20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

ام عمر افندى;13921417:
بصى انا معرفش طريقه هند عشان كده مقدرش اعك واقولك حاجه بس انا بعملها فعلا بزبده وبتبقا ماسكه نفسها عموما مش ترميها حرااام استنى لما ام بودى تيجى وتقولك تعملى اييه

انا خايفة اني لما اركنها كده تبوظ اصلا، اصلي نازلة كمان شوية يعني مش هقدر خلاص اعمل حاجة فيها دلوقتي

دموع اشتياقي;13921516:
طيب يا ايمي ايه المكونات الي حطتيها عشان الواحد يعرف يفيدك

1 جيلة طحين رقم 1 ( 500 جرام طحين معجنات )
4 ملاعق ط حليب بودرة
1 فنجان زيت
1 فنجان سكر
1 م ك خميرة فورية
1 ملعقة ص ملح
1 م ك بيكنج باودر
ماء دافئ للعجن

:'(:'(:'(:'(:'( يا خسارة

رووفة;13921615:
ايمي زودي دقيق وزيت او زبدة مش هتمسك في ايديك
لحد ما تمسك نفسها كده
ومش ترميها يا بنتي حرااااااام

زودت دقيق والله كذا مرة ومفيش فايدة انا حاسة انها احسن سنة بس غالبا تهيؤات مش راية تبطل لزاجة، وانا حاسة انها مش ناقصها خالص اي زيت او مادة دهنية:'(:'(

lifedrop;13917253:
تسلم ايديك يا نورمتى
شبه الناجتس شوية

اعتقد والله اعلم سمك

هوبا سؤال جانبى انتى بتجيبى سمك مشوى منين؟؟

في محل في المريوطيه اسمه عروس البحر تقريبا هبقا اسالك جوزي بس احنا مش بنجيب مشوي عشان مش بنحبه بنجيب مقلي بس تصدقي لما يتعمل في البيت بيقي احلي

CuTie KaTkOoTa;13921278:
انا عملاها العجينة بتاعة هند وهي كاتبة زويت مع ان كل طرق السينابون بزبدة، المهم دلوقتي انا زودت دقيق وبردو لسه لزجة، كده يا بنات ايه الحظ ده ياربي محدش يدخل خالص علي حظي وانا محتاسة ومستعجلة كمان، يعني هرمي كل العجينة في الاخر دول حوالي 4 كوبيات دقيق :'(:'(:'(

CuTie KaTkOoTa;13921624:
زودت دقيق والله كذا مرة ومفيش فايدة انا حاسة انها احسن سنة بس غالبا تهيؤات مش راية تبطل لزاجة، وانا حاسة انها مش ناقصها خالص اي زيت او مادة دهنية:'(:'(

معلش يا كتكوته انا حصلت معايا قبل كده في الدونتس وبرده كل لما احط دقيق محسش بتحسن خالص بس وكله اترمي بس استني شوفي ام بودي مترميش حاجه
وتقريبا نوع الدقيق يمكن مش كويس
عشان انا عملت بيه كم حاجه وكلهم فشلو :'(:'( لما اتعقدت قلت اكيد الدقيق

ازيكم يا بنانيت
الاكل كله تحفه ماشاء الله حاجه تجوع

غدانا امبارح

فراخ اخدت طريقتها من النت بس كانت حلوة اوى


و مكرونه بالسوسيس





و الحلو شوكليت كيك






انهارده بقى هنتغدى حاجه مينفعش اصورها
:lol:

فسييييييييييييييييييييخ

اصلى نفسى فيه بقالى كام يوم

اتفضلو معانا

تسلمى يا سوسى اتفضلى كل الباسكت ابعتهالك والله وبجد انتى وصفاتك هايله هاتشجع واجرب اكتر انتى كنتى عامله بف باسترى حلو انتى قلتيلى الطريقه بس ضاعت منى يا ريت تقوليها تانى

تسلم ايدك ام سيمو ممكن طريقه الفراخ والكيك شكله هايل

ام بودى هو الرقاق اللى فى الموقع بتاعك بيدخل الفرن وقت كام ودرجه حراره كام

salad;13922237:
تسلم ايدك ام سيمو ممكن طريقه الفراخ والكيك شكله هايل

ام بودى هو الرقاق اللى فى الموقع بتاعك بيدخل الفرن وقت كام ودرجه حراره كام

تسلمى يا حبيبتى

طريقه الفراخ:

بصى يا ستى هتجيبى صدور مخليه و تقطعيها شرايح طويله
وتحطيها فى التتبيله دى:
ملح فلفل 2فصتوم جنزبيل ورق لورا قشر برتقال عصير نص ليمونه كسبرة ناشفه
زعتر نص علبه زبادى معلقه زيت
وتبيتيها فى التلاجه وتانى يوم بقى تحطيها فى العصيان بتاعه الشيش طاووق
و تبطنيها بدقيق و بيض بلبن و بقسماط و حمرى بقى بالهنا والشفا



طريقه الكيكه:
كوب لبن+كوب سكر+كوب زيت ذرة+4معالق كاكاو + فانيليا
وتضربى فى الخلاط
بعدين تاخدى تلت المقدار دا على جنب عشان تحطيه على وش الكيكه
وتزودى بقى 2بيضه+كوب دقيق+ بيكنج بودر

وتدخل الفرن نص ساعه
وبعد متطلع سيبيها تهدى شويه وبعدين حطى عليها اللى انتى كنتى شايلاه على جنب

وانا بشرت عليها جالاكسى من فوق

واى استفسار انا فى الخدمه

تسلمولى يابنات ربنا يخليكوا

انا الحمدلله احسن شويه :sick:

د.ودعه;13921036:
:lol::lol:
مانتي اللي غلطانةانك بتعلميه اسماء الحلويات دي
لو مش عارف اسمها مش حيطلبها
حياكل اللي بتعمليه بس

هههههههههههههههههههه والنبى ياختى انا كنت اول مره اسمع عن الباستا فلورا كانت منه مش منى هههههههههههههههه

هو عارفهم من قبل ما يعرفنى ههههههههههههه

اصله كييف سويسرول مش عارفه ليه :worn_out:

OM SIMO;13922485:
تسلمى يا حبيبتى

طريقه الفراخ:

بصى يا ستى هتجيبى صدور مخليه و تقطعيها شرايح طويله
وتحطيها فى التتبيله دى:
ملح فلفل 2فصتوم جنزبيل ورق لورا قشر برتقال عصير نص ليمونه كسبرة ناشفه
زعتر نص علبه زبادى معلقه زيت
وتبيتيها فى التلاجه وتانى يوم بقى تحطيها فى العصيان بتاعه الشيش طاووق
و تبطنيها بدقيق و بيض بلبن و بقسماط و حمرى بقى بالهنا والشفا



طريقه الكيكه:
كوب لبن+كوب سكر+كوب زيت ذرة+4معالق كاكاو + فانيليا
وتضربى فى الخلاط
بعدين تاخدى تلت المقدار دا على جنب عشان تحطيه على وش الكيكه
وتزودى بقى 2بيضه+كوب دقيق+ بيكنج بودر

وتدخل الفرن نص ساعه
وبعد متطلع سيبيها تهدى شويه وبعدين حطى عليها اللى انتى كنتى شايلاه على جنب

وانا بشرت عليها جالاكسى من فوق

واى استفسار انا فى الخدمه

تسلم ايدك يا قمر الاكل جمييل
بالنسبه للكيكه انتى بتحطى 4 معلق كاكاو كبيرة ولا صغيرة وبتحطى كاكاو بودرة

تسلم ايدك ياسلاد وتم التقييم
وتسلم ايدك ياروفه روعه بجد والميزان نيله طبعا
ام سيمو التورته وووووووووووواوووووووو تسلم ايدك ياجميل

الف سلامه عليكى يابسبس هاتى دوم بودر والغيه واشربيه حيفوقك بس اوعى تنسى بجد مفيد جدا لضغط والف سلامه عليكى ياحبيبتى

رشرووش;13922778:
الف سلامه عليكى يابسبس هاتى دوم بودر والغيه واشربيه حيفوقك بس اوعى تنسى بجد مفيد جدا لضغط والف سلامه عليكى ياحبيبتى

دوووووم :badly:

ايوة دوم بجد حيعدلك الضغط جامد

Bossy22;13920503:
رورووو اقولك خدى البتنجان معاكى هم بعاد عنك؟؟؟

انتى بتقولى فيها انا هاخد كل اللى هسيبه ف التلاجه العاديه هههههههههههههههه واخده معايا اه سفر يابوسى انا ف الرياض واختى ف جده سفر بالطياره جوزى قالى سبيلى الجزر اكل فيه زى الارنب ههههههههههه
تسلمى على ردك:adore:

مشمش ام محمد;13920838:
الف سلامه يا بسبس انشالله حماتك وانتى لا هههههههه بعد الشر عنك بهرج بعد الشر عن كل المسلمين اللهم امين
دموع اشتياقي ونورما وسلاد وكل البنات تسلم اديكم على الاكلات الجميله دي
رورو هتوحشيني جدا وبوسيلي جوجو
الست روفا الشطوره تسلم ايدك ايوه كده ارفعي راسنا قدام الراجل ربنا معاكى حببتى ويسعدكم

وانتى كمان يانودى تسلمى ياحبيبى عنيا هبوسهالك وهيا بعتتلك بوسه بس عليا انا :adore::adore:

والله هتوحشونى بجد وعندى ليكم كمان مفاجاه بس اما اجى ابقى اقولكم اكيد هتتبسطو عشانى :adore::adore::adore::adore::adore::adore::adore:
بحبكم ف الله
ام بودى كان نفسى اسلم عليكى قبل مااسافر والله وحشانى اوى النهارده وجايه على بالى ودعيتلك:adore::adore::adore:

بالمناسبه انا اعتمدت طريقة شوشو ام مازن ف كيكة البرتقال بجد اكتر من رائعه وجوزى بقى مدمنها تسلم ايديها بجد

لانى خفت اخاطر بكيكة هند لانى مش عارفه مقاس الصنيه والله بتاعت شوشو روعه كانها تورته الله يسعدها ويهنيها ويريح بالها
يلا استودعكم الله الذى لاتضيع ودائعه
لو افتكرتونى ولو لبرهه ادعولى لانى هبقى بحاجه للدعاء :adore::adore::adore::adore:
وابقو سلمووونى على نوووووووووووووووووور

رورو رايحه فينك ربنا معاكي يا قمر ويسهل امورك

روفه وام سيمو وسالاد الاكل جااااامد ما شاء الله تسلم ايدكم


عايزه طريقه البليله الي باللبن

وكمان عايزه اعملها لرنا بس مش عارفه ازاي

مع السلامه يارورو
توصلى بالسلامه ان شاء الله

هوبا بس البليله هاتى القمح واعسليه كويس وحتيه فى حله وامليها مايه لحد 3 ارباعها كده وسيبها تستوى لحد مانص المايه تنشف وشوفيها استويت ولا لاء وسيبها لحد ماتحسى انها فشرت واستويت
وبغدين زودى اللبن وسيبها تغلى وحليها بالسكر زى ماتحبيى

cat lolo;13922765:
تسلم ايدك يا قمر الاكل جمييل
بالنسبه للكيكه انتى بتحطى 4 معلق كاكاو كبيرة ولا صغيرة وبتحطى كاكاو بودرة

ايوة يا لولو
معالق كبيرة كاكاو بودره
وعلى فكرة انا جربت كورونا و نسكويك كورونا طلعت احلى بكتير


رشروش:
تسلميلى يا قمر

ام ياسين :
الف سلامه عليكى انتى ضغطك بيعلى على طول ولا دى اول مرة؟

بناااااااااااااااات
عملت الكب كيك بطريقة ماماة لقاء وكانت نانى اللى كاتبة الطريقة
طلع خطيييييييييييييييييييييييير بجد
انا مبقولش على حاجة عملاها حلوة الا اذا كانت بجد واو
ودة كان فعلا واو زى الجاهز خالص
خدت منه عند ماما واخواتى وكان عماتى هناك
خدو الطريقة منى وعمتى خدت قطعتين عشان تدوق بناتها
رااااااااائع بجد
والمقدار عمل معايا 18 قطعة تقريبا صنية 6 وصنية 12
جزاك الله خيرا يا لقاء انت ونانى
من لم يشكر الناس لم يشكر الله

مرمورا بالهنا والشفا حببتى ان شاء الله واحب ابشرك ان الاساس في تزويق اي تورتايه بيكوون على ظهرهااا يعني لازن تتقلب عشان تكون مساويه بعضها طبعا اقلبيهااا ونضفيهااا وغطيها بالكريمه شانتيه الاول وبعدين من الاجناب بكف ايدك كده خدي كبشه مكسرات او شوكلاته فرماسيل او اي حاجه هتزوقي بيها من الاجناب وزوقي الاجناب الاول وبعدين تزوقي الوش بئااا عشان لو اتنطور عليها حاجه من فوق تقدري تتحكمي في انك تنضفيها بردو مش عارفه فهمتيني ولالا

فيييييييييييييين الطريقة دي يا نددددددددى
عاوزاها

البنات اللى بيعملوا الرز باللبن بالكريم شانتيه مخفوق يا ريت الطريقه

رشروش تسلمى كنت عاوزه اقمك بس ميزانك رافض