استفسارات وتساؤلات الامهات عن كل شئ (الجزء الخامس)

يا بنات انا ابتديت لجودى اكل بسيريلااك رز من 4 ايام و دلوقتى عملها امسااك اعمل ايه بقى اوقفه و اديها حاجة تانية ؟؟؟
طب اديها ايه تفاح مثلا
؟؟؟
انا فكرت فى الكوسة بس مش لاقياها...
و سؤال هو الوزن الطبيعى للطفل لما يتم 6 شهور و يبقى ماشى فى السابع كام لو وزن الولاده 3500

بنات هيا الفيتامينات الحديد و الكالسيوم بيكونوا من امته ان شاء الله و ياريت اسمااءهم هوا في حاجة اسمها ديكال ب 12 و هل في حاجة بتتاخد من الشهر الثالث

البنات اللي بيسالوا على نوع شفاط كهربائي كويس اسمه ميديلا انا عندي و مش بستعمله خلاص لو حد محتاجه

Lolitaaaaa;13538660:

بنات انا غيرت الحليب الصناعي لابني
كنت بعطيه فريزو1 ar والآن بعطيهar s-26
لانه بيراجع كتير
بس المشكلة انه ما زال يراجع وصار عنده امساك ومغص
وحاولت كتير اعطيع يانسون مش راضي ياخده
اعمل معاه ايه؟؟؟؟

الدكتور مره قالي بلاش s26 ar لانه بيعمل امساك و الينسون سكريه عشان يرضي ياخده بصراحه انا حاسه بفرق في حوار الامساك من ساعه ما انتظمت برضعه الاعشاب

M!ss Tuky;13544793:
بكام يابنات ابتاميل كمفورت ده ؟

انا مش عارفه لسه ف حوار اللبن الصناعي ده

ليه يا توكي هترضعي صناعي اذا كن عشان حوار انها عاوزه ترضع منك كتير فكل الاطفال في الاول كده و بعد شويه الحوار بيهدي و اذا كان علي الخروج اعملي زي ما هوبا قالتلك

انتي متعرفيش ممكن تايا تشبط في الببرونه و ترفض صدرك لا قدر الله بلاش يا بنتي تدخلي نفسك في متاهات مدام اللبن الحمد لله موجود

اصبري بس شويه و كل حاجه هتتظبط هانت ان شاء الله

bosy_md;13546988:
بنات أنا تعبت خالص ونفسي انام بجد.. آدم مش بينام تقريبا.. يعني عاوز طول الوقت يرضع وينام وأنا برضعه وأول ما احطه في السرير وانام جنبه يصحي يعيط.. مش عارفه بقي هو مش بيشبع مني علشان كده مش عارف ينام ولا ايه؟ وهو مش بيعمل كيكي لمدة ٣ أيام مثلا الا لما أديله لبوس أديله ثاني لو استمر علي كده ولا لا؟ امبارح أديتله لبوس و حميته بميه دافيه و غيرتله وعملت له بيبي درينك وغطيته علشان يتدفي نام ٤ ساعات و صحي ثاني م الفجر أعمل ايه علشان ينام نوم ع بعضه؟

ههههههههههههههههه:lol::lol::lol::lol:

لا بجد ضحكتيني خالص 4 ساعات ما شاء الله و مش عاجبك يا مفتريه.............. ليه ؟!!!

يابنتي ده كده رضا لو اتكررت تاني يبقي نعمه من عند ربنا

دول اطفال عوزاه يقعد اكتر من كده من غير اكل ليه معدته قد ايه ده هو بس نام ال 4 ساعات دول عشان الحموم و كده اما مش لازم ينام كده كل يوم عشان متزعليش لو مرضيش ينام الفتره ديه متواصل و برضوا متحميهوش كل يوم الدنيا سقعت

هما بيبقوا متقلبين جدا يا بوسي و كل يوم بحال

ربنا يهديهولك و باركلك فيه

sweetylolla85;13548142:
بنات يوسف طلع عنده نزله شعبيه والدكتور خايف تقلب بحساسيه صدر مزمنه ............ززقلبي بيتقطع هاموت من كتر خوفي عليه
ادعوله ربنا يكرمه ويخف ويطلع تشخيص غلط من امبارح ياروحي بياخد حقن مضاد حيوي 500 عشان المخالفه اشتري ايه يلبسه في الشتا

الف سلامه عليه

شوق وحنين للجنة;13551191:
ربنا يكرمك يا مريم على ردك
واسمك الحقيقي واسمك على المنتدى زي العسل
هي فعلا مقسمة الحليب دى هتنفعنى جامد يارب ألاقيها
ياريت حد من البنات يفيدني ألاقيها فين هنا لإني مش بخرج كتير
وبرضه حاجات الأكل أجيبها منين
وفيه حاجة يا بنات أنا الدكتور لما روحتله فى الأول خالص وبقوله على الأعشاب وكدا قالى هى بتهدي المعدة فعلا لكنها بتتفرز عن طريق الكلية فهو مش بيفضلها للأطفال ومن ساعتها وانا مش بديها اعشاب دى معلومة هو قالهالى وحبيت اقولهالكو بس طبعا الطب مدارس ممكن دكتور تانى يقول لا ما فيش مشكلة فإحنا بقى نستخير ربنا وندعي انه يحفظ أولادنا

ديه موجوده كتير انا بشوفها في كل الصيدليات تقريبا

hoba555;13553016:
لولا الف سلامه علي يوسف ان شاء الله يخف بسرعه يارب
توكي سلامه تايا رووحي لدكتور تاني اساليه افضل لان في ساعت دكاتره بتفتي وخصوصا الاطفال
وبعد كده دي لسه مكملتش شهر يعني مفيش اي حاجه باينه منها اصلا لسه المفروض ميقدرش يحكم دلوقتي

وان شاء الله مش هيكون فيه اي حاجه

بالنسبه للرضاعه بره خدي معاكي شال كده حلو واقعدي في مكان مفهوش حد وهدي اعصابك وانتي بترضعيها
عادي يعني كلنا بنعمل كده لا الا مش هنخرج من البيت ومتلجئيش للصناعي غير في اضيق الحدود لما ميبقاش في حل غيره
وخدي معاكي رضعه اعشاب عشان لو اتزنقتي ومعرفتش ترضعيها بقي تاخد منها

انا بقا اللي دلوقتي عندي مشكله
ان شاء الله هودي ندي حضانه وعايزه اقعد معاها يومين في الحضانه يعني اقعد شويه وامشي
ورنا هسيبها مع باباها ومش عارفه بقي ينفع اديها صناعي الفتره دي ولا لا

هي كانت تاخد نان في الحضانه لما كانت عندها صفرا مش عارفه اعمل ايه حد يفيدني
مقدرش اخدها الحضانه معايا عشان ندي متغرش ولما امشي واسيبها متفتكرش اني فضلت اختها عنها واخدتها معايا وهي لا

هوبا بلاش صناعي بقي خليكي في الاعشاب و كده كده هترجعي البيت بسرعه مش هتغيبي كتير يعني

dr_hienar;13553750:
لا يابنتى هيا باين لسة فيها حاجة؟؟ماتستعجليش ان شاء الله مايكونش فيها اى ضرر


بنات هينار اخدت تطعيم فى كتفها تانى يوم الولادة اللى هو البى سى جى مش المفروض ده بيعمل مكانه ندبة بسيطة او خراج صغير بس ماعملش اى حاجة ولا ايه اللى المفروض يحصل؟؟؟؟؟؟؟

انا حلا المكان سايب نقطه حمرا كده

نيموو عندك حق 4 ساعات دول نعمة بجد انا جودى من اول يوم اتولدت فيه و هى حالفة لتربينا انا و ابوها من اول و جديد ههههههههه بجد انا جوزى كان هيسيبلنا البيت منها كان بيروح ينام فى الشغل بقيت انا زى الشووز اخدها و اسهر بيها فى اوضة لوحدى و اقفل البابين...... اااه هى كلمة ماما دى بالساهل عشا كل واحدة فينا تروح تبوس ايدين باباها و مامتها و تعرف هم تعبو معانا ازااى
سؤال بقى هو مقسم اللبن ده ازاى مش فاهماه يعنى تعملى اللبن فيه و تقسميه و تاخدى منه على اد الوجبة طب اللبن مش يبووظ

Bossy22;13561205:
نيموو عندك حق 4 ساعات دول نعمة بجد انا جودى من اول يوم اتولدت فيه و هى حالفة لتربينا انا و ابوها من اول و جديد ههههههههه بجد انا جوزى كان هيسيبلنا البيت منها كان بيروح ينام فى الشغل بقيت انا زى الشووز اخدها و اسهر بيها فى اوضة لوحدى و اقفل البابين...... اااه هى كلمة ماما دى بالساهل عشا كل واحدة فينا تروح تبوس ايدين باباها و مامتها و تعرف هم تعبو معانا ازااى
سؤال بقى هو مقسم اللبن ده ازاى مش فاهماه يعنى تعملى اللبن فيه و تقسميه و تاخدى منه على اد الوجبة طب اللبن مش يبووظ

هههههههههههههههههه انا جوزي كل شويه يقولي امك ثم امك ثم امك استحملي يا روحي الجنه تحت اقدام الامهات بيفرسني اكتر :lol::lol::lol::lol::lol:


بصي مقسم اللبن ده بيتحط فيه البن بودر يعني الرضعه ال 90 مثلا تحطي فيه 3 معالق لبن بودر و هكذا

فيه بقي بتبقي علبه كده ليها بوز او فتحه كده ديه بقي اللي بيتحط فيها اللبن معمول بالميه بس طبعا الاحسن ترمس مايه و مقسمه اللبن ديه و تعملي الرضعه فريش















بنات لسه حالا قايلين ان دكتور مدحت الزيات هيعمل حلقه بكره ان شاء الله عن عدد ساعات النوم عند الاطفال المعدل الطبيعي لكل سن

الف سلامة على الحلوين يوسف وتالا

ان شاء الله تطمنونا عليهم

بصو يا قطط انا عارفة زهقتكم بموضوع الاكل دة

بس انا عايزة نظام يومى اعملة يعنى اول ما يصحى اكلة اية والساعة كام وازاى وكدة

يعنى قولوى بالتفصيل الممل تجاربكم بديتو مع عيالكم باية ومن سن كام وكنتم بتاكلوة كم مرة باليوم والمقادير

معلش استحملونى

وكمان اول مرة اكلتوهم بمعالق عادية ولا شكلها اية وماركتها اية وبكام يعنى كل فتافيت التفاصيل

والهاى تشير دة مهم ولا ممكن استغنى عنة؟؟

بالله عليكم متطنوش

لان مش عارفة مركبة حالى الذنب كدة وحاسة ان احمد مصفر شوي وكش فى بعضة بقى شبة السنفور مش عارفة مالة بيرضع بس مبياكلش بالمعلقة بيبععد عنها علطول مبيفتحش بقة لوحدة

ههههههههه بتضحكي عليا يا نيمو ماشي..لا المشكلة ان هم ال ٤ ساعات دول طول اليوم آدم مش نام ثاني اليوم ده وأنا كان بقالي يومين مش نمت بردو.. كان ينام خمس دقايق ويصحي يعيط لما كنت خلاص بنهار أصلا أول اسبوع كان نومه مثالي بس حمايا جه واخو جوزي واخويا وكل شويه يقولوا لآدم أنت ع طول نايم مش بتصحي خالص وعينك ماتشوف الا النور.. اللي يشوف حلقة دكتور مدحت الزيات يعرفلنا معدل نوم الأطفال أول ٣ شهور ايه.. لأن كان حد نزل لنا المعدلات قبل كده المفروض ١٦ ل ٢٠ ساعة في اليوم أنا مش شايفه نصهم حتي مع آدم..

بنات هي عملية الطهارة للاولاد بيأخذ كام يوم علي ما يرجع لطبيعته خالص مش يبقي فيه حاجة

بوسى

على فكرة النوم مش مقياس اللكلام الى بيقولوة

يعنى احمد بحالات ساعات مبينامش خالص وساعات يقضيها نوم طول النهار

وموضوع الطهارة حسب لو انت هتسيبية مكشوف شوي وتغيرى بالبيتادين ان شاء الله مش هيطول انا احمد كنت بحط لة الباامبرز علطول فقعد شوي يعنى اسبوع كدة ولا اسبوع وكم يوم

يا ماميهات ليه مش رديتو عليا
السلام عليكم يا أحلى أمهات
ممكن تقولولى هو ايه الفرق بين البامبرز اللى مكتوب عليه 2-1
و التانى اللى لونه أصفر و و مكتوب عليه بدايه العمر

dr_hienar;13553750:
لا يابنتى هيا باين لسة فيها حاجة؟؟ماتستعجليش ان شاء الله مايكونش فيها اى ضرر


بنات هينار اخدت تطعيم فى كتفها تانى يوم الولادة اللى هو البى سى جى مش المفروض ده بيعمل مكانه ندبة بسيطة او خراج صغير بس ماعملش اى حاجة ولا ايه اللى المفروض يحصل؟؟؟؟؟؟؟

اه عادي هي بتبان بعدها بفترة شهر او اكتر كمان بس متلعبيش فيها.

Bossy22;13558493:
يا بنات انا ابتديت لجودى اكل بسيريلااك رز من 4 ايام و دلوقتى عملها امسااك اعمل ايه بقى اوقفه و اديها حاجة تانية ؟؟؟
طب اديها ايه تفاح مثلا
؟؟؟
انا فكرت فى الكوسة بس مش لاقياها...
و سؤال هو الوزن الطبيعى للطفل لما يتم 6 شهور و يبقى ماشى فى السابع كام لو وزن الولاده 3500

ما هو التفاح بردو هايعمل امساك يا بوسي، اديها حاجة تعكس ما هو لازم مادام ابتديتي تاكلي تعملي توازن بين الامساك والاسهال، يعني السريلاك ممكن تدي جنبه عصير عنب مثلا او برتقال يسهل اللي حصل كده يعني.

مرمورة انا مش عارفة بصراحة بس انت بتشوفى البابرز مكتوب حجم كام كيلو وعلى اساسة تجيبى الى يناسب وزن البيبى بتاعك مش عمرة

وردو عليا بقى

marmora7722;13563407:
يا ماميهات ليه مش رديتو عليا
السلام عليكم يا أحلى أمهات
ممكن تقولولى هو ايه الفرق بين البامبرز اللى مكتوب عليه 2-1
و التانى اللى لونه أصفر و و مكتوب عليه بدايه العمر

وعليكم السلام
بصي البامبرز الي مكتوب علية من 1-2 دة اول مقاس في البامبرز المصري
اما الاصفر فدة اول مقاس في البامرز السعودى

لولا الف سلامة على ابنك ياقمر ربنا يشفية يارب
بصي موضوع الحقن المضاد الحيوي دية آدم كمان بياخدها دلؤتى
مش هي علبة كدة ابيض في بنى بس انتى دفية كويس



بوسي الطهارة بتفضل كام يوم بس لو انتى اهتمتي بية وكل شوية تغيريلة على الجرح وتحطيلة البودرة دية الي هي مطهرة دية انا كمان كنت بحط ل آدم مكركروم وبس فضل 5 ايام بالكتير وخفت الحمد لله

بنات معلش تعباكم معايا اللوقتى بتدوا بيبيهاتكم بيبى كالم ازاى الدكتور عايزنى اديهولها بالقطارة تخيلوا ويقوللى ببرونة لا اعمل ايه؟
ثانيا الشفاط المانيوال اللى اسمه كانابول اللى هو فيه ببرونة متوصلة وب135 حلو وببرونته حلوة ولا ايه؟؟ ولو مش حلو ايه البديل؟
ثالثا انا عايزة اشترك فى الجروب عالفيس بوك مين المسؤول هنا؟ انا عايزة المسؤول هههههههههههههههههههه

رابعا معلش هجاوب المرة دى البامبرز اللى هو 1-2 ده اول مقاس من المصرى بس جوة كله مكتوب عليه2 بس مفيش ولا واحدة 1 هههه تحيا مصر ومعرفش السعودى احلى ولا ايه بس البنات بيشكروا فى مولفلكس اظن

اميرة مصرية;13494531:
بنات انا الاقي فين بامبرز الابيض؟؟؟ و سعره ايه؟؟ كمان انا عايزة اعرف هو احنا عندنا هنا في مصر السيريال بتاع ميلوبا لسن 4 شهور؟؟ ولا ده بره مصر بس؟؟

hoobie;13548155:
لولا بصي انا بقلق من موضوع المضادات الحيويه للاطفال كده طيب انتي متأكده ان الدكتور كويس والتشخيص مظبوط ؟

((K~A~T~O));13548203:
لولا سلامتة يا حبيبتى الف سلامة بس مش كدة المضاد الحيوى كتير علية ولا اية

bosy_md;13548551:
ألف سلامة يا لولا وشوفي دكتور ثاني وان شاء الله يكون كلام الدكتور مش صح يارب.

CuTie KaTkOoTa;13549941:
الف سلامة عليه يا لولا ربنا يشفيه يارب وتعدي علي خير،/ انا كمان عايزة اطمن علي جوجو

انتي روحتي للدكتور نفسه اللي بتابعي معاه ولا واحد جديد

رجائي رضا ربــــي;13550319:
لولا ألف سلامة على ابنك ربنا يشفيه ويعافيه والأحسن روحي لدكتور تاني

QUOTE]

[QUOTE=monyfofo;13550610]الف سلامه على ابنك يا لولا ربنا يشفيه

hoba555;13553016:
لولا الف سلامه علي يوسف ان شاء الله يخف بسرعه يارب
توكي سلامه تايا رووحي لدكتور تاني اساليه افضل لان في ساعت دكاتره بتفتي وخصوصا الاطفال

marmora7722;13559080:

السلام عليكم يا أحلى أمهات
ممكن تقولولى هو ايه الفرق بين البامبرز اللى مكتوب عليه 2-1
و التانى اللى لونه أصفر و و مكتوب عليه بدايه العمر

ياسمينــــا;13563579:
و

لولا الف سلامة على ابنك ياقمر ربنا يشفية يارب
بصي موضوع الحقن المضاد الحيوي دية آدم كمان بياخدها دلؤتى
مش هي علبة كدة ابيض في بنى بس انتى دفية كويس

ربنا يخليكم يااحلي بنات ويخليلكم اولادكم يارب يارب اللهم امين وماتشوفوش فيهم وحش ابدا
ايمان انا وديته عند دكتور شريف اللي في تبارك بصي هو كويس بس بيستسهل يعني اول مايوسف تم اسبوعين قالي وزنه قل اديله رضعه صناعي رغم ان كل الاطفال كده وبرده اداله مضاد حيوي 500 عارفه احساس انه عاوز يخلص مش بيبدا خطوه خطوه بصي ان شاء الله جوجو مايبقاش عندها حاجه بس مانصحكيش تروحيله هو من النوع اللي بيحب يكبر دماغه ويخلص
اه ياياسمينا فعلا لونه احمر غامق بني كده في ابيض واسمه سافوكسين
مرموره مقاس 1-2 ده بامبرز المصري وده انا جربته لابني طلع سيء للغاااااااااايه
الاصفر بقي بدايه العمر ده السعودي وده تحفه للغاااااااااااااااااااااااااااااايه

فعلا بامبرز السعودى مقاس 2 حلو اوى لكن مقاس 3 معجبنيش كان بيسرب او يمكن كان كبير عليها الله اعلم
ولاء عجيب اوى الدكتور ده الصراحة يعنى حدد صناعى بناء على ايه ماهم كده كده بيخسو فى الاول وللا لقاه خاسس اوى وللا ايه

ازيكوا يا احلى مامييهاتت سوييتى لولا الف سلامه على يوسف ولله انا ابنى خد حقن اول يوم ولادته تخيلوا مضاد حيوى برده وتانى يوم بردو خد وحده عشان مكنوش شفطوله الميه من الولاده كويس الحمدلله العيال الصغننيين دول ياما بيشوفوا

كنت عامله كزا اقتباس بس ضاعوا معرفش ايه الحظ ده
انا عندى بقى كزا سؤال معلش استحملونى انا فاضلي 10 ايام واسافر الكوييت اخد بقى معايا ادوية مثلا ليا وليوسف ولا لا عنى بردو الفيتامينات بياخدوها لحد امتى الحديد والكالسيوم؟؟ اخد معايا الكميه اللى هيخدوها ولا لا وابقى اكمل من هنااك .. صحيح دندونه بتسال على ديكال انا الدكتور هنا كاتبهوولى انتى عندكم في الكويت ولا اييه وكاتبلي على نوع حديد اسمه توتافيت تقريبا حد يعرفه ؟؟

معلش حاجه كمان سيريلاك القمح الساده كنت بدات بيه دلوقتى ينفع اجيب قمح مع حليب مثلا ولا اجيب ساده بردو هو بقيله 10 اام ويكمل 6 شهورر

Bossy22;13568667:
فعلا بامبرز السعودى مقاس 2 حلو اوى لكن مقاس 3 معجبنيش كان بيسرب او يمكن كان كبير عليها الله اعلم
ولاء عجيب اوى الدكتور ده الصراحة يعنى حدد صناعى بناء على ايه ماهم كده كده بيخسو فى الاول وللا لقاه خاسس اوى وللا ايه

اه والله يابوسي يوسف كان مولود 3500 تمام روحنا بعد اسبوعين لقيناه 3500 تقريبا يعني او 3450 حاجه كده قالي لااااااااااااا لازم صناعي كده لبنك مش بيكفي ولازم صناعي عارفه بيستسهل كده مش بيتابع معاكي خطوه خطوه بيجيب من الاخر:mad::mad::mad:
علي فكره يابوسي فعلا بامبرز السعودي مقاس 3 سرب معاايا اول ماجبته المهم ركنته شويه واستخدمت مقاس 2 بعد فتره جربته طلع تحفه برده زيي مقاس 2
سؤال عشان المخالفه
عاوزه اسم دكتور كويس في عين شمس او مصر الجديده يكون كويس