.. █ || « تجهيزات عرائس لشهر شوال 1431 - 2010 م / الجزء = 15.. ♥

عروسة طرابلسية;13305635:
الله ايسمك صحيتى حبيبتى


سوال المخالفه

نبو وصف دقيق لي محل الدغري


هام

وبقداش اسعار الطرحات الجاهزه الي عنده الطرحات القصار او الطوال

محل الدغري ... من جزيرة فشلوم .. تنزلي على فشلوم عادي .. أول زنقة تقابلك فيها جامع القبطان و فيها عيادة جلدية للمرحوم عصام ساسي ... أول ما تدخلي الشارع الرئيسي ... تمشي طووووووووووووووووووووووووووووووووووووووول تلقي الدغري و بحداه صفة طويلة محلات نفس الشي ...

(( هذا الدغري متاع التغليف و الباكوات و الحاجات هذه ))

في دغري الثاني متاع الأكسسوارات للقفاطين و الجوانتيات للعرايس و الحاجات هذه ... نفس الشارع اللي فيه مستوصف الحرية ...

يارب يكون شرح واضح

حبيباتى تعالوا نتذكرا ديمو وهدا نقلا عليها مرة كنانت جايبتلنا هاالمعلمومة وتفكرتها وجبتها لكم .

ربي يرجعخا سلامات وتجينا احلى عروس

يا سمحات

قداش واحدة شرت عطر جديد و تقول صنته حلوة بس ما يتبتش



و انهم غشوك و عطور بره خير من اللي تشريها من ليبيا

و القصة كلها ان في عطور (( مركزة))و عطور (( غير مركزه ))

و باش تعرفي تميزي اقري السطور الجاية





لما تمشي تشري عطر اقلبيه و اقري شن مكتوب


اذا كان نوعه

Perfume

فهو عطر مركز جدا ويدوم إلى أكثر من 12 ساعة تقريبا
و نقطه وحده منه تقلب الدنيا . نفاذ جدا



والنوع الثاني

Eau de perfume

وهو عطر متوسط التركيز .. ويدوم إلى 8 ساعات ..



والنوع الثالث

Eau de toilette


وهو عطر خفيف .. ويدوم إلى 4 ساعات ومناسب للاستعمال اليومي



ورابع نوع

Eau de cologne

وهو عطر خفيف جدا وغالبا تلقاه بعطور الأطفال .. يدوم ساعتين بالكثير

عجبوني رسمات للزواق واني ندور في كم رسمه للغرفه نومي



حسيته حلو لو كانت بدل دئره كريستال شكل ورده




هذا حسيت لو مثلا للوزن زواق اوف ويت رقم واحد ورسمه تكون بللون رقم 3 مع شوي رش بيطلع احلي




هذا عجبني نو تعليق في دمج للون



رسمه الورده حلوه بس اوفر واجد حسيتها وللون داكن ع اخر



اخيرا عجبتني الحركه جنب الثريا حلوه لو نحصلها اني تكون رسمه فراشه او عصفوره


:rolleyes:

لون هذة الغرفة نفس لون غرفة بناتي في ليبيا لما روحنا كملنا لزوق لكن اخسارة صورتة بعدين حد لعب بالكميرا دارله دليت امتسح
بالنسبة للفرشات والرسوم اللي جنب الثريا هذوم قطع انتي اتلصقيهم في الوول فسفوريات وفي الليل يعملو ايضاءة على السقف,,,,,,,,,

:thumbs_up::thumbs_up:

هنو الدلوعه;13307390:

حلوه منك المشاركه يا أحلى فيرونا


وأني كلامي نفس كلامك انه عنده انواع مش حلوه وأني قداش مره نذوقها وتطلع يا اما قديمه أو زي الخام وديمه عليها زي البودره البيضاء هذا علاش قتلها تركز في النقطه هادي لانه جماعة المحلات الله لاتروعك المهم يكسبو يبو حد عينه قويه ويتشرط فهمتي يافيرونااااااااااا

:thumbs_up::thumbs_up::thumbs_up::thumbs_up::thumbs_up::thumbs_up:


كلام هنو والله عين العقل لانه شخصيا كم مرة مجربة شوكولا من بن زبلح الطرف بدينا وشكلها حلو من برة بس الطعمة:badly::badly: اع وتجيب زعام الكبد

وسامحينى منبيش نوسوس لك بس تاكدى من قريبتك انها اختاارت طعمة سمحة بغض النظر عن الشكل الخارجى

بنات نبى نسالكم وخاصة فى بنغازى من تعرف وين يبعوا فى ماركة cover mark
ان شاء الله يكونا سمها هكى هى ماركة مكياج وتغطيتها ممتازة

عروسة الاميرات;13313032:
بنات نبى نسالكم وخاصة فى بنغازى من تعرف وين يبعوا فى ماركة cover mark
ان شاء الله يكونا سمها هكى هى ماركة مكياج وتغطيتها ممتازة

عروسة الاميرات;13313032:
بنات نبى نسالكم وخاصة فى بنغازى من تعرف وين يبعوا فى ماركة cover mark
ان شاء الله يكونا سمها هكى هى ماركة مكياج وتغطيتها ممتازة

في طرابلس في صيدلية المنشية ... وبالحق ماركة تقتل في التغطية وتقعد فترة طويلة

روح الوليد;13307785:
ها عروستنا . ربي يهنيك ويسعدك يارب . ماشاء الله تعتبري خلاص شبه مشطبة .

سؤال المخالفة

حبوبة زهرة لبنان كم يطلعوا العروسة . ولو عندك فكرة على اسعارها بشكل عام .

حبوبة السلام عليكم

بالنسبة لشكلاطة باناش شفت نوعية صغيرة مش كبيرة هلبا لاني نبيها ليوم القفة تقريبا اما 1.500 جنيه او 1.75 جنيه للاسف ما عنديش صورة ....هما ميزتهم ان الشكلاطة يشرو فيها مسلفرة ما عليها شي وبعدين يزينوها عندهم افكار حلوة هلبا او ممكن حسب الطلب بس الاسعار غالية شوية


اما بخصوص زهرة لبنان مرة سألتها على العرايس قالت لي 350 دينار اما الاسعار في المجمل حسيتها عادية يومها لقيت عندها بنات يبو يسشورو قالت لهم الاستشوار من 10 دينار فما فوق حسب طول و نوع الشعر ....بس الحق انا مازال ما درت عندها شي اكتر من فرد لوريال ان شاء الله بعد شهر حنرجع لها بش انقص ونصبغ ...

بس المدام رجاء حبوبة هلبا واسلوبها ولا احلى وفعلا خبيرة ومحلها نضيف والبنات اللي معاها اسلوبهم كويس هلبا

بس خلاص وسلامتك:L:F:

اخواتنا المتزوجات حديثاً......السلام عليكم

يا حبيباتي يا ريت اللي مشت لمركز تجميل ودارت جلسات تجميل قبل العرس وكانت النتائج ممتازة اتقول لنا على المكان لاني و الله في حالة توتر مش عارفة وين نمشي لان الوقت قصير خايفة نمشي لمكان انضيع فيه الوقت والنتائج اتكون مش اوي يعني ما عنديش فرصة انجرب كدى مكان

ارجو الرد السريع ويا ريت تبعتو لنا التفاصيل وين ميف امتي من بكم ......الخ وشكرا

عرايس ننصحكم بكريم الجلاسرين مع الليمون بنات مش عادي ينعم ويبيض بشكل رهيب وانا الأن ماشيه معاه ونجرب فيه والنتيجة التنعيم من الإستخدام الأول

عروسة ليبيا;13312387:

حيو اني نرشحلك هادا حلووووووووووو التانيات حلوووووووات

بس هظا نحس تنفيذه ساهل وممكن يجي مزبوط

تعرفي حتى تنفيذه ف ليبيا ساهل لان مرات ما تحصلي ف مصراته ولا حتى تربولي حد يزبطه ليك

هادا حلو لو لمعه الي في قولد ذهبي ومش كل الدار يعني حطيه الي ورا التسريحه او المرايا

سوال المخالفه

خبرتي سموحك بزواق ولا لسه

لو ف جديد خليلي اوف لاين علا الماسنج

اختي عروس ليبيا بعتت لك رسالة عالخاص لكن طلع عندي انها ما انبعتتش

بما انك اتزوجتي ربي يهنيك ويكمل عليك بالخير يا رب وين مشيتي درتي جلسات التجميل

ممكن لو ما فيهاش مضايقة تبعتي لي عالخاص العنوان والتكلفة و التفاصيل

انا توا اتصلت بمركز جميلة سنتر شن رايك فيه

شكرا مقدما:L:F:

عروسة ليبيا;13312387:

حيو اني نرشحلك هادا حلووووووووووو التانيات حلوووووووات

بس هظا نحس تنفيذه ساهل وممكن يجي مزبوط

تعرفي حتى تنفيذه ف ليبيا ساهل لان مرات ما تحصلي ف مصراته ولا حتى تربولي حد يزبطه ليك

هادا حلو لو لمعه الي في قولد ذهبي ومش كل الدار يعني حطيه الي ورا التسريحه او المرايا


سوال المخالفه

خبرتي سموحك بزواق ولا لسه

لو ف جديد خليلي اوف لاين علا الماسنج

هلا عروسة
بنسبه الصور كلها شوفت منها في مصراته معاد اولي
وانا عجبتني اولي اكثر ويستر الله
لا لسه ماحكيني فيه :-#
ومشكوره ع ردك

في عشي;13312992:


لون هذة الغرفة نفس لون غرفة بناتي في ليبيا لما روحنا كملنا لزوق لكن اخسارة صورتة بعدين حد لعب بالكميرا دارله دليت امتسح
بالنسبة للفرشات والرسوم اللي جنب الثريا هذوم قطع انتي اتلصقيهم في الوول فسفوريات وفي الليل يعملو ايضاءة على السقف,,,,,,,,,

هلا في عشي
ربي يحفظلك ها البنوتات
ايه عرفتهم فسفورات لكن محصلتش صوره رسمه فوق حطيتهم هما ;)
شكرا علي الرد

عروسة الاميرات;13313032:
بنات نبى نسالكم وخاصة فى بنغازى من تعرف وين يبعوا فى ماركة cover mark
ان شاء الله يكونا سمها هكى هى ماركة مكياج وتغطيتها ممتازة

أسامة عمري;13315219:
عرايس ننصحكم بكريم الجلاسرين مع الليمون بنات مش عادي ينعم ويبيض بشكل رهيب وانا الأن ماشيه معاه ونجرب فيه والنتيجة التنعيم من الإستخدام الأول

كريم جلسرين نخلطها بالليمون والا هيا كريمة نفسها فيها ليمون؟


بالنسبة لماركة Cover Mark كويسة واني نستعمل في كريم اساس امتعها وشريتها من صيدلية المغرب العربي بحد ريقاطة علي طريق ، وحتى مرة قلت لدكتور جلدية انه نستعمل فيها قالي كويسة


اني عندي مشكلة انه وجهي يكون صااافي واموري تمام ومانستعملش لا كريم اساس لا شئ ومرات فجأة يطلعلي حب في يوم وليلة هو الحب هدا ايجيني من توتر فيه كريمات قالولي تقلص من حب توتر والدورة الشهرية
ياريت اللي عندها اي معلومة تفيدني ،،، اني غر خطيبي سافر اسبوع اللي فات ناض وجهي كله :'( وايجيني في فترة الامتحانات ديمة :'(

مشيت لصالــــــة مـــــــورينا نستفسر عجبتني وبالدات انه نقدر ناخد العشي منهم ويطيب في نفس اليوم ،،،،، بس طريق كانت بايخة يعني جهات مسكرة ومكسرة ويخدموا فيها وهي بعيدة عليا فا حنلغي الفكرة من راسي،،،،،،،،،اللي تعرف صالات جديدة فاتحة حلوة تقولينا

اني حاطة في بالي من قبل صالة الودان كإختيار اول،،،،بس بنزيد نشوف مرات نلقا صالة حلوة وتستاهل وعلى اقل تكون اقل في السعر ،،،،،، شن رايكم انتم يا حبوبات ؟:)

Angel Heart 89;13316142:
مشيت لصالــــــة مـــــــورينا نستفسر عجبتني وبالدات انه نقدر ناخد العشي منهم ويطيب في نفس اليوم ،،،،، بس طريق كانت بايخة يعني جهات مسكرة ومكسرة ويخدموا فيها وهي بعيدة عليا فا حنلغي الفكرة من راسي،،،،،،،،،اللي تعرف صالات جديدة فاتحة حلوة تقولينا

اني حاطة في بالي من قبل صالة الودان كإختيار اول،،،،بس بنزيد نشوف مرات نلقا صالة حلوة وتستاهل وعلى اقل تكون اقل في السعر ،،،،،، شن رايكم انتم يا حبوبات ؟:)

انا عن نفسي حجزت في النواعم لاني حضرت فيها عرس وحدة صاحبة وعجبتني هلبا

حتى انت يا قمر شوفي الصالات اللي حضرتي فيهم اعراس اكيد حتكون في وحدة جت في خاطرك.

وربي يسخر لك الحال ويفتحها عليك:L:F:

سؤال المخالفة
بنات في وحدة تعرف شي مفيد لحب الشباب ولاتار حب الشباب والله استعملت كل الادويةوالكريمات وفيه اللي وصل سعرو 100 دينار ومافيه نتايج للحب
ياريت اللي تعرف شي تفيدني
وكمان ادا جلسات العلاجية للبشرة ممكن تفيديني ولالا