CATS_ANGEL;13672030:
عيوني دمشقية أكيد اليوم مجتمعين انتي و سورية الله يهنيكم على طول يا رب وما يحرمكم هالجمعة
صدقيني عملت يلي قاني علي واكتر بس تالا ما كانت تقبل حتى تفتح تمها واذا اعطيتها معلقة بالغصب تستفرغو على طول و الله عيون الناس ما بترحم و يخليلي اياكي انتي المحبوبة والله بس متل ما قلتي تالا صاير لسانها احلى منها كمان ما شاء الله الله يحفظها ويحفظ كل الاطفال
ما شاء الله الفساتين شو حلوين و ألوانهم بتجنن خصوصي الاول لا حدا يزعل مني هههههههه الله يبعت لاختك الي يسر قلبها و خاطرها و يلي نفسها في
و مشوار دكتورتي ما توفقت في كان عندها حالة ولادة و طالعة على المستشفى و هي مراجعة و استفسار لأنو شكلو صار عندي خربطة هرمونات بعد ما تركت الحبوب ان شاء يوم السبت برجعلها
وكمان طلعت السوق ما زبطت بدلناها بزيارة لصاحب جوزي و مرتو إلها اربع شهور والدة وما رحنا باركنا الا مبارح لفضي جوزي و اتسليت كتير بحبها كتير و كتير طباعنا بتتشابه حتى مشاكلنا مع جوازنا نفس الشي لانهم بنفس المجال بشتغلو
و بعدني ما اشتريت لتالا يمكن اليوم اذا الله أراد
و مااااااااااااااااا أطول بالك يا دمشقية بجنن الاختراع و هيدول الرسومات في منهن جاهز اشكال كتير خصوصي للأطفال و من زمان حابة اعملها في بيتي بس أنا ما عندي طولة بال ابدا يمكن اول رسمتين و بس و احلى شي ستاند الببغا ههههههههههه عن جد الله يعطيكي الف عافية
حياتي كاتي وحشتيني اليوم مابينتي من غير شر
واي والله سورية نايمة عندي من يوم الخميس لبكرا السبت ان شالله والسبب ان ازواجنا يابعدي مع اصحابهم بالبحر ربي يهنيهم ويسعدهم
بس كان هالرجال عم يراهقوا على كبر :D:cool: ستي ماعلينا عقبالنا :o
بس ياحسرة وين نروح بحالنا لا النا لا جار ولا صاحب ولا حدا نروحله ,,, الحمد لله
اعتبريها فشة خلق كاتي :(
والله يحمي تالا ويخليها يارب ويحفظها من كل عين
والله انا شام هيك برجها خفيف ومع انها سمورة تقبر قلبي وضعيفة بس حركاتها ورقصاتها بتخللي العيون عليها وبتمرض على طول ... بقى ربي يحميهن هالاطفال
والفستان الاول تبع شام خخخخخ انا اخترت اللون لان بصراحة اطفشت من الالوان التقليدية للبنات وهاللون دارج هالايام كتير واللون التاني كمان حلو ودايب والله
والله يسلمك ويخليلك احبابكF:
ويالله كويس رحتي عند صحابكم وغيرتي جو وخاصة اذا هالجو بتحبيه وبيناسبك
الله يسعدك ويهنيكي دوووم
وعن الدكتورة والله ياكاتي لا تخبصي يعني خلص تركتي الحبوب خلص مافي داعي تراجعي
لان هالدكاترة كتيرين فلسفة وكل اللي بهمهم الفلوس وبس
المهم انتي ريحي حالك وايمتى ماصار حمل يصير والله يختارلك الخير يارب
قلتيلي عجبك الدهان:p استني علي لسى بدي خللي زوجي يدهن غرفتي واعمل طبعات قلوب:o ببالي هالفكرة ههههههه
وبعرف انو في قوالب جاهزة بس احنا ماكانت الفكرة ببالنا اللهم ندهن هالحيطان لان الدهان القديم مقرف صاير والدنيا ليل واختك اجا على بالها تخبص ومشي الحال خخخخخ
وبالقالب اسهل كاتي يعني لما زوجي ساوا القالب التقليدي بخمس دقائق خلصنا الباقي
بقى اتشجعي وعملي اللي ببالك او جيبي ورشة دهان وهما بيتفننولك
