لمتنا السورية اهلا وسهلا فيكم لشهر ذو الحجة1431

زعلتيني والله كاتي خير ان شالله
ادعي ربك واستغفريه يمكن يرتاح قلبك ويفرج ربي همك

ان شالله خير يااارب .... بس هيك قلقتيني عليكي
ربي يشرح صدرك ويكون لك معين ويفرج همك ومااغمك
طبختي ولا لسى

يالله بانتظار الصور
وراح احط صورة لشام وجودي

وهلأ تاركتك على راحتك حتى ترتاحي شوي ... لازم اشوفك على الماسنجر ونحكي
ولو اني كتارة غلبة بس قلبي عندك والله

خير ان شالله وبدياكي قوية لو شو ماكان الدنيا ماتسوى ....

مرحبا حبيباتي اشتقت لكن كتيييييييير كتييييييييييير ومن كل قلبي و كل عام وانتوا جميعاً و عائلاتكم بألف ألف خير بعرف انها متأخرة لكن ان تعيد متأخرا خيراً من ان لاتعايد بالمرة هههههههههههه

بعرف اني تأخرت عليكن هالمرة بس الظروف كانت اقوى مني يعني دوامين قبل الضهر بالوظيفة و بعد الضهر بالمعهد وما عدا شغل البيت عن جد انهد حيلي على الآخر و انتهت الدورة على خير من اسبوعين وما حبيت ابدأ وحدة تانية لحتى آخد نفس شوي بس الحمدلله النتيجة كانت جيدة و حصلت 87% يعني لهالسبب حسيت انه تعبي ما راح ضيعان
لكن بآخر اسبوع من نهاية الدورة زوجي عمل حادث سيارة الحمدلله انفدت بالحديد و هو نشكر ربنا انه ما صار له شي بس الحقيقة الأعصاب كانت مشدودة كتير و ماكان لي نفس لشي ابدا و ما استلمنا السيارة للأسبوع الماضي شكلها العين لسه ملازمتنا وما عم تروح عنا هههههههههههه وراك وراك والزمن طويل
وقبل عطلة العيد كان ضغط شغل علي كتير لأن العطلة كانت 5 ايام لهيك كنا مضطرين نخلص شغل عالق من قبل و لما داومنا كان الشغل اللي تراكم بالعطلة كمان صار لي يومين شغل شغل و متل ما تبعرفوا ما بيصح لي افتح بالبيت ابدا
المهم قضينا عطلة ظريفة و الحمدلله عملت اول يوم كبة و بقيت كل اليوم وانا عم اشتغل فيها و قبل بيومين كنت معزلة المطبخ و اول يوم بالعيد طلعنا نحن واصحابنا على منتزه على البحر تماما وكانت طلعة شوي انبسطنا و الحمدلله و باقي العطلة قضيتها ريلاكس بالبيت صح كان يتخللها عمل اكل و شوية كوي و شوية تنظيف عند الصبح بس باقي اليوم قضيه و انا متمددة على هالكنبة و هاتك يا قهوة و يا تحنيك و شي اركيلة يعني كسل على الآخر بس بصراحة كنت بحاجة لهيك عطلة لحتى ارجع آخد نفس شوي
قرأت أخباركن كلكن و انبسطت انه الجميع بخير و الحمدلله بس بصراحة ما في وقت علق على كلام كل وحدة فيكن لا تواخذوني حبيباتي بس بتشكركن من كل قلبي انه ما نسيتوني و لساني بذاكرتكن و هذا واضح من اسألتكن عني و الحمدلله على رجوع لؤلؤة وشامة بالسلامة و مبارك ما اجاكن الله يخلي لكن اياهم يارب و عقبال عند العايزين يارب
و بقول لحبيبة قلبي مونو اني اشتقت لك كمان و لدمشقية ولكاتس و لسورية و لشامية و للولية و لسمورة و للجميع ان شاءالله ماكون نسيت حدا و اتمنى اقدر طل عليكم بوقت قريب

الدمشقية;13740778:
عدتلك الرد حتى تشوفيه شكلك ماانتبهتي عليه اول




لك هلا ومية لا بكاتي القمر ويارب تحلى ايامك دوووم
والله يعينك عن جد ماشالله عليكي يعني قضيتيها طبخ ونفخ وعزايم انا مكانك بطق ههههه عن جد انا بغير ايام احب على قلبي ومن عيووني بس بالاعياد ويوم الجمعة بحب اترفه كتيير مو بايدي زوجي عودني واذا غلط مثلا وحطني بالتزامات بهالاوقات بعمل العمايل خخخخخخ .... لا تصدقي والله انا متلك حبوبة وبسكت وبقدم الطاعة :-# بس مابيعني اني بدايق

وستي الله يقويكي يارب ويخليلك زوجك شو صاحب واجب

واي والله ركبتها وضحكت عليها خخخخخخخ
بتعرفي سورية مسكينة ماعاشت طفولتها تمام وماكانت قوية متلي انا واختي التانية ههههه
يعني كنا نحنا نروح ونجي ومانخلي مكان وسورية تخليها بالبيت مانرضى ناخدها .. شو كنا ندلين خخخخخخ ... وسبحان الله لما اتزوجنا طلعت هي رفيقة غربتي
الله يبيض بختها يااارب

ويالله حطي صور لطقم تالا اكيد حلو لانك مذوئة ماشالله
وايمتى ماشفتي حالك فاضية ابعتيلي خبر هون على الشات قبل بوقت ومنتفق على موعد بلكي كلنا منكون موجودات
انا وانتي ولولة وشاامة ومونو وسوريةوكل البنات

واي والله اغتنمي وقت التخفيضات واشتري اللي ناقصك ومبارك مقدما ياقمر

ومنشان المسف ماغيرت الطريقة هي طريقة حبيبة قلبي كاتس لما كتبتيلي ياها نسختها عندي وكل مابدي اعمل المنسف برجعلها وبيطلع بيجنن:thumbs_up: ... وربي يسعدك ويحقق مناكي ياارب

صدقي ما شفتو غير هلأ كتير حلو و لما شفتهم راح فكري لبعييييييييد :D اذا ما فهمتيني بحكيلك بعدين :o شو نويتي تجيبهم ان شاء الله اول ما تشتري صوريلي اياه بدي شوفو و انا لهلأ في بالي بس ما شفت متل يلي نزلتي و البحث جاري:thumbs_up:

شفتي كيف كان عيدي 8o| هو اول مرة جوزي بعملها عادة بنوزع الضحية و خلص بس المرة يمكن حس اني فاضية زيادة عن اللزوم ;) و هو جوزي لو شافني ما بقدر كان ما عمل هيك و هو كان مداوم بالعيد فحب يشغلني عن المشاوير 8o|

و الله يخليكن لبعض سبحان الله ما بتعرفي النصيب وين ومع مين و يمكن فرصة انك تعوضي يلي عملتي فيها :D و نيالكن في بعض و مبسوطين على طول يا رب:thumbs_up:

قوليلي شو رأيك بتالا و زوئي :o مع انو مستعجل بس اتوفقت الحمدلله
وما شاء الله عن حمودة و شام كبرانين و صايرين بجننو متل مامتهن و يلا شدي حيلك معقول ما رحتي على الدكتورة لهلأ :!!:

و الف صحة يا رب اول مرة حد بستفيد من طريقتي بالطبخ ههههههههههه :o:o:o شعور غريب :D

شامة;13741759:
سلام حبايب قلبي مساكن وصباحكن فل بأذن الله
اليوم رجعنا للدوام :082:واحلى شي طلاب الروضة كله جاي وبده يحكيلي عن العيد وقلبنا الحصة قصص وسير العيد:D
هلا مونو الله يبارك فيكي نور الشات الله لا يحرمنا من وجباتك الشهية
والله يا دمشقية خجلتوني انت ولؤلؤة هاد بعض ما عندكم ماشاء الله كل وحدة فيكم فنانة اكتر من التانية:o انا شفت الدهان تبعك وعجبني كتير انا سنة الماضية دهنت بيتي كله لحالي وعملت حركة بالسقف اذا ظبط معي التصوير ببقا بورجيكن ياها
وانا ولؤلؤة بعكسك انت واختك نحنا كانت طفولتنا وايامنا سوا لحظة بلحظة بحلوها ومرها بس قدرنا تبعدنا الغربة عن بعض:'(
كا تي يلا عم نستنا تياب تالا

لؤلؤة الشام0;13742553:
كاتي الله يقويكي يارب والله كتير صعب شغل بأيام العيد بس معلشكرمال عين تكرم مرج عيون كل كرمال ابن عمك ههههههههه ويلا عم نستنا نشوف طقم تالا

PEARL2000;13749886:
مرحبا حبيباتي اشتقت لكن كتيييييييير كتييييييييييير ومن كل قلبي و كل عام وانتوا جميعاً و عائلاتكم بألف ألف خير بعرف انها متأخرة لكن ان تعيد متأخرا خيراً من ان لاتعايد بالمرة هههههههههههه

بعرف اني تأخرت عليكن هالمرة بس الظروف كانت اقوى مني يعني دوامين قبل الضهر بالوظيفة و بعد الضهر بالمعهد وما عدا شغل البيت عن جد انهد حيلي على الآخر و انتهت الدورة على خير من اسبوعين وما حبيت ابدأ وحدة تانية لحتى آخد نفس شوي بس الحمدلله النتيجة كانت جيدة و حصلت 87% يعني لهالسبب حسيت انه تعبي ما راح ضيعان
لكن بآخر اسبوع من نهاية الدورة زوجي عمل حادث سيارة الحمدلله انفدت بالحديد و هو نشكر ربنا انه ما صار له شي بس الحقيقة الأعصاب كانت مشدودة كتير و ماكان لي نفس لشي ابدا و ما استلمنا السيارة للأسبوع الماضي شكلها العين لسه ملازمتنا وما عم تروح عنا هههههههههههه وراك وراك والزمن طويل
وقبل عطلة العيد كان ضغط شغل علي كتير لأن العطلة كانت 5 ايام لهيك كنا مضطرين نخلص شغل عالق من قبل و لما داومنا كان الشغل اللي تراكم بالعطلة كمان صار لي يومين شغل شغل و متل ما تبعرفوا ما بيصح لي افتح بالبيت ابدا
المهم قضينا عطلة ظريفة و الحمدلله عملت اول يوم كبة و بقيت كل اليوم وانا عم اشتغل فيها و قبل بيومين كنت معزلة المطبخ و اول يوم بالعيد طلعنا نحن واصحابنا على منتزه على البحر تماما وكانت طلعة شوي انبسطنا و الحمدلله و باقي العطلة قضيتها ريلاكس بالبيت صح كان يتخللها عمل اكل و شوية كوي و شوية تنظيف عند الصبح بس باقي اليوم قضيه و انا متمددة على هالكنبة و هاتك يا قهوة و يا تحنيك و شي اركيلة يعني كسل على الآخر بس بصراحة كنت بحاجة لهيك عطلة لحتى ارجع آخد نفس شوي
قرأت أخباركن كلكن و انبسطت انه الجميع بخير و الحمدلله بس بصراحة ما في وقت علق على كلام كل وحدة فيكن لا تواخذوني حبيباتي بس بتشكركن من كل قلبي انه ما نسيتوني و لساني بذاكرتكن و هذا واضح من اسألتكن عني و الحمدلله على رجوع لؤلؤة وشامة بالسلامة و مبارك ما اجاكن الله يخلي لكن اياهم يارب و عقبال عند العايزين يارب
و بقول لحبيبة قلبي مونو اني اشتقت لك كمان و لدمشقية ولكاتس و لسورية و لشامية و للولية و لسمورة و للجميع ان شاءالله ماكون نسيت حدا و اتمنى اقدر طل عليكم بوقت قريب

يا اهلين بالقمر و الله يعطيكي الف عافية و ماشاء الله علامتك ممتازة ما قصرتي
و الف الحمدلله على سلامة جوزك و الله ما بتستاهلو بس تفاقيد ربنا رحمة باذن الله
صحة وهنا على الكبة و منيح يلي اخدتي راحة خالكم يوم و الله كان لازمك هيك اجواء من زمان و اهم شي راحة البال على طول يا رب
و انتي دايما بالبال لو ذكرناكي او ما ذكرناكي تأكدي انو نحنا ما بننسى احبابنا و عم نستنى طلتك من جديد

دمشقية حبيبة قلبي انبسطت كتير باني حكيت معك عالمسنجر و ريحتي بالي كتير الله لا يحرمني هالاخوة يا رب و قمت اشتغلت بالبيت و طبخت و عملتلي فنجان قهوة و روقت و ان شاء الله خير وما انحرم من دعواتك و اهتمامك

كل عام وأنتو بألف خير ..........مشتاقتلكم كثير كثير للكل بدون استثناء وأنتو والله دايماً بالبال بس انا مابحب ادخل ونكد الشات ياستي قصتي الشاغلة بالي الحمل الله يرزقني كل شهر بعقود على اعصابي من خوفي تجي الدورة وبس تجي يوم حافل بالبكاء

دمشقية وكاتس الله يخليلكم ولادكم وتفرحوا فيهم وإن شالله الجميع دوم بخير
بيرل وشامة ولؤلؤة نور الشات
شامية لاتنسي وقت الولادة بعرف لعيت قلبك بس تحمليني مو بنت بلدي
مونو كيفها رورو بتكون الله خليها صارت صبية
لولية ألف مبروك وإن شالله دوم مبسوطين
عروستنا سمورة وينك ياحلوه
دلولتنا سورية ينعاد عليكي

المهم اخباري بالعيد عيدة بالبنان وشو انقهرت لاني كنت حابة حاكي عالمألي لولية بس لصار زوجي السبت باليل شي الساعة 9قالي حجزت على لبنان وسفرنا الاحد 7:30الصبح ورجعنا الاربعاء يعني يومين من جد انقهرت انو ماعندي رقمها إن شالله خيرها بغيرها
بتعرفوا عاداتهم شوي بتفرق عنا بفطروا صباح العيد كنافة باكعكه

صباح الخير بس حبيت صبح عالجميع قبل ما انزل شغلي وببقا بفوت بعدين بدردش معكن شوي الله يسعد ايامكن

http://forums.3roos.com/showthread.php?p=13760305#post13760305

هاد موضوعي الجديد بقسم الحلويات تفضلو وشوشو

يسلمو كاتي فنجان القهوة تبعك صحصحلي راسي ممكن انا كمان كم حبة بن ولا كلن لدمشقية