بكرا لا عشان ناس ما بهمهم شي 8o| و بدي اعمل صينية كفتة شي بطحينية و شي مع بندورة وما بعرف شو بدي اعمل جنبها :!!:

وصحة و هنا على المقالي و الشيشبرك و شو عملتي اكلة رئيسية اليوم:thumbs_up:

الدمشقية;13959947:
اهلين ليان يسعد صباحك يااارب
وماشالله تتهني ياارب الحمد لله انبسطتي وغيرتي جو وهنا وعوافي على الاكلات الحلوة ...
ويالله شفتي هي صاحبتك جستلك النبض ههههه ويالله هي عطتك دافع لتتعرفي على الجيران والله الجار الكويس مافي منه
قال جارك القريب ولا اخوك البعيد ...
ماقلتيلنا شو الفيلم اللي شفتوه ههههه ... وعادي دايما الصغار بنغصوا احلى الجلسات
انا مرة شام فضحتني بسنيما الشام وخلتني قضي الوقت كلله برا واخر شي رجعنا البيت وماكملنا الفيلم

ومنيح اللي اجتك الدورة لان بالي ضل عندك والله وخصوصي لما قلتي انك اخدتي حبوب
هلأ انا برايي بعد ماتخلصي دورة لا عاد تاخدي حبوب وتوكلي على الله ويارب يصير حمل ويتممه ربي على خير
وطبعا انتي ادرى بحالك والله يختارلك الخير

الدمشقية;13962529:
اهلين ليان الشيشبرك سهلة كتير ومافيها صعوبة
واذا عملتيها صحتين وهنا على قلبك وبخصوص الصيام يالله الايام جاية وربك رخصلك

قلتي ليان اخوكي بيدرس فندقي .. كنت حابة اسئلك عن صلصة المارينا او المورينا مابعرف بالضبط هي صلصة بتنحط على الفيليه الدجاج
وكتير بتجنن ياترى بلاقي طريقتها عن اخوكي وشكرا سلف ياقمر عم نغلبك

اليوم البنات مكسلين ماحدا باين من غير شر
سلامنا للجميع

leeean;13964921:
كنت بدي روح اليوم ام قلي جوزي استني شوي ومنزورن سوا اول مرة وانا وافقت لأنو اول مرة مارح يكون في حديث ازا كنا سوا احسن

شامة;13965638:
مسا الخير كيف الجميع يارب تكونو بخير
ياسمينتي الحلوة الف الف مبروك يارب التمام على خير
كاتي الحق معك صعب ضيف الفجأة وخصوصي من بيت الاحمى يلا بعين الله الله يبيض وجهك
دمشقية اشتقتلك الله يسعدك عنجد بس اسمع حكياتك بضحك من قلبي كلام ما بخلي عالقلب هم وشو هالاكلات الطيبة الي حاطتيها السينابون ذكرني بلولو طعمتني ياه بالضيافة بجنن
سورية الله يخليلك بناتك بكرة بصيرو صبايا وبدللوكي متل بنات لولية ولا تردي عدمشقية في الى من :K: والي بعده:o:L:
ليان منيح ما طلع فيه حمل مشان الدوا الي اخدتيه بس هلق اتري حالك واتكلي عاالله بس بدون ما تاخدي ايا دوا :034:
لولية وين غاطة لسا ما خلص البرد عندك
شامية يارب تقومي بالسلامة الحق معه ابنك يحب الكيكة في اطيب من الشوكلا الف صحة تغذي ما بتاكل الا العافية
مونو بيرل طلو

لؤلؤة الشام0;13966285:
مسا الخير عل البنوتات الحلوين والله يسعدهم يلي سألو عني وانشغل بالهم علي
انا بخير لا تشيلو هم طلعت نتيجة المسحة وقال جرثومة من الجو والمضاد الحيوي يلي كتت عم احده منيح الها بس رجع وصفلي ياه مرة تانية لانه الاحتقان لسا موجود بس انا حاسة اني احسن ربي لك الحمد
ماعم ادخل عشات لانه عندي حماتي :(وصعب اني اقعد على النت واتركها ما قلتلكم اني صاحبة واجب :D
ليان الحمد لله انك بخير وانبسطي بزيارة رفيقتك ويلا تعرفي عجارة وانطلقي جوووووووو:)بحكي لغات شايفة
دمشقية الله لا يشغلك بال على محب وتسلم يديكي على الحلويات الطيبة ومانحترمك انا وعم اكتب الرد فاتت حماتي قمت تذكرتك قلت ياريت اساورها بيخشخشو كنت عملت متلك انا كمان مفترية الساعة 3 ونص فتحت نت
سمورة مبرووووووووووووووووووووووووك الحمل اشتقنالك طلي متل اول لندردش
لولية كيفك مع الاسواق وكيف صحتك مبروك للبنات شفت الصور بالفيس بوك ماشاء الله روعة تعيشي وتعملي حفلات وحبيت كتير بنتك الصغيرة الله يحفظها هي واخواتها
كاتي كيفك وشو اخبارك وطولي بالك هنن بيت الاحمى بياخدو راحتهم زيادة عاساس بتعرفي البيت بيتهم :mad:بوسي تالا الله يحميها
سورية الله يقويكي ويحفظلك ولادك ولا تردي على حدا وكله باجره عند رب العالمين والله يجعلهم من الصالحين
شامة الله يقويكي على اجتياز الشلالات وسلامة البنوتات وصحة عل الاكلات وان شاء الله بتنبسطي بالزيارات كله عالقافية الله يعطيني العافية ونفسي اكتب كمان بس بدي اخلص قبل ماترد تجي الكبسة مرة تانية
شامية صحة وهنا كلي وعلى قولة شامة اجت لعندي عمرة وقت كنت حامل بيوسف وكل ما قلها عم اكل كتير وشوب كتير تقلي معلش انت نفسك بنفسين وعلقوها ولادي وجوزي وخدي مألسة كل شغلة عقولة خالتي انت نفسك بنفسين
سيرة الحب اليوم كانت شاورما من يدي ومبارح اوزي وبكرة ناوية اذا الله راد فطايرات وبيتزا
ان شاء الله ماكون نسيت حدا بالرد وبالنسبة للحلوات يلي حارمينا طلتهم يارب يكونو بخير ومابدنا غير هيك وتصبحوا على خير كبسسسسسسسسسسسسسسة :badly:

سورية وبفتخر;13966314:
ياربي الجميع بخير
كيفكم ياعسولات
دمشقية لو قضيناها بوس لكن :lol:المشكلة حتى البوس بهالايام بجيب ولاد خخخخخخخخ ومتل ماقالت كاتس والله هالجيل كسلان بده مين يعينه
والله يتقبل عالصيام وانا كمان صمت
كاتس حبيبتي طولي بالك بجي من بيت الاحمى اكتر ههههههه كيف تالا العسل
شامية صحة وعوافي يارب على قلبك وقلب ابنك ذكرتيني لما كنت حامل من غير اليوم هههههههههههه
ياسمينة ان شاء الله الف مبرووووووووووووووووووك يارب وعقبال عند بنوتة وليان واختي وكاتس ودمشقية يارب
شامة كيفك وكيف اولادك طمنينا عنهم ربي يشفيهم وشايفة لاحقيني حتى عالبوس والذي منه
لؤلؤة طمنينا عن حلقك كيف صار سلامتك ياربي
ليان ان شاء الله ربي بيبسطك دوم يارب وروحي واتعرفي عالجيران والله بتتسلي انا من يومين رحت لعند جارتي الساعة 12 ونص بالليل جارتي دقتلي وقالتلي تعالي اسهري معي وجارتي بعمر امي وبناتها من قدي واكبر والله اتسليت كتير وغيرت جو ونفسية
سلامي ل لولية ومون وبيرل ان شاء الله يكونوا بخير

الدمشقية;13967214:
يسعدلي المعصب انا :mad: بس بروء بسرعة :D
يالله شو بدك تعملي الله يعينك مطب واكلتيه ههههه ياستي منقول اهلا وسهلا مامنقدر غير هيك ... بس بتعرفي انا لما بكون مالي مستعدة نفسيا وعندي التزام مثلا او حتى شمة هوا والله لو مين مااتصل على طوول بقول والله مشغولين وعنا مشوار تفضلوا باي وقت تاني اهلا وسهلا;)....
بقى يالله الله يعينك هلأ بتكوني مبسوطة وعم تكركري مع بنت حماكي خخخخخخخ
الله يقويكي يارب :rolleyes:





اهليييييييين بالقمر هذا انتي هههههههههه شفتي كيف بتروءي بسرعة
يسعدلي ابو قلب طيب انا :adore:

وعن جد سباحة البحر مافي منها انا هالسنة براس البسيط بقيت من الضهر لغابت الشمس وانا بالحر انا واختي اللي بسوريا ههههه والله انحرئنا واتشوهنا وخاصة ولادي هههه كلله كرمال البحر ;)
واما عن سورية هيها اجت على الريحة شفتي يالله اكيد راح اكل اتلة اليوم منها .. ياباطل خخخخخ .. ودخيلك خليهم يتدللوا ويتدلعوا ياما اتدللنا عند امهاتنا وهينا الحمد لله عم نكرف كرف ببيت زواجنا :confused: ولا شو رايك ؟

وشفتي كيف جاكرت القناة خخخخخ ... اي صدقيني بكره المسلسلات لانها شي يومي
اما الخبز الحرام لا والله ماشفته وبالفعل فيه جراءة كتير متل ماقال زوجك
انا راح اخبره انك شفتي المسلسل عالنت من ورا ضهره :041: ...

وبخصوص البحتة بالسوق ياستي كنا بايكيا مبارح وانا مابدي شي بس رحنا نتمشى مو اكتر
المهم بالخير جبت كاسات ملونة للصغار وطقم صغير ملاعق خشب للتيفال وبس قلتلوا حاسب على بين مااجيب سندويش .. المهم رجع جايبلي :064: فازة صغيرة وزبدية كبيرة للفتوش وعندي متله قال اي صارو اتنين وجايب ورد مجفف معطر :o:adore: وكم شغلة كمان
شو رايك بقى ؟؟؟؟ قلتلوا يعني استحيت تدفع على الكاسات والملاعق .. سكت وضحك
بقى هنن على قولتك مابشوفوا حالهم .....
وربك حميد مبارح كمان شاف شنط لاب توبات قلتلوا امشي مشي والله مو حلوين بقرفوا والشنط اللي عندك شو اعمل فيها خخخخخخخخخ ... شايفة ان شالله يمر هالاسبوعين على خير واجيب هدية لان شكلي وقتها مارح لاقي شي يعجبه :worn_out:
وبخصوص الكلور والله وانا وقفته ماحبيته
بتصدقي حتى الداوني المركز والله بقع على قميص زوجي :!!: قسما بالله حتى قلت لسورية وجربت وصار معها نفس الشي ... مع اني بضيفه للشطفة الاخيرة العاادة يعني

هههههههه ضحكتيني على كلامك بخصوص القهوة
بس يااختي شو بدي اعمل هيك بريح راسي لانو حتى هي محسوبة علينا اذا صارت بلاها
بقى منبقى بالسليم احسن ومنقضيها تسالي واشياء عالساكت من غير ريحة ;)
واي خدمة او استشارة يافندم احنا بالخدمة :092:

الله يسلمك يارب يتقبل من الجميع ربي
واي صومي طبعا كل شي لحال وهي بكيفها ... وهنا وعوافي على الاكلات الطيبة
وجنب الكفتة بدك شوربة عدس اممممممممم بتطلع تحف ولذييذة ويارب عوافي
انا عملت مبارح فاصولية بزيت ومشيت مبارح واليوم ماااابعرف طفشت من اللحم والرز والدجاج بكرا لان سورية بدها تعزمنا على زربيان تؤبش قلبي
بقى شو بعمل اليوم مابعرف
ويسلموا على القهوة عذااااب والحلاوة اللي معها الوانها تحفة

لولية;13967271:

يسعد صباح الأمامير يا رب أول شي بوجه كلامي لسورية ليكي حبيبتي لا تخوفيني وتقوليلي البوس بيجيب ولاد ترى هالأيام من كتر الشغل وقت عم يجي ابن عمي ما بيصحلنا غيره خصوصا البيت بيكون مليان بس كمان يجيب ولاد ايه والله مشكلة مو وقتها طيب بدي اسألك مدام خبيرة ما شاء الله عليكي دخلك الحكي بالتليفون بيجيب شي وفرد مرة استفسريلنا المسجات على البلاك بيري شو بتعمل وخصوصا إذا كانت طول الوقت متل اللي بيني وبين ابن عمي
لولوة حبيبتي تسلميلي يا رب وان شاء الله تفرحي بولادك يا رب وإنتي أصدك الصغيرة اللي لابسة أبيض ما هيك بس أنا رفيقتي ياسمين اللي لابسة جلد النمر الطويلة حبيبتي ما بحس بأمان غير لما بتوصل عالبيت متل ما بتقولي هي القلب الحنون تبعي أما العروس فهي بنتي الكبيرة هي اللي بتطبخ وبتنفخ ربي يرضى عليها من عنده أما الصغيرة هي حبيبة أمها هي متل ما بقلها دائما منظر جميل يتجول في المنزل من غير أي فايدة وايجى خطيبها متل ما بدها عم يدللها زيادة الله يبعتلهن أيام حلوة يا رب ويسعد كل ولادكن
والله يا بنات نقيت موديل فستان وبعد ما رجعت عالبيت غيرت رأيي ونقيت غيره فاليوم رايحة عند المصمم آخد رأيه أما بالنسبة للبرد فراجعة العاصفة يوم الجمعة الله يستر خطي خبروني امبارح على وحدة كانت راكبة بالسيارة رايحة تجيب ولادها من المدرسة بالعاصفة ما بتشوف غير شجرة ووقعت على السيارة وخطي راحت فيها بقى الله يجيرنا يا رب
كاتس حبيبتي حطي أعصابك بمي باردة أصلا بيت الأحما هيك لازم يعملو لكن شو بدهن يخلوكي مبسوطة والله أنا كل مرة عم يضيعوا جزء كبير من فرحتي ببناتي بجيتهن على المناسبة لإني رح شوفهن لأنو أنا ما بتقابل فيهن غير بالمناسبات وعالرسمي جدا وكل مرة بيحاولةا يخربوا شي بس الحمدلله ربي عارف وعم يقويني والله أخر مرة بخطبة بنتي أخدت حبه مهدئة لأول مرة بحياتي أد ما كنت معصبة من مجرد شوفتهن أد ما عاملين لك خليها على الله ولا تؤاخذوني إنه انفتحت وما عاد اسكت بس أنا والله وحدة كتير رايقة ومسايرة وحبابة وما بحكي على حدا أبدا بس لما بتيجي سيرتهن هيك بيصير في مو بايدي الله يعفو عني
دمشقية فكرة الشنطة حبيبتي كتير حلوة ومتل ما قلتي الكرسي خليه هلأ للأوكازيون بس ممكن تعودي ولادك وحماتك احم احم الله يعني وتقوليلهن هاد مكاني ومكان زوجي بليز حماتي بليز ولادي ما حدا يقعد عليه طبعا ممكن من أول بليز ما تحسي بحالك شو صرلك من حماتك وتكوني رحتي فيها شهيدة الكرسي
شامة حبيبتي جاي عبالي انزل على سوريا كم يوم لسه عندكن ثلج والا لا لإني وقت شفت منظره على التلفزيون خفت من النزلة وخصوصا إنه بيت أهلي بارد ومو مسكون
اليوم نحنا معطلين بمناسبة عاشوراء وكان جاي عبالي ضل بالفرشة بس بناتي بلشوا النق وين رح تاخدينا
بوسكن وحدة وحدة يا حلوات واستروا ما سمعتو مني