19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

amatalrahman237;13742371:
الفخدة جميلة يا سوسي ماشاء الله
طب متعرفيش لو في فرن البوتاجاز تاخد وقت اد ايه و على حرارة كام؟؟؟ والفها بفويل ولا لأ؟؟

ربنا يخليكي بصي اظبطي الفرن علي درجة 200 وسخنيه الاول وبعدين دخلي الفخدة والفرن سخن علشان ماتنشفش منك ويبقي لحمها طري وتكوني لفاها كلها بالفويل ايوة طبعا وانسيها بقي في الفرن خالص بعد 3 ساعات كدة ابدأي بصي عليها واختبريها بشوكة شوفيها طرية واستوت مية في المية ولا لأ لو لسة اقفلي الفويل تاني عليها وسيبيها شوية اصل كل فرن غير التاني ولما تختبريها وتتأكدي انها استوت تمام افتحي الفويل والشواية شوية لغاية ما الوش ياخد لون وطلعيها وياسلام لو تعملي رز كبسة وتحطي الفخدة فوقيه كدة بقي تحففففففففففففففة

Boody we zady;13736719:

كان حته فيلم يا أم عمر بجد تحفه قعدت ساعتين قدام التي في حاسه اني مش عارفه اغمض عشان لو غمضت مش حافهم باقي الفيلم ههههههههههههه بجد جامد موووووت

طلعت لحمة مفرومة حد يقوللي اعمل ايه

فلم اييييييييييييييييه قوليلي عليه
وبالنسبة للحمة المفرومة
رجعيها تاني انتي تعبانة ومش حمل وقفة مطبخ هههههههههههههههه خليها تنور الفريزر تاني
اكيد عملتي اللي عايزاه بيها صح؟؟

banota_helwa;13739090:
بنات انا عندى طريقه للشيف شربينى كان قالها عن صوص الديمى جلاس
الطريقه كالاتى:
بصله كبيرة وتقطعيها صغير وتحمريها فى زيت لغايه ما تبقى بنى غامق زى بتاعه التقليه كده وبعدين تضيفى 3 معالق دقيق +مكعب مرقه +كوبايتين ميه وتسيبيهم يغلوا كويس وبعدين تصفيها من البصل وتحطيها فى ازازه وتحفظ فى الثلاجه
للامانه برضه انا لسه مش جربت الطريقه دى

طيب انا قريت بعد ما تتصفى تاخد غلوة شوية كده كمان عشر دقايق ولا حاجة
بس هي بتستمعل في ايه الديمي جلاس دي؟؟

فراشة الإيمان;13740809:
بنات عايزه طريقه الفريك بس يكون خفيف لانى هاعمله لزياد لانه مش راضى ياكل خاااااااااااااااالص وعايزة اجربله اكله جديده يمكن تفتح نفسه

بصي انا هقولك طريقة الفريك بتاعة بسبس تحفة وجميييييييييييييييلة
الكمية طبعا نص كيلو فريك ماشي تنقيه حلو قووووي عشان لازم يكون فيه حصى صغنن اسود وتغسليه كويس جدااا وتنقعيه في مية سخنة لمدة نص ساعة وتصفيه
هتجيبي بصلة كبيرة تبشريها وفي حتة سمنة على زيت يعني شوحي البصلة برشة ملح وفلفل اسمر لما تبدأ تدبل ولسه يا دوب هتدخل على اللون تنزلي عليه بالفريك وتفضلي تقلبي حوالي 5 دقايق مع البصلة وتحطي مرقة في اخر تقليبة وبعدين تزودي الشوربة بقى كانك هتفلفلي رز، او تشوحي مع البصلة كبد وقوانص وتزودي مية المهم لازم يكون في شوربة عشان يديها طعم، كده وتكوني مقطعة طماطماية نونو مكعبات تروحي حاطاها عليه وتقلبي كله وتضبطي الملح وشوية فلفل اسمر وحبة شطة واول ما يغلي انقليه على نار هادية وسيبيه يستوي زي الرز بالضبط
بس انا بصراحة بفضل ازوده شقشاق مية كده زي العدس بجبة لحد ما يستوي خالص ويكون فيه صوص زي العدس كده يتغمس

بالنسبة بقى لو ابنك
يعني كباية فريك وبصلة نونو ابشريها وبلاش تحطي ماجي يعني حطي الملح والفلف الاسمر عادي، وتحطي شوربة او تشوحي الكبدة مع البصل او جناحات او مكعبات فراخ بانيه كل الطرق متاحة يعني

sosiii-cat;13742488:
ربنا يخليكي بصي اظبطي الفرن علي درجة 200 وسخنيه الاول وبعدين دخلي الفخدة والفرن سخن علشان ماتنشفش منك ويبقي لحمها طري وتكوني لفاها كلها بالفويل ايوة طبعا وانسيها بقي في الفرن خالص بعد 3 ساعات كدة ابدأي بصي عليها واختبريها بشوكة شوفيها طرية واستوت مية في المية ولا لأ لو لسة اقفلي الفويل تاني عليها وسيبيها شوية اصل كل فرن غير التاني ولما تختبريها وتتأكدي انها استوت تمام افتحي الفويل والشواية شوية لغاية ما الوش ياخد لون وطلعيها وياسلام لو تعملي رز كبسة وتحطي الفخدة فوقيه كدة بقي تحففففففففففففففة

الله كبسة ام رز و لحمة ... بموت فيها :thumbs_up:
طب ما تقولي طريقته بالمرة الله يكرمك، اصلي بفكر اعزم اهل جوزي يوميها و عايزة اجيبلهم من الاخر لانهم مقتنعين اني فاشلة في الطبخ 8o|

كمان سؤال غبي بجد... هم لما ادخل الشوكة في اللحمة هعرف منين انها استوت :confused:

banota_helwa;13741007:
روووووووووووووووووووووووووووعه ماشاء الله يانانى تحفه بجد
ولازم يكون فيه اختراع مش يوصل الريحه والطعم بس يوصل الاكل كمان
تسلم ايديكى بجد

ربنا يخليكي حبيبتي

فعلا لازم يعملوا كدة عشان ندوق هنفضل نتفرج بس لحد امتى :):)

Boody we zady;13741057:
رشروش و ناني ايه الأفترا ده هههههههههههههههههههه تسلم ايدكم يا قمران بجد

الله يسلمك يا حبيبتي

salad;13741078:
نانى الزقى الطريقه على طووول لان شكلها توحفه واكيد ليكى بصمه مميزه فيها

ربنا يخليكي حبيبتي
بصي هو مفيش حاجة مميزة

العيش بقطعه وبرش عليه زيت زيتون وبدخله الفرن يتحمص

الرز بغسله وانقعه 5 دقايق واقلبه في معلقة زيت كتير لحد مايلزق في بعضه اضيفله ميه مغليه وملح واوطي عليه واسيبه يستوي

الصلصه توم بحمره وعليه عصير طماطم ومعلقة صلصه وملح وفلفل وبهارات ومعلقتين كبار خل و ربع معلقة سكر واسيبها تتسبك

التومه بحمرها في حته زبدة وعليها معلقتين كبار خل وشوربه

اللحمه بقى
تبلتها وشوحتها في طاسه وبعدين قطعت عليها بصله وعصير طماطمايه وبهارت ودخلتها الفرن متغطيه بفويل وبعدين شيلت الفويل وسيبتها تتحمر بس كدة

لما بغرفها بحط العيش وعليه صلصه وتومه وعليه الرز وعليهم الصلصه واللحمه والتومه بس كدة

مشمش ام محمد;13741154:
ناني تسلم ايدك لو اعرف ان الفته حلوه كده كنت استنيتك في دبي لحد ما ترجعي واكل منك الطبق الحو ده تسلم ايدك
رشروورش يا مجرم يا مجرم ممباااااااااااااااار نفسي فيه اتوحمت عليه ولسا بتوحم بعد ما ولدت بردو وعايزه ماليش دعوه اتصرفي وابعتي مليش دعووووه هموت عليه
الف هنا يا قمرررر

الله يسلمك يا حبيبتي

وانا لو اعرف اني مش هاكل فته في قطر مكنتش رحت وكنت فضلت هنا وقابلتك في المول

رشرووش;13741155:
تسلم ايدك يانانى وتم التقييم ياقمر

الله يسلمك حبيبيت انا كمان جيت اقيمك ميزانك رفض بس وراه وراه

mesh mesh yoyo;13741920:
السلام عليكم ازيكم يا بنات انا مشتركه جديدة بس متابعكم من فترة ومكنتش عارفه اشترك لغايه ما ربنا اذن وعلى فكره انتو جروب جميل ولذيذ اوى وليه الشرف انى اكون واحدة منكم وسلامى الجامد اوى الى ام مازن صحبه عمرى

اهلا وسهلا بيكي حبيبتي نورتي وكل اللى من طرف ام مازن حبيبتنا منور

ام عمر افندى;13741941:
رشرووش انت اجراااااام انا عندى علبه كبيره لسه فى الفريزر كنت سايباها لحد اجازة نص السنه عشان اخويا جاى فيها بس شكلى هستندل معاه والعب الدنيئه واطلعها ههههههههههههه
نانى كده كده يا نانى تعملى فيا كده ليييه بس شكل الفته رووووعه بجد تسلم ايدك يا قمر قولى بقا لمشمش على طريقه مكرونه حلوة للمكرونه الاسطوانه دى الكبيره عشان هيه سالت قلتلها استنى نانى لما تيجى هتظبطك
مشمش الرز المعمر رهيييييييييييب تسلم ايدك

الله يسلمك يا حبيبتي

انا قلتلها خلاص

أم مازن*;13742009:
اسهل حاجه وطعمها حلو
بالميلفى
هاتجيبيه وتكسريه
وتحطى عليه لبن وكريمة لو عندك لو لا يبقى حتة قشطه وفانيليه وسكر ومكسؤات
بس اللبن يكون مغلى

واسهل حاجه عشان تجيبى الميل فى هاتى ام على حلو الشام
هاتعجبك اوى

ميه ميه :thumbs_up::thumbs_up::thumbs_up:

انا بعملها بنفس الطريقة

السكر المظبوط على علبه حلو الشام هو كوب الاربع سكر

amatalrahman237;13742454:
ممكن طريقة بلح الشام بليز و طريقة الشربات بتاعه

دة موضوع عمله فيه بلح الشام وكمان ام بودي عملاه حلو اوي


http://forums.3roos.com/showthread.php?t=471409

بنات اطبخ ايه بكره غير فراخ ولحمه وسمك
عندى بفتيك وكبده قلولى اعمل ايه ؟
وياريت طريقة الكبده بس تبقى حلوة وفيها شويه صوص

نور صوص الديمى جلاس ده بيستخدم مع البيكاتا غير كده بصراحه انا مش عارفه والله ههههههههه
بالنسبه لموضوع ال10 دقايق دول والله ما عندى فكره انا كتبت اللى كان عندى فى الدفتر

amatalrahman237;13742579:
الله كبسة ام رز و لحمة ... بموت فيها :thumbs_up:
طب ما تقولي طريقته بالمرة الله يكرمك، اصلي بفكر اعزم اهل جوزي يوميها و عايزة اجيبلهم من الاخر لانهم مقتنعين اني فاشلة في الطبخ 8o|

كمان سؤال غبي بجد... هم لما ادخل الشوكة في اللحمة هعرف منين انها استوت :confused:

هههههههههههه لا ماتقوليش كدة بصي لما الشوكة تغرس للآخر بسهولة لغاية العظم يبقي استوت وبرضو هايبان من شكلها الفخدة لما تستوي هاتلاقي شكلها اختلف اللحم كش والعظم ظهر كدة ماتقلقيش


ودة موضوعي بتاع الكبسة هايعجبك ان شاء الله



http://forums.3roos.com/showthread.php?t=547058



وممكن تعمليها من غير اللحمة لو عايزة تكتفي بالفخدة في العزومة وتعملي صنف فراخ كمان وحاجات تانية فتعملي رز بس





ودة كمان طبق كبسة كنت عاملاه في نفس عزومة الفخدة دي اتفضلي :)






كنت عاملة كبسة بالريش الضاني

رورو شيمو كانت قالت على طريقه للكبده بتاعه الفراخ بس رووووووووووووووووووووووووووووعه والله العظيم
انا بقيت اعملها دايما اخواتى بيحبوها اوى
لو عاوزاها انا ممكن اكتبها ليكى

انا بعمل كبسه حلوة قوووووووووى ولو مش مصدقين تعالو اعزمكو على كبسه وريش ضانى بس لما اخف لان ذراعى مكسور

رورو حبيبة جوجو;13742763:
بنات اطبخ ايه بكره غير فراخ ولحمه وسمك
عندى بفتيك وكبده قلولى اعمل ايه ؟
وياريت طريقة الكبده بس تبقى حلوة وفيها شويه صوص

بصى يارورو
اعملى كبده ومكرونه او
كبده ورز بالخضار وبطاطس محمره
او كبده وبطاطس بالبشامل

اعمليها كبده اسكندرانى
قطعى الكبده واعصرى عليها لمون
هاتى راس توم ودقيها مع فلفل اخضر وملح وكمون

هاتى بتاع ربع كيلو فلفل اخضر وقطعيه
هاتى الفلفل شوحيه فى زيت شويه وبعد كده نزلى نص التوم وقلبى لغاية مايصفر كده نزلى الكبده الشرايح ولما لونها يغير نزلى بقية التوم وقلبى لغايه ماميتها تنشف وتستوى كويس حطى شوية ميه بقى واغليها عشان يبقى فيها صوص
طبعا التوم حسب كمية الكبده بس التوم يبقى كتيييير
يعنى راس التوم على نص كيلو كبده او كيلو الا ربع

رورو اعملي بفتيك أو اعملي بيكاتا بيه موجودين في الموقع و كمان الكبده هناك هيا زي شيمو ما قالت بس لازم تكون النار عاليه عشان الكبده لو نزلت ميه بتبقي زي المسلوقه كده موجوده كلها في الموقع كمان

عجنت نص كيلو دقيق حاعمله معجنات حأوريكم الصور ان شاء الله ههههههههههههههه

بنات قولو لي اطبخ ايه بكره حاجه مش تاخد وقت
يعني على ما امشي من عند ماما لما اصحى واروح اطبخ وكده عاوزة حاجه سريعه عشان جوزي هيوصل من اليكس على الفجر كده وانا همشي من عند ماما واروح اطبخ ف البيت عشان هو مش راضي ييجي يتغدى هنا

المهم عاوزة حاجه سريعه بس مش لحمه طبعا عشان بتاخد وقت ومش عندي فراخ ف البيت :(

رشرووش;13740714:

تسلم ايديكي
تصدقي شكله حلو اوي
انا اول مره اشوف الممبار ده كان في رمضان ههههههههههههههه
كانت مرات اخو جوزي عاملاه كنا معزومين عندها
بس انا مش بحبه خااااااااااالص ولا عمري دقته اصلا
بس بتاعك شكله حلو اوي ما شاء الله
تسلم ايديكي

Boody we zady;13742137:
جبنا التي في الحمد لله و كعيت 80 جنيه هههههههههههههه حأخدهم من عيديه زيزو بيقولي طب خدي واحد و سيبيلي واحد ههههههههههههه

مبروووووووووك

بس خلي بالك من زيزو بقى
ربنا يهديه لك يارب

ناني فيبس;13740981:
غدا النهاردة

اخيرا فته

دة انا كنت مقهورة 8o|8o|

جوزي بيقولي لازم يعملوا اختراع يوصل الريحه والطعم مش صور بس هههههههههههههه












ندأ خاص لميراميرا انتي فين يا قمر وحشتينا كنتي عايزة تشوفي شكل الموزة

اهه يا حبيبتي هي دي الموزة يارب تيجي عشان تشوفيها

ما شاء الله يا ناني
تسلم ايدك شكلها حلو اوي
قولي طريقة الفته بتاعتك يا ناني يمكن تكون مختلفه

*Om Mo3az*;13743905:
بنات قولو لي اطبخ ايه بكره حاجه مش تاخد وقت
يعني على ما امشي من عند ماما لما اصحى واروح اطبخ وكده عاوزة حاجه سريعه عشان جوزي هيوصل من اليكس على الفجر كده وانا همشي من عند ماما واروح اطبخ ف البيت عشان هو مش راضي ييجي يتغدى هنا

المهم عاوزة حاجه سريعه بس مش لحمه طبعا عشان بتاخد وقت ومش عندي فراخ ف البيت :(

بما ان الجو سقع

اعملى فتة عدس وشوربة عدس وبصل اخضر والف هنا

او اعملى عجة بيض وفول مقلى بتاع ام بودى وبطاطس محمره وبتنجان مخلل
او اعملى مكرونه محمره وجلاش باللحمه المفرومه او بحشوة البيتزا وحطى فيه بسطرمه او تونه او عصاج وبطاطس محمره

دول اللى فى دماغى حاليا

او اعملى كشرى عدس اصفر
وبتنجان مخلل
وطماطم مخلله
وبيض مسلوق ومتحمر فى السمنه
وبطاطس محمره
بمووووووووووووووووووووت فى الاكله دى

اعملى بطاطس وبتنجان وفلفل مقلى واعملى سدق بالصلصه وارميه فوقها

شِيمو حبيبتي وحشتيني
مش انتي شيمو برضو هههههههههههههههههههههه
مبروك الاسم الجديد

تصدقي كانت رايحه عن بالي الكشري الاصفر ده
فكره برضو والله احتمال اعمله

لان كل الاكلات التانيه دي جوزي مالوش فيها هههههههههههههههه
جزاكي الله خيرا ياقمر
شكلها فعلا هتبقى كده

رشرووش;13744177:
اعملى بطاطس وبتنجان وفلفل مقلى واعملى سدق بالصلصه وارميه فوقها

تسلمي يا رشروش
انا مش بحب السجق


اصلا انا وجوزي مش بنحب معظم الاكلات فتلاقينا معقدين يعني
خصوصا هو مافيش غير كام اكله بيحبها والباقي لا ههههههههههههههه

اهه ياايمان