Ghado;13304804:صباح الورد
F:F:F:F:F:F:
حبيبــة أيمـــن
مزين هبة .. هو نفسه مزين أبلة ربيعة الي حكيتلك عليه في الأول
هي صاحبة المزين و هي نفسها الي تعطي في الدورات
و هو يجيك بعد سمافرو قرجي على ايدك اليمين مباشرة قبل كوبري حي الاثار (و الحي الاسلامي)
هنو الدلوعه;13296000:متألقه كيف حالك حبوبتي
طبعا ماتنسيش اعواذ الأذن والقطن الطبي والفوط اليوميه مرات تحتاجيهم وعندك الفواحات وطبعا معجون السنان والفرشه ومناشف صغيره وكبيره وامممممممم وطبعا السكراب والقفاز
وشموع معطره تحتاجيهم للأجواء وطبعا حطي مزيل عرق للأحتياط وكان ذكرت حاجه توه نكتبهالك ايه وباودر
حبيبة أيمن;13304825:
غدو تسلميلي علي المعلومة .. بس عندك اي معلومة تانية علي موضوع هدا ولا نمشي بطوبتي انقوليلها غدو بتع منتدي عروس تسلم عليك ههههه علي اساس من طرفك
( المتألقة);13304980:بارك الله فيك حبيبتي نبي انقولك خذيت عدة البودي كير والالة متاع تقشير الرجل من اسفل ونوعين مبرد اظافر حنظيفهن مع الحاجات اللي قلتيهن ربي يفتح عليك
سوال المخالفه ليك متالقة
ممكن نعرف الحاجات هادو من وين وبكم وشن ماركتهم وشكرا:L:
هنو الدلوعه;13305910:حبيبتي ماتنشغليش أنتي ركزي في روحك
بس بنقولك بحكم أني أني زيك يعني طرابلسيه بنغازيه هههههههههههههه ونعرف منسابتنا ونقدر نقارن بين أهني وأهني نقولك شوكلاتة بنز بلح ماتتقرنش بي الي تتقدم في طرابلس
يعني بنت خالك ممكن لأنها في بنغازي تحسها نازكه لكن المشكله أهني يغرهم الشكل أكثر من الطعم فهمتي التغليف حلو لكن الشوكلاته مش حلوه فهمتيني يعني خام من الأخير ولامقارنه بينها وبين باناش والي تتقدم في تربولي
وماتشغليش رووووحك نهائي
طرابلس+بنغازي;13305857:
حبيبتي هنو
والله شغلتيني عالشكلاطة انا قلت لهم نبي ناخدها من باناش لكن بنت خالي اصرت قالت لي لا انا توا ناخدها لك لان خوالي كلهم من بنغازي انا قلت لها تبعت لي انضوقها اكدت لي انها راقية وحلوة .....والله حسني اضايقت:'( انتي اي نوعية تحكي عليها ممكن توصفيها لي
مادامها هدية توكلى على الله ومافيهاشي لو خليتيهم يساعدوك باالاشراف على شي معين وحتى لو طلعت مش زي ما انتى متخايلتيها عادى .ركزى في المهم طلتك انت فستانك تسريحتك ابتسامتك عطرك اكسسوراتك . والعشي ياعمرى مهم جدا.
ممكن ربي يستر وتطلع مش نفس اللي حاجزينها لي يارب سترك
بالنسبة لشكلاطة القفة حجزت عند باناش بس شكلي حتى الحفلة بناخد من غادي
قوليلي اللى حجزيتها من عند باناش بكم وكيف شكلها وياريت لو عندك صورة .
على فكرة في محل في سوق الترسانة الدور التاني اسمه ايفا للشكلاطة فيه ولد اسمه محمد طلبت منه يصمم لي باكو حلويات ليوم القفة ممكن غضوة او بعدو نمشي انشوفه واتوا انبلغكم شن ايصير امعاي :thumbs_up:
بس خلاص....وسلامتكم:L:F:
طرابلس+بنغازي;13285471:
السلام عليكم حبيباتي
اخر اخباري امس عشية مشيت لسوق الترسانة حصلت من غادي صندل مناسبة لونه اسود رقيق ب 22 دينار فقط
حاولت انحصل ستيان شفاف كله لكن للاسف المقاسات كلها صغيرة:'(
واطقم داخلية قطنية استعمال يومي نفس الشي اما المقاس صغير او محشي نشاف نين قايل بس:mad:
و الاندر وير اللي تحت الفيلو اندور على الكامل اللي زي الكورسي ما لقيتش:badly:
ممكن ادلوني بنات:p
وفي الزيت اللي ضد الرطوبة اللي اسمه زيرو فريز وين ممكن نلقاه ارجوكم بالتفاصيل كالعادة
بنننننننننننننننننات ماحد جاوبني بخصوص اوباجي عرفتو انا شن نبي اندير بالضبط:
- ازالة اثر حب شباب بسيط مش هلبا في الضهر و الاكتاف
- توحيد لون بشرة الوجه و الجسم بما فيها الاركاب و المرافق شوية مش هلبا
- تنظيف الوجه.
ممكن مع هالتوضيح ادلوني حتى على مكان تاني بسسسسسرعة بليزززززززز:confused:
بعد ما خلصت جولتي امس مريت على مزين زهرة لبنان مدام رجاء لان موعد غسل شعري كان امس ( 4 أيام بعد الفرد). وخديت منها شامبو لوريال 20 دينار بلسم لوريال 15 دينار
ماسك الشعر لوريال 20 دينار وروحت الحوش و غسلت شعري واستعملت الشامبو و البلسم
رهييييييييييييييييييييييييبببب يا بنات مش عادي يعطي الشعر ملمس ناعم :thumbs_up:وصحي
ان شاء الله بعد شهر حنرجع لمدام رجاء باش انقص شعري ونصبغ والله شعري هادا ياما يتحمل مسكين ;)
مممم شن نبي تاني اه المكياج اي احسن ماركة في الوان الاي شدو تنفع للسهرات
بس خلاص.........وسلامتكم :L:F:
طرابلس+بنغازي;13305350:السلام عليكم يا حبوبات
امس جهزت مشاركة طويلة عريضة ولما جيت نبي نبعت النت فصل عندي
المهم
امس امشيت محلات بوسليم خديت بساط دار النوم مش عادي الميترو ب 32دينار اسمه موكيت لميس ( هكي اسمه) بس الوبرة امتاعه طويلة وناعم وفي منه الوان انا خديت بيج عالابيض . المحل اسمه محلات البرج في صفة محلات البساطات قريب من نهاية الصفة وانتو ماشيين بإتجاه المجمع الصحي.
توا نبي الستار لان في بوسليم ما لقيتش حاجة حلوة اللي تعرف محل ادلني عليه بليس لاني متكفلة بمستلزمات دار النوم هو شري الدار و زوقها وانا عليا الباقي حتى التعاون حلو.
اللي تسأل عالساري راهو في محلات القماشات اللي في بوسليم محل اسمه الصولجان الاسعار 200-700 دينار طبعا عبارة عن قماش حرير هندي مطرز خيالي بس محتاج لخياطة صاحب المحل هو اللي دلني عالخياطة في زناته اللي حاب رقمها يسألني وانا نيعت هوله
بالنسبة لحجوزاتي هي كالتالي:
- المزين سهى الحسناء حجزت يومين الحفلة والمحضر اليوم الواحد 500 دينار
- الصالة نواعم يوم عادي 2500
- الشكلاطة هدية من بنغازي من بن زبلح
- العشي والله نعرف لقبها بس ممكن بوعين لان ماما متكفله بالعشي وما تبعه ربي ما يحرمني منها
- باكوات وخلافه هدية من بنغازي من بن زبلح
- الجاتو من معازيم القطعة 3 دينار
- الشاور جل والبودي لوشن لدلع الايام الاولى خديت ماركة كليرنس من محل دانة اللي بابه زجاجي كبير في اول سبتمبر.
- فستان المحضر من الساري ب 500
- اما الحاجات الرقيقة التانية من اماكن متفرقة.
- الحرير في محل في سوق الحرير وين في اقواس اللي جهة الساحة الخضرا محل فيه ولد اسمه محمد الباكستاني(هو ليبي) بس شكله باكستاني الولد ماشاء الله عليه وحاجاته روعة. ايوه محل الملابس الداخلية لما تطلعو من محل محمد خلي المحل في ضهرك واوقفي قدام الباب شوفي ناحية اليمين بزاوية بسيطة تلقي محل الملابس الداخلية مقابل على طول او ممكن تسألو عليه محمد نفسه لانه يعرفه.
- بالنسبة لملابس الطلعة انا كنت عارفة من الصيف اللي فات ان عرسي بيكون في الشتي استغليت فرصة التخفيضات الشتي اللي فات وشريت بالطوات نين قلت بس البالطو كان 45-80دينار يا بلاش مع ان في الشتي كانو بالميات فنصيحة اللي تبي لبس عادي تشري نهاية الموسم او بداية الموسم صدقوني السعر يختلف هلبا من بداية الموسم لنصه يعني توا اول ما ينزلو بضاعة الشتي اشري ما تقوليش لا مازال الجو سخون راهو فيسع يسقع الجو والاسعار ترتفع.
يا بنات يومها مشيت بن عاشور نبي عباية لقيت الاسعار 800-1000 وما هياش حاجة تستاهل وحدة من العبايات لقيت اختها ب 65 دينار في بوسليم راهو لا يقولو خامة تختلف ولا شي انا شارية عباية ليها سنين ب 55 قاعدة زي ما هيا وما تقولوش شعبي عام راهو نفس النقشات والتطريز في كل مكان يعني ما فيش ابداع جديد ....واللي تبي لبس طلعة تمشي بوسليم لاني لقيت المحلات كلها نفس البضاعة الاختلاف ديكور وموقع المحل هو اللي يغلي في الحاجة اللي تبي تمشي بوسليم ادور بوتيك عباس و بوتيك جميلة حاجتهم نازكة هادو ايجو في السوق المصقف اللي مقابل المجمع.
حتى سوق النافورة امتاع الدهب فيه محلات نازكة هلبا.....خاصة اللي حابة تشري مستعمل في محلات هلبا غادي ويلمعو فيه بطريقة حلوة
ان شاء الله انكون افدتكم.
بس خلاص ......وسلامتكم:L:F: