19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

بصى يانانو انا بعمل اللحمه بالبصل بجيب بصل كتير واقطعه جوانح واشوحه فى سمنه او زبدخ لحد مايدبل وبعدين احط اللحمه واقلبها تقلبتين لحد لونها مايتغير وبعدين ملح وفلفل وبهار لحمه وشويه مايه واسيبها تشرب مايتها وممكن تحطى فص مستكه وحبهان بس كده

اه تنفع ياسلاد هى هى

بالظبط طريقة اللحمه بتاعة رشرووووووووووووووووووووووش

انا كمان يا نانو مش بعمل اللحمه غير زي بتاعة رشروش كده
مش بعملها مسلوقه خالص مش بحبها ابداااااااا
يا اما لو اللحمه حلوة بقى بعملها كباب حله مش بتبقى شوربه بقى بيبقى صوص تقيل كده احلى كتييييييير من الطريقه التانيه

وايه الصوص اللى على الوش ده يا رشرش

روفة و ام بودى تسلم ايدكم

ديه صلصله
بصى
هاتى فصين توم وشوحيهم فى السمنه وانزلى بالسدق وملح وفلفل وشوحى لحد مالونه يتغير
وقطعى قرنين ففل اخضر وقطعى طماطم ومعلقتين صلصه وانزلى عليهم وشويه شطه ومعلقه خل وسيبهم يتسبكو وبعدين اقلى بقى بطاطس بتنجان وفلفل وارمى عليهم السدق بالصلصه ده وكلى بقى
يالهوووووووووووووووووووووووووى

ام بودي تسلم ايديكي يا قمر

روفة تسلم ايديكي ولفة ورق العنب جميلة مرة في مرة هاتبقي بيرفكت ان شاء الله :)

يابنات عندى بواقى كيك من العيد حطاه فى التلاجه اعمل ايه بيه غير تشيز كيك

http://forums.3roos.com/showthread.php?t=522175










شيمو شوفي دة كدة عاجبني اوي

هو انتو ليه مش بتردوا عليه :(:'( هو انا رخمه للدرجه دي
جزاكم الله كل خير

sosiii-cat;13742048:

الف سلامة عليكي يا سارة انتي ولولي

انتي عايزة الكبيبة الشامي

الطبقة الخارجية : نص كيلو لحمة مفرومة علي نص كيلو برغل وبصلة مبشورة وملح وفلفل ورشة قرفة بسيطة

الطبقة الداخلية : لحمة مفرومة وبصلة مبشورة وملح وفلفل وشطة لو تحبي وقرفة ناعمة ونعناع ناشف مفروك اوي وبقدونس مفروم

قطعة سمنة نونو هاتدبلي البصلة المبشورة وعليها اللحمة والبهارات كلها وتسيبيها تستوي وبعدين في الاخر البقدونس والنعناع

وتعجني الطبقة الخارجية دي كويس ولو بتحبيها مقرمشة زودي البرغل شوية
وطبعا البرغل تكوني منقياه وغاسلاه وناقعاه من قبلها بكام ساعة

تكوري الطبقة الخارجية وتحشيها بالداخلية وتشكليها بشكل الكبيبة المعروف وتقليها في الزيت وبسسسسسسسس

الله يسلمك يا سوسى ميرسى يا حبيبتى و انتى ازيك و ازاى نورين واحشانى اوى و الله
و تمام كده طريقة الكبيبة هحاول اعملها الايام الجاية ان شاء الله

ناني فيبس;13740981:
غدا النهاردة

اخيرا فته

دة انا كنت مقهورة 8o|8o|

جوزي بيقولي لازم يعملوا اختراع يوصل الريحه والطعم مش صور بس هههههههههههههه












ندأ خاص لميراميرا انتي فين يا قمر وحشتينا كنتي عايزة تشوفي شكل الموزة

اهه يا حبيبتي هي دي الموزة يارب تيجي عشان تشوفيها

تسلم ايدك شكلها حلوة اوى

رشرووش;13740714:

تسلم ايدك يا رشروش ده انا نفسى فيه جدا اول حاجة هاكلها لما انزل مصر ان شاء الله

اضافه بسيطه لبرايت يا سوسي معلش وانتى بتقلي الكبيبه متخليش النار عاليه عليها اوى يعني تخليها هاديه عليها شويا عشان تستوى وتمسك نفسها كويس ويا حبذا لو بعد ما تكوريها وتضبطيها تحطيها في التلاجه خمسه كده تمسك نفسها وفي الخلطه الي جوا الي فيها لحمه مفرومه زودي شويه سماق نونو هتبئا مززه وجميله

صباح الفل يابنات
انا نزلت العيال وجوزى عينه مفنجله مع ان منمناش من امبارح قولت اصبح عليكم
حتتغدوا ايه

ورق العنب لفه حلو يا روفا تستاهلي 10 على 10 بس بعد كده اشتري ورق العنب صغنن حبتين بيكون جميل لما تكون الصوابع صغننه ومحندقه

قطه اخر الليل متزعليش موقع ام بودي انا مش عارفاه اكتبه ليكي هنا بس اكتبي في جوجل موقع احلى طبخه هيطلعلك عشان المخالفات وكده يا قمر وبالعكس انتى عسل وسكر وفاكراكى من ايام الحمل ومن ايام خطوبتك كمان والله يهديكي اوعى تزعلي من حد هنا كلنا هنا اخوات

صباح الفل يا روشا يا مسكر اولا نيمي جوزك عشان نقعد نرغي حبتين
ثانيااا الغدا اليوم سبااانخ بالحمص واللحمه ورز حبايه وحبايه وشكراااا
ثالثااا انا من زمان نفسي اسالك عن جده وعن التطورات الي حصلت فيها لاني سايبها يجي من 15 سنه كده ومشتاقه ليها اووى اووى اووى
اولا اخبار مركز الجمجوم ايه لسا موجود؟؟
واخبار سوق السوررييين
واخبار سوق البلد ومركز المحمل
وكنت ساكنه في حته اسمها المساعديه في سكنات مستشفى الملك فهد هي الحته دي لسا موجوده ولا اختفت
وكمان كنت في مدرسه خاصه اسمها السلام ياترى لسا موجوده ولا ازالوها
وكان في سوبر ماركت كده كبير كنت بحبه موت كان اسمه الاول المختار وغيروه بئا اسمه اسواق حماده لسا موجود؟؟
واسواق بن داوود
وحاجات تانيه كتيرررررررررررررررررررررر
انتى ايه نزلك مصر اساسا روحي يا شيخه اجري ارجعي ده جدهه تحفه

قطة اخر الليل;13747036:
هو انتو ليه مش بتردوا عليه :(:'( هو انا رخمه للدرجه دي
جزاكم الله كل خير

ليه كدة بس يا قمر بالعكس دانتي زي العسل انا فكراكي من ايام تجمع الحوامل :)
اكيد ماخدناش بالنا معلش كنتي سألتي عن ايه ؟

مشمش ام محمد;13747105:
اضافه بسيطه لبرايت يا سوسي معلش وانتى بتقلي الكبيبه متخليش النار عاليه عليها اوى يعني تخليها هاديه عليها شويا عشان تستوى وتمسك نفسها كويس ويا حبذا لو بعد ما تكوريها وتضبطيها تحطيها في التلاجه خمسه كده تمسك نفسها وفي الخلطه الي جوا الي فيها لحمه مفرومه زودي شويه سماق نونو هتبئا مززه وجميله

تمام جداااا :thumbs_up:

رشرووش;13747142:
صباح الفل يابنات
انا نزلت العيال وجوزى عينه مفنجله مع ان منمناش من امبارح قولت اصبح عليكم
حتتغدوا ايه

صباح الفل يا رشروش انا عندي نورين هي اللي مفنجلة هههههه ولسة مش عارفة هاطبخ ايه بس مطلعة لحمة

مغظم اللى قولتى عليه موجود يامشمش بس مش عارفه فين سوق السوريين ده
وجموم والمحمل والكورنيش والبلد كله موجود والله يامشمش حموت وارجع تانى بس المدارس بقى حبقى اروح فى الصيف انا جوزى قرب يسافر وانا حموت وعلى عينى وربنا

bright bride;13747080:

الله يسلمك يا سوسى ميرسى يا حبيبتى و انتى ازيك و ازاى نورين واحشانى اوى و الله
و تمام كده طريقة الكبيبة هحاول اعملها الايام الجاية ان شاء الله

انا الحمدلله تمام انا ونورين واخدين برضو نفس الدور هههههه ربنا يشفينا جميعا
انتي كمان وحشاني اوي مش عارفة ليه ماعدناش بنتقابل في المجموعة زي الاول كدة :(

لما تعملي الكبيبة بقي ابقي طمنيني ان شاء الله عالاخبار وماتنسيش النعناع والقرفة هما دول السر في النكهة المميزة :)

سؤال محوري لرورو معلش اصل انا حشريه
مين طنط الي رايحه تعتكف وواخده معاها ممبار دي
رايحه تعتكف ولا طالعه رحله هههههههههههههه يا بت يا رورو الممبار ده جامد جامد ومش زي الكرشه والحاجات التانيه دي
لما بيتنضف كويس ويتعمله خلطه تماموز بيكون وهم وهم لازم تجربيه وخلي جوزك يجيبه من عندك اكيد في في الرياض عند الجزارين المصريين اسالي عنه واكيد حماتك عارفاه وهتستلذ منه اوووى