استفسارات وتساؤلات الامهات عن كل شئ (الجزء الخامس)

يابنات انا ابنى بدء فى الشهر الخامس عاوزه اعرف ايه الاكل اللى ممكن اكلهوله وكمان اشربه ميه واشربه قد ايه

sally2007;13574191:
اه سؤال كمان بس ضرورى هى الاعشاب اللى بجبهالوا من الصيدلية زى الينسون والكراوية هو مكتوب تتحلى فهل ينفع احط سكر عليها ولا لا لانة مش بيرضى يخدها من غير سكر
فقصدى السكر كويس ولا لا وينفع احليها ولا لا

سكر وملح لأ بس ممكن نقطة عسل ابيض بسيطة خالص.

بنت من الزمن ده;13574408:
ماشي ياوحشيين محدش رد عليا ولا عبرنى انا كده ولله زعلت بقى

كتكوته الف سلامة على جوجو انا بردو الدكتور كان طالب منى صورة دم بس انا خايفه اعملها خايفه يتحرك او يحرك ايدهه او يعمل اى حركة مفاجاه هما بيخدوا يعنى دم كتيير كده زينا من العرق ولا اييه واتعاملتوا معاها ازااى والسيريلاك بردو ينفع اديه قمح مع لبن ولا لازم ساده هو فاضله 9 ايام ويكمل 6 شهوور

الله يسلمك يا دودو، بصي من العرق اه من كف ايديها كده والدم بينزل بصعوبة، انا كنت ماسكة دراعها كويس اوي من الكوع كده بايدي كلها والبنت ماسكة كف ايديها كويس بردو وبتعمل بالإيد التانية بس يا عيني اول ايد منزلتش كفاية فقامت شكتها في الايد التانية كمان عشان تكمل وطبعا دي غلطت البنت بس مش عايزة اغلط فيها لأنها مؤدبة اوي وكويسة :):) وجوجو كانت هتموت وتسحب ايديها بس كنا ماسكنها كويس وكانت هتوت اكتر وتمسك الخرطوم الشفاف ده اللي رابطة الريست بتاعها به.
وممكن تديه اه اللي باللبن دلوقتي

لؤلؤة عروس البحر;13575382:
ايمي

ألف الف سلامة على جوجو حبيبتي مالها بعد الشر عليها طمنيني مالها ياحبيبتي زعلتيني والله

تسلمي يا نونه الله يسلمك، مفيش عندها برد بس خفيف يعني الحمدلله مش زي المرة اللي فاتت كانت نزلة معوية في بدايتها بس كانت تعبانة منها اوي، لكن المرة دي الحمدلله اخف بكتير هي الكحة اللي رخمة اوي وبتتبعها وتقلقها كده وكمان هي مقريفة لأنها ما شاء الله بتسسن بردو ووشها دبلان وعينيها كده، وعملت تحليل انيميا طلع عندها النسبة قليلة عن النورمال بكتير.

روضه 2006;13575650:
يابنات انا ابنى بدء فى الشهر الخامس عاوزه اعرف ايه الاكل اللى ممكن اكلهوله وكمان اشربه ميه واشربه قد ايه

زبادي لايت وسريلاك قمح ورز وعصاير فريش مخففة بالمية وتفاح مهروس مسلوق وخضار مشكل مهروس كوسة وجزر وبطاطس بس خللي بالك فيه فواكه ممنوعة دلوقتي زي الفراولة والمشمش والمانجو والحاجات دي

بنات طيب ميدلا الكهربائى ده غالى اوى ولا ايه؟؟؟والبنوتة اللى بتقول انها هتبيعه بكام؟

dr_hienar;13578265:
بنات طيب ميدلا الكهربائى ده غالى اوى ولا ايه؟؟؟والبنوتة اللى بتقول انها هتبيعه بكام؟

ابعتلها علي الخاص يا جميلة عشان ممكن متشوفش سؤالك، dandona om jou

CuTie KaTkOoTa;13577115:
سكر وملح لأ بس ممكن نقطة عسل ابيض بسيطة خالص.


الله يسلمك يا دودو، بصي من العرق اه من كف ايديها كده والدم بينزل بصعوبة، انا كنت ماسكة دراعها كويس اوي من الكوع كده بايدي كلها والبنت ماسكة كف ايديها كويس بردو وبتعمل بالإيد التانية بس يا عيني اول ايد منزلتش كفاية فقامت شكتها في الايد التانية كمان عشان تكمل وطبعا دي غلطت البنت بس مش عايزة اغلط فيها لأنها مؤدبة اوي وكويسة :):) وجوجو كانت هتموت وتسحب ايديها بس كنا ماسكنها كويس وكانت هتوت اكتر وتمسك الخرطوم الشفاف ده اللي رابطة الريست بتاعها به.
وممكن تديه اه اللي باللبن دلوقتي



تسلمي يا نونه الله يسلمك، مفيش عندها برد بس خفيف يعني الحمدلله مش زي المرة اللي فاتت كانت نزلة معوية في بدايتها بس كانت تعبانة منها اوي، لكن المرة دي الحمدلله اخف بكتير هي الكحة اللي رخمة اوي وبتتبعها وتقلقها كده وكمان هي مقريفة لأنها ما شاء الله بتسسن بردو ووشها دبلان وعينيها كده، وعملت تحليل انيميا طلع عندها النسبة قليلة عن النورمال بكتير.

أهو دى بقى اللي مزعلني ياساتر يارب ياحبيبة قلبي أنميا لا والله زعلتيني ياعيني لا ياايمي ألف سلامة عليها خلي بالك منها كدة العين فلقت الحجر أعوذ بالله ارقيها

طب هو ياكتكوته شاف ايه خلاه يطلب منك صورة دم يعنى شاف حااجه معينه على جوجو
انتوا بتستخدموا انواع ايه ف الصناعى يعنى كل وحده تقول النوع اللى هى شايفاه كويس وحلو ومريح البيبي
هو اللبن اللى هو كويس اللى بتشكروا ففيه اسمه بيوميل جولد ولا بروميل جولد وينفع ابدا من المرحله التانيه ولا لازم ابدا بالمرحله الاولى الاول

dr_hienar;13549688:

لو سمحتم ممكن اشترى شنطه البيبي دى منين وياريت لو مكان فى الزقازيق او المنصوره

توتا انتى عايزة شنطة ولا الماركة دى بالذات؟؟؟

لا ياجميله انا عايزه الشنطه مش شرط الماركه:)

توتا55;13580692:
لا ياجميله انا عايزه الشنطه مش شرط الماركه:)

طيب فى الزقازيق فى شارع الامن الغذائى فى محلين اللى هما بيبى ملامح وبيبى مرح
وفى القومية محل كوكى وفى ش المبرة اللى جنب التوحيد ماركت اربع محلات اللى هما بيبى هوم وفاملى هوم وديزنى ودهب
الاسعار كلها من 65 لحد 90 كدة بس انا جايبة واحدة بسيطة وجميلة عجبانى من دهب وب17 جنيه بس:D:D:D

ازيكم وحشتونى باللنسبه للانيميا بتتعرف من وش البيبي وجفون عنيه وبيكون وشه عموما فيه شوية بهتان كده انا الدكتور عرف محمد لما شافه وحللتله وهو عمره شهرين طلع في نسبه وكتبلي على دوا نقط حديد اسمه هيدروفيرون والحمد لله اتحسن بس باباه مرضاش يخليني احلله تانى الا لما يخلص ال 6 شهور بئا يارب تكون النسبه زادت وربنا يحمى ولادنا كلهم يارب

شوق وحنين للجنة;13572782:
ألف سلامة على يوسف يا لولا وربنا يخليهولكF:
بصي انا بروح لدكتور في مصر الجديدة في شارع الخليفة المأمون
كانت دكتورة فكرية هى اللى قالتلى عليه معرفش هى قالتلك عليه ولا لأ
وبالنسبة لى انا الحمد لله مرتاحة معاه اوى
وهو اول ما ولدت مريم لما روحنا نوزنها كانت خاسة فهو قالى طبيعى انهم يخسوا فى الاول شوية
لكن بعد فترة لقيناها مش بتزيد خالص غير حاجات بسيطة اوى فقالى هديكى اسبوع واحد سماح وقالى كل يوم لتر لبن ولتر عصير و4 كوبيات حلبة بالعسل وميا كتير
بس للأسف انا ما مشيتش اوى على النظام ده
وطبعا لما وزناها بعد الاسبوع كانت زايدة حاجات بسيطة
فقالى معلش انا عارف ان الصناعى وحش بس هنعمل ايه
في عيال رزقها فى الطبيعى وعيال رزقها فى الصناعى
ومن ساعتها وانا بديها صناعى
نسيت اقولك اسم الدكتور:) هو اسمه دكتور أحمد فتحي عامر
وهو بيفهمنا بالراحة وهادي معانا وبحسه شاطر ما شاء الله
هو كشفه 60 جنيه
وإذا عايزة تليفونه انا ممكن ابعتهولك عالخاص يا قمر

ربنا يكرمك ياجميله ممكن تبعتيلي عنوانه ورقم تليفونه وفي حجز قبلها ولا لا واهم سؤال زحمه؟؟؟؟

CuTie KaTkOoTa;13573813:
ربنا يشفيه يارب انا بقي بروح لكرم زي ما قلتلك وكويس اوي لسه كنت عنده ابارح بكشف عليهات عشان عندها محة وحشة كده وبتصحيها حتي في النوم، المهم طلع عندها بره واداني 3 ادوية وعملت التحليل بتاع الهيموجلوبين زي ما كان قايلي طلع عندها نقص كتير وزودلي الجعة بتاعة الحديد بقي عشان كده بقت علاج مش وقاية، وقاللي دي نسبة وحشة اوي ، فزعلن اوي ان في سنها ده وعندها انيميات بس ان شاء الله تروح بقي والتزم معاها يارب.

وسالته علي الوقعات اللي وقعتها قبل كده فيها خطورة او مشكلة عليها قاللي لا الخطر بجد لو اغمي عليها او رجعت.

انتي عارفة بقي ان بامبرز المصري ده مريحني جدا معاها، هي فعلا بتخلف من بيبي للتاني ومن ولد لبنت كمان

الف مليون سلامه عليها ياروحي الصغننه دي ياخدو منها عينه دم ياخبر ابيض :sick::sick:
ربنا يشفيها ويعافيها يارب انا نفسي اروح لكرم اوي بس طبعا وقت المرض بتجري علي اي حد موجود ان شاء الله اروحله بس هو مواعيده امتي؟
انتي عارفه انا البامبرز المصري استخدمته اول مااتولد هو وسانيتا بامبي خلي رجله حمرا جدا ومليانه حبوب حمرا حمار مخيف وانا من هبلي كنت فاكراه عادي وكان بيعيط كتير من غير سبب لحد ماما شافته قالتلي حرام عليكي انتي تستحملي كده وهويته خالص وفضلنا نحطله كيناكومب يومين لحد ماهدي وجبناله نوع تركي كده اسمه كانبيبي بس خطيييييييييييير وغالي جدا بس معملش تسلخات ال30 واحده ب50 المهم قلنا نجرب السعودي ادي نفس النتيجه وبسعر معقول فقلت استمر عليه رغم انه برده غالي بس هو اللي مشي معاه انا طولت عليكي اووووووووووي حكيتلك حكايتنا مع البامبرز من طقطق لسلام عليكو
ايمي مش انا حلمت اني قابلتك امبارح في شارع احمد عصمت وانتي طالعه علي جسر السويس وكنتي رفيعه بقولك انتي رفيعه خالص بتقولي ليه مش بتلاقي لبس مناسب ياايمان انا زعلانه منك اوي ههههههههههههههههههههههههه :lol::lol:

CuTie KaTkOoTa;13577137:
زبادي لايت وسريلاك قمح ورز وعصاير فريش مخففة بالمية وتفاح مهروس مسلوق وخضار مشكل مهروس كوسة وجزر وبطاطس بس خللي بالك فيه فواكه ممنوعة دلوقتي زي الفراولة والمشمش والمانجو والحاجات دي

معلش ياايمي هو من اول الخامس يعني لما يخلص اربع شهور يعني يبقي عنده اربع شهور ويوم مثلا معلش اصلي مهيسه اوي

السلام عليكم
كيفك امهات احلى كتاكيت
ربنا يخليهم ويحفظهم جميعا
سؤال للامهات صاحبات الخبره
بنوتي عمرها 9 شهور
بتحط اصبعين في تمها خصوصا وقت النوم
عادة مص الاصابع كيف اخليها تتركها
جربت معاها كل الطرق ازا شلتهم بتنكد وصرااخ متعلقه فيهم كتير
بتعتبرها اسلوب تهدئه كانها اللهايه

كتكوتة ألف سلامة على جوجو
ربنا يحفظها ويبارك فيها اللهم آمين
لولا أنا بعتلك عالخاص يا قمر كل التفاصيل
محدش يعرف بقى أجيب منين أطباق الأكل والمعالق ومقسم الحليب:(

شوق وحنين اكيد هتلاقيهم فى كارفور او صيدلية من الصيدليات الكبيرة واكيد البنات يفيدوكي ان شاء الله

لؤلؤة عروس البحر;13579199:
أهو دى بقى اللي مزعلني ياساتر يارب ياحبيبة قلبي أنميا لا والله زعلتيني ياعيني لا ياايمي ألف سلامة عليها خلي بالك منها كدة العين فلقت الحجر أعوذ بالله ارقيها

تسلمي يا نونه ربنا يخليكي والله بيحصل حاجات كتيرة ورا بعضها وربنا يستر بقي الحمدلله انها جت المرة علي اد كده.

بنت من الزمن ده;13580076:
طب هو ياكتكوته شاف ايه خلاه يطلب منك صورة دم يعنى شاف حااجه معينه على جوجو
انتوا بتستخدموا انواع ايه ف الصناعى يعنى كل وحده تقول النوع اللى هى شايفاه كويس وحلو ومريح البيبي
هو اللبن اللى هو كويس اللى بتشكروا ففيه اسمه بيوميل جولد ولا بروميل جولد وينفع ابدا من المرحله التانيه ولا لازم ابدا بالمرحله الاولى الاول

هقولك يا دودو، بصي فاكرة لما كانت عندها النزلة بتاعة المرة اللي فاتت وهو بيكشف انا قلتله هي ضربات قلبها تعتبر سريعة قاللي اه شوية ومتقلقيش هتهدي لما تبطل الدوا، قلتله لأ دي هي عندها من قبل ما تاخد الدوا كمان ومن ساعة ما اتولدت وهي كده، فقاللي ساعات بيكون انيما عامة اعملي تحليل كده ونشوف النسبة وحتي كلميني في التليفون قوليلي بس علي النسبة وهقولك تعملي ايه وان شاء الله خير. واصلا ماما كانت دايما بتعلقلي علي الموضوع وانا بطنش اسأله علي سرعة الضربات يعني، وقلتله طيب هي ممكن تكون وراثة اصل جوزي بردو بحسه سريع شوية بس مكشفناش، قاللي لأ ملهاش علاقة.
انا بستخدم لبن ابتاميل، وهو المرحلة التانية بتاعته من سن 6 شهور يعني بعد ما يقفل الستة ياخد المرحلة التانية، يعني حسب عمره بتشوفي هتدي اولي ولا تانية بس طبعا اسألي الدكتور الاول عشان مقدرش احكم بنفسي.

شوق وحنين للجنة;13582485:
كتكوتة ألف سلامة على جوجو
ربنا يحفظها ويبارك فيها اللهم آمين
لولا أنا بعتلك عالخاص يا قمر كل التفاصيل
محدش يعرف بقى أجيب منين أطباق الأكل والمعالق ومقسم الحليب:(

الله يسلمك يا جميلة تسلمي يارب
هتلاقيهم الادوات دي في كل المحلات بتاعة الاطفال الكبيرة اللي هي بتبقي فيها كل حاجة تخصهم مش لبس وبس وفي كارفور كمان والهايبرات اللي زيه بردو، طيب قوليلي انتي اقربلك تروحي فين المنطقة يعني، وممكن الصيدليات بصي في صيدلية جوزي هو اتللي طلع جابلي منها حاجة وانا لسه مروحتش هي في الف مسكن في جسر السويس بيقولي فيها دور كامل للأطفال مقسمنها يعني دور عادي تحت للأدوية ودور فيه كل ما يلزم الاطفال من اكل وادوات، بس لسه مروحتش اشوف بنفسي، انتي قلتي تقريبا انك ساكنة في عين شمس صح، يعني هاتبقي قريبة ولا ايه

sweetylolla85;13582271:

الف مليون سلامه عليها ياروحي الصغننه دي ياخدو منها عينه دم ياخبر ابيض :sick::sick:
ربنا يشفيها ويعافيها يارب انا نفسي اروح لكرم اوي بس طبعا وقت المرض بتجري علي اي حد موجود ان شاء الله اروحله بس هو مواعيده امتي؟

ايمي مش انا حلمت اني قابلتك امبارح في شارع احمد عصمت وانتي طالعه علي جسر السويس وكنتي رفيعه بقولك انتي رفيعه خالص بتقولي ليه مش بتلاقي لبس مناسب ياايمان انا زعلانه منك اوي ههههههههههههههههههههههههه :lol::lol:

معلش ياايمي هو من اول الخامس يعني لما يخلص اربع شهور يعني يبقي عنده اربع شهور ويوم مثلا معلش اصلي مهيسه اوي

:lol::lol::lol::lol: ضحكتيني اوي يا لولا والله يسمع من بقك في الحلم ربنا ياااااااااااارب بشره خير اهي.
انتي قصدك من اول الخامس زي ما الدكاترة بيقولوا والكتب ولا لما انا كنت بقول علي الاكل فوق اصلها تفرق :lol::lol::lol:
بصي لو زي الدكاترة بيبقي قصدهم انه قفل الخامس وهايبدأ في السادس، لكن فوق هي بتقولي انه هايخلص الرابع كمان كام يوم ويبدأ في الخامس.
وبالنسبة لكرم مواعيده كالآتي:
فرع عين شمس: سبت وجمعة من 3 ل 7
واتنين واربع من 8 ل 11

وفي فرع المرج بقي لو عوزاه كمان، انا بقيت بروح هنا وهنا حسب مواعيدنا احنا وحسب الظروف، بس عامة في كل الحالات لازم اتصل قبلها بردو اتأكد انه موجود وفي اجازة او اعتذر مثلا.

عاشقة الشهاده;13582302:
السلام عليكم
كيفك امهات احلى كتاكيت
ربنا يخليهم ويحفظهم جميعا
سؤال للامهات صاحبات الخبره
بنوتي عمرها 9 شهور
بتحط اصبعين في تمها خصوصا وقت النوم
عادة مص الاصابع كيف اخليها تتركها
جربت معاها كل الطرق ازا شلتهم بتنكد وصرااخ متعلقه فيهم كتير
بتعتبرها اسلوب تهدئه كانها اللهايه

انا كنت سألت الدكتور عليها من فترة كبيرة قاللي سيبيها، وبردو في ناس قرايبي قالولي عن تجربة لما بتفضلي رواهم وتزعقي وكده فبتيجي بنتيجة عكسية ويعندوا ويمسكوا فيها اكتر، لكن لو سيبتيهم واهتميتي تشوفي سببها ايه واحدة واحدة هتسيبها لوحدها، انا عندي بنتي قلت شوية عن الاول بس لسه بردو مراحتش خالص، هي غالبا بتحطه لما تكون عايزة تنام او جعانة كده يعني او بتسنن.

بنت من الزمن ده;13568714:
ازيكوا يا احلى مامييهاتت سوييتى لولا الف سلامه على يوسف ولله انا ابنى خد حقن اول يوم ولادته تخيلوا مضاد حيوى برده وتانى يوم بردو خد وحده عشان مكنوش شفطوله الميه من الولاده كويس الحمدلله العيال الصغننيين دول ياما بيشوفوا

كنت عامله كزا اقتباس بس ضاعوا معرفش ايه الحظ ده
انا عندى بقى كزا سؤال معلش استحملونى انا فاضلي 10 ايام واسافر الكوييت اخد بقى معايا ادوية مثلا ليا وليوسف ولا لا عنى بردو الفيتامينات بياخدوها لحد امتى الحديد والكالسيوم؟؟ اخد معايا الكميه اللى هيخدوها ولا لا وابقى اكمل من هنااك .. صحيح دندونه بتسال على ديكال انا الدكتور هنا كاتبهوولى انتى عندكم في الكويت ولا اييه وكاتبلي على نوع حديد اسمه توتافيت تقريبا حد يعرفه ؟؟

معلش حاجه كمان سيريلاك القمح الساده كنت بدات بيه دلوقتى ينفع اجيب قمح مع حليب مثلا ولا اجيب ساده بردو هو بقيله 10 اام ويكمل 6 شهورر

اه طبعا هاتي الادوية و الفيتامينات معاكي هنا ادي نااااااااااااااااااار بجد و لو ينفع تبقى تجيبلي معاكي ممكن و ابقى احاسبك عليهم لاني عايزة اجيب ليوسف الحاجات دي و المفروض ابدأها من امته الفيتامنيات و الحديد و الكالسيوم

dr_hienar;13578265:
بنات طيب ميدلا الكهربائى ده غالى اوى ولا ايه؟؟؟والبنوتة اللى بتقول انها هتبيعه بكام؟

بصي يا قمراية انا اللي كنت عايزة ابيعه انا جايباها من هنا بحدود 800 جنيه مصري ي قمراية

بنت من الزمن ده;13580076:
طب هو ياكتكوته شاف ايه خلاه يطلب منك صورة دم يعنى شاف حااجه معينه على جوجو
انتوا بتستخدموا انواع ايه ف الصناعى يعنى كل وحده تقول النوع اللى هى شايفاه كويس وحلو ومريح البيبي
هو اللبن اللى هو كويس اللى بتشكروا ففيه اسمه بيوميل جولد ولا بروميل جولد وينفع ابدا من المرحله التانيه ولا لازم ابدا بالمرحله الاولى الاول

هوا اسمه بروميل جولد دي المرحلة التانية من اس 26 و ده بيكون من 6 شهور و المرحلة الاولى من الولادة لحد 6 شهور

هوا ايه مقسم الحليب ده فايدته ايه و استعماله ازاي و هل ضروري و لا لا