.. █ || « تجهيزات عرائس لشهر شوال 1431 - 2010 م / الجزء = 15.. ♥

لؤلؤة سرت;13320220:
يسلموو حبوبة ايمن سؤال
ياريت توصفيلي الحبوب اللي خديتيهم كيف شكلهم

هادي صورته يا غالية

حبيبة ايمن : حتى انى ناخد فيهم هادى صورتهمقلت عليهم للبنات من فترة بس
ولا مرة حسيت بطعمهم جربي غيرى النوع

لالالا مش الطعم ... الطعم مفيهمش بس لو مدار اليوم ((تقرعتي او مش عارفه كيف )) تحسي بطعمهم ... في فمك !! واااااااااااااك حالة تصير فيا هههه فا بديت نحط فيه في الفريز قصدي لا زايدة لا نقصت عليا عادي توا !!!
حاليا موقفة عليهم لان ناخد في كورس لحب الشباب اعطاهولي دكتور امحمد عبد العال .. وقالي كورس 6 شهور وتوقفي 6 شهور وكان تفكري في الحمل !! لان الحبوب هادي ادير تشوه في الجنين .. فا وقفت كل شي وبنكمل الكورس هدا علي امل يصير خير هههه

السلام عليكم يا غاليات

امس امشيت لمركز جميلة سنتر والله صار لي احباط:'( اول حاجة المسؤلة على جلسات التجميل وجهها فيه كلف هلبا وحاطة عليه كريمه اساس وبودرة بصراحة الشكل كان غير مشجع
تاني حاجة لما بديت نعرض في مشكلتي بالنسبة لسواد الركب والاكواع قالت لي اسمعي ما نقبلش الا لو كانت درجة السواد 3 أو 4 لما شافت مرافقي قالت لي لا نعطيك كريمة ب 85دينار انا اصلا فادة من الكريمات

وجلسات التقشير للجسم ب 90دينار وما نقدرش انحدد كم جلسة الا بعد الجلسة الاولى بصراحة زيارة غير مشجعة نهائيا

بعدين مريت على مواصفات ما لقيت شي قالت لي عندنا وصفة للسواد ب 35 دينار وانا ياما جربت وصفات وايديرو في تنظيف وجه بالبخار يعني ما فيش حاجة جديدة

طلعت من غادي مشيت لصيدلية سوق الثلاثاء زدت اخديت من طين البحر الميت للجسم وخديت مقشر الجسم من البحر الميت وصابونة الاملاح وكريم تبييض للمناطق السوداء قالت لي عليه البنت اللي تخدم في الصيدلية مرة بس ما كانش عندهم هو بودي لوشن اسمه
CBL LOTION منتجات مشقار - كوبار- كريو العالمية

وقات انا حنكون خبيرة التجميل لنفسي

بس خلاص.....وسلامتكم:L:F:

الحق قنينااااات حاجتها وكلها مواد طبيعيه










ننصحك من تجربتي كل ليله ديري سنفره منزليه وبعدها رطبي جسمك كله وارقدي:thumbs_up:

سؤل المخالفه

حبوب كبد الحوت يزيد الوزن ؟؟ او لا

حلوة قصه الصنفرة .. شكلي بنبدا فيها ..
سوال للمخالفه للعرائس الجدد والمدامات ..... نبي طريقة نفوح نفسي وشعري بيها من توا !! يعني ريحة alien
اول واحده انا انحبها وانموووت فيها ونبي ريحيتي تقعد علي طووول ! وبدات في اول شهر العسل هههه فيه حد عنده طريقة معينة ؟

حياة حلوة;13325686:
سؤل المخالفه

حبوب كبد الحوت يزيد الوزن ؟؟ او لا

الحق انا خديتيهم مع موضوع الريجيم وكنت نمشي ساعه في اليوم .. فامحسيتش لو ايزيودوا او لا
لكن الي نعرفه ان شعري وظوافري تحسنوو 100 % من بعد الكورس الي خديته

حياة حلوة;13325686:
سؤل المخالفه

حبوب كبد الحوت يزيد الوزن ؟؟ او لا

كل جسم ونوعه،،،،بالنسبة ليا اني فتحولي شهيتي هلبة،،،وقفت عليهم توا ناخد في فيتامينات لازم يكون فيها زنك



طرابلس + بنغازي ،،،،، في ليبيا ديمة يحطوا في وجه القبول ماليشي علاقة بالسنتر هههه حتى اني صارتلي ومن لما شفتها منعت ماتشجعتش بوكل


حبيبة أيمن،،،،تعرفي زبطاتك من مدة ومانبيش نقولك لن انشوفك في جامعة وسالت ملك قتلي علي ايامك وطلعوا مش زي ايامي ;) فكري فيا اني منو ترا لووووول;)

نورهان2;13319698:
تسلمي وربي يبارك فيك شو نوع العلاج وكم بيكلف وهل لازم مداومة ولا بس فترة وخلاص وشكرا مسبقا

نوع العلاج هي كريمات من اعشاب طبيعية .. و تحتاج فترة شهر او شهر و نص تقريبا ... حسب البشرة شن فيها بالضبط ... حب شباب فقط او اثار حب سابق ...

حبيباتي .

حبوب زيت كبد الحوت .....


زيت كبد الحوت من الزيوت المغذية والنافعة للجسم لأحتوائه على مجموعة فيتامينات مثل أ وإي ودي كما أنه يحتوي على مادة DHA التي لها دور في الخصوبة ................ ولكن يبقى من ضمن المواد الدهنية بمعنى أن تناوله بكميات كبيرة قد يسبب زيادة في الوزن وخاصة اذا رافق ذلك برنامج غذائي سيئ من حيث احتوائه على كميات عالية من الدهون ...............

أما اذا تم تناوله باعتدال مع برنامج غذائي قليل الدهون فأقول ان ذلك لن يزيد الوزن ... نقطة مهمة يجب القيام ببعض التمارين الرياضية المتوازنة للتخلص من السعرات الحرارية الزائدة ....

Angel Heart 89;13325800:

سؤال مخالفة،،،،،،،،،،شن رايكم في كريم اللؤلؤة الذهبية تبع زين؟؟؟ نبي نشريه وخايفة يطلع مافيشي فايدة غر سعر غالي وخلاص

فايسينا

يابنات ارجوكم نبي حل للهلالات السود اللي تحت عيوني والله تعبانة منهم؟؟؟؟؟
اللي عنده حاجة وجربتها وكويسة ياريت اتفيدني جربت اكتر من كريمة بس للاسف

هذا قماش السارى يا حلوات








صورته من كل الجهات هههههههههه مش تنسوا التقييم عاد :D:cool:

dr_amani;13317716:
عروسة ليبيا حبيبتي العلاج عندنا علاج 100 % مش علاج مؤقت لين تشوف أخصائي ....

العلاج عبارة عن كريم من الأعشاب الطبيعية لحب الشباب ... و أعشاب اخرى طبيعية ماسك للأثار الحب ... سعر العلاجات 55 د.ل. مدة شهر و نوعدك بتخفيض خاااااااااااص لعيونك ...

أني في ناس من المنتدى جو للمركز و بدوا علاجات ( انقاص وزن - عناية بالشعر - تفتيح بشرة ) و نتمنى لو العلاج دار معاهم نتيجة ايجابية يقولولكم باش تتشجعوا ...

اهم حاجة بالنسبة لموضوع قريبتك ... تبتعد عن الأكل الحار - الدهنيات - الشوكلاطة - البيض ... تهتم ان المعدة تخدم طبيعي و ما يكون عندها أمساك ...

........................ مقشرات الجسم من بودي شوب ......................




مرطب ، أساسه كريمي وهو مقشر لطيف يساعد على إزالة خلايا الجلد الميتة ليترك الجلد ناعم و مرن صمم ليكون عطرك الشخصي مع الزيوت العطرية من بودي شوب

كيفية الاستخدام :

يدلك بحركات دائرية على الجسم ليتوزع المستحضر بشكل جيد و ليزيل خلايا الجلد الميتة



مقشر الجسم بالجريب فروت الوردي

مقشر لطيف يساعد على إزالة خلايا الجلد الميتة يترك الجلد ناعماً ومرناً ، يجعل الجلد مستعداً لامتصاص المرطب بعد ذلك ويساعد على توزيع النشاط والحيوية في الجسم

كيفية الاستخدام :

يدلك بحركات دائرية على الجسم ليتوزع المستحضر بشكل جيد ثم يشطف بالماء



ملمع الجسم بالمسك الأبيض الناعم والحريري

المقشر الناعم و اللطيف مع الخفة وقوامه الكريمي المتماسك يترك البشرة بإحساس ناعم ومخملي ومعطر برائحة المسك الأبيض

كيفية الاستخدام :

يدلك بحركات دائرية على الجسم ليتوزع المستحضر بشكل جيد ثم يشطف بالماء

نصائح أخرى :

• يستعمل 2-3 مرات في الأسبوع للحصول على نتيجة أفضل

• التدليك والتقشير المنتظم يساعد على تناغم لون الجلد




مقشر الجسم بالزنجبيل

منعش ، مقشر الجسم بالجزيئات الدافئة مع الزنجبيل الكثير التوابل و مضاف إليه السكر للتقشير ومعطر ليترك شعوراً بالانتعاش والتألق

كيفية الاستخدام :

• يستعمل 2-3 مرات في الأسبوع للحصول على نتيجة أفضل
• التَقْشير والتَدليك المنتظم يُمْكِنُ أَنْ يُساعد على تناغم لون البشرة
• يستعمل قبل التقشير المنظف Ginger Shower Gel• عند جفاف الجلد استعملي Ginger Body Soufle للترطيب

نصائح أخرى :

• استعملي عطر الزنجبيل مع بقية مستحضرات الزنجبيل الأخرى :
• للتنظيف : Ginger Shower Gel
• للترطيب : Ginger Body Soufle



ملمع الجسم بالرمان

مقشر الجسمِ الفاخرِ للاستعمال اليوميِ بتَقْشير الجزيئاتِ لإزالة خلايا الجلدِ الميتةِ بلطف، يَتْركُ الجلدَ ناعمَاً يتميز برائحة عطر الرمان .

كيفية الاستخدام :

يدلك بحركات دائرية على الجسم لإزالة خلايا الجلد الميتة

نصائح أخرى :

• استعملي عطر الرمان مع بقية مستحضرات الرمان الأخرى
• للتنظيف : Pomegranate Shower Gel
• للترطيب : Pomegranate Body Butter



مقشر القدمين

هذا المستحضر بارع في تنظيف وتلميع القدمين أساسه هو الجل ، ستشعرين بالسعادة بعد المشي الطويل

كيفية الاستخدام :
أخرجي كمية منه من الجرة بيديك ثم دلكيه بحركات دائرية
على الأقدام الرطبة ثم يشطف بالماء الدافئ

نصائح أخرى :

أولاً أنقعي قدميك باستعمال المستحضر
Peppermint Cooling Foot Soak
بعد التقشير استعملي Peppermint Cooling Foot Lotion للقدمين
و Peppermint Cooling Leg Gel للساقين


مقشر ملح البرتقال الإيطالي

فهذا المستحضر يحتوي على ثلاث عجائب وهي :
زيت البرتقال الإيطالي الأساسي ، وزيت السمسم ، وزيت الصويا

كيفية الاستخدام :

أغرفي كمية كبيرة منه خارج الجرة ثم ضعيه على الجلد الرطب مباشرة بعد الاستحمام ، دلكيه على الجلد بأطراف أصابعك وبحركات دائرية وركزي على المناطق القاسية والجافة من جسمك ثم اشطفيه بالماء

نصائح أخرى :

لتقشير قوي وإضافي دلكيه على الجلد الجاف


ملمع الجسم بتوابل الفانيلا

فاخر ، أساسه كريمي محمل بجزيئاتِ مقشرة لإزالة خلايا الجلدِ الميتةِ بلطف، يَتْركُ الجلدَ ناعمَ، لامع ومعطر بشكل حسّاس


هذا تقرير عن مستحضرات تقشير الجسم من بودي شوب .. لعيون العرايس الحلوات ...

ما تنسوني في التقييم ...

دلوعة بيشو;13325954:
يابنات ارجوكم نبي حل للهلالات السود اللي تحت عيوني والله تعبانة منهم؟؟؟؟؟
اللي عنده حاجة وجربتها وكويسة ياريت اتفيدني جربت اكتر من كريمة بس للاسف

وصفة لعيونك ...

بطاطا + خيارتين ... يقشر الكل و يضرب في الخلاط

تصفى في قطعة قماش ...

الماء الناتج يوضع في اناء زجاج في الثلاجة ..

للأستعمال :- يدهن بالماء الناتج قبل النوم تحت العين و يترك حتى الصباح ..

شهر و تشوفي نتايج مذهلة ..

بيكاتشو;13325991:
هذا قماش السارى يا حلوات








صورته من كل الجهات هههههههههه مش تنسوا التقييم عاد :D:cool:

القماش راااااااااااااااااااااائع جدا جدا ... ذوقك رائع ..

عروسة ليبيا;13325995:

امونه يالله قدااااااااش فرحني ردك اهوووووا

بارك الله فيك ويجبر بخاطرك واني كلي تقه فيك وخلاص راح نشوف ف اقرب فرصه لو اني ما نزلتش ليبيا نبعتلك حد




كمشة سوالات هااامه للمخالفه

يعني كورس كامل من العلاج مده شهر يكلف 55 جني حسب تصورك الافضل تاخذه كم كورس تحتاج نفس العلاج يعني اني نحسه مش اقل من 3 ولاه مبدائيا


وهل متلا بعد فتره لما يخف وفي نتيجه تتتتتتتتتتغير الادويه


و بنزيد نقولك هيا اثر الحبوب مخلي عندها شويت تحفير يعني اكيد بعد ما يتم العلاج تحتاج سنفره وتقشير

هل في عندكم منتجات سنفره وتشقير بعد علاج الحبوب

وومره تانيه مشكورة حبيبتي وان شاء الله البنات يقدرو وجودك معانا ويستفادو من خدامتك الحلوة


وبجديات مفروض الي تجرب فينا اى منتج او علاج او حاجه فدتها من كلام عضوة تانيه

تخش هني للعام وتنوه بيه بش الكل يستفاد من تجربتها


وكذلك العضوات الي زرو مركز الزنجبيل يفيدووووو بي الي شافو من ايجابي او سلبي





وانتي امونه تقدري اتنزلي تقرير علا المركز مصور وتحطيه ف تجهيزاتنا اهو بش الفايده تعم :thumbs_up:

بالنسبة للعلاج يختلف شهر عن شهر ... اول شهر اخفاء الحبوب و البثور .. ثاني شهر تصفية للبشرة و تسكير الحفر .. واحتمال تستمر 3 شهور و احتمال شهرين كافي ..

بالنسبة للبنات اللي جوا من المنتدى هذه أمانه و مستحيل نقول اسم واحدة منهم الا كان هما حبوا يساعدوكم و يقولوا .. و على العموم هما كيف بدوا في العلاج ما فاتوا شهر باش يعطوا فكرة ايجابية او سلبية ..

يا بنات

سوال المخالفه


شنى اول مانبدا في تجهيزات ساعدونى