استفسارات وتساؤلات الامهات عن كل شئ (الجزء الخامس)

البنات اللى بترضع صناعى انا جيبت ابتاميل 2 دلوقتى بس لقيت ريحته بشعة مش زى ابتاميل 1 معرفش بيشربوه ازاى لاحظتوا موضوع الريحة دى و حد يعرف السبب؟؟؟

كمان بالنسبة للسيريلاك اللى بالحليب و العسل دول مش قبل سنة بردو؟؟؟ و اية انواع السيريلاك اللى تنفع من 6 شهور غير الارز و القمح ؟؟؟؟

بنات انا شايفاكو بتتكلمو على الاعشاب..انا عايزة ادي يوسف يانسون علشان معدته بس مش متقبله خااااااااالص..هو بياخد بيبي درينك بس انا شايفاكو بتقولو انه مالوش لازمة و كله سكر:-o اعمل ايه علشان يوسف يرضى ياخد الاعشاب؟؟؟

صورة الدايبر سليبى



و دا سبراى التشابك انا جبتة عشان مش بدهن شعر محمد حاجة ولما ببلو و بينشف بيبقى عجيب
دا حلو اوى ف التسريح و بيحافظ عليعا

ماهى البخاخ دا استعماله ازى؟

هوة اية الفرق بين البامبرز الابيض والعادى هوة حلو فى اية انا شايفكم بتشكروا فى كلكم يعنى اية مميزاتة عن العادى

رجائى
البخاخ بيتحط على اشعر مبلول او ناشف وتسرحى
بيدآ نعومة
كدا للشعر جميلة

sweetylolla85;13507343:
بنات كنت عاوزه اسالكم انتو بداتة تدو ولادكم فيتامين دال من امتي؟ ابني بعد يومين هايتم 3 شهور ان شاء الله بعد يومين وكل ماسال الدكتور يقولي لااااااااااا لسه بدري ودلوقتي قريت علي النت انه المفروض من شهرين ايه رايكم بقي
سؤال كمان الفتحه اللي في مخ يويو بحسها بتنبض كده دايما بخاف اوي مش عارفه ليه ممكن حد يطمني

حبيبتى الدكتور مدحت الزيات اكد كتير قوى انى لازم فيتامين دال من الشهر التانى وانا اديتة لجودى تقريبا من نص التالت

جولة ف شقتى



تعااااااااااااالوووووااااااااااااا

يا بنات هى راس الطفل بيتغير شكلها لانى جودى بتنام ع ضهرها ع طول وهى صغيرة وراسها اتبطنت خالص من ورا وعاملة بوز خفيف من فوق ليا شهر بنومها ع جنها بالعافية عشان بتحب نوم ظهرها مش عارفة الشكل دة هيتغير ولالا ويا ريت تقولولى لما بتدخلوا اكل بيتغير لون البراز عشان بديها عصاير من 10 ايام ولون البراز احيانا بلاقية مسود ماما بتقولى اللون الاسود دة هوا ف معدتها او محتاجة مطهر لمعدتها اية رايكم

بالنسبة لدهان الشعر فى بنات بتشكر ف كريم رووتاج عشان خلاصتة اعشاب ينفع ادهنة دلوقتى ولا لما يطلعلها شعر هى شعرها خفيف خالص ولا البخاخ دة احسن

hoobie;13516671:
بصي ياقمر هي يمكن عاملة صدرك تيتينه يعني عاوز تمص وخلاص زي اطفال كتير ..هتعرفي لبنك بيكفي او لا من وزنها لو بتزيد في الشهر من 800 جرام لكيلو يبقى لبنك كويس لو اقل الدكتور هيقولك تعملي ايه
وانتي اهتمي باكلك واشربي حلبة كتير والله زي السحر وكلي تمر واشربي لبن وعلى طول جمبيكي ازازة ميه وكوبايه واشربي ميه كتير انا كنت عامله ازازتين ميه كل واحده لتر اخلص واحده املاها ميه واحطها في التلاجة واطلع اللي بعدها ..الحمدلله فضل صدري ينقط لبن من كتره لحد يمكن الشهر السادس او السابع والله ..ودايما اعملي مساج لصدرك وادعي ان ربنا يبارك في رزق بنوتك لان ده رزقها دلوقتي

انا والحمدلله بينقط ياهوبي مش مسأله مفهوش لا بس بقعد بالساعه ترضع وفالاخر رضعه اعشاب 125 مل تشبعها وتنيمها

dr_hienar;13517828:

انا كمان والله ياتوكى نفس الكلام بس ماما رافضة انى اديها اى اعشاب خالص وكمان انا مش بهتم باكلى من كتر الم الجرح اللى من تحت وعندى امساك مع انى باخد ملينات كتير خايفة مووت الجرح يكون ملتهب او يكون غرزة فكت ومش قادرة اروح دلوقتى لدكتور ولا اتحرك اعمل ايه انا امبارح مانمتش وبعدين لما حميتها انا وماما عالعصر نامت فنمت جمبها وراحت عليا وعليها نومة 5 ساعات مارضعتش فيهم صعبانة عليا اوى وحاسة بالذنب ادعوللى الموضوع طلع مش سهل خالص انا بقيت اقلهم كفاية هينار عليا عمرى ماهفكر تانى
الحاجة التانية هو حزام زولا ده هو بتاع الظهر ولا فى مخصوص للبطن؟ وممكن ااجل لبسه لحد مالجرح يخف على اسبوع كمان ولا هيفرق لانى مابقدرش اكمل ساعة لابساه ؟

هينار استمرى ف المسكن والمضادات الحيوي معلش هى فتره كده انا كمان لسه السلك زى ماهو بس الحمدلله الجرح خف
وبالنسبه بقي للامساك اشربي سوايل ومتاكليش حجات فيها عيش انا من خووفي من الامساك باخد ملينات وفضلت اول اسبوع اكل رز وشربه وفراخ مسلوقه ع الاخر

sweetylolla85;13518783:
بنات انا مخنوقه اوي يوسف عيان عنده دور برد مخنفر ومزكم ودافي وبيكح والكيكي بتاعه ريحته فظيعه جدا مع انه مكنش كده قبل كده:(( صعبان عليا اوووووووي
وكمان عندنا خروجه يوم الجمعه اجباري ماينفعش مانروحش خطوبه اخو جوزي في البيت مش عارفه البسه ايه صيفي ولا شتوي والشتوي اللي عنده مكملتوش لسه معندوش الا بنطلون جينز كبير اووووووووووووووووووي بيقع منه وسويت شيرت ومش هاعرف انزل بكره اشتريله لبس وهو عيان كده بصو بامانه البسه ده ولا هايبقي شكله وحش

بنات امنتكو امانه اللي يشوف السالوبيت يقولي ينفع يروح بيه خطوبه عائلي ولا هايبقي شكله وحش وادعوله يخف يااحلي امهات

لولا بصي انا رأيى البيبيهات يلبسو الى يناسبهم هما مش يناسب الحفله ولا الخروجه الى انتى رايحالها سواء حاجه فورمال ولا كاجوال اهم حاجه ابنك لو تقدرى تسيبيه مع حد سيبيه
اولا امان ثانيا هتبقي براحتك

اعلى الجنان;13524931:
يا بنات هى راس الطفل بيتغير شكلها لانى جودى بتنام ع ضهرها ع طول وهى صغيرة وراسها اتبطنت خالص من ورا وعاملة بوز خفيف من فوق ليا شهر بنومها ع جنها بالعافية عشان بتحب نوم ظهرها مش عارفة الشكل دة هيتغير ولالا ويا ريت تقولولى لما بتدخلوا اكل بيتغير لون البراز عشان بديها عصاير من 10 ايام ولون البراز احيانا بلاقية مسود ماما بتقولى اللون الاسود دة هوا ف معدتها او محتاجة مطهر لمعدتها اية رايكم

انا بنتى العكس بتحب تنام ع جنبها يمين وشمال انها ضهرها لا بس بنيمها ع ايدى ع ضهرها حاولى معاها بس لما تبقي فايقه بلاش وانا رايحه تنامى هتكرهى نفسك زيي 8o|

كيوت لولا حركه البيبي بتقل طبيعي ف التاسع انتى عدى الحركات ولاحظى انك ممكن تكونى بتصحى متأخر ولا حاجه فبتكون هى صحيت ونامت

ونيموووو جزاكى الله كل خير ع الرد انا بقي من التعب احضر قبل ما انام رضعه اعشاب عشان لما تصحى اديهالها وتنااام

تعبت اوى من موضوع الرضاعه يابنات

yasmenmm;13524574:
هوة اية الفرق بين البامبرز الابيض والعادى هوة حلو فى اية انا شايفكم بتشكروا فى كلكم يعنى اية مميزاتة عن العادى

متهيلي انا الوحيده ال جربت بامبرز الابيض هههههه بصي هو كله قطن ده ميزته بس يعني ملمسه حرير

sweet_toota;13523211:
البنات اللى بترضع صناعى انا جيبت ابتاميل 2 دلوقتى بس لقيت ريحته بشعة مش زى ابتاميل 1 معرفش بيشربوه ازاى لاحظتوا موضوع الريحة دى و حد يعرف السبب؟؟؟جرب

كمان بالنسبة للسيريلاك اللى بالحليب و العسل دول مش قبل سنة بردو؟؟؟ و اية انواع السيريلاك اللى تنفع من 6 شهور غير الارز و القمح ؟؟؟؟

انا بجرب بروميل جولد
وبقولك سيلالك بالعسل مكتوب من 6 اشهر مين قال مش قبل سنه
وفيه بتمر وفي بالفواكهه

انا بابمبرز الابيض دة جبته و منفعش معاها و سرب و جابلها تسلخات كمان تخيلوا؟؟؟ معرفش حظى ولا المقاس 4 احلى من3 انا استعملت 3

السيريلاك يا ميكو شفت خضروات مشكلة و فواكه مشكلة و جبنة كمان بس قلت بلاش جبنة لكن التمر معتقدش فى مصر اصلا

انتى عاملة معاهم اية يا ميكو فى الاكل و الفيتامينات بتديلهم اية و كدة؟؟

sweet_toota;13526840:
انا بابمبرز الابيض دة جبته و منفعش معاها و سرب و جابلها تسلخات كمان تخيلوا؟؟؟ معرفش حظى ولا المقاس 4 احلى من3 انا استعملت 3

السيريلاك يا ميكو شفت خضروات مشكلة و فواكه مشكلة و جبنة كمان بس قلت بلاش جبنة لكن التمر معتقدش فى مصر اصلا

انتى عاملة معاهم اية يا ميكو فى الاكل و الفيتامينات بتديلهم اية و كدة؟؟

انا مهمله فيهم اووي عندي مشاكل كتتير ومش عارفه اعملهم اكل يلي حسبي الله ونعم الوكيل
كنت بدي جزر برتقال عصير
وجبه سيرلاك بسكةت ميلوبا
تفاح بالبسكوت
لسان عصفور
زبادي بالفاكهه
جبنه نسنت
بس دوول ال عملتهم
والبطاطس ماردش ياخدوها

بنات اللى خايفة منه حصل السلك فك والغرز بتاعة الجرح مالمتش ورايحة بعد الصلاة بكرة المستشفى ادعوللى ينفع الجرح يتخيط تانى الدكتور بيقول كنتى بتقعدى فى بتادين زيادة عن الوقت المفروض تتشطفى بس
وعشان المخالفة اجيبلها ببرونة نوعها ايه وشفاط نوعه ايه اللى بتستخدميه ياتوكى وبكام؟

ميكو عايزة اكلمك شوفى بقى يا تبعتيلى على الخاص يا تقوليلى بتيجى الشات امتى..ربنا يفك كربك يارب..سؤال بقى لسان العصفور بتعمليه ازاى؟؟؟

sweet_toota;13527447:
ميكو عايزة اكلمك شوفى بقى يا تبعتيلى على الخاص يا تقوليلى بتيجى الشات امتى..ربنا يفك كربك يارب..سؤال بقى لسان العصفور بتعمليه ازاى؟؟؟

طيب كلميني علي المييل
مره سلقته وضربته في الخلاك ماكلهوش
وبعد كده عملته بطريفتنا وباكلهم معلقه بوحدتين تالته بيبلعوهم واكلهوهم

Lolitaaaaa;13521408:

لولا انا شيفاه مش مناسب بس بنفس الوقت ما ينفعش تطلعي فيه للسوق

moon as;13522047:

بصى يا لولااااا والله السلوبيت حلو وهو مش بيفرق كتير
أنا بغلب نفسى لما يكون عندى مناسبه علشان أختار حاجه لإبنى كويسه وبحس إن هى فى الأخر مابتبنش
بعد الخطوبة هتحسى إن الموضوع عادى ألف سلامة علية وعقباله

nemonamanemo;13522083:








1000000000000000 سلامه عليه بصي انا شايفه ان السالوبيت مش مناسب بس لو انا مكانك بأمانه مش هخاطر اني ابهدل ابني و هو عيان و الجو متقلب و هلبسهوله و كده كده لو جبتي حاجه تانيه مش هيبقي وااااااااااااااو بردوا لانه لسه صغير

ربنا يكرمكم يابنات كلكم يارب الحمد لله هو بقي احسن شويه انهارده وجوزي رجع من الشغل بدري سيبتهوله وروحت اركيديا اشتريتله بنطلون شكله فانكي خالص وعسول جدااااا وجبتله طقم كمان بنطلون وسويت شيرت شتوي هالبسه اي حاجه منهم

توكي تصدقي ماجتش في بالي خالص فكره اني اسيبه لماما !!!!!!!!!!!!!!!!!!! وبفكر دلوقت ااقوم اكلمها واسيبهولها بس لو عملت كده جوزي هايخنقني:|:|:|
بنات عشان المخالفه عاوزه اسم فيتامين دال اللي بتدوه لاولادكم

dr_hienar;13527319:
بنات اللى خايفة منه حصل السلك فك والغرز بتاعة الجرح مالمتش ورايحة بعد الصلاة بكرة المستشفى ادعوللى ينفع الجرح يتخيط تانى الدكتور بيقول كنتى بتقعدى فى بتادين زيادة عن الوقت المفروض تتشطفى بس
وعشان المخالفة اجيبلها ببرونة نوعها ايه وشفاط نوعه ايه اللى بتستخدميه ياتوكى وبكام؟

ياربي طيب وبعدين قلك ايه الدكتور الف سلامه عليكي
شفاااط في ميدليا وفي بيوجون
ببرونات افنت وبايجون وشيك