.. █ || « تجهيزات عرائس لشهر شوال 1431 - 2010 م / الجزء = 15.. ♥

اه نسيت انقوللكم

اليوم ان شاء الله حنمشي لكوافير زهرة لبنان اللي في بن عاشور مدام رجاء حابة نحجز عندها بش ادير لي فرد الشعر لوريال بنت خالي في بنغازي ادير فيه و تشكر فيه هلبا هلباااااااااا
فحبيت انجربه

و توا انقول للكم شن ايصير في شعري ان شاء الله خير ربي يستر......

عروسة ليبيا لاحظت أنك تحكي على منتجات ( بودي شوب ) حبيت نقولك تجربتي مع مشرياتي من ( بودي شوب ) بس الحق من تركيا ..

هذه للشفايف .. بطعم الكرز .. اتهبل



هذه بودي بتر للجسم برائحة الفراولة خياااااااااااال ..



هذه للتقشير القدمين من الأسفل برائحة النعناع .. أبداااااااااااااااااع ..



هذه تستعمل لتقشير الرجلين ..



هذه ماسك للعيون .. تقدري تحطيه في ماء ساخن جدا و بعدين تستعمليه .. أو تحطيه في الفريز و بعدين تستعمليه ..
يريح العيون من الأرهاق ..



هذه ليفه للدوش ..



هذا مزيل عرق ..



هذا زيت للمساج يدير ريلاكس ..



هذه اداة للمساج ..




هذه بعض مشترياتي و الحق ماركة تهبل و حاجتها حلوة

F: شوفو فساتين بالردي الليبي F:

اهلين بيكم ياحبوبات
اني بندير كيراتين نبي نعرف شن اسم الشامبو والبلسم اللي نستعماه بعد ماندير الكيراتين
وتاني شي نبي نعرف هل كريمات الشعر عادي استعمالها بعد الكيراتين وخاصه كريمات والزيوت اللي تندار مع الاستشوار

anosa 1;13236339:

سؤال ليفة القلافز لدوش العادي او للحمام المغربي؟

حبيبتى انى نستخدم فيه حتا للدوش العادى ممتاااااااااااااااااااااااااااز

بنوته ليبيا;13235904:
اهلين بيكم ياحبوبات
اني بندير كيراتين نبي نعرف شن اسم الشامبو والبلسم اللي نستعماه بعد ماندير الكيراتين
وتاني شي نبي نعرف هل كريمات الشعر عادي استعمالها بعد الكيراتين وخاصه كريمات والزيوت اللي تندار مع الاستشوار

بالنسبة للشامبو المفروض تاخدى نحس ماركة الكيراتين اللى درتيه اكيد فى منه شامبو وبلسم .. او ممكن تستخدمى همالايا لانه خالى من كلوريد الصوديوم وهادى اهم نقطة لان كلوريد الصوديوم ينحى الكيراتين ومعظم الشامبوات والبسلمات فيهم فردى بالك ..

بالمسبة للكريمات والزيوت بعد اسبوع عااااادى ديرى حتا حمامات زيت مفيش مشكلة نهائى ..

ان شاء الله نكون فدتك F:

طرابلس+بنغازي;13233275:
اه نسيت انقوللكم

اليوم ان شاء الله حنمشي لكوافير زهرة لبنان اللي في بن عاشور مدام رجاء حابة نحجز عندها بش ادير لي فرد الشعر لوريال بنت خالي في بنغازي ادير فيه و تشكر فيه هلبا هلباااااااااا
فحبيت انجربه

و توا انقول للكم شن ايصير في شعري ان شاء الله خير ربي يستر......

ان شاء الله تكونى ممشيتيش .. بنقولك الفرد خلاااااااااااااااااااااااااااااااااص معاش يديروا فيه راهو دمار للشعرة .. ديرى كيراتين احسنلك .. هوا صح اللوريال احسن بهلبا من قلات وويلاستريت بس حتا هيا قوية على الشعرة .. وان شاء الله ربى يستر

huda24;13238360:

السلام عليكم يا عرايس

أول شيء نبي نسأل سؤال تكرر واجد فوق وما شفتش عليه اجابة و هوا أفضل ماركة مكواة شعر بلا بخار ؟؟

وحتى نبي نسأل عن منتجات بدي شوب فيه منها في طرابلس او ليبيا بصفة عامة او لا ...؟

واخر شيء نبي نسأل انا شعرتي رطبة وصحية وتهبل بالسشوار لكن تنتفخ بالرطوبة وتولي منفوشة ..و
في بلادنا توا ما فيش رطوبة وشعري ما عنداش مشكلة نهائي.. لكن خطيبي من طرابلس وحنسكن غادي وحتبدأ معاناتي من الرطوبة ..المشكلة اني نخاف نفرده يطيح لأنه نوعيته رطبة ومش قوية تتحمل الفرد ..
فيه ناس نصحوني ندير كريم فرد (دارك اند لفلي للأطفال )باعتبار انه مش قوي ومن جهة تانية ينحيلي النفشة اللي تجي لشعري من الرطوبة فشن رايكم ...؟؟
وبالنسبة للكيراتين يمشي مع شعر زي شعري والا يبي شعرة تتحمل ؟؟

ومشكورين عالرد مسبقا

هلا حبيبتي حتى انا نفس مشكلتك بس والله ما ننصحك بالفرد لأن اختى جرباتا قعد فترة كويس بعدها طيحلها شعرها لكن ننصحك بزيت الرطوبة زيرو فريز من الفواح او بن غشير او عوين او الكوزال وسعره رخيص ممكن 7 دينار تقريبا متوفر في بنغازي

تحياتي لكي وربي يعينك يا عسل ردي بلك من شعرك هوا زينتك امام زوجك

Rose 89;13237278:
اوو

تو انشووووفه

ثانكيييييييييووو

روزا

بخصوص طلبك ممكن تلقي غادى عند البكستانين يبعوا فى الحاجات هذى وموفرين كل شئ بخصوص العطاره اكيد مامتك تعرف

السلام عليكم حبيباتي

انحب نسرد تاريخي الطويل مع فرد الشعر
اولا انا شعري عادي زي اي شعر عربي الشعرة في حد ذاتها مش خشنة بس غليضة ومتعرجة وغير مقاومة للرطوبة:'(

اول فرد استخدمته هو wella strate النوعين القوي و العادي وكان ماشي معاي مش عادي لدرجة اني اندير فيه بروحي مرات تعلمت طريقته من الكوافير لكن بعد فترة معاش قعد متوفر الاصلي فكانت النتائج مش زي ما نبي ننصح بيه في حالة الاصلي ويطبق عن طريق وحدة شاطرة :thumbs_up:

في مرة شفت صاحبتي شعرها مش عادي قالت لي امدايرة جلات جربته بس ما عجبنيش لا انصح بيه:thumbs_down:

بعدين وقفت الفرد نهائي فترة طويلة :worn_out:.......ثم عدنا للملاعب مع فرد جديد مشيت للكوافيرة بحدانا قلت لها نبي نفرد شعري فدارت لي فرد يهبل عجبني هلبا اعتقد الجميع يعرفة اللي باكوه اخضر كبير هو فرد امريكي عبارة عن olive oil relaxer درت عليه بحت عالنت
ومن البحت هادا اكتشفت ان الفرد انواع في straightenersوفي حاجة relaxer :D
والباكو الاخضر اللي قلت لكم عليه هو relaxer يعني عبارة عن حاجة تريح الشعرة من التوتر اللي هي فيه مش تفردلها كراميشها غصب عنها.:mad:
المهم دورت في النت كعادتي كيف انديره بروحي لاني انحب نتعلم كل حاجة بروحي وكنت نبي صوت وصورة امشيت لموقع YouTube ولقيت فيديو كيف انديره وفعلا طبقته وكانت النتيجة مرضية جدا جدا :cool:
وتوا حابة انجرب الفرد الجديد امتاع لوريال او ممكن الكرياتين مش عارفة بالضبط

واللي تسأل في نفسها يا ترى شعرها شن شكله ؟ :confused: الحمد لله شعري يستحمل المعاناة ما فيش اي مشاكل خطيرة حتى لما يكون فيه مشكلة زي مشاكل اي شعر تاني بعض التقصف البسيط ممكن يطيح فترة الخريف زي اي شعر تاني بس الحمد لله صاغ سليم
وحتى الاهتمام بيه زي اي حد اتجي فترات نهتم بيه حمام زيت وزبدة و غيره وفترات لاشي.

يعني الفرد ما هواش حاجة مخيفة لو عرفنا النوعية اللي تمشي مع شعرنا واحني شن نبو بالضبط نبو نفردو الشعرة والا مجرد انريحوها بش اتكون اكتر طواعية لينا وايضاً لازم اللي يبي ايديرلنا الفرد لازم يكون فاهم كويس و يخاف على شعرك......

ملاحضة اخيرة ليش الجميع يتحشم ايقول انه يستعمل في فرد لشعره الفرد مش بس لشعر السمر زي ما يقول البعض هو لجميع انواع الشعر اللي محتاج لتهذيب واصلاح وتربية:p
بالنسبة للاخت اللي مهبلتها الرطوبة انا من فترة طويلة مشيت لفيكي درت عندها حاجة اسمها كريم ضد الرطوبة بصراحة حلو هلبا انا درته في الشتي وكنت مش متحجبة وكانت حتى زخات المطر البسيطة لاتؤثر فيه ابدا :thumbs_up:بس فيه عيبين:thumbs_down:
- الاول غالي شوية نتفكر شعري كان قصير بكل رقبتي كانت تبان وكلفني فوق المية جنيه
- الثاني شعري طاح بعدها بس مش عارفة منه هو او من حاجة تانية والصراحة معاش جربته بعدها


ارجو اني انكون افدت الجميع ..

بس خلاص.......وسلامتكم. :L:F:

شن قصة البخار واللي مش بخار واي نوعية ناخد المسطحة والا اللي زي المقص ولو حابة اندير شعري فلو اي وحدة احسن

اوعك تاخدى هكى



صوابعك يتعبوا والشعر يحصل ومتحصليش نتيجة اوى والله انى جربتها بجديات اخى

ديما خودى هكى



خاصة ghd تقدرى اديرى بيها ستريت وفلو ومموج وكانك شريتيها عادة معاها سى دى يوريك كيف .. :thumbs_up:

وهل درجات الحرارة للمكواة زي نظام الاستشوار و الا في اختلاف

حبيبتى المكوى بعيدة كل البعد عن السشوار .. يعنى متقدريش حتا تقارنيهم :worn_out:

شكرا حبيبتي هايلة وين ممكن نلقاها لاني اليوم طالعة
ممكن اسم المحل المكان بالتفصيل و السعر لو سمحتي انا من سكان طرابلس

سؤال للمخالفة :- وين يقع محل الدالي في طرابلس ؟ هو للعطريات فيه حد سامع فيه؟

طرابلس+بنغازي;13241333:
شكرا حبيبتي هايلة وين ممكن نلقاها لاني اليوم طالعة
ممكن اسم المحل المكان بالتفصيل و السعر لو سمحتي انا من سكان طرابلس

هايلة عندها موقع الكتروني في حاجات حلوة

وفي مكواة الشعر ghdوفي حاجات اخره مستلزمات نزيكات وباسعار

وتجيك لعند حوشك وتوه هيا تجي تعطيك بزبط التفصيل

يا ريت تعطوني الموقع وطريقة الطلب من الموقع وطريقة الدفع وشكرا

بنااااااات طرابلس وين نلقى hair thermal protector

حبيبة ايمن الدالي في راس حسن جنب مخبز الارض الطيبة