20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

صباح الخيييييييييييير

غداكم انهارده ايه؟؟

ماشاء الله يا بنات اكلكم كلة يجنن انا متباعكم بس فى صمت :)

عاوزة اعرف طريقة الكول سلو كمية ضغننونة لفردين بس
وجزاكم الله خير

سارة العروسة القديمة;14081324:

روقى يا سكرة

انتى جهزى للحاجة وووريلة
وهاتى زينة وركبى حبة منها
الزينة وشرايط الاغانى الى هاتشغليها وكلامك مع مامتة تحبى نعمل عيد الميلاد ازاى يا طنط ؟ وشاركى اختة كبريها فى راسها وهيا منها علية
وابدئى رتبى البيت وهاتلاقية ان شاء اللة لان

اخته موافقانى جدا مامته متوفيه
احنا معملناش عقيقه ولا سبوع انا واخته بنفكر نعمل عقيقه مع العيد ميلاد

سارة العروسة القديمة;14081348:

ماتعملية بس معامل الخضرة اكثر من الرز

اعملية بطريقة مها رادميس
كوب رز واحد بسمتى والخضرة والطماطم والبصل الضعف وتسقية بمرقة خضروات ماجى

طعمة مش سىء على فكرة

انا بعمله كده بدون اى دهون

miobello;14081353:
دودى انا كمان كنت عايزه اعمل عيد ميلاد كبير لرانسى بنتى بس بصراحه رجعت قولت حرام فلوس بتترمى فى الارض انا ممكن اجبلها تورته وحلويات والعيله بس وفلوس العيد ميلاد اجبلها هديه كبيره وغاليه لان كل ما افتكر مصاريف السبوع اللى اتصرفت بالهبل فى الارض ادايق

عايزه بقى نوع عجان مع مضرب حلو وسعره كويس

انا مش هعمل حاجه كبيرة طبيعى عشان سنوية اختى وبايا لسه مجتش كمان
انا هعمله فى البيت وهعمل الحلوبيات بنفسى وناس بسيطة اللى هتيجى

~OM-ADAM~;14081560:
الجميلة اللي سألت علي مربي الجزر أنا اتعلمتها في تيته الله يرحمها كالآتي.. انظف الجزر ويتقطع حتت صغيرة و افرمه في الكبة بيبقي احلي من المبشور.. في حلة كبيرة كيلو الجزر عليه كيلو الا ربع سكر وتسيبه كام ساعة ينزل مايته تحطي فانيليا و كام عود قرنفل و ذي ما دودي قالت قشر يوسفي و علي نار هاديه لحد ما يشرب مايته وقبل ما يخلص اعصري ليمونتين كده وألف هنا

هجرب الفكرة دى اصل مربة الجزر مش تقعد عندى وبعمل كل شوية :lol:

دينا حمدى;14082121:

ده غدانا امبارح كفتة ورز وسلطة خضرا

الله يا دينا دى شكلها حلو اوى وتجوع والله

هى دى كفته بالصلصه ولا بصوص تانى؟؟؟ اصل اللون مش واضح اوى

انا هعمل عيد ميلاد لياسين ان شاء الله بس هنا فى اسيوط هجيب تورتايه وهعمل جمبها سلازونات انا او فى الغالب هعمل انا التورته وكل حاجه وهجيب اهله

مامته وباباه وواخواته بس

فى القاهره هعمله واحد كبير بقى وهجيب عيلى كلها ان شاء الله لان يويو اول حفيد فى العيله كلها يعنى ولا حد من ولاد اعمامى او ولاد خلانى عندهم بيبهات فا كله هيفرح بيويو ونتجمع كلنا ان شاء الله

صباح الخير يابنات
بصى يادودى اتكلمى مع جوزك بالراحه وهاتى الموضع على مراحل هههههههههههههههه اصل انا مريت بنفس الموضوع جوزى مكنش موافق على عيد ميلاد عمر فى السنه الاوله لانى كنت عايزه اعمله عيد ميلاد كبير واعزم كل الناس وكان راااااااااافض وكان خناق وشغلانه بس انا غيرت الخطه اعقدت اتنحنح ههههههههه اه والله وقولت لمامته وكده وبالهداوه والراحه وافق وهو اللى بقى ينزل يشترى معايا التجهيزات والزينه والحمد الله كان يوم حلو اوى
كل سنه ويوسف طيب

غدانا النهارده قرنبيط مقلى وشوربة عدس عشان البرد وانا لسه مش عارفه هاكل ايه ممكن اسلق بيضتين
بقولكو أأكل يوسف قرنبيط؟

أم ياسين العسل;14082277:
انا هعمل عيد ميلاد لياسين ان شاء الله بس هنا فى اسيوط هجيب تورتايه وهعمل جمبها سلازونات انا او فى الغالب هعمل انا التورته وكل حاجه وهجيب اهله

مامته وباباه وواخواته بس

فى القاهره هعمله واحد كبير بقى وهجيب عيلى كلها ان شاء الله لان يويو اول حفيد فى العيله كلها يعنى ولا حد من ولاد اعمامى او ولاد خلانى عندهم بيبهات فا كله هيفرح بيويو ونتجمع كلنا ان شاء الله

يا رب تتهنى ويكون يوم حلو هتعملى الساليزون ازاى؟؟

nanoo99;14082284:
صباح الخير يابنات
بصى يادودى اتكلمى مع جوزك بالراحه وهاتى الموضع على مراحل هههههههههههههههه اصل انا مريت بنفس الموضوع جوزى مكنش موافق على عيد ميلاد عمر فى السنه الاوله لانى كنت عايزه اعمله عيد ميلاد كبير واعزم كل الناس وكان راااااااااافض وكان خناق وشغلانه بس انا غيرت الخطه اعقدت اتنحنح ههههههههه اه والله وقولت لمامته وكده وبالهداوه والراحه وافق وهو اللى بقى ينزل يشترى معايا التجهيزات والزينه والحمد الله كان يوم حلو اوى
كل سنه ويوسف طيب

اوك يا قمر جزاكى الله خيرا

دودى اولا كل سنه و هو طيب
متهيالى عادى اكلية مش هو بياكل البيض و القرنبيط حلو اكيد

ام ياسين كل سنه و ياسين طيب هو انت عايشة فى اسيوط و لا اية انت لخبطينى

انا احتمال اروح اعمل بيتزا و مش عارفة لو ما عملتهاش اعمل اية و الله انا تعبت من موضوع الاكل دة

غدانا النهارده قرنبيط وبطاطس محمرين و رز ابيض و سلطة خضراء ودمتم هههههههه اصلي بكرة معزومة عند بابا وماما مش عايزه أعمل حاجة و تبات

ام جودى القمر;14082331:
ام ياسين كل سنه و ياسين طيب هو انت عايشة فى اسيوط و لا اية انت لخبطينى

انا قاهريه بس اتجوزت فى اسيوط وباجى كارو كل ما اقدر لماما وبابا

اعملى كفتة داوود باشا زيى :D

أم ياسين العسل;14082247:
الله يا دينا دى شكلها حلو اوى وتجوع والله

هى دى كفته بالصلصه ولا بصوص تانى؟؟؟ اصل اللون مش واضح اوى

تسلمى ياحبى
اه يابسبس هى شبه كفتة الصلصة بس الفرق انى بعد ماعفرتها بالدقيق وحمرتها حطيت حبة عصير طماطم نونو خالص يدو لون وطعم بسيط وسيبتها تتقل على النار فعمل صوص طعمه حلو اوى وكريمى كده كان جميل والله

أم ياسين العسل;14082277:
انا هعمل عيد ميلاد لياسين ان شاء الله بس هنا فى اسيوط هجيب تورتايه وهعمل جمبها سلازونات انا او فى الغالب هعمل انا التورته وكل حاجه وهجيب اهله

مامته وباباه وواخواته بس

فى القاهره هعمله واحد كبير بقى وهجيب عيلى كلها ان شاء الله لان يويو اول حفيد فى العيله كلها يعنى ولا حد من ولاد اعمامى او ولاد خلانى عندهم بيبهات فا كله هيفرح بيويو ونتجمع كلنا ان شاء الله

كل سنة ويويو طيب وعقبال ما تشوفيه عريس زى القمر يارب

DodyCat;14082312:
يا رب تتهنى ويكون يوم حلو هتعملى الساليزون ازاى؟؟

يارب بس منتنشش عين بعدها لحسن الواحد اعصابه تعبت :confused:

هعمل البيتزات النونو دى وهعمل اختراع تانى كدا انا حبه اوى

بجيب توست كدا واقطع التوستايه على اتنين بس بالجمب عشان تعمل شكل المثلث واحطهم على بعض وبينهم جبنه رومى وبسطرمه وانزلهم فى بيض وبقسماط واقليهم بيبقوا روووووووووووعه بجد بالمايونيز وهميين

هعمل بروفيترول حادق وهحشيه جبنه وزتون

هعمل الباتون ساليه كمان كدا يعنى

دينا حمدى;14082534:
تسلمى ياحبى
اه يابسبس هى شبه كفتة الصلصة بس الفرق انى بعد ماعفرتها بالدقيق وحمرتها حطيت حبة عصير طماطم نونو خالص يدو لون وطعم بسيط وسيبتها تتقل على النار فعمل صوص طعمه حلو اوى وكريمى كده كان جميل والله



كل سنة ويويو طيب وعقبال ما تشوفيه عريس زى القمر يارب

كفتة داوود باشا يعنى :D

وانتى طيبه يا حبى والسنه الجايه يبقى معاكى احلى نونو فى الدنيا يارب

DodyCat;14082292:
غدانا النهارده قرنبيط مقلى وشوربة عدس عشان البرد وانا لسه مش عارفه هاكل ايه ممكن اسلق بيضتين
بقولكو أأكل يوسف قرنبيط؟

بتهيألي عادي بس متكتريش عشان الغازات وعشان التحمير بردو

أم ياسين العسل;14082542:
يارب بس منتنشش عين بعدها لحسن الواحد اعصابه تعبت :confused:

هعمل البيتزات النونو دى وهعمل اختراع تانى كدا انا حبه اوى

بجيب توست كدا واقطع التوستايه على اتنين بس بالجمب عشان تعمل شكل المثلث واحطهم على بعض وبينهم جبنه رومى وبسطرمه وانزلهم فى بيض وبقسماط واقليهم بيبقوا روووووووووووعه بجد بالمايونيز وهميين

هعمل بروفيترول حادق وهحشيه جبنه وزتون

هعمل الباتون ساليه كمان كدا يعنى

شطورة يا بسبس افكار حلوة ومختلفة والله عن المعتاد، التوست ده انا بموت فيه بس ما تصغريه اكتر طيب عشان يبقي كانه ساليزون مش ساندويتش ولا قصدك عشان مفيش ساندويتشات

CuTie KaTkOoTa;14082630:
بتهيألي عادي بس متكتريش عشان الغازات وعشان التحمير بردو



شطورة يا بسبس افكار حلوة ومختلفة والله عن المعتاد، التوست ده انا بموت فيه بس ما تصغريه اكتر طيب عشان يبقي كانه ساليزون مش ساندويتش ولا قصدك عشان مفيش ساندويتشات

لا يا حبيبى هى هتتقطع بالنص تانى فا كل توستايه هتعمل 4 مثلثات فهمانى؟؟

وفىكل مثلث خله وهرصهم كدا

وهعمل كور كدا عباره عن كيك مفتت واحط عليه جيلى فراوله واسيبها شويه وارجع احط فيها خله وانزلها فى شيكولاته سايحه وارصها بردو بس هتبقى كور نونو مش كور كبيره لا هتبقى قد كورة المصاصه الصغيره كدا عارفاها؟؟

وهقدمها بردو جمبها بيبقى طعمها حلو اوى والجيلى فى الكيكه وهمى



اصلى مش ناويه اعمل تورته كبيره وصورته والكلام دا

لا هعمل تورتايه معقوله واكتر فى الكلام دا لان بحس ان دا احلى من التورته واخف

دينا حمدى;14082121:

ده غدانا امبارح كفتة ورز وسلطة خضرا

ما شاء الله يا دينا
شكلها جميل اوي
بالهنا والشفا

أم ياسين العسل;14082277:
انا هعمل عيد ميلاد لياسين ان شاء الله بس هنا فى اسيوط هجيب تورتايه وهعمل جمبها سلازونات انا او فى الغالب هعمل انا التورته وكل حاجه وهجيب اهله

مامته وباباه وواخواته بس

فى القاهره هعمله واحد كبير بقى وهجيب عيلى كلها ان شاء الله لان يويو اول حفيد فى العيله كلها يعنى ولا حد من ولاد اعمامى او ولاد خلانى عندهم بيبهات فا كله هيفرح بيويو ونتجمع كلنا ان شاء الله

كل سنه ويويو طيب يا بوسي عقبال 100 سنه يارب
وان شاء الله يبقى حلو وتتبسطو



عملت بيتزا بالجمبري امبارح بطريقة رورو حبيبتي ربنا يكرمك يا رورو يارب ويبارك لك في جوجو وتقومي بالسلامه






ودول شكلهم مش عاطفي اوي عملتهم
الخميره ما شاء الله نفشتها جدااااااااااااا
هي في الاول كانت على اد الطماطمايه اللي فيها وبعد كده كبرت :lol:

ام بودى بودى بقى كويس ولا لسه ؟؟؟؟؟

ميوبيلو ههههههههههههههههه سمك شعور اسمه كده يعنى نوعه كده ومافيش اى شعرايه فيه ههههههههههههه هيا سمكة عادية بس كبيره شويه ههههههه بتتقطع يااما تتقلى وممكن تتشوى او صنية برده
انتى اخبارك ايه وماشاء الله البنوته كبرت ربنا يحميها

CuTie KaTkOoTa;14081963:
هو انا مفهمتش اوي، بس انا لما بحب اخد صورة اسيفها عندي علي الجهاز مه فاير فوكس بعمل save image as وبختار المكان عالطول وخلاص، وممكن كوبي ايمدج بردو واعمل بعدها paste في برنامج ال paint
ولا انتي قصدك انتي اللي عايزة تحطي صورة هنا من عندك؟

كتكت لا انا اقصد مثلا اجيب صورة هنا ف الموضوع بكليك يمين مش بلاقى كوبى فهمتينى بينسخ الرابط بس

دينا حمدى;14082121:

ده غدانا امبارح كفتة ورز وسلطة خضرا

وااااو ماشاء الله بالف هنا عليكم

♥أم°•♥DANDONA_2010 ♥•°حلا♥;14082122:
ماشاء الله يا بنات اكلكم كلة يجنن انا متباعكم بس فى صمت :)

عاوزة اعرف طريقة الكول سلو كمية ضغننونة لفردين بس
وجزاكم الله خير

وحشانى جداياام حلا :adore::adore:وماليش ف الكول سلو

*Om Mo3az*;14082759:
ما شاء الله يا دينا
شكلها جميل اوي
بالهنا والشفا



كل سنه ويويو طيب يا بوسي عقبال 100 سنه يارب
وان شاء الله يبقى حلو وتتبسطو



عملت بيتزا بالجمبري امبارح بطريقة رورو حبيبتي ربنا يكرمك يا رورو يارب ويبارك لك في جوجو وتقومي بالسلامه






ودول شكلهم مش عاطفي اوي عملتهم
الخميره ما شاء الله نفشتها جدااااااااااااا
هي في الاول كانت على اد الطماطمايه اللي فيها وبعد كده كبرت :lol:

والله الحمد لله انها عجبتك اتبسطت اوووى
وشكلهم عاطفى وحلو اهم حاجه الطعم:adore:

ازيكوا ياحلويين يامعقدنى نفسي اقرا اللى فاتنى بس انتوا بجد سراع اوىىىىىىىىىىىى انا عايزة اسالكوا كام سؤال بقى الشيش طاووق انتوا بتعملوا بطريقه ام معاز انا شفت طريقتها حلوة اوى ماشاء الله بس مفيهاش مسطرده وانتوا قلتوا قبل كده ان الشيش اساسه المسكطرده معرفش بقى احط مسطرده ولا لا
تانى حااجه دلوقتى الكيك بتاعه بسكوته الللى دموع اشتياقي عملتها اللى هى الشوكولاته ونفرغها عارفينها ؟؟ لما بنخلط البودر بتاع الكريم شانتيه بنعمل الكريمه الاول لوحدها ونحطها على الكيك المتفتفت ف الخلاط ولا كله على بعضه ف الخلاط يعنى البودر ف الخلاط على طول مع الفتات بتاع الطكيك والنسكافيه والكاكاو والقشطه كله مع بعض مرة وحده اصل عايزة اعمملها
اخر حاجه بقى عندى فرخه ساديا على بعضها مش متقطعه اعملها ازاى بقى وينفع احشيها رز ولا احشيها ايه احسن وبتتسلق الاول ولا تتعمل ف الفرن على طول وانا معنديش اكياس حراري يلا قولولى بقى ياحلويين , معلش اسالتى كتيير انا اسفه

أم ياسين العسل;14082683:
لا يا حبيبى هى هتتقطع بالنص تانى فا كل توستايه هتعمل 4 مثلثات فهمانى؟؟

وفىكل مثلث خله وهرصهم كدا

وهعمل كور كدا عباره عن كيك مفتت واحط عليه جيلى فراوله واسيبها شويه وارجع احط فيها خله وانزلها فى شيكولاته سايحه وارصها بردو بس هتبقى كور نونو مش كور كبيره لا هتبقى قد كورة المصاصه الصغيره كدا عارفاها؟؟

وهقدمها بردو جمبها بيبقى طعمها حلو اوى والجيلى فى الكيكه وهمى

اصلى مش ناويه اعمل تورته كبيره وصورته والكلام دا

لا هعمل تورتايه معقوله واكتر فى الكلام دا لان بحس ان دا احلى من التورته واخف

:thumbs_up::thumbs_up::thumbs_up: انا بردو مش حابة موضوع التورتة اللي عليها صورة ده، ولو هعمل ان شاء الله يعني غالبا بس لسه مقررتش اخر كلام هايبقي تورتة بيضاء وتورتة شوكولاتة بالحجم العادي عشان العدد كبير عند عيلة جوزي وده اول بيبي في العيلة عنده هو بردو وكمان فيه اصحابي وكده، ولسه الاصناف الجانبية بقي مفكرتش اوي لسه، بس شكلي هقتبس منك كام حاجة كده عشان حلوين اوي وحساهم مش مكلفين كمان F:F:F:
وحلو اوي التوست كده والمصاصة دي

أم ياسين العسل;14082556:
كفتة داوود باشا يعنى :D

وانتى طيبه يا حبى والسنه الجايه يبقى معاكى احلى نونو فى الدنيا يارب

مش عارفة والله يابسبس اسمها ههههههه
هى جت معايا كده بس المهم انها كانت حلوة:D
امين يارب تسلمى ياقمرة:adore:

*Om Mo3az*;14082759:
ما شاء الله يا دينا
شكلها جميل اوي
بالهنا والشفا



عملت بيتزا بالجمبري امبارح

تسلمى يا ايمىياقمرة:adore:
البيتزا شكلها جميل اوى يا ايمى انا نفسى فيها جدااااااااا على فكرة ماتبعتى لى شريحتين تلاتة عشرة كده
وممكن المقادير بالظبط ياقمر وبالف هنا ليكو

@زهرة [EMAIL="دبلانة@;14082779":
دبلانة@;14082779[/EMAIL]]


وااااو ماشاء الله بالف هنا عليكم

تسلمى يارورو ياحبيبتى:adore:

ربنا يكرمك يا رورو يارب
دي اتنسفت والله وعجبت جوزو اوىىىىىىىىى وكان فاكرني شاريه العجينه جاهزه
ربنا يبارك لك يارب يا حبي

بنت من الزمن ده;14082782:
ازيكوا ياحلويين يامعقدنى نفسي اقرا اللى فاتنى بس انتوا بجد سراع اوىىىىىىىىىىىى انا عايزة اسالكوا كام سؤال بقى الشيش طاووق انتوا بتعملوا بطريقه ام معاز انا شفت طريقتها حلوة اوى ماشاء الله بس مفيهاش مسطرده وانتوا قلتوا قبل كده ان الشيش اساسه المسكطرده معرفش بقى احط مسطرده ولا لا
تانى حااجه دلوقتى الكيك بتاعه بسكوته الللى دموع اشتياقي عملتها اللى هى الشوكولاته ونفرغها عارفينها ؟؟ لما بنخلط البودر بتاع الكريم شانتيه بنعمل الكريمه الاول لوحدها ونحطها على الكيك المتفتفت ف الخلاط ولا كله على بعضه ف الخلاط يعنى البودر ف الخلاط على طول مع الفتات بتاع الطكيك والنسكافيه والكاكاو والقشطه كله مع بعض مرة وحده اصل عايزة اعمملها
اخر حاجه بقى عندى فرخه ساديا على بعضها مش متقطعه اعملها ازاى بقى وينفع احشيها رز ولا احشيها ايه احسن وبتتسلق الاول ولا تتعمل ف الفرن على طول وانا معنديش اكياس حراري يلا قولولى بقى ياحلويين , معلش اسالتى كتيير انا اسفه

عادي يا قمر حطي مسترده ع الشيش طاووق
التوابل دي ازواق يعني كل واحد يحط التوابل اللي على مزاجه ;)

موضوع الكيكه ماقدرش افيك فيها

والفراخ عادي ممكن تقطعيها انا مش بحب الفراخ تبقى سليمه كده
وينفع تتحشي رز طبعا بتشوحي رز وبصل وطماطام ع النار وتحشي بيها الفرخه وبتتسلق بقى عادي
وممكن تشويها ع الفرن على طول

ههههههههههههههههههههه
دينا كان نفسي ابعت لك والله
بس خلللصت كلهااااااااااااا ههههههههههههههههههههههههههه


طريقة رورو اللي كتبتهالي اهي هي اصلا طريقة ناني

هتجيبى 2 كوب دقيق وتحطيهم ف بولة وعليهم معلقتين زيت كبار او معلقة واحده متفرقش وطبعا مجهزة معلقه صغيرة خميره ف ربع كوب ماء دافى وتغطيه واما ترتفع لفوق تقومى عامله حفرة ف نصف الدقيق وتحطى الخميرة وتبداى تخلطى كويس جدا وجمبك كوباية لبن او كوب ماء ماتفرقش بس اللبن انا احبذه وتحطى منه لحد ماتحسى ان العجينه حلوة تاخدى البوله على جمب ع الارض وتقعدى تعجنى فيها كويس جدا ولو لقتيها لازقه زودى شويه دقيق صغيرين لحد ماتبقى عجينه حلوة كده وتعجنى فيها حطيها ف اى مكان بس غطيها بفوطة قطن وسبيها نصف ساعه او ربع ماتفرقش
وادهنى صنيتك كويس وافرديها وشوفى السمك بتاعها اللى يعجبك بس وحطى التوبنج بقى اللى انتى عايزاه
تكونى محضرة فرن سخن على 200 وتحطيها ف الشبكة ربع ساعه بعد كده افتحى الشوايه يادوب الجبنه تسيح وتتحمر خفيف وبس