.. █ || « تجهيزات عرائس لشهر شوال 1431 - 2010 م / الجزء = 15.. ♥

أم أسامة أنا عندي قريبتي مزينة وعندها سياره يعني تسوق وتمشي للزباين في الحوش ولو تحبي تمشيلها انتي مافيش مشكله على فكرة حتى اسعارها حلوة والحق خدمتها نظيفه مش لأنها قريبتي بس الحق ينقال

بالله عندي سؤال لهيوله ولاي وحده استعملت الكيراتين وين المكان اللي درتي فيه الكيراتين وشني اسعاره ارجوك المعلومات كامله مع الشكر

تعشق زوجها;13280061:
بالله عندي سؤال لهيوله ولاي وحده استعملت الكيراتين وين المكان اللي درتي فيه الكيراتين وشني اسعاره ارجوك المعلومات كامله مع الشكر

حبوبة انى درته عند وحدة عنده مركز صغير للكيراتين فقط بس ممتاااازة وسعرها مقارنة بالمراكز اللى مدايرة روحها كبيرة يعتبر رخييييييييص تعرفوا وحدة نعرفها داراته عند ديانا اضنى قالت ب 800 لو داراته عن هادى كانت حتقولها 400 او 450 لان شعرها طويل انى شعرى قصير كارى طويل درته ب 275 وكويس جدا .. ولو تبى الرقم نعطيهولك توا وقولها من طرف هايلة لانها بدت صاحبتى هههه والله اليوم عرس خوها وعزمتنى واهوا ممشيتش متحشمة معاها بس ملقيتش كيف ندير للصغار حتا ماما عندها عرس تانى .. المهم شن تبى الرقم ؟؟

ياريت هيوله ماتبيش سؤال حتى اني شعري قصير وقتلك قوليلي شني نوع شعرك وكيف ولى بعد الكيراتين ومنين اخديتي الشامبو والبلسم ونقدر نصبغ ونميش بعده والا قبله
مع خالص شكري وتقديري علي اجابتك السريعه

تعشق زوجها;13280369:
ياريت هيوله ماتبيش سؤال حتى اني شعري قصير وقتلك قوليلي شني نوع شعرك وكيف ولى بعد الكيراتين ومنين اخديتي الشامبو والبلسم ونقدر نصبغ ونميش بعده والا قبله
مع خالص شكري وتقديري علي اجابتك السريعه

والله انى شعرى مش ناعم وطوله فوق الكتف بشوية بس الحمدلله كثيف وبعد الكيراتين ولت فيه اللمعة وطبعا لازم السشوار والمكوى بس ولت سهللللللة يعنى فوقت قياسى ندير فيه ويجى حلو عالاخر نمشى بيه حتا للاعراس :D والشامبو انى خديته منه ب 45 بس فى المحل اللى فى قرجى اسمه راااح منى توا ههههه تاخدى شامبو وبلسم قلوبال متاع الكيراتين ب 45 مع بعض .. والصبغة قبل الكيراتين باسبوع او عشرة ايام او اسبوعين زى مايريحك المهم قبلها باسبوع واركب مش تخلى بيناتهم يومين او تلاتة والقصان بعد الكيراتين باش يتساو الاطراف .. ومبروك مقدما وتوا نبعتلك الرقم

الصراحه مانعرفش كيف نشكرك بارك الله فيك
ولو فيها براده لو تفكرتي اسم المحل متاع قرجي ياريت اتقوليلي عليه

تعشق زوجها;13281093:
الصراحه مانعرفش كيف نشكرك بارك الله فيك
ولو فيها براده لو تفكرتي اسم المحل متاع قرجي ياريت اتقوليلي عليه

والله مشكلتى حافظته صم وديما فيه لكن اللحظة هااادى اسمه التغى من الداكرة .. شوية تو نتفكره ونقولك هههه

شوفي مدام رجاء في مزين زهرة لبنان في بن عاشور
سؤال للمخالفه ... ندور في دورة تعلمية للمكياج ..

السلام عليكم حبيباتي

اخر اخباري امس عشية مشيت لسوق الترسانة حصلت من غادي صندل مناسبة لونه اسود رقيق ب 22 دينار فقط

حاولت انحصل ستيان شفاف كله لكن للاسف المقاسات كلها صغيرة:'(

واطقم داخلية قطنية استعمال يومي نفس الشي اما المقاس صغير او محشي نشاف نين قايل بس:mad:
و الاندر وير اللي تحت الفيلو اندور على الكامل اللي زي الكورسي ما لقيتش:badly:

ممكن ادلوني بنات:p

وفي الزيت اللي ضد الرطوبة اللي اسمه زيرو فريز وين ممكن نلقاه ارجوكم بالتفاصيل كالعادة

بنننننننننننننننننات ماحد جاوبني بخصوص اوباجي عرفتو انا شن نبي اندير بالضبط:

- ازالة اثر حب شباب بسيط مش هلبا في الضهر و الاكتاف
- توحيد لون بشرة الوجه و الجسم بما فيها الاركاب و المرافق شوية مش هلبا
- تنظيف الوجه.

ممكن مع هالتوضيح ادلوني حتى على مكان تاني بسسسسسرعة بليزززززززز:confused:

بعد ما خلصت جولتي امس مريت على مزين زهرة لبنان مدام رجاء لان موعد غسل شعري كان امس ( 4 أيام بعد الفرد). وخديت منها شامبو لوريال 20 دينار بلسم لوريال 15 دينار
ماسك الشعر لوريال 20 دينار وروحت الحوش و غسلت شعري واستعملت الشامبو و البلسم

رهييييييييييييييييييييييييبببب يا بنات مش عادي يعطي الشعر ملمس ناعم :thumbs_up:وصحي
ان شاء الله بعد شهر حنرجع لمدام رجاء باش انقص شعري ونصبغ والله شعري هادا ياما يتحمل مسكين ;)

مممم شن نبي تاني اه المكياج اي احسن ماركة في الوان الاي شدو تنفع للسهرات

بس خلاص.........وسلامتكم :L:F:

اه نسيت المدامات الحبوبات

اي احسن غسو ل للمناطق الحساسة ويكون فيه ريحة حلوة ممكن please

حبيبة أيمن;13282129:
شوفي مدام رجاء في مزين زهرة لبنان في بن عاشور
سؤال للمخالفه ... ندور في دورة تعلمية للمكياج ..

عروسة ليبيا;13246657:

الننس حبيبتي

ال اي لاينر الغليظ حلوووووو
واسهل خصوصا ان الريشه الرقيقه واعره تجي رسمه مش دقيقه

اما الغليظه الي تسالي عليها فا هيا اسهل هلبا و حلوة

وتتحكمي ف رسم وانتي تقدري بالرسمه لو بتحطي الي علا جنب يعني ترسمي بحاشية الريشه تجيك رسمه رقيقه ولو تبي تحطي الريشه بالعرض بتاعها كله تجيك الخط السميك

مش عارف يارب تكوني فهمتي الفكره :rolleyes:

هالنوع من الاي لاينر اسمه ديب لاينر

واني عندي هاااااااااااادا
بتاع قوش حلوووووووووووووووووو

وسعره ممكن 11 لي 13 جني مششششششش اكتر

وفي ارخص

في ماركه تركيه حلوة رخيصه ف ليبيا اسمها غابريناااا وهادي شوفيها ف محلات المكياج العاديه واني قابلتني ف محل مكياج ف صفة صاله لبدا ومره قالبتني ف محل مكياج ف المدينه

هالمحلات الي تلاقي فيها جست كولت وفارمسي وقوش تلاقي عندهم ستاند كامل بتاع ماركات قبرينه وسعرها فجو خمس جني

F:F:F:F:F:F:F:F:

وهادا لعيونك ولعيون البنات رد قديم لي بخصوص حاجات مكياج حلوة وعمليه

ركبو يا بنات من كل ماركه احسن مافيها

خصوصا مكياجكم العملي

لان كل ماركه فيها شي حلو وشي لا

اهو نعيطيك ماركاات مجربتها ومجربه وحلوة

كريم اساس ماكس فاكتر ميبي لين

بودره ماكس فاكتر بودره ديبورا

مسكار برجوا امس نزلت صورتها

قلم كحل اسود عندك لورايال طبييييي وحلوووو لو عيونك تبدا حمرا من الكحل

واى لاينر بتاع عيون الصغير اهوووووو ررررهيب

لي ريشته غليظه ماركه قوش يهبل والرسم بيه ساهل ولون اسود فاحم

في قوش في قلم الحواجب زي بتاعي حلووووو

بما انك ممكن تصبغو في بديري قلم حواجب علا القهوي تو تلاقي قلم حواجب علا البروان وف درجات تاني

اقلام شفايف ماركه فارمسي تركيه تهبل

قلوسات وارواج ماركه فارمسي يهبلو

اقلام عيون ملونه التركواز بتاع قوش يهبل

وحتي متاع فارمسي حلوووووووووووووووووات

اقلام ملونه للعيون

احمر خدود برجوا حلوووو

وعندك بتاع فرمسي الي يجي كور صغيراات مجربته حلو

واحمر الخدود الخفه بتااع الدرجه بتاعه انتي تحكمي لو معبيه فرشه الخدود ادكني لو نفختي عليها شوي يجيك فاتح

الكونسيلر خافي العيوب او المصحح
هذا من برجوا حلووووو

خودن مناديل مسح مكياج في ف ماركه فرمسي وفي في بيبي جونسون

خوذن غسول للوجه عند نتيروجينا عندهم مزيل مكياج يهببببل

وعندهم غسول وجه يومي

وطبعا ما تنسوش تاخذو زبدة الكاكو

هادي تهبل لابيلو منعرفش ف غادي اظني فيه التوت والفرواله احلا 2

ملاحظه ليكي ولي العرايس

اى علبه شدو ماركه او مش ماركه لو تبو الشدو ما يتبزع علا العين وانتو تحطو ولو تبو لوك داكن شوي وتابت

بلو ريشه الشدو او ريشه الظلال بشوي ميه --- وانا نبل فيها بمي ورد

ونعصرها شوي بين صوابعي المهم تكون منديه ونمررها فوق شدو واندير بيها

يعني هكييييي يكون تابت وما يلبزش العيون

وبنقولكم قبل ما تحطو شدو لازم ادير خطوة البودره تحت العين

عشان اى لبز او غبار من شدو

يجي عليها وبعد تكملو تنفضوها

ولي المحافظه علا الميك اب وجودته

خلووو طرف النايلون الي يجي مغلف العلب متاع البورده والشدو

لانه يحفظه اكترررررر ويخلي الصلاحيه بتاعه اطول

واكيد شنطة او جزدان المكياج لحفظه

:L:لعيون عرايس ليبيا:L:

هادي صورة توضح طريقت كسر الرموش لفوق

في حاجه اسمها عاكف الرموش او منظم الرموش او مقص الرموش

وهوا خطوه مهمه قبل المكسرا انك تحطي فيه الرموش وتسكري عليه بشويش بعدها تحولي و

بعدها تحطي الماسكرا

وبتحصلي لوك مميز لعيونك لو بدون كحل حتي مجرد مسكرا

============================

هادي طريقه الصح لي المسكرا ورسم العين
عشان تكوني محترفه

طريقة وضع الماسكارا بالصور

خطوات العمل كالتالي
استخدمي مُنظم الرموش ( اللي يشبه المقص ) رتبي الرموش بوضعها بين القطعتين البلاستيكيتين وبالرفق عليها لاتتقطع :

ارسمي خط بالكحل على الجفن على امتداد العين ثم اسحبي باصبعك للاعلى لنشر اللون لعمل ظل للرسمه

ضعي المسكارا على بدايات منبت الرموش واسحبيها الى أطراف الرموش و حركيها يمينا ويسارا لتتخلل بين الرموش ثم للأعلى.

للرموش السفلى ضعي خط من الماسكارا افقي على الرموش من اليمين لليسار و العكس ، ثم نفس طريقة الرموش العليا خللي فرشاة الماسكارا بين الرموش من منبتها الى الاطراف للاسفل

عندما تنشف الماسكارا اعيدي الكرة من جديد لتكون بلون اغمق وجذاب

===========================

خلاصنا لو عجبكم الرد;) وفادكم قيموني من فضلكم وكرمكم لاني تعبت فيه :confused:
عروسة ليبيا:D

F:F:F:F:F:F:F:F:F:F:F:F:F:F:

وين نلقى ايبيعو فيه ارجو التفصيل

شكرا