استفسارات وتساؤلات الامهات عن كل شئ (الجزء الخامس)

السلام عليكم يا ماميهات
الأول ربنا يجازيكم خير على كل حاجة استفدتها منكم
ربنا يكرمكم بجد والله ويباركلكم فى أولادكم ويجعلهم من الصالحين اللهم آمين
أنا بنتي مريم داخلة في 4 شهور إن شاء الله وهى بترضع صناعى فمش عارفة وأنا خارجة أخد اللبن معايا فى إيه يعنى عايزة حاجة تبقى على أد كمية اللبن للرضعة الواحدة
وأنا إن شاء الله ناوية أدخلها أكل على 6 شهور بس عايزة ابتدى أجيب أطباق الأكل والمعالق والحاجات دى ألاقيهم فين وأسعارهم بتبقى كام
ومعلش سؤال أخير أنا كنت بديها الببرونة نك البلاستيك بس الدكتور قالى لا هاتيلها إزاز فجيبتلها شيكو بس مش عارفة هى بتتغلى على النار عادى ولا إيه لإن فى الصيدلية قالولى أغلى ميا واطفى عليها وخلى الببرونة فيها شوية لإن الغلي على النار ممكن يبوظها فهل ده حقيقي فعلا ؟
وجزاكم الله خيرا مقدما على الرد

الف سلامه على ابنك يا لولا ربنا يشفيه

انا كمان فيرو عندها برد وبتاخد مضاد حيوى بنات المفروض هى هتاخد تطعيم الشهرين استنى اسبوع لحد ما تخلص الدوا بتاعها ولا اديها التطعيم مع الدوا عادى وهو تطعيم الشهرين ده بيتاخد فى اى وقت ولا لازم اول ما تتم شهرين بالظبط مينفعش بعد كده
وكمان برده بنتى بتشرق كتير حتى وهى نايمه ساعات تشرق

شوق وحنين للجنة ... بالنسبة لتقسيم الرضعات فيه علب بلاستيك اسمها مقسمة الحليب انا جايباها وهيا هنا رخيصة يعنى فى حدود 15 جنيه عندكم ودى صورتها انا جبتها من النت اللى عندى شبهها ممكن وانتى خارجه .. وكمان بالليل لما بقوم من النوم بيكون اللبن جاهز لانى بقوم مش شايفه





بالنسبة للغلى انا سمعت انه فعلا غلط لكن فى البلاستيك مش الازاز فممكن تغلى الميه وتقفلي وتسيبى الببرونة فيها شوية وربنا يخليلك مريومة اسمها على اسمى :)

ربنا يكرمك يا مريم على ردك
واسمك الحقيقي واسمك على المنتدى زي العسل
هي فعلا مقسمة الحليب دى هتنفعنى جامد يارب ألاقيها
ياريت حد من البنات يفيدني ألاقيها فين هنا لإني مش بخرج كتير
وبرضه حاجات الأكل أجيبها منين
وفيه حاجة يا بنات أنا الدكتور لما روحتله فى الأول خالص وبقوله على الأعشاب وكدا قالى هى بتهدي المعدة فعلا لكنها بتتفرز عن طريق الكلية فهو مش بيفضلها للأطفال ومن ساعتها وانا مش بديها اعشاب دى معلومة هو قالهالى وحبيت اقولهالكو بس طبعا الطب مدارس ممكن دكتور تانى يقول لا ما فيش مشكلة فإحنا بقى نستخير ربنا وندعي انه يحفظ أولادنا

شوق وحنين للجنة;13551191:
ربنا يكرمك يا مريم على ردك
واسمك الحقيقي واسمك على المنتدى زي العسل
هي فعلا مقسمة الحليب دى هتنفعنى جامد يارب ألاقيها
ياريت حد من البنات يفيدني ألاقيها فين هنا لإني مش بخرج كتير
وبرضه حاجات الأكل أجيبها منين
وفيه حاجة يا بنات أنا الدكتور لما روحتله فى الأول خالص وبقوله على الأعشاب وكدا قالى هى بتهدي المعدة فعلا لكنها بتتفرز عن طريق الكلية فهو مش بيفضلها للأطفال ومن ساعتها وانا مش بديها اعشاب دى معلومة هو قالهالى وحبيت اقولهالكو بس طبعا الطب مدارس ممكن دكتور تانى يقول لا ما فيش مشكلة فإحنا بقى نستخير ربنا وندعي انه يحفظ أولادنا

انا شفت المقسمة فى بيبى شوب هنا فى قطر بس اكيد هتلاقيها فى بيبى شوب فى العبور مش فاكرة اسم المول ايه بصراحة بس هو مع كارفور او اللى فى سيتى سنتر اللى فى اسكندرية

كنت عايزة أضيف معلومة يا جماعة

لو حد عايز يشتري ببرونة بلاستيك يتأكد انها لBPA free

دي مادة لما بتسخن بتبقى مضرة عشان كده بيقولو ان البلاستيك وحش بس دلوقتي اغلب الماركات الكويسة بقت BPA free

عندوكو افنت و دي واخدة برة تقييم عالييييييي قوي و نوبي و ناك و شيكو البلاستيك برده و لوفي

بس بصراحة الازاز تقيلة اوي و حاساها مش امان لو حد خارج بيها ده انا عندي ببرونة بلاستك اتخبطت مني جوة الشنطة لقيتها اتخرمت.

يعني افنت مكتوب جواها انها تتحط في ميا و تتغلي على النار لمدة 5 دقايق بصراحة اكيد هما ادرى لأن الناس دي عندها ابحاث في دكاترة هنا كتير لو سألتيها يعني ايه BPA مش حيعرف اصلا فبالتالي مش عارف الفرق بين البلاستك الكويس و اللي مش كويس

انا قلت بس انا عندي معلومة حبيت اشاركو بيها.

monyfofo;13550610:
الف سلامه على ابنك يا لولا ربنا يشفيه

انا كمان فيرو عندها برد وبتاخد مضاد حيوى بنات المفروض هى هتاخد تطعيم الشهرين استنى اسبوع لحد ما تخلص الدوا بتاعها ولا اديها التطعيم مع الدوا عادى وهو تطعيم الشهرين ده بيتاخد فى اى وقت ولا لازم اول ما تتم شهرين بالظبط مينفعش بعد كده
وكمان برده بنتى بتشرق كتير حتى وهى نايمه ساعات تشرق

ما ينفعش يا حبيبتي تطعميها و هي عيانة لان مناعتها ضعيفة و التطعيم عبارة انك تدي البيبي مسبب المرض يااما مخلينه ضعيف او مموتينه و بالتاي الجسم حيبقى أقوى منه و يطالع اجسام مضادة ضده, لكن لو البيبي عيان اصلا ممكن التطعيم يضره مش يفيده.

و مش لازم التطعيم يكون باليوم بالضبط ممكن تاخريه 7-10 أيام

Bossy22;13530359:
اعلى الجنان هى بنوتتك اد ايه بلاش تحطى حاجة على شعرها اول سنة بلاش زيت اوكريم
انا عملتلها معلقة شاى من السيريلاك عليها 5 معالق مية وهى 6 شهور و اسبوع كده كويس وللا ايه انا مش عارة اقرا اللى على العلبة

انا بدى لجودى معلقتين شاى عليهم 60 مللى لبن صناعى من اللى بترضعة هى دلوقتى هتكمل 4 شهور ان شاء الله بعد اسبوع وبديها عصير برتقال وتفاح ورمان

Lolitaaaaa;13538660:

بنات انا غيرت الحليب الصناعي لابني

كنت بعطيه فريزو1 ar والآن بعطيهar s-26
لانه بيراجع كتير
بس المشكلة انه ما زال يراجع وصار عنده امساك ومغص
وحاولت كتير اعطيع يانسون مش راضي ياخده

اعمل معاه ايه؟؟؟؟

حبيبتى سلامتة الف سلامة علية انا جودى بترضع صناعى وكانت بترجع بعد كل رضعة تقربا الرضعة كلها ع دفعات ورا بعض لدرجة كانت بترجع من منخيرها وبديها لبن نان وكنت بتضايق جدا وكل موديها لدكتور يقولى عادى لغاية 6 شهور ه دلوقتى تقريبا 4 شهور كنت بديها 120 مللى وديتها لدكتورة عشان تغيرلى للبن اللارتجاع اللى فية ar رفضت الدكتورة وقالتلى انة بيبقى تقيل جدا ع معدة البيبى وبيعملة مشاكل ف الهضم وامساك ونصحتنى اديها دوا الترجيع موتيليوم قبل البرضعة ب ربع ساعة 3 مرات ف اليوم وكمان اكرعها بعد الرضعة واخليها 10 دقائق ع كتفى عشان يستقر اللبن واهم حاجة فعلا اللى جابت نتيجة انى اقلل الجرعة بتاعة اللبن ل90 مللى والحمد لله ما شاء الله دلوفتى احسن من الاول بتنزل بس حاجة صغيرة بعد كل رضعة بلاش لبن الارتجاع دة

bosy_md;13546988:
بنات أنا تعبت خالص ونفسي انام بجد.. آدم مش بينام تقريبا.. يعني عاوز طول الوقت يرضع وينام وأنا برضعه وأول ما احطه في السرير وانام جنبه يصحي يعيط.. مش عارفه بقي هو مش بيشبع مني علشان كده مش عارف ينام ولا ايه؟ وهو مش بيعمل كيكي لمدة ٣ أيام مثلا الا لما أديله لبوس أديله ثاني لو استمر علي كده ولا لا؟ امبارح أديتله لبوس و حميته بميه دافيه و غيرتله وعملت له بيبي درينك وغطيته علشان يتدفي نام ٤ ساعات و صحي ثاني م الفجر أعمل ايه علشان ينام نوم ع بعضه؟

كوبي يا بوسي من الى انا عاوزة اقولو بجد همووووت وصداااع هيفرتك دماااغى

sweetylolla85;13548142:
بنات يوسف طلع عنده نزله شعبيه والدكتور خايف تقلب بحساسيه صدر مزمنه ............ززقلبي بيتقطع هاموت من كتر خوفي عليه
ادعوله ربنا يكرمه ويخف ويطلع تشخيص غلط من امبارح ياروحي بياخد حقن مضاد حيوي 500 عشان المخالفه اشتري ايه يلبسه في الشتا

الف سلامه يا لولا عليه ربنا يحفظهولك ويحميه يارب

bosy_md;13548551:
ألف سلامة يا لولا وشوفي دكتور ثاني وان شاء الله يكون كلام الدكتور مش صح يارب.. كاتو والله عندي ٢ تيتينة وكان واخذها من أول يوم عادي حتي من قبل صدري ده أنا فوقت م البنج لقيتها في بقه.. بس هو مش راضي ياخذها بقاله كام يوم لا دي ولا دي

ده لو انا مش هوصف الى بيحصل معايا كده انا بردو بنفس الشكل قمت من البنج لقيتها ف بقها التتينه ودلوأتى مش عاوزاها عاوزة صدرى تنااام وتقوم عليه بس 8o|

dr_hienar;13549688:
ليه انتى هتديها لبن صناعى ليه يا توكى؟

بفكر اعملها رضعه وانا خارجه يا هينار لحسن انا ببقي لبخه اوى بره امبارح روحت للدكتور وعيطت وقلبت الدنيا روحت البلكونة مقفله كده عشان ارضعها بقيت حاسه انى مش طايقه نفسي ولا هى عارفه ترضع ولا انا عارفه ارضعها

بنات يوسف طلع عنده نزله شعبيه والدكتور خايف تقلب بحساسيه صدر مزمنه ............ززقلبي بيتقطع هاموت من كتر خوفي عليه


الف سلامة يارب يكون خير

لو سمحتم ممكن اشترى شنطه البيبي دى منين وياريت لو مكان فى الزقازيق او المنصوره


توتا انتى عايزة شنطة ولا الماركة دى بالذات؟؟؟




بنات الوقتى هينار علطول عندها غازات واول مااغيرلها وارضعها تعمل فى البامبرز مابيلحقش يقعد نظيف لانى بصحيها ارضعها واغيرلها مش عارفة هى كدة هتجيلها تسلخات ؟
وبعدين مش متقبلة الدوا اللى هو الدينتونكس ده بتفه تخيلوا وتطلع لسانها وتقعد تصرخ لحد ماترجع حبة لبن يعنى اعملها ايه فى الغازات وحكاية البامبرز دى؟

انا بديلها سايمثكول بس بحس انو مبيعملش حاجه تايا بتفض تتلوى من المغص والانتفاخ والغازات الى عندها روحت للدكتور عشان الامساك والحجات دى كلها مرضيش يديني ولا دوا وقالى انتى عندك امساك عشان كده هى عندها امسك عالجى نفسك الاول

صحيح يابنات تايا مولوده وفي جزء عامل كيرف ف رقبتها انا قولت عشان وضع الولاده مقلوبة فوضع معين من الشهر السابع بحسبها العضمه وهتتعدل مع الوقت الدكتور قالى دى عضله مش عضمه واروح بيها ع دكتور جراحه اطفال وبجد قلقانه جدااا عليها من الوضع ده ادعولها ربنا يكرمها وتكون حاجه بسيطة

monyfofo;13550610:
الف سلامه على ابنك يا لولا ربنا يشفيه

انا كمان فيرو عندها برد وبتاخد مضاد حيوى بنات المفروض هى هتاخد تطعيم الشهرين استنى اسبوع لحد ما تخلص الدوا بتاعها ولا اديها التطعيم مع الدوا عادى وهو تطعيم الشهرين ده بيتاخد فى اى وقت ولا لازم اول ما تتم شهرين بالظبط مينفعش بعد كده
وكمان برده بنتى بتشرق كتير حتى وهى نايمه ساعات تشرق

سلامتها وربنا يشفيها وانا عندى كتاب تاليف الدكتور ابراهيم شكرى برضة راية ان تستنى ع الطفل لو تعبان ومش لازم ع فكرة بالضبط عند شهرين استنى اسبوع كمان وخللى باللك انك تكون قبل التطعيم مدياها الرضعة بساعة تقريبا وبرضة بعد التطعيم تستنى ع الرضعة ساعة عشان متقشتش تطعيم الفم

لولا الف سلامه علي يوسف ان شاء الله يخف بسرعه يارب
توكي سلامه تايا رووحي لدكتور تاني اساليه افضل لان في ساعت دكاتره بتفتي وخصوصا الاطفال
وبعد كده دي لسه مكملتش شهر يعني مفيش اي حاجه باينه منها اصلا لسه المفروض ميقدرش يحكم دلوقتي

وان شاء الله مش هيكون فيه اي حاجه

بالنسبه للرضاعه بره خدي معاكي شال كده حلو واقعدي في مكان مفهوش حد وهدي اعصابك وانتي بترضعيها
عادي يعني كلنا بنعمل كده لا الا مش هنخرج من البيت ومتلجئيش للصناعي غير في اضيق الحدود لما ميبقاش في حل غيره
وخدي معاكي رضعه اعشاب عشان لو اتزنقتي ومعرفتش ترضعيها بقي تاخد منها

انا بقا اللي دلوقتي عندي مشكله
ان شاء الله هودي ندي حضانه وعايزه اقعد معاها يومين في الحضانه يعني اقعد شويه وامشي
ورنا هسيبها مع باباها ومش عارفه بقي ينفع اديها صناعي الفتره دي ولا لا

هي كانت تاخد نان في الحضانه لما كانت عندها صفرا مش عارفه اعمل ايه حد يفيدني
مقدرش اخدها الحضانه معايا عشان ندي متغرش ولما امشي واسيبها متفتكرش اني فضلت اختها عنها واخدتها معايا وهي لا

توكي متقلقيش العيال بيبقى في فيهم حااجات غريبة كده وبتروح على السنتين وعموما لو عاوزة دكتور جراح اطفال انا اعرف واحد كويس وعنده ضمير مش هيدخلك في حوارات لو عاوزة اسمه قوليلي هو عموما في برج الاطباء اللي في فيصل

هبهووب انا رأيي ترضعيها رضعه كويسه قبل ماتنزلي وتسيبيلها رضعة اعشاب يعني هترضعيها وتنزلي بعد ساعتين هتجوع تاخد الاعشاب وبعد ساعتين هتجوع تاني اعتقد هتكوني جيتي

اول امبارح نزلت جبت اللبس الشتوى البيتى لجودى الاسعار عالية قوى بس عايزة اسالكم انا كنت جايبالها تحت البيجامات هاى كول عشان تدفا ماما خلتنى ارجعهم وقالتلى البديهات الرقبة دى بتتعب الاطفال لما بغيرلها هدومها صح ولالا*** عايزة اسالكم عن ماركة canpol baby سمعتوا عنها اصل كل ماروح صيدلية الاقيها هى كندى وجبت منها ببرونتين زجاج بس عجبنى جدا جدا وفعلا البلاستيك سىء حتى لو كنتى جايباة احسن ماركة*** عايزة اسالكم ع لعبة البيبى جيم

اللعبة دى لقيتها 200 جنية هى فعلا سعرها كدة

M!ss Tuky;13552830:




صحيح يابنات تايا مولوده وفي جزء عامل كيرف ف رقبتها انا قولت عشان وضع الولاده مقلوبة فوضع معين من الشهر السابع بحسبها العضمه وهتتعدل مع الوقت الدكتور قالى دى عضله مش عضمه واروح بيها ع دكتور جراحه اطفال وبجد قلقانه جدااا عليها من الوضع ده ادعولها ربنا يكرمها وتكون حاجه بسيطة

لا يابنتى هيا باين لسة فيها حاجة؟؟ماتستعجليش ان شاء الله مايكونش فيها اى ضرر


بنات هينار اخدت تطعيم فى كتفها تانى يوم الولادة اللى هو البى سى جى مش المفروض ده بيعمل مكانه ندبة بسيطة او خراج صغير بس ماعملش اى حاجة ولا ايه اللى المفروض يحصل؟؟؟؟؟؟؟

بنات هيا الفيتامينات الحديد و الكالسيوم بيكونوا من امته ان شاء الله و ياريت اسمااءهم هوا في حاجة اسمها ديكال ب 12 و هل في حاجة بتتاخد من الشهر الثالث

البنات اللي بيسالوا على نوع شفاط كهربائي كويس اسمه ميديلا انا عندي و مش بستعمله خلاص لو حد محتاجه

dr_hienar;13553750:



بنات هينار اخدت تطعيم فى كتفها تانى يوم الولادة اللى هو البى سى جى مش المفروض ده بيعمل مكانه ندبة بسيطة او خراج صغير بس ماعملش اى حاجة ولا ايه اللى المفروض يحصل؟؟؟؟؟؟؟

بصي يا قمر انا ابني برضه معملش حاجه والدكتور قالي استني اول سنه لو مظهرتش الندبه دي يبقى تعمليله اختبار درن وبتاع التحليل هيقولي اعيد التطعيم وللا لا .. انا ابني مظهرش عنده لحد دلوقتي وبصراحه مكسله اوي اروح اعمل التحليل بس انتي فكرتيني ان شاء الله هاروح اليومين دول

dr_hienar;13553750:


بنات هينار اخدت تطعيم فى كتفها تانى يوم الولادة اللى هو البى سى جى مش المفروض ده بيعمل مكانه ندبة بسيطة او خراج صغير بس ماعملش اى حاجة ولا ايه اللى المفروض يحصل؟؟؟؟؟؟؟

حبيبتى متستعجليش الندبة بتبان بعد 6 اسابيع تقريبا من التطعيم ده كلام دكتور مدحت الزيات و انا ابنى برضه ظهرت عنده فى الحدود دى