لمتنا السورية اهلا وسهلا فيكم لشهر ذو الحجة1431

CATS_ANGEL;13691202:
شامة يا اهلا وسهلا يمكن ما صار مجال اتعرف عليكي من قبل لكن الايام الجاي ان شاء الله حنتعرف على بعض اكتر و فهمت انك اخت لؤلؤة الله يخليكن لبعض و على بس تخلص عجقة العيد بنفضى لبعض على خير وحبتك العافية يا رب

شامية للعظم;13693563:
يسعدلي مساكم جميع وكل وعام والكل بخير صحيح انا مقصرة بس أكيد الكل عاذرني وبتعرفو ظروفي وشغلي
ان شالله عيد مبارك عالكل نحنا والله عنا دوام لبكرا يعني حنضل نداوم ليوم الوقفة
آخر أخباري مبارح كنت عند الدكتورة والحمد لله كل شي وكل أموري تمام فتت بالتامن وقربت ياجماعة أمانة ادعولي والله خايفة كتير حاسة هيك رح يصير تغيير كبير بحياتي

لولية ألف مبروك خطبة بنتك وبانتظار التفاصيل قريبا شامة ولؤلؤة الله يجمعكم يارب ولا يحرمكم من بعض والله انا حاليا قاعدة ببيت أختي زوجها مسافر وكتير متسلية معها عنجد مافي أحلى من الأخت ولا شو رأيك دمشقية أنت وسورية أختك
كاتس ست البيت الله يعطيك ألف عافية ويقويك يارب يالله ساوي بيتيفور وخبرينا النتائج لما كنت باليمن كنت بدي جربها زوجي مالو مراق كتير بالبتي فور بس انا بحبو بس لما وصلت على سوريا تنبلت بصراحة نحنا السوريين وخصوصي يلي عايشين بسوريا مو شاطرين بالحلو كتير والسبب كل شي متوفر وبطعم بيجنن وبأسعار مقبولة نوعا ما يعني كيلو البيتي فور الفاخر الفاخر 300 ليرة وبتعرفي البيتي فور بيمد لأنو وزنو خفيف مو متل المعمول أو الحلو بقى بس نغترب منضطر نتعلم الحلو بس نحنا عنا ستات البيوت شاطرين بالطبخ بالحلو مو كتير

الدمشقية;13708881:
اهلين شامة وجهك ولا ضو القمر ... مية اهلا وسهلا بعودتك ياقمر ومبارك ماجاكي ولو انها متأخرة تتربى بعزك وعز ابوها ياارب
والله يقويكي يارب ويرزقكم انتي وزوجك الرزق الحلال والصحة والعافية
وكل عام وانتي بالف خير ... والله تجهيزات العيد والتعزيل لحالهم بهدوا الحيل الله يقويكي ويقوينا يارب
وتبقي هيك طللي علينا دائما ... والله يخليلك لولوة ويخليلك كل احبابك يااارب

وكل عام ولولوة خانم بالف خير يارب ينعاد عليكي انتي كمان حبيبة قلبي بالخير والصحة والسعادة انتي واسرتك يارب
واي والله الاخوات مافي احلى منهم بالدنيا كلها الله يخليلي سورية ويخليلي كل اخواتي وامي وابي يااارب
ويخليلك احبابك وصحة ومية هنا على المعمول وان شالله بتروحوا المدينة وبترجعو بخير وسلامة سلمولنا على الرسول
عليه الصلاة والسلام

الدمشقية;13708924:
كاتي حبيبة قلبي كل عام وانتي بالف خير ياارب ينعاد عليكي بالصحة والمسرات
تؤبشي قلبي كلام لحالوا عندي ياه بالمكفى وربي يقويكي يارب وحق معه زوجك الله يحمينا من در الزمن وناسه
والله انا اسبوع اللي قبل العيد لمبارح الوقفة وانا فطسسسسسست
هلكت والله من تعزيل لتنضيف لكوي لغسيل ... يالله البيت مع انك ايدك فيه على طوول ومع هيك مابتخلصي والعمر بيخلص والشغل مابيخلص


ويارب يخليلك اخواتك واهلك يارب .. الله لا يحرمنا هالنعمة لان بعد الاخوات والاهل عموما مافي واية بيتي فور ياكاتي
اسم الله وماشالله ولادنا وحماتي لحالهم اكبر تسلاية صدقيني مافي وقت على اجلس واهدئ واسكت هههههه

خبريني كيفك وكيف عيدك انتي وتالا خانم ....
ولادنا فرحانين بمسمى العيد هههههه يعني طلعناهم ورحنا مع بيت اختي ورحنا مجمع العرب اتسلينا واتمشينا ولعبناهم ويامحلا اعيادنا والله كانت احلى
بمية مرة من هلأ ولا شو رايكم ...؟

واي والله دكاترة هالايام يعني البهم بتحسيهم للفلوس بس لا رحمة ولا حتى معرفة ... والله يكتبلك الخير يارب
ومبارك لتالا مشترياتها هي اهم شي ... ونحنا بعد العيد على قولتك مو متعطلين ههههه ... الله المستعان

لولية;13709661:

كل عام وإنتو بألف خير يا رب وينعاد عليكن بالصحة والعافية ويخليلكن ولادكن وأزواجكن قولوا آمين
أما عن أخباري فأنا صرلي يومين بالفرشة يعني يوم الوقفة وأول يوم العيد ايجتني جريب قوي كتير الظاهر بعد التعب اللي اتعبتوا بالتجهيز لخطبة بنتي حلحل كلو على جسمي ووقعت فرد مرة
نزلت شوية صور على الفيسبوك آخدتهن رفيقة بنتي للخطبة لبين ما المصور يعطيني الصور الأصلية اللي صورهن بقى شوفوهن وعطوني رأيكن بصراحة كرمال أي شي مش ظابط اتفاداه بحفلة خطبة بنتي التالتة ان شاء الله

شامية للعظم;13710535:
يسعدلي أيامكم جميع وان شالله كل عام وأنتو بخير وينعاد علينا جميع وكل وحدة محققة أمنياتها معك حق دمشقية نسيت اني ما خبرتكم شو صار معي
والله رحت الجمعة من الصبح لعندن طبعا على الفطور بس شو رايحة وحاسة حالي رايحة على غزة يعني حاطة روحي على كفي خخخخخخخخ محسوبتكم جبانة والله مابتحمل أنا هز البدن أنا كتير حساسة واذا حدا زعلني كتير بحملها وبكتئب بس الحمد لله تشجعت ورحت
ياسيدي اللي حسيتو انو حماتي عاملة هالعزيمة كرمال الولد لأنو احزرو شو صار بعد ماولدت سلفتي سلفي ورجاهم الولد قام حماتي اول مرة صارت تكابر وعملت انو عادي بعد يومين حملت حالها وطلعت لعندن عالبيت والله بس قالتلي سلفتي أنها لاقتها كبيرة كتير فاضطرت تالت مرة تعزمهم لعندا بحجة اكلة بيحبها ابنها بعدين فجأة بنص الليل اتصل عمي بابنو قللو وينك احمل حالك وتعال أنت ومرتك لعندنا كم يوم امك عم تبكي بدها الصغير

قامت قالت حماتي لحالها لنمهد للتانية من هلق بلا ما بكرا نضطر نكسر نفسنا منشان الولد منشان هيك عزموني وطبعا يومها كان سلفي وسلفتي نامين عندن من تلات أيام بقى هادا يلي صار
بس والله قاعدة على اعصابي لني بعرف حماتي بتدقق وحاولت قد ما فيني أني ما احكي الا الكلمة اللازمة اللازمة وقوم أول وحدة عالشغل والجلي بس مع ذلك تاني يوم حاكاهم زوجي انتقدوني قدامو زوجي قللي ولا يهمك لأنو أهلي مستحيل ما يحكو عادي طنشي وانت أحسن منهم أنا عملت يلي علي بصراحة وماعاد أسأل وبكرا بس يجي الولد وزوجي مو هون بدن يضطرو يركضو وراي لأنو زوجي مو هون ليضغطو عليه
لاء ويلي زعجني اكتر أنو رحت وعملت متل مابدن وما حكت حماتي مع ابنها يعني مع زوجي تخيلو يعني انا اغلى من زوجي عليها أكيد لاء والله غريب بس هي يمكن كانت بدها تحط علي وحدة قام ما طلعلها معي

بقى هاد يلي صار معي شو رأيكم ؟؟؟؟؟؟؟؟؟

شامة;13713850:
اهلا وسهلا فيك حبيبتي بسرني اتعرف عليكي ولؤلؤة مو بس اختي هي توأم روحي الله يسمع منك وبعد العيد اكيد النا قعدة ولمة سوا بأذن الله

شامية للعظم;13724079:
مراحب يابنات كيفكم شو عاملين
كاتس صحتين وهنا عالبيتي فور حلال عليك والله بكرا بس سافر ان شالله بجربو هلق مستحيل جربو لافي وقت ولا في حيل اصلا وبعدين متل ما خبرتك كيلو البيتي فور الظريف ب300 ليرة
ومشان الزيارة الحمد لله مضت على خير وليكن هلق عم يعتبو علي قال شو ما عجبوني ماعم طل ولا رضيت اطلع معهم عالعيد على كسب ياجماعة حامل بالتامن ومدرسة عم تفعي كل الأسبوع بالبيت بالتحضير وبالمدرسة مع الطلاب والله انا سيراني الراحة والقعدة بالبيت لا بدي كسب ولا بدي ماليزيا حتى

سيدي الحمد لله صار عندي واجب جديد هلق انا كرمال زوجي والله بدي حاول سايرهم بيعين الله

سبحان الله كل وحدة مننا عندها معاناة يا مع بيت حماها يا مع ظروفها بس الحمد لله

لؤلؤة الله يهنيك بهالمشوار يارب ويطعمنا ياه والله انا كان لازم اطلب منك تدعيلي الله يسر ولادتي ويفرج علينا راح عن بالي