20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

تسلم ايديكي يا ندي انتي ورشروش جوعتوني حرام عليكم
فراشه الايمان وندي ميرسي ليكو انا كتبت اللي قلتوه عشان مش انساه لاني خلاص جالي زهايمر
سؤال لرشا كريمه الطهي ممكن نستبدلها بكريمه لباني
والكريمه الباني ممكن نجيبها ونحطها في الفريزر واطلعها وقت الاستخدم ولا تبوظ

عالم سمسم;13924563:
تسلم ايديكي يا نودي انا برده بفكر اعملها


تسلمي يا رشروش طيب لو عايزه اعملها لرنا هي 5 شهور اطحنها جامد مش كده ولا اديها الميه بتاعتها بس حد يقولي

هوبا ازيك حبيبتي
ممكن تقوليلى انتى بتأكلى رونااا ايه بالظبط عشان هى اد صوفيا وانا لسه مش اديت لصوفى اى حاجه غير اللبن

رشرووش;13925495:




الطريقه
نسلق المكرونه عادى خالص اى نوع
ونجيب حته زبده ونشوح قيها المشروم سواء فريش او معلب
وورشه فلفل اسود ورشه توم بودر او لو مفيش فص توم واحد
وبعدين ننزل بالكريمه الطهى ومعلقتين موتزريلا ومعكب كيرى <اختيارى>
وممكن لو حسيتى ان الكريمه بقت تقيله تزودى شويه حليب
وبعدين انزلى بالمكرونه وظبطى الملح ورشه بقدونس
وفى التقديم رشى موتزريلا على وش الطبق

تسلم ايديكي يا روش روش انا بعملها كده برضه وساعات بقطع عليها قطع فراخ

lifedrop;13925517:
دى صور الكب كيك
بس طبعا التصوير زفت
معلش بقى كاميرا موبايل :(

تسلم ايديك يا معلمى ايه الجمال دههه :D

ديو انا بدات اكلها اول امبارح مديتهاش غير سيرلاك القمح اللي بدون لبن لان في نوعين واحد قمحر وواحد قمح وولبن وبضيفله ميه مغليه فاتره
انتي ممكن تعمليه باللبن الصناعي طبعا
بس عملتلها 3 معالق كده صغيرين دوقتها يعني وكنت مخلياه سايل شويه عشان لسه في الاول وبالتدريج تتقليه وطبعا استني 3 ايام متديهاش حاجه جديده لغايه ما تتاكدي ان النوع اللي بتاكله معملش حساسيه لا قدر الله
وناويه اديها بسكوت شاي
وكوسه مسلوقه اهرسها شويه وعليها كمون نقطه زيت وبطاطس وجزر
بس دول اللي في دماغي حاليا لغايه ما ربنا يسهل واروح لدكتوره اطفال اسالها

تسلم ايديكو يا بنات كلكو
شكرا يا رشروش على طريقة المكرونه بالوايت صوص
تسلم ايدك يا ندى

عالم سمسم;13925643:
ديو انا بدات اكلها اول امبارح مديتهاش غير سيرلاك القمح اللي بدون لبن لان في نوعين واحد قمحر وواحد قمح وولبن وبضيفله ميه مغليه فاتره
انتي ممكن تعمليه باللبن الصناعي طبعا
بس عملتلها 3 معالق كده صغيرين دوقتها يعني وكنت مخلياه سايل شويه عشان لسه في الاول وبالتدريج تتقليه وطبعا استني 3 ايام متديهاش حاجه جديده لغايه ما تتاكدي ان النوع اللي بتاكله معملش حساسيه لا قدر الله
وناويه اديها بسكوت شاي
وكوسه مسلوقه اهرسها شويه وعليها كمون نقطه زيت وبطاطس وجزر
بس دول اللي في دماغي حاليا لغايه ما ربنا يسهل واروح لدكتوره اطفال اسالها

بصى ياجميل ممكن تأكليها مهلبيه بس نص لبن ونص ميه فاهمانى وياريت لو يكون لبن مبستر

والسيريلاك ياريت لو تعمليه بعصير البرتقال المخفف ده كان كلام الدكتور مدحت الزيات لو تسمعى عنه

البرتقال فيتامين سى وملييييييييييين لان البيبى لما بيبدأ ياخد اللاكل الصلب ممكن يحصل امساك لاقدر الله وخصوصا من السيريلاك

واسلقى كوسايه وحته جزر صغيره وحته بطاطش وفى الخلا ياجميل وعليهم نقطه لمون نقطه واحد علشان تدى طعم وبلاش كمون ياقمر علشان هى لسه صغيره على موضوع التوابل ده

ممكن تلحسيها جبنه مثلثات وانعم حاجه فيهم وعن تجربه بريذدون

ممكن تهرسى موز بالشوكه وتديها

طبعا كل اسبوع صنف واحد اللى يدخل علشان تتعود على المذاق وتختبرى جسمها هايعمل حساسيه بعد الشر ولا لأ

والزبادى تدخلى كل يوم معلقه وتانى معلقتين وتالت يوم 3 وهكذا تزودى كل يوم معلقه لغايه ماتوصلى لكوبايه وطبعا كل يوم من كوبايه جديده

هو ده اللى فاكراه دلوقتى واهو على تجربيلها كل ده يادوب تكون وصلت سبع شهور :lol:

وساعتها اقولك لى الاكلات تانيه وربنا يخليهالك ويباركلك فيها

ازيكم وحشتونى

جبتلكم كام حاجة كدا

دوناتس



قلقاس من ايدين ماما




و دى فراخ بصوص الطماطم والجبنة عملتها ع الغدا النهاردة



و قدمتها مع رز ابيض

عالم سمسم;13921929:

معلش يا كتكوته انا حصلت معايا قبل كده في الدونتس وبرده كل لما احط دقيق محسش بتحسن خالص بس وكله اترمي بس استني شوفي ام بودي مترميش حاجه
وتقريبا نوع الدقيق يمكن مش كويس
عشان انا عملت بيه كم حاجه وكلهم فشلو :'(:'( لما اتعقدت قلت اكيد الدقيق

لأ يا هوبا مش من الدقيق لأنه هو هو اللي بجيبه عالطول وكنت لسه مستخدمه منه قريب كمان :(:(:( وام بودي للأسف مدخلتش خالص علي حظي السيء يلا كل شيء نصيب، هرميها طبعا خلاص

marmora7722;13923694:

السلام عليكم
أنا كنت داخلة اسألكم على حاجة بخصوص التورتة أصل انا اول مرة اعملها و الحمد لله طلعتها من الفرن من شوية و مهبطتش بفضل الله بس هى عندها كرش هههههه كده يعنى منفوخة وحاسة انى لو زوقتها من الوش كده هيبقى شكلها مش ظريف
أيه رأيكم أقلبها و ازوق من ضهرها هى هتبقى مرفوعة شوية بس مش هيبان يعنى بإذن الله و لا ايه رأيكم
أنا كده كده مجربة فى واحدة صغيرة علشان كنت خايفة من الخسائر
يارب حد يدخل يرد عليا

مفروض بتشيلي الزوايد قبل التزويق وتشيلي كل الطبقات الناشفة وكده فهتبقي ملساء بالنسبة لك بعد كده

فراشة قوليلى بقى على الاكل بتاع ال 7 شهور و الشوفان امتى و اعمله ازااى و عايزة طرق لصدور الفراخ غير التحمير و الطاووق و الشاورمة و محدش قاللى على البرارس البيوريه بتحطو عليها ايه

Bird amore;13925720:
ازيكم وحشتونى

جبتلكم كام حاجة كدا

دوناتس



قلقاس من ايدين ماما




و دى فراخ بصوص الطماطم والجبنة عملتها ع الغدا النهاردة



و قدمتها مع رز ابيض

تسلم ايدك الاطباق شكلها حلو اوى لو سمحتى عايزه طريقه الفراخ بصوص االطماطم وكمان الدونتس

عالم سمسم;13925643:
ديو انا بدات اكلها اول امبارح مديتهاش غير سيرلاك القمح اللي بدون لبن لان في نوعين واحد قمحر وواحد قمح وولبن وبضيفله ميه مغليه فاتره
انتي ممكن تعمليه باللبن الصناعي طبعا
بس عملتلها 3 معالق كده صغيرين دوقتها يعني وكنت مخلياه سايل شويه عشان لسه في الاول وبالتدريج تتقليه وطبعا استني 3 ايام متديهاش حاجه جديده لغايه ما تتاكدي ان النوع اللي بتاكله معملش حساسيه لا قدر الله
وناويه اديها بسكوت شاي
وكوسه مسلوقه اهرسها شويه وعليها كمون نقطه زيت وبطاطس وجزر
بس دول اللي في دماغي حاليا لغايه ما ربنا يسهل واروح لدكتوره اطفال اسالها

صباح الخير
انا بنتى اد بناتكو كده ربنا يخليهملكو يارب
بدات اديها بردو سيريلاك قمح بشويه ميه وبسكوت بشاى او ينسون وبطاطس مسلوقه وجزر وتفاح اسلقه واهرسه وادهولها وزبادى

~OM-ADAM~;13920948:
بنات بليز عايزه طريقة حفظ السبانخ في الفريزر ضروري

بنت حلال كنت لسه هسال السؤال ده وياريت طريقه اعملها بيها

رووفة;13918919:
عزومتي لخطيبي

خدوو فكرة وتعالو بكرة ههههههه




فراخ مشوية




كفتة



كبـــــــسة



صووووووووورة السفرة
الحاجة السودة دي اختي :lol::lol:




طبقي:cool:

تسلم ايدك وبالف هنا ممكن طريقه الفراخ ضرورى عشان عايزه اعملها بكره ان شاء الله

سالاد طريقة الكريم شانتية زي مقالتلك فراشة و تضيفة قبل متضيفي النشا بحبة بسيطة ب&#8233;‏بنات عايزة اعمل رز بالجمبري و الصلصة بس مش فاكراة اوي هقولكو الي فاكراة و لو في حاجة غلط قلولي عليها هحمر بصلة مبشورة في زيت ولما تتحمر احط عصير طماطم بعد ميتسبك احط الجمبري و بعد شوية اضيف الرز و مايتو و الملح تمام كدة و لا ناسية حاجة

[QUOTE=CuTie KaTkOoTa;13921278]انا عملاها العجينة بتاعة هند وهي كاتبة زويت مع ان كل طرق السينابون بزبدة، المهم دلوقتي انا زودت دقيق وبردو لسه لزجة، كده يا بنات ايه الحظ ده ياربي محدش يدخل خالص علي حظي وانا محتاسة ومستعجلة كمان، يعني هرمي كل العجينة في الاخر دول حوالي 4 كوبيات دقيق :'(:'(:'([/QUOTE

على فكرة يا كتكوتة خدى بالك من اختلاف الدقيق لانى برضه كنت عاملة الدونتس بطريقتها لما كنت فى مصر و كانت كاتبة 3 كوبيات دقيق و لقيتها لزجة جدا قعت ازود لحد ما وصلوا 5 كوبيات يعنى زودت كوبايتين دقيق تخيلى بس طلعت حلوة جدا و بعد كده قريت ان فيه فرق فى نوع الدقيق فزودى دقيق لحد ما تتماسك معاكى انا مش عارفة انى رميتيها ولا عملتى ايه

بنات عايزه طريقه العجه بسرعه لانى هاعملها ونفسى رايحلها

بنات عايزه طريقه لتخزين الفاصوليا فى الفريزر

عالم سمسم;13923509:
رورو رايحه فينك ربنا معاكي يا قمر ويسهل امورك

روفه وام سيمو وسالاد الاكل جااااامد ما شاء الله تسلم ايدكم


عايزه طريقه البليله الي باللبن

وكمان عايزه اعملها لرنا بس مش عارفه ازاي

البليله تجيبى قمح او غله زى مابيقولوا
وتنقعيها ليله فى المايه

الصبح تحطيها على النار

وتسيبيها تغلى فى المايه

بصى بقى السوا بتاعها انا بحبها مهريه تماما يعنى القمحايه بتتفقع كدا هههههههه ودى احسن نتيجه بصراحه لان قبل السوا دا بتلاقيها بتشد كدا

المهم ياستى عشان تبقى بليله زى بتاعة الشارع

لما تستوى تجيبى ربع كوباية لبن ساقع ودوبى فيهم معلقتين نشا وانزلى بيهم على البليله بعد ما تكون طبعا مايتها نقصت

وقلبى لما تتقل كدا

خدى منها بقى فى طبق جانبى شويه وحطى عليهم سكر وشوية لبن تانى وحطيهم على النار وقلبى قلبى واغرفى بقى فى طبق او كوباية واشربى احلى بليله وانا بحبها سكر زياده :thumbs_up:

عشان بناتك بقى
بصى انا بعملها ليويو وهو اصغر من كدا كنت بضربها فى الخلاط واصفيها واديهاله

دلوقتى عادى زيى وبديهاله بالمعلقه عادى بتبقى هايله وكترى بس السكر كدا هتحبها اووووووووووووووووى :thumbs_up:

OM SIMO;13923575:

ام ياسين :
الف سلامه عليكى انتى ضغطك بيعلى على طول ولا دى اول مرة؟

لا لما ابقى مفقوعه بيعلى :lol:

cat lolo;13924115:
بسبس الف سلامه عليكى على فكرة الدوم لما بيتغلى بيبقى طعمه حلو انا اخويه كان جايب لنا دوم بودرة كده من اسوان كان طعمه حلو وكنت باكله كده كمان هههههههههه

اه بس مش للدرجه يعنى

انا اصلى بخاف من شكله
اقوم اشربه :(

miobello;13926520:
بنات عايزه طريقه العجه بسرعه لانى هاعملها ونفسى رايحلها

بصى ياجميل هتحمرى البصل مع البقدونس بعد ما تقطعيهم اول ما البصله تحمر والبقدونس هتشليهم من على النار
فى كوبايه هتحطى دقيق حبه كده حلوين مع شويه ميه وتقلبى وشويه بيكربوتات
وبعدين تحطيهم على البصل والبقدونس
وبعدين تدهنى الصينيه زيت وتحطى فيها الخلطه وتقفشى عليها البيض وبعدين تدخليها فى الفرن
يارب تطلع حلوه معاكى انا عملتها مره بالطريقه وطلعت حلوه جدااا واى سؤال انا موجوده

lifedrop;13925580:
انا عملتها بالميكسر عادى
اعتقد انه زيه زى الخلاط ان شاء الله

جزاك الله خيرا يا قمر

تسلم ايد ك يا جميل وتم التقييم
بس انتي حطيتي الدقيق في الخلاط كمان
ولا ضربتي البيض بس؟

ازيكم يا بنات وحشتوني اوي كلكم كلكم كلكم
ام بودي وناني وام ياسين ورورو ورشروش وشاهي وندى وايمان وسوسي وبوسي وشيماء ومشمشه واللي نسيته يسامحني بجد معلش مسطوله..الدنيا عندي ملخبطه وبكلم نفسي
المهم انا كنت عاوزه طريقة الفته
انا اللي فكراه من اخر مره عملتها
ان اسلق اللحمه وبعدين احمر توم واحط نصه للشوربه ونصه للصلصه وهي بتتسبك
وبعدين اسقي الشوربه للعيش بعد اما يتحمر واسلق الرز واسقيه من الشوربه دي
وارص بقى العيش والرز واللحمه عل الوش قولولي كدى تمام ولا في زهايمر عندي

ماتنسونيش احسن اللحمه عل النار

اعملى للتوم طشة خل و حطى من الصلصة معلقة على العيش المحمص و ممكن تحمرى اللحمة و تحطيلها كمعلقتين من صلصة و هى بتتحمر تحففففففففففففففة

انا مرة ضربت الدقيق مع مكونات الكيك فى الخلاط الخلاط اتحرق

medowawa;13927178:
ازيكم يا بنات وحشتوني اوي كلكم كلكم كلكم
ام بودي وناني وام ياسين ورورو ورشروش وشاهي وندى وايمان وسوسي وبوسي وشيماء ومشمشه واللي نسيته يسامحني بجد معلش مسطوله..الدنيا عندي ملخبطه وبكلم نفسي
المهم انا كنت عاوزه طريقة الفته
انا اللي فكراه من اخر مره عملتها
ان اسلق اللحمه وبعدين احمر توم واحط نصه للشوربه ونصه للصلصه وهي بتتسبك
وبعدين اسقي الشوربه للعيش بعد اما يتحمر واسلق الرز واسقيه من الشوربه دي
وارص بقى العيش والرز واللحمه عل الوش قولولي كدى تمام ولا في زهايمر عندي

ماتنسونيش احسن اللحمه عل النار

اهلا يا قمر فينك كل دا؟؟

بصى انا مش بسقى العيش شوربه بسقيه صلصه

بحمره واسقيه معلقتين صلصه وهو على النار كدا بيبقى اطعم بكتيييييييير

لالالالالالالالالالالالا اضربى السوايل بس فى الخلاط وبعدين اخطلى الدقيق مع السوايل فى طبق بلاستيك او ازاز وقمسى الدقيق تلت وتلت عشان الخلط يبقى سهل